Bashkimi Europian kritikon Iranin për protestat

14:47 | 03/01/2018

Bashkimi Europian ka kritikuar Iranin lidhur me dhunën në protestat anti-qeveritare. Brukseli thotë se është e papranueshme humbja e jetëve njerzore. Në mbi 1 javë manifestime, janë regjistruar mbi 20 viktima.

Shefja e politikës së jashtme të Bashkimit Europian Federika Mogerini shprehu keqardhje për “humbjen e papranueshme të jetës njerëzore” lidhur me protestat në Iran. Gjithsej 21 persona janë vrarë në protestat që shpërthyen të enjten e kaluar në qytetin Mashhad dhe që u përhapën shpejt në qytete të tjera. “Bashkimi Europian është duke ndjekur nga afër demonstratat e vazhdueshme në Iran, rritjen e dhunës dhe humbjen e papranueshme të jetës njerëzore”, tha Mogerini në një deklaratë të lëshuar në emër të BE-së.

“Demonstrimi paqësor dhe liria e shprehjes janë të drejta themelore që zbatohen për çdo vend dhe Irani nuk është përjashtim”, shton ajo, duke nënvizuar se ishte vënë në kontakt me autoritetet iraniane. “Në frymën e sinqeritetit dhe respektit që është në rrënjët e marrëdhënies sonë, ne presim që të gjithë palët të përmbahen nga dhuna dhe të garantojnë lirinë e shprehjes”, tha Mogerini.
Ndërkohë, manifestimet janë sfida më e madhe për regjimin islamik që prej protestave masive mbi zgjedhjet e diskutueshme presidenciale në 2009./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono