Betohet Kryeministri i ri i Greqisë

13:00 | 08/07/201913:000

Kreu i “Demokracisë së Re”, Qiriakos Micotaqis është betuar si Kryeministri i ri i Greqisë pas fitores në zgjedhjet e parakohshme të së dielës. Ai u betua në presidencë mbi biblën e më pas u drejtua në zyrën e kryeministrit në largim Aleksis Tsipras, i cili i dorëzoi detyrën. Ndërsa përbërja e qeverisë do të bëhet publike mbrëmjen e sotme. Kurse nesër kabineti i ri qeveritar pritet të bëjë betimin.

Demokracia e Re fitoi bindshëm zgjedhjet ne Greqi, duke u rikthyer në pushtet pas 4 vitesh. Partia konservatore e drejtuar nga Qiriakos Mitsotaqis, sipas të dhënave të Komisionit të Zgjedhjeve, mund të ketë siguruar 158 vende në Parlamentin me 300 vende të Athinës, duke pasur kështu mundësi të krijojnë të vetëm qeverinë.

SYRIZA e Tsiprasit ka marrë 86 vende, ndërsa PASOK 22 vende. Në parlament pritet që të hyjnë dhe disa forca të tjera si komunistët apo Zgjidhja Greke e ish-ministrit Janis Varoufakis, ish-krahu i djathtë i Aleksis Tsipras. Ndërsa neonazistët e Agimit të Artë nuk do të jenë më në Parlament, pasi nuk kanë arritur të sigurojnë asnjë vend.

Zgjedhjet e parakohshme në Greqi u thirrën me kërkesë të Kryeministrit Tsipras, pas humbjes së thellë që pësoi partia e tij SYRIZA në zgjedhjet lokale dhe ato europarlamentare të Majit në Greqi./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono