Bisedimet, ekipi negociator dhe presidenti Thaçi mbajnë qëndrime të ndryshme

13:18 | 17/12/2018

Ekipi negociator që ka marrë tashmë miratimin e parlamentit të Kosovës për të drejtuar bisedimet në Bruksel përballë Serbisë, nuk zbeh aspak rolin e presidentit Thaçi në këtë tryezë. Analistët kosovarë shprehen se pavarësisht qëndrimeve të kundërta të dy palëve nuk pritet të ndodhë asgjë e re.

Pavarësisht se deputetët e partive në pushtet në Kosovë dhe ata të Partisë Socialdemokrate të shtunën votuan rezolutën dhe ekipin negociator për dialogun me Serbinë, një gjë e tillë nuk pritet të zbehë rolin e presidentit Hashim Thaçi në këtë process. Në një analizë të së përditshmes kosovare “Zëri”, shkruhet se monitoruesit e procesit të dialogut, janë të mendimit se kreu i shtetit do të vazhdojë t’i udhëheqë negociatat me Serbinë sipas mandatit kushtetues. Megjithatë, përfaqësuesit e partive që janë pjesë e delegacionit konsiderojnë se roli i ekipit do të jetë shumë i rëndësishëm në bisedimet me Serbinë.

Madje ata janë shprehur të vendosur se rezoluta e miratuar do të ruajë sovranitetin dhe integritetin territorial të Kosovës pavarësisht pretendimeve të kreut të shtetit për korrigjim të kufijve. Por njohësit e çështjeve politike vlerësojnë se pikërisht ideja e korrigjimit do të bëhet shkak i përplasjes dhe përçarjeve në mes ekipit negociator dhe presidentit.

Ndërkohë, edhe pse partia socialdemokrate tashmë është bërë pjesë e delegacionit, dy partitë e tjera opozitare Lidhja Demokratike e Kosovës e Lëvizja Vetëvendosje kanë kritikuar ashpër këtë veprim, duke theksuar se një përfshirje e tillë nuk garanton zgjidhje./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono