Betohen kryetarët e rinj të bashkive në Divjakë, Korçë dhe Tepelenë

15:24 | 30/07/201915:240

Tre kryetar të rinj janë betuar këtë të martë dhe kanë nisur zyrtarisht detyrën në bashkitë përkatëse. Konstituimi u bë në Divjakë, Korçë dhe Tepelenë.

Fredi Kokoneshi u betua për herë të tretë në krye të Bashkisë Divjakë. Ndonëse në zgjedhje pa garë, ai u shpreh i keqardhur se do të donte një proces me rivalë, por kjo nuk ndryshon asgjë. Kurse zv/kryeministrin Erjon Braçe, dhe deputet i Divjakës, kërkoi të mos krijohet vakum nga disa kryetarë bashkiakë të opozitës të cilët nuk lirojnë zyrat.

Pas konstituimit të bashkive të Devollit Maliqit dhe Kolonjës, paraditen e së martës është konsituuar edhe këshilli bashkiak i Korçës. 41 këshilltarët e rinj, ku 33 janë të PS dhe pjesa tjetër të partive të vogla të koalicionit të majtë.  Sotiraq Filo, bëri betimin, duke marrë zyrtarisht detyrën e kryetarit te të bashkisë për 4 vitet e ardhshëm.

Kryetari i Bashkisë së Tepelenës Tërmet Peçi u betua për mandatin e tretë të qeverisjes lokale. Në Durrës Gjykata e Apelit ka shfuqizuar vendimin e gjyqtares së Shkallës së Pare Mimoza Margjeka lidhur me vërtetimin e mandatit të kryetares së bashkisë Valbona Sako.

Apeli ka rrëzuar vendimin e Gjykatës së Shkallës së Parë duke pushuar kështu çështjen kundrejt kryetares së re të Durrësit të dalë nga zgjedhjet lokale të 30 Qershorit./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono