Basha në Shkodër: Është betejë për jetë a vdekje. S’do lejojmë zgjedhjet

22:45 | 20/05/2019

Nga  kryeqendra e veriut Shkodra kryetari i Partisë Demokratike Lulzim Basha  theksoi sërish vendosmërinë e opozitës për të mos bashkëpunuar me kryeministrin Rama në zgjedhjet e 30 Qershorit. 

Opozita sipas tij është e vendosur në aksionin e saj për largimin Ramës dhe  krijimin e qeverisë tranzitore që i hap rrugën zgjedhjeve vendore.  Në inaugurimin e memorialit të viktimave të komunizmit në qytetin e Shkodrës. Lulzim Basha pranoi “fajin” duke thënë se  PD-ja po aq sa ka meritë, aq ka edhe përgjegjësi për shlyerjen e borxhit, jo vetëm financiar, të të përndjekurve politik.

“Jam  këtu me vetëdijen e plotë të peshës dhe përgjegjësisë që kam unë dhe partia ime. I vetëdijshëm  që gjithçka që është arritur në raport me borxhin e pashlyeshëm të mirënjohjes kombëtare, morale, ndaj të përndjekurve politikë, familjarëve dhe pasardhësve të tyre, është meritë e PD-së dhe gjithçka që nuk është arritur, është përgjegjësi e Partisë Demokratike. Nuk mund ta kërkoni dhe as nuk dua ta kërkoni askund tjetër. Përgjegjësia është e jona. Ndjesa e thellë për gjithçka që nuk është arritur, është e jona”, tha Basha.

Basha u zotua se  ai dhe PD, janë të vendosur për ta çuar  ligjin për ish-të përndjekurit në shinat e Kushtetutës./ABC News Albania 24/7


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono