Bie eksporti i frutave dhe zarzavateve për herë të parë pas 10 vitesh

15:07 | 26/10/2018

Eksporti i frutave dhe zarzavateve ka pësuar një rënie të konsiderueshme gjatë 9-mujorit të vitit 2018. Sipas të dhënave zyrtare të INSTAT kemi një rënie prej 1.8% në krahasim me 9-mujorin e një viti më parë. Kjo ështe rënia e parë që nga viti 2009.

Pas ritmeve me rritje të konsiderueshme vitet e fundit, eksportet e frutave dhe zarzavateve duket se i janë kthyer sërish rënies gjatë vitit 2018.

Sipas të dhënave zyrtare të INSTAT, vlera e eksporteve të frutave, perimeve dhe zarzavateve në 9-mujorin e 2018 ishte gjithsej 5.6 miliardë lekë me një rënie prej 1.8% në krahasim me 9-mujorin e një viti më parë.

Kjo ështe rënia e parë që nga viti 2009. Ritmet e rënies me gati 2% në janar-shtator 2018 vijnë pas një rritje sistematike, ku në vitin 2016 eksportet nga ky grup u rritën me 31% në raport me 9-mujorin e 2015, ndërsa për të njëjtën periudhë, rritja në 2017 ishte 33% në raport me 2016. Ulja e prodhimit vendas ka sjellë gjithnjë e më tepër rritje të importeve. Në këtë periudhë kur tregjet e pakicës në Tiranë mbuloheshin nga prodhimi vendas, sot ato dominohen nga prodhimet e importit.

Fermerët nga zonat më prodhuese të vendit pohojnë se këtë vit kishte më pak mbjellje të zarzavateve.

Sipas INSTAT, eksportet e frutave dhe zarzavateve arritën në 9.6 miliardë lekë më 2017, me një rritje 21% nga viti 2016. Ndërsa importet arritën në 8.3 miliardë lekë, me një rritje prej 0.2% kundrejt vitit 2016. Si importet dhe eksportet janë rritur që nga viti 2012, por shitjet jashtë vendit janë rritur me ritme më të shpejta. Në pesë vitet e fundit, eksportet e frutave dhe zarzavateve janë pesëfishuar, nga 1.8 miliardë lekë më 2012 në 9.6 mld lekë në 2017, ndërsa importet janë rritur në pesë vite me 11%. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono