Bën operacion duke përdorur dokumente false, burg 31-vjeçares shqiptare

08:42 | 19/04/2018

Një shqiptare është dënuar me burg për mashtrim pasi përdori dokumente false për të bërë një transplant veshkash në Britaninë e Madhe.

Fatmira Tafa, 31 vjeç, kishte udhëtuar nëpër të gjithë Europën, në bagazhin e një kamioni që të takohej, sipas Daily Mail, me Ndriccim Begasin, që ajo e kishte njohur online.

Dy vite më pas, Tafa vuajti nga disa probleme me veshkën dhe ndërmori një transplant, që i kushtoi shërbimit shëndetësor Britani rreth 72.468 paund.

Gjykata në Cardiff dëgjoi se 31-vjeçarja kishte përdorur një kartë identiteti greke false, me emrin Eleni Manola dhe filloi duke përfituar shërbime sikur të ishte një qytetare e Bashkimit Europian.

Sipas BBC, identiteti i saj i vërtetë u zbulua në 2017-n, kur ajo ia tregoi gjitçka një infermiereje gjatë një takimi me të.

Prokurori i çështjes, Steven Donoghue, tha se ajo e kishte kryer operacioni sepse e kishte nxitur i dashuri, por ai ishte deportuar në Shqipëri më vonë. Tafa tha se kishte shkuar në Britani për të dashurin e saj dhe kishte menduar që ky i fundit do të kishte dokumente të ligjshme për të.

Ndërkohë, avokati i shqiptares, Andrew Davies, tha se 31 vjeçarja ishte e detyruar të bënte operacionin për shkak se rrezikonte vdekjen.

Gjithashtu mësohet se Tafa ka bërë aplikimin për të përfituar azil në Britani, por asnjë nga këto nuk e bindi gjyqatarin e çështjes që t’i jepte asaj një dënim me 14 muaj burg për mashtrim dhe përdorim të dokumenteve false./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono



TE FUNDIT