Belgjika mund 4-1 Kosta Rikën
Eden Hazard of Belgium during the friendly match between Belgium and Mexico on November 10, 2017 at the Koning Boudewijn stadium in Brussels, Belgium.(Photo by VI Images via Getty Images)

15:20 | 12/06/2018

Belgjika pati një shqetësim të madh në miqësoren e luajtur ndaj Kosta Rikës. Lojtari kryesor, Eden Hazard, pësoi një dëmtim duke vënë në dyshim pjesëmarrjen në Botëror.

Si provë u kalua me sukses, por jo pa pasoja.

Belgjika mposhti Kosta Rikën 4-1 në miqësoren e fundit përpara Botërorit, duke treguar karakter në përmbysje, por duke u shqetësuar shumë për fatin e lojtarit kryesor, Eden Hazard.

Lojtari i Chelsea doli nga fusha e lojës në minutën e 70 pas një dëmtimi, dhe frika ishte e madhe, kur duhen edhe 6 ditë deri në ndeshjen e parë të belgëve në Kupën e Botës.

Për fat, trajneri Martinez nuk vonoi të sqaronte tifozët dhe mediat se dëmtimi nuk është i rëndë dhe se Hazard do të jetë gati për sfidën e parë në Rusi ndaj Panamasë.

Dëmtimi i numrit 10 ndodhi paksa për faj të të vëllait, diçka që Eden nuk vonoi ta shprehte në konfidencë.

Ishte pasimi jo i saktë i Torgan Hazardit që shkaktoi ndërhyrjen e gabuar të mbrojtësit kostarikan.

Gjithsesi, nëse ylli i Chelsea-t nuk do të ketë probleme, belgët mund të jenë optimistë.

Pavarësisht se pësuan gol të parët, vendasit nuk u tronditën në fushën e stadiumit “Hejsel” të Brukselit.

Rrjetës së Brajan Ruizit iu përgjigjën radhazi Dris Mertens i Napolit, dy herë Romelu Lukaku i Manchester United dhe Michy Batschuay i Borusias së Dortmundit.

Formacioni i Martinezit është si një deklaratë pa kushte e futbollit sulmues, gjithnjë në ofensive, madje duke mos iu bërë vonë për rreziqet nga kundërsulmet e rivalëve.

Belgjika është në rritje, me shumë talent dhe me gjithnjë e më shumë përvojë, ndërsa vështirësia që duhet të tejkalojë trajneri spanjoll është pozicioni në fushë i Kevin De Brujnit.

Ylli i Manchester City-t luan më larg portës me skemën 3-4-3, diçka që duket se nuk e lejon të japë maksimumin./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono