Basha: Vendi në kolaps institucional, emergjent krijimi i Gjykatës Kushtetuese

20:26 | 09/11/2018

Sipas  kryetarit të Partisë Demokratike, vendi ndodhet në kolaps institucional. Lulzim Basha i konsideron emergjente funksionimin e  Gjykatës Kushtetuese dhe një drejtësi penale funksionale.

Kryetari i Komisionit të Transportit në Këshillin Ekonomike të CDU-së Martin Henze ka ardhur ne Shqipëri për të ndihmuar Partinë Demokratike për të zhvilluar programin ekonomik për qeverisjen e vendit. Eksperti gjerman sipas kryetarit të selisë blu Lulzim Basha e gjen vendin tonë në një situatë të vështirë.

“500 mijë shqiptarë janë larguar nga vendi. Jemi në kolaps institucional, pa Gjykatë Kushtetuese”.

Mungesa e drejtësisë është arsyeja që sipas Bashës invstitorët e huaj nuk e gjejnë tërheqës vendin tonë.

“Asnjë investitor gjerman s’mund të japë para në një vend ku s’ka zbatim të ligjit. Ku ligji është letër pa vlerë. Ku korrupsioni ka shkaktuar institucionet. Për gjashtë vite s’ka investim serioz perëndimor. Dy investimet e fundit u kontraktuan gjatë qeverisjes së PD e po shkojnë drejt përfundimit”.

Që kjo situatë të ndryshojë kryetari i Partisë Demokratike konsideron emergjencë ndërmarrjen e dy  hapave kryesorë.

“Bërja e Gjykatës Kushtetuese.  Drejtësi penale funksionale që ndëshkon politikanët e lidhur me krimin”.

Ndërkohë Basha bëri të ditur edhe shtyllat kryesore të programit ekonomik të Partisë Demokratike. Ndër to renditi përmirësimin e klimës së biznesit, aplikimin e taksës e sheshtë 9%  dhe dhënien fund të politikave klienteliste dhe korruptive. /abcnews.al

 




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono