Basha për burgosjen e 2 kryetarëve të PD: Vendim burracak

19:29 | 16/06/201919:290

Lulzim Basha e ka cilësuar vendim burracak atë të Prokurorisë dhe Gjykatës së Elbasanit që mbajti në burg  4 prej 7 të arrestuarve. Kryedemokrati Basha akuzoi  kryeministrin Rama se ai ka urdhëruar procesin gjyqësor duke u premtuar gjykatësve dhe prokurorëve se do t’u kalojë Vettingun.

“Edi Rama mund t’ju ketë premtuar se do ta kaloni vetingun. Kurse unë dua t’ju premtoj se shpejt do ta shoqëroni Edi Ramën përpara drejtësisë. Prokurori dhe gjykatësi i korruptuar është funksionari më i rrezikshëm në shoqëri. As njerëzit dhe as unë nuk do ta harrojnë dhe tolerojmë krimin dhe korrupsionin tuaj”, tha Basha.

Kreu i opozitës tha se kryeministri  Rama po nxit urrejtje dhe përplasje mes militantëve të partive.

“Edi Rama tani po kërkon të nxisë dhunë masive në Shqipëri, ai po kërkon të nxisë përplasje mes qytetarëve, po kërkon të nxisë luftë mes militantëve të ndryshëm politikë, po kërkon të nxisë vëllavrasjen mes shqiptarëve. Për këtë qëllim, ai po përdor policinë, prokurorinë, gjykatat dhe mercenarët e tij në media, për të krijuar ngjarje që provokojnë, që ndezin emocionet, që nxisin revoltim dhe reagime publike”.

Në mbyllje të deklaratës, Lulzim Basha ftoi qytetarët që t’i bashkohen protestës së 21 Qershorit në moton për Shqipërinë si gjithë Europa!/ABC News Albania 24/7

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono