Basha: Rama synon kapjen e drejtësisë për një periudhë afatgjatë


13:52 | 23/07/2018

Ditën kur ligji për magjistratët u shty për të dytën herë në seancë plenare për mungesë votash për miratim, pozicionimin e forcës politike që drejton Lulzim Basha e shpjegoi duke hamendësuar të kundërtën.

Për këtë arsyeja e zhbllokimit të reformës nuk qëndron, thekson kryedemokrati i cili zbardh edhe arsyen që sipas tij shtyn mazhorancën drejt këtij propozimi.

Pas problemit, vjen zgjidhja dhe demokratët kanë 7 hapa paraprak për një të tillë, thekson Basha.

Kjo do të kërkonte ri-votim të 6 nga paketa me 7 ligje organike të reformës në drejtësi, me një shumicë të cilësuar prej 84 votash parlamentare, por kushtet nuk i përfundon këtu.

  • Një zgjidhje e situatës së paligjshmërisë që buron nga kryeprokurorja e kapur politikisht,
  • ri-zgjedhja sipas ligjit e kandidatëve të jashtëm për Këshillin e Lartë të Gjyqësorit dhe atij të Prokurorisë,
  • zgjidhja e ngërçit që vjen nga vonesa e ngritjes së këtyre dy organeve,
  • zgjidhja urgjente e situatës ku ndodhet Gjykata Kushtetuese,
  • si dhe ecuria normale e procesit të vettingut përmes ndërprerjes së ndërhyrjes politike që sot ka sjellë dy standarte…

…janë kushtet e Partisë Demokratike për zgjidhjen e kësaj situate. Qëndrim i unifikuar i opozitës ky, sipas Lulzim Bashës, i cili ftesën për dialog nga ana e mazhorancës e quan shfaqje politike.

E gjithë kjo nuk mund të ndodhë sa kohë kryeministri dhe ministri i Brendshëm janë të lidhur me krimin, thekson Basha, kjo sepse vetë reforma në drejtësi nuk është qëllim i këtij ekzekutivi, por kapja e saj./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono