Britani, 1 milion e gjysmë firmat e peticionit kundër mbylljes së parlamentit

22:00 | 29/08/201922:000

Ka kaluar kuotën e 1 milion e gjysmë numri i firmave për peticionin që i kërkon qeverisë britanike të mos pezullojë Parlamentin pak javë përpara skadimit të afatit të Breksit. Lajmin e bëjnë të ditur mediat britanike. Mbledhja e firmave nisi ditën e mërkurë, kur kryeministri Boris Xhonson bëri publik planin e tij, që pak orë më vonë u miratua edhe nga mbretëresha, por u kontestua nga opozita britanike. Kryetari i laburistëve, Xheremi Korbin deklaroi sërish ditën e enjte se periudha e mbetur nga 3 deri më 9 shtator, kur Parlamenti do të shpërbëhet, duhet të shfrytëzohet për miratimin e një ligji që parandalon daljen e Britanisë nga Bashkimi Europian pa një marrëveshje. “Do të përpiqemi ta parandalojmë përmes një procesi parlamentar daljen pa një marrëveshje dhe po ashtu mbylljen e Parlamentit në këtë periudhë të shkurtër, por vendimtare”, deklaroi Korbin. /ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono