Basha takohet me përfaqësuesit e biznesit në Udine: Prioritet i qeverisjes së PD investimet e huaja

22:13 | 10/01/202022:130

Në vijim të vizitës në Itali, kreu i PD, Lulzim Basha është takuar me drejtuesit e Dhomës së Tregtisë në Pordenone-Udine. Basha thotë se në takim është diskutuar për sektorët me interes për të investuar në Shqipëri.

Kryedemokrati bën të ditur se i ka njohur përfaqësuesit e biznesit italian me platformën ekonomike të PD-së, lehtesirat fiskale, masat e menjëhershme për të luftuar korrupsioni dhe garantuar konkurencën e ndershme, të cilat, sot sipas tij, po i mbajnë investitorët larg vendit tonë.

Në takim, Basha ka theksuar se thithja e investimeve te huaja do të jetë prioritet i qeverisë së PD, si mundësi për zhvillimin ekonomik dhe hapjen e vendeve te reja të punës.

Gjithashtu, Basha ka deklaruar se termeti i 26 Nentorit e gjeti shtetin të papërgatitur, ndaj PD ka nisur hartimin e nje plani për emergjencat civile, që të jetë gati për t’u vene ne zbatim në ditët e para të qeverisjes kur demokratët të vijnë në pushtet.

Më herët, Basha është takuar me zyrtarë të lartë italian dhe me drejtues e specialist të Qendrës së Emergjencave Civile në rajonin e Friuli-Venezia-Giulia, me të cilët është rënë dakord që një qendër e tillë të ndërtohet edhe në Shqipëri./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono