Bashkitë e djathta: Kallëzim penal ndaj policisë dhe anëtarëve të KZAZ-ve

17:20 | 19/06/201917:200

Bashkitë e drejtuara nga opozita depozitojnë kallëzim Penal ndaj anëtarëve të KZAZ-ve dhe të Policisë së Shtetit, për veprat penale “Kundërshtimi i punonjësit që kryen një detyrë shtetërore ose një shërbim publik”, dhe “Shpërdorimi i detyrës”.

Kjo behet e ditur përmes një deklarate të përbashkët te kryetarëve të bashkive ku drejtojnë të zgjedhurit opozitare, te shpërndarë për mediat nga zyra e shtypit te PD.

Ne deklarate thuhet se në zbatim të Dekretit të Presidentit të Republikës për anulimin e datës 30 Qershor 2019 si ditë e zgjedhjeve lokale, është kërkuar lirimi i ambienteve në pronësinë e bashkive, të cilat ishin vënë në dispozicion të KZAZ-ve për procesin zgjedhor.

Sipas kësaj deklarate, Policia e Shtetit nuk mund të administrojë pronat e bashkive, pasi këtë e bën Policia Bashkiake.

Në ushtrim të kësaj përgjegjësie të shprehur në ligj, pas skadimit të afatit për lirimin vullnetar të ambienteve, punonjësit e Policisë Bashkiake kanë kërkuar marrjen nën administrim të pronave në pronësi të Bashkive.

Sipas bashkive të opozitës, në kundërshtim flagrant me ligjin, anëtarët e KZAZ-ve dhe punonjës të Policisë së Shtetit kanë kundërshtuar zbatimin e ligjit, duke kryer veprime arbitrare dhe të paligjshme, si dhe duke ushtruar dhunë ndaj punonjësve të Policisë Bashkiake në krye të detyrës./ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono