Brexit, Timmermans: Ministrat britanikë silleshin si idiotë

13:45 | 19/07/2019

Zv/presidenti i Komisionit Europian Frans Timmermans i ka cilësuar ministrat britanikë si idiotë, në momentet e para të negociatave për Brexit. Reagimi i Londrës ka qenë i menjëhershëm me ministrin për Brexit që e ka cilësuar Timmermans si një djalë budalla.

Ministrat britanikë silleshin si idiotë kur erdhën fillimisht për të negociuar për Brexit. Në këtë mënyrë shprehej zv/presidenti aktual i Komisionit Europian Frans Timmermans në një intervistë për BBC Panorama.

“Herën e parë që pashë deklaratat publike të David Davis dhe pashë që nuk po vinte, nuk po negocionte, nuk kishte peshë, mendova, o zot këta nuk kanë asnjë plan. Ishte e sikletshme pasi ishte diçka e dukshme. Madje komike, si në një serial komik ku protagonist luan rolin e idiotit”.

Reagimi i Londrës ka qenë i menjëhershëm nëpërmjet ministrit për Brexit, Martin Kallanan. Ai tha se Timmermans duhet të frenonte pak dhe nuk duhet të sillet si një djalë budalla.

Goditja e ulët vjen në një moment që Mbretëria e Bashkuar është në pritje të kryeministrit të ri, i cili ka shumë mundësi të jetë ish-ministri i Jashtëm Boris Johnson. Ky i fundit premtoi se do të përfundonte Brexit brenda muajit Nëntor.

Edhe pse në të enjten dhoma e përbashkët votoi një amendament që mund të pengojë planet e Johnson për një Brexit pa marrëveshje, dhe pa debate të tjera në parlament./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono