Betohen në Kuvend 4 deputetët e rinj nga listat e LSI

11:10 | 05/03/2019

Kuvendi i Shqipërisë do të ketë katër deputetë të rinj. Ata kanë dalë nga lista shumëemërore e Lëvizjes Socialiste për Integrim dhe u betuan në parlament në seancën e së martës ndërkohë që jashtë dyerve të tij opozita po vijonte protestën.

Ylli Shehu zëvendëson deputeten e Tiranës Florida Kërpaçi. Edmond Rrushi ulet në vendin e ish-deputetit të Tiranës Endrit Brahimllari. Aurora Mara zëvendëson në Kuvend deputetin e Dibrës Përparim Spahiu.

Enver Rroshi përfaqëson në Kuvend Qarkun e Elbasanit në vend të deputetit Edmon Haxhinasto.

Para se të zinte vendin në ulësen e opozitës deputeti Ylli Shehu tha se bëhej pjesë e parlamentit pasi nuk mund t’i zhgënjente votuesit.

Ndërkohë katër kandidatë të tjerë kanë dorëzuar formularin e dekriminalizimin në Komisionin Qendror të Zgjedhjeve duke kërkuar të marrin mandatin e deputetit.  Bëhet fjalë për dy kandidatët te Lëvizjes Socialiste për Integrim, Erdiola Braha nga Qarku i Gjirokastrës  dhe Elda Hoti nga ai i Lezhës.  Ndërsa nga Partia Demokratike formularin e dekriminalizimit e ka dorëzuar Majlinda Halilaj nga Qarku i Tiranës dhe Ligoraq Karamelo nga ai i Korçës./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono