Bayern mbetet “duarbosh”, Odoi merr vendimin për të ardhmen

20:22 | 19/09/201920:220

Bayern Munchen bëri një merkato shumë të mirë këtë verë, duke afruar lojtarë të rëndësishëm, si Hernandez dhe Pavard. Megjithatë, trajneri Kovaç dëshironte të kishte në ekip një nga Leroy Sane ose Callum Hudson-Odoi, por asnjë nga dëshirat e tij nuk u konkretizuan me sukses.

Sane u dëmtua dhe do të mungojë për pjesën më të madhe të sezonit, ndërsa Chelsea nuk hoqi dorë nga shërbimet e talentit Odoi. E pikërisht ky i fundit, ka rinovuar më në fund me Blutë e Londrës, duke i premtuar besnikëri ekipit anglez.

Odoi bëri një nisje të shkëlqyer të sezonit edicionin e shkuar, por paraqitjet e tij nuk e bindën teknikun Sarri që t’i ofrojë një vend titullari. Megjithatë, ardhja e Frank Lampard ka bërë që Hudson-Odoi të jetë më optimist për minutat në fushë, çka ka sjellë dhe rinovimin e tij për 5 vite./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono