Blog

Bring to the table win-win survival strategies to ensure proactive domination. At the end of the day, going forward, a new normal that has evolved from generation.
Gjoka-e1579972213707.jpg
Veronik Istrefaj23:41 | 25/01/2020

Ernest Gjoka është një ndër trajnerët më të suksesshëm shqiptarë të viteve të fundit dhe pasi fitoi titullin kampion dhe dy Kupa të Shqipërisë në futbollin tonë, vendosi të vazhdojë një aventurë të re në Maqedoninë e Veriut, aty ku po drejton Shkëndijën e Tetovës.

Edhe te kuqezinjtë, Gjoka po bën një punë shumë të mirë, ku përveç rezultateve në fushën e lojës, ka rikthyer dhe frymën e duhur në ekip. Kjo gjë shihet edhe në videon e postuar nga klubi i Shkëndijës pak çaste më parë.

Futbollistët e kuqezinjve kanë surprizuar trajnerin e tyre, i cili feston ditëlindjen e tij sot. Gjithçka duket në normalitet dhe Gjoka po shpjegon ushtrimet për seancën stërvitore. Papritmas, lojtarët i afrohen dhe e rrethojnë, duke e hedhur më pas në ajër dhe duke festuar. Fryma te ekipi i Shkëndijës duket ajo e duhura ndërsa ne, i urojmë dhe 100 vite të lumtura teknikut kryeqytetas./abcnews.al

Rey-Manaj-1280x771.jpg
Veronik Istrefaj23:18 | 25/01/2020

Rey Manaj debutoi me Barcelona B sot në takimin kundër Ejea, sfidë të cilën e luajti si titullar. Me numrin 22 mbi shpinë, sulmuesi shqiptar ishte një shqetësim konstant për mbrojtjen mike. Barcelona arriti ta fitojë pastër 2-0 këtë takim dhe Manaj ishte dy herë pranë golit.

Fillimisht, bomberi kuqezi është i pafat, pasi goditja e tij me të majtën në hyrje të zonës, shkon ngjitur me shtyllën e djathtë pingule të portierit kundërshtar, i cili mbeti në vend i palëvizur. Ndërsa në minutën e 72-të, Manaj arrin të gjejë rrjetën, por goli i tij anulohet për shkak të një faulli të mëparshëm gjatë aksionit.

Një debutim pozitiv deri diku ky i sulmuesit kuqezi, i cili duket se ka të sigurt vendin e titullarit në majë të sulmit./abcnews.al

Rasti i humbur i Rey Manaj:

Banega-Ever.jpg
Igli Nikolli22:59 | 25/01/2020

Ever Banega po zhvillon sezonin e fundit me Sevilla. Organizatori argjentinas del lojtar i lirë në fund të sezonit dhe ka zgjedhur ekipin ku do të vijojë karrierën. 31-vjeçari do të transferohet në verë të Al Shabab, aty ku ka firmosur një kontratë 3-vjeçare.

Klubi nga Arabia Saudite ka zyrtarizuar marrëveshjen me anë të një postimi në rrjetet sociale. Banega ka shënuar dy gola dhe ka dhuruar shtatë asiste këtë sezon me ekipin andaluzian.

Mesfushori latin ka një eksperiencë të madhe mbi supe, teksa është aktivizuar me skuadra si Boca Juniors, Valencia, Atletico Madrid dhe Inter. Banega numëron edhe 65 ndeshje të zhvilluara me Argjentinën, teksa ka shënuar gjashtë gola. /abcnews.al

Ilicic.jpg
Veronik Istrefaj22:40 | 25/01/2020

Atalanta është rikthyer të jetë e frikshme pas disa ndeshjeve jo në nivelin e duhur. Të besuarit e Gasperinit kanë shkatërruar Torinon me rezultatin e thellë 0-7, duke mos treguar aspak mëshirë kundër një kundërshtari që bëri një ndeshje për t’u harruar.

Ilicic shënoi tripletë në këtë takim dhe mëngjarashi, ishte njeriu i ndeshjes. Madje, goli i dytë i tij, ishte fenomenal. Lojtarët e Torinos prekin topin me dorë në mesin e fushës dhe gjyqtari akordon faull.

Sulmuesi i Atalantës nuk mendohet dy herë dhe gjuan fort nga distanca, duke i shtangur të gjithë dhe duke shënuar një gol të çmendur. Gosens dhe Zapata shënuan gjithashtu në pjesën e parë, ndërsa dopieta e Muriel në minutat e fundit, vendosi rezultatin final të sfidës në 0-7./abcnews.al

Screenshot_4-4.png
R D22:33 | 25/01/2020

Urgjenca e Pediatrisë në spitalin Universitar “Nënë Tereza” kishte një fluks të madh fëmijësh të prekur nga gripi dhe virozat. Prindërit kontaktuan Abc News për të pasqyruar situatën e pritjes me orë të tëra, për të marrë shërbimin mjekësor. Por jo vetëm urgjenca është e tejmbushur, as në pavione nuk ka më vende për të shtruar fëmijët.

Radhë të gjata deri në oborr… kjo është situata mbrëmjen e të shtunës në Urgjencën e Pediatrisë në Qendrën Spitalore Universitare në Tiranë. Prindër të shqetësuar kontaktuan me abcnews.al për shkak të situatës me të cilën janë përballur teksa kanë sjellë fëmijët e tyre të sëmurë. Jemi në stinën e virozave dhe gripit, ndaj shenjat shfaqen më të rënduara tek të vegjlit. Por në shërbim sipas prindërve janë vetëm dy mjekë, ç’ka bën që pritja e tyre për vizitë, të zgjasë disa orë.

Pritët gjatë?

“Kam 4 orë me fëmijën e sëmurë në dyert e urgjencës… Kam dy javë që e çoj në ambulancë, mjekimi s’ka dhënë rezultat. Ambulanca më ka sjellë këtu për shërbim të specializuar. 4 orë me fëmijën e sëmurë dhe s’po arrij ta vizitoj”, thotë një nënë.

Rradhët janë brenda e jashtë Urgjencës. Prindër e fëmijë qëndrojnë ku të munden, jo vetëm në korridoret por edhe nëpër makina, në oborr.

“Kam dy orë me fëmijën me temperatutë dhe të vjella. Askush nuk na jep shpjegim. Shiheni vetë”, thotë një tjetër prind.

Dy mjekë duken të pamjaftueshëm për të përballuar këtë fluks vizitash, por nga ana tjetër, personeli shfaq shqetësim nga prania e kamerave, të cilat nuk lejohen të pasqyrojnë këtë situatë në ambientet e brendshme të urgjencës së pediatrisë.

“I kemi fëmijët me 40 i mbajmë në makinë. Dy mjek, por njëri pi kafe tjetri viziton. Këtu janë 400-500 vetë, s’na bie radha. I mbajmë kështu të sëmurë”, shprehet një tjetër prind.

Rasti më kritik është një foshnje 1 muajshe e gjysëm, mjekët e Urgjencës i kanë thënë se duhet shtruar, por pavioni s’ka vende. Nëna apelon të gjendet një zgjidhje për foshnjen e saj. /abcnews.al

Realdo-Fili-Luftetari.jpg
Veronik Istrefaj22:28 | 25/01/2020

Realdo Fili duket se e ka gjetur skuadrën e re. Siç raportojnë mediet rumune, sulmuesi shqiptar ka firmosur me ekipin e Botosanit. 23 vjeçari ishte pjesë e Luftëtarit, ekip nga i cili u largua gjatë këtij muaji janar.

Fili kishte disa probleme me klubin gjirokastrit dhe gjatë kësaj merkato dimri, vendosi të largohej dhe të provojë një aventurë të re në një kampionat të huaj.

Dëshira e 23 vjeçarit duket se do të realizohet dhe fieraku do të veshë fanellën e Botosanit. Nga klubi rumun, nuk ka ende një zyrtarizim sa i takon firmës me “ish”-in e Luftëtarit, por vetë Fili ka publikuar një foto me fanellën e Botosanit në rrjetet e tij sociale./abcnews.al

Egbo-Tirana-2.jpg
Veronik Istrefaj22:10 | 25/01/2020

Tirana nuk mendon aspak fitimin e titullit, por ndeshjen e radhës. Trajneri Emanuel Egbo vlerëson Luftëtarin, në prag të duelit të javës së 19-të të Superligës në “Selman Stërmasi”.

Thjeshtësia është virtyt i madh, dhe për fat ai e ka. Emanuel Egbo është po aq i urtë sot pas katër fitoreve radhazi me Tiranën në Superiore, sa edhe para ndeshjes së tij të parë, derbit.

Në radhë është Luftëtari, një ekip teorikisht i lehtë, pasi ndodhet i parafundit.

“Ne e dimë pak a shumë çfarë ekipi ka Luftëtari, siç e kam thënë gjithmonë, nuk ka ekip të vogël në Kategorinë Superiore. Të gjitha ekipet për mua janë njësoj, ka 11 lojtarë brenda fushës. Ai ekip që vrapon më shumë, del triumfues”.

Mos ka eufori tek lojtarët pas 4 fitoreve radhazi?

“Ka filluar faza e tretë, ka dhe një fazë të katër, pra ka dhe shumë ndeshje. Unë e kam thënë gjithmonë, Tirana duhet të mendojë vetëm ndeshje pas ndeshje. Nuk po mendoj për titullin kampion. Pastaj në fund, do të bëjmë llogaritë”.

Si ndikojnë fitoret radhazi në ecurinë e skuadrës?

“Rruga është akoma shumë e gjatë, ne gjithmonë do të vazhdojmë. Sa më shumë ndeshje do të fitojmë, aq më shumë do të rritet vetëbesimi dhe vazhdimësia do të jetë e mirë. Sa më mirë do të luajmë, aq më shumë pikë do të marrim dhe aq më mirë do të jetë ekipi”.

Tirana është vetëm një pikë larg kreut, ndërsa Egbo nuk e mohoi mundësinë që mund të bëjë edhe ndonjë përforcim tjetër në janar./abcnews.al

nena-me-foshnjen-1280x855.png
R D21:59 | 25/01/2020

Një nënë detyrohet ta ushqejë dhe ndërrojë foshnjen 1 muajshe e gjysmë në makinë, në temperatura të ulëta. Ajo ka dy ditë që shkon në Urgjencën e Pediatrisë në QSUT, por askush nuk shqetësohet për gjendjen e fëmijës. Kolla i dëgjohet qartë edhe për ato pak minuta që qendron para kameras.

Nëna e foshnjes tejet e shqetësuar kërkon ndihmë:

“U bë 2 orë që po pres me foshnjen këtu në makinë. E kemi sjellë ditën e parë dhe mjekja dha se kjo ka nevojë të shtrohet në pavion por nuk ka vende. I thashë si do bëhet, por s’mora përgjigje. Po vijnë të tjerë nga Shkodra dhe po i shtrojnë. Unë e kam shtëpinë këtu afër (tek Amerikani) vjen fundi nuk ka vende…Po si do bëhet me këtë fëmijë tani?!”, apelon ajo përmes mikrofonit të Abc News.

Fluksin e lartë në Urgjencë dhe mungesën e sherbimit e kanë përshkruar edhe prindër të tjerë:

BAtshuayi-Chelsea.jpg
Veronik Istrefaj21:54 | 25/01/2020

Edhe ekipi i Chelsea ka arritur të kualifikohet për raundin e pestë të FA Cup. Blutë e Frank Lampard nuk pushuan thuajse fare, pasi vetëm pak orë më parë, u ndeshën me Arsenalin në Premier League, një sfidë shumë e luftuar deri në minutën e 90-të.

Përballë Chelsea, qëndroi Hull City, që bëri një pjesë të dytë shumë të mirë, por në fund u mposht me rezultatin 1-2. Batshuayi dhe Tomori shënuan për Blutë e Londrës, ndërsa Grosicki shkurtoi për Hull Cityn. Edhe pse “Tigrat” bënë një ndeshje shumë të mirë në minutat e fundit, por nuk arritën të barazonin.

Chelsea kështu i bashkohet skuadrave të kualifikuara në raundin e pestë, aty ku kanë kaluar shumica e ekipeve të Premier League deri më tani. I vetmi ekip i elitës angleze që nuk është kualifikuar, është West Ham, që zhgënjeu përballë West Bromwich./abcnews.al

trajler.jpeg
R D21:41 | 25/01/2020

Një aksident është regjistruar në orën 19.30 në aksin Librazhd-Prrenjas, në vendin e quajtur “Kthesat e Dragostunjës”. Automjeti i tonazhit të rëndë, trajler me targë AA552RS me drejtues Gëzim Hykën ka humbur drejtimin e lëvizjes dhe për pasojë ka dalë jashtë rruge. Gazetari i Abc News, Aldo Kozaria raporton se drejtuesi i mjetit nuk ka pësuar lëdime.

Rruga Librazhd-Prrenjas është bllokuar për disa minuta, ndërsa aktualisht është e qarkullueshme në njërin kah. Ndërkohë policia po punon për zbardhjen e shkaqeve të aksidentit, nga ana tjetër po punohet edhe për nxjerrjen e trajlerit nga vendi ku ka rënë. Paraprakisht dyshohet se humbja e drejtimit të trajlerit mund të ketë ardhur nga mbizotërimi i motit të keq i shoqëruar me mjegull e stuhi.
/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono