Basha: T’i japim Ramës ankthin më të madh të jetës së tij


16:57 | 29/04/2018

Duke pranuar gabimet, Lulzim Basha i ka kushtuar kritikëve, një pjesë të mirë të fjalës së tij 70 minutëshe, në kuvendin kombëtar të PD. Ai tha se i ka dëgjuar dhe u shtrin dorën për bashkëpunim, për të forcuar PD, e jo për pazare. Nuk ka munguar edhe aludimi për Majlinda Bregun, teksa ka folur për opozitarë të shitur tek qeveria. Megjithatë kryetari  PD ka përsëritur se bashkimi i të gjitha kontributeve, është rruga për t’u bërë alternative qeverisëse.

Lulzim Basha foli mbi 70 minuta përballë një pjesë të antarësisë së Kuvendit Kombëtar Demokratik, të cilëve u prezantoi platformën që do të sjellë ndryshimin dhe finalizojë betejën ndaj kundërshtarit politik.

“Nevoja për ndryshim sot është urgjente. Ndryshimi duhet të fillojë tani. Ky Kuvend është rezultat i kurajos tonë për të reflektuar dhe ndryshuar.  Edi Rama e ka frikë këtë bashkim. Dhe ndryshimi i vërtetë nuk është vetëm për të fituar zgjedhjet, ndryshimi i vërtetë është që të bëhemi gati që të qeverisim. Dhe të qeverisim si europianë”.

Partia Demokratike nuk ia doli në tre zgjedhjet e fundit të kryesonte garën. Raundi i fundit elektoral për Lulzim Bashën, pas marrëveshjes së 18 majit erdhi edhe si produkt i imponimit të variablave të jashtëm.

“Ne qëndruam 90 ditë dhe netë në Çadrën e Lirisë, në protestën më të bukur dhe më paqësore të vendit.  Nën trysninë e madhe ndërkombëtare, ndërkohë që narko-shteti e kishte bërë punën e tij, ndërkohë që fushata elektorale kishte nisur dhe vendin tonë në parlament do ta zinin parti pseudo-opozitare, bashkë me aleatët ne u detyruam të pranojmë propozimin e fundit të aleatit tonë strategjik SHBA.  Dhe kjo ishte sakrifica jonë për vendin, për stabilitetin, për sigurinë kombëtare. Sigurisht që Rama i kishte blerë me kohë zgjedhje. PD humbi edhe për shkak të marrëveshjes, por Shqipëria fitoi nga marrëveshja”.

Një tërheqje e përkohshme, theksoi Basha, për të përgatitur fundin pa asnjë mëdyshje të asaj që quan turpin kombëtar të kthimit të krimit dhe politikës në një nën qeverinë socialiste.

“Qeverisja e Edi Ramës në këto 5 vite, ka merituar epitetet më të tmerrshme që i janë bërë ndonjëherë qeverive në pluralizëm. Shqipëria sot jeton nën një regjim, i cili është ngritur mbi shpërfilljen e plotë dhe dhunimin e çdo lloj parimi të shtetit ligjor.  Mjaftojnë tre fakte për ta dëshmuar këtë: Kuksianët janë në burg. Dritan Zagani është në mërgim. Saimir Tahiri është në parlament. Simboli tjetër i kësaj qeverisje është Ilir Beqaj, Ahmetaj, Gjiknuri, Veliaj që me skemën mafioze të Sharrës mori jetën e Ardit Gjoklajt. Është Dako i bandave të Durrësit. Është Qazim Sejdini që me bandat e tij të heroinës terrorizon qytetarët. Pengmarrësit e socialistëve janë Balilajt dhe Habilajt, simboli më i turpshëm i kësaj qeverie është Edi Rama”.

Statuti mundëson strukturën, ndryshimi modernizimin e partisë, e vetmja për Lulzim Bashën që mbron interesin qytetar.

“Ka një gjë që Edi Rama e ka më shumë frikë se gjithcka tjetër: një Parti Demokratike të bashkuar që ka guximin të ndryshojë! Prandaj le t’i japim atij ankthin më të madh të jetës së tij dhe të asja që e pret pas këtij kuvendi kombëtar”.

Bindjen se ditët më të mira Partia Demorkatike i ka përpara e artikuloi teksa ftoi këdo të kontribuojë në të dhe të bëhet ndryshimi që vetë duan. /abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono