Britani, May zëvendëson të larguarit

22:27 | 16/11/2018

Stefen Berklej është konfirmuar si ministri i ri i Brexit në kabinetin e kryeministres Thereza Mej, që po përpiqet të plotësojë vakancat. Berklej, deri më sot ministër për Shëndetësinë dhe Kujdesin Social, zëvendëson në këtë detyrë Dominik Reb, që dha dorëheqjen një ditë më parë, në një nga momentet kulmore për marrëveshjen e Breksit.

Sipas BBC, ministri i ri do të fokusohet në çështjet e brendshme të operacionit të daljes nga Bashkimi Europian dhe jo në negociatat me Brukselin. Më herët gjatë së premtes, Amber Rud u emërua ministre e Punës dhe Pensioneve, duke zëvendësuar Ester Mek Vej, që një ditë më parë dha dorëheqjen po për shkak të Breksit.

Ndërkohë, qeveria ka njoftuar edhe zëvendësimin e dy ministrave të rinj, që po ashtu u tërhoqën për shkak të përplasjeve me kryeministren Mej lidhur me marrëveshjen e negociuar me BE-në./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono