Berisha për marrëveshjen e detit: Rama shiti Presidentin Meta tek grekët

22:30 | 18/10/2018

Lidhur me marrëveshjen e detit me Greqinë, Berisha tha se Tirana zyrtare ndërhyri në një çështje e mirëpërcaktuar për t”u miratuar nga Gjykata kushtetuese. Berisha akuzoi Ramën se e shiti presidentin Meta tek grekët si pengesa për këtë marrëveshje vetëm se kreu i shtetit kërkon sipas ligjit që miratimi i marrëveshjes për detin të bëhet kur të ngrihet Gjykata Kushtetuese.

“Ndërhyrja e Tiranës zyrtare në një çështje në zgjidhje e sipër për një çështje që ishte dakordësuar të shkonte në gjykatë, pasi morën nga Presidenti fuqinë shkuan në negociata. Shitën kreun e shtetit tek pala greke, akt i turpshëm e i paimagjinueshëm se çdo njeri që lexon vendimin e Gjykatës Kushtetuese e kupton se s’ka rrugë tjetër. Tani Kocias iku, por fryma është aty. Edi Rama është sjellë si bastard, vuri si pengesë kreun e shtetit”– deklaroi Berisha.

Ish-kryeministri Sali Berisha thotë se plani B i opozitës ëshë përmbysja me forcë dhe sa më shpejt e kryeministrit Rama. I ftuar në studion e Mirela Milorit në ABC News, ish kryeministri tha se aktualisht opozita po bën detyrën e vet, pra denoncimin e çdo akti të kësaj mazhorance dhe lidhjet e saj me krimin. Berisha i qëndron idesë se me Edi Ramën nuk ka zgjedhje, por tha se ai nuk e nxit idenë e bojkotit dhe mbështet përpjekjet për përmirësimin e sistemit të zgjedhjeve në Shqipëri.

I pyetur për iniciativën ligjore të kryeministrit për mbylljen e lojrave të fatit, Berisha tha se Rama po e monopolizon në favor të familjes së tij politike e biologjike.

Ish-kryeministri vijon të jetë kundër idesë së ndryshimit të kufijve të Kosovës me Serbinë e përsëriti se është plan serb që po ndihmohet nga një grusht argatësh shqipfolës në Prishtinë. /abcnews.al

 




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono