Brexit, Mbretëresha firmos ligjin: Ndalohet largimi nga BE pa marrëveshje

20:30 | 09/09/201920:300

Mbretëresha Elizabeth ka firmosur ligjin që i ndalon qeverisë britanike të largohet nga BE-ja pa një marrëveshje. Ligji ishte promovuar nga fronti kundër linjës së kryeministrit Boris Xhonson, i cili kërkon ta nxjerrë Mbretërinë e Bashkuar nga Unioni me çdo kusht. Lajmi është bërë i ditur nga mediat britanike, që i referohen një konfirmimi të Dhomës së Lordëve. Ligji, që synon t’i imponojë kryeministrit kërkesën kërkesën për një shtyrje të daljes nga BE-ja përtej 31 tetorit në rast se nuk arrihet një marrëveshje me Brukselin, ka hyrë tashmë në fuqi. Por në një reagim, zyra e kryeministrit ka deklaruar se ai do ta çojë deri në fund procesin e Breksit. “Kryeministri është shumë i qartë kur thotë se do ta nxjerrë vendin nga BE-ja më 31 tetor. Ai nuk do të shkaktojë më vonesa të panevojshme”, thuhet në një deklaratë. /ABC news Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono