Basha me biznesin: Ngrihuni, refuzojeni e bojkotojeni TVSH

12:42 | 09/04/2018

Një ditë para protestës së paralajmëryar nga opozita, kreu demokrat Lulzim Basha zhvilloi një takim me biznesin e vogël. Basha deklaroi se futja e këtij biznesi në skemën e Taksës mbi Vlerën e Shtuar do të shkaktojë një katastrofë në ekonomi. Sipas tij paratë që do të marrin nga biznesi i vogël do të shkojnë për luksin qeveritar.

Prej orës 11:00 në 12:00 të së martës, bizneset e vogla do të mbyllin qepenat në shenjë proteste. Lajmi dhe ftesa e përsëritur për t’ju bashkuar erdhi nga mbledhja e përfaqësuesve të shoqatave të biznesit të vogël, mbrojtjes së konsumatorit etj.

Të ftuar në takim ishin kryetari i opozitës Lulzim Basha, deputetë të grupit parlamentar dhe këshilltarë bashkiakë të djathtë. Pasi dëgjoi dhe mbajti shënim ankesat e grupeve të interesit, Lulzim Basha përforcoi disa prej tyre.

“97% e vendeve të punës në Shqipëri në ekonominë shqiptare sot janë hapur nga biznesi i vogël. Pse bëhet e gjitha kjo?! Pse çohen 50 mijë biznese drejt falimentimit, qindra mijëra shqiptarë drejt papunësisë për të futur 15 milionë dollarë më shumë në arkën e shtetit kur vetëm Arben Ahmetaj do të marrë nga arka e shtetit 25 milionë dollarë për koncensionin e ineceneratorëve Pse për koncensionet jepen kontrata 30 vjeçare, ndërsa sistemi fiskal ndryshon çdo 3 muaj?! Sepse kjo është një qeveri që mendon vetëm për xhepat e një pakice dhe për këtë flijon ditë për ditë interesat e shumicës. Si qendron e vërteta në Europë?! Franca e ka kufirin e TVSh-së 82 mijë euro, Irlanda 75 mijë euro”.

Zgjidhjen e ka prej një viti dhe formula është e njëjtë.

“Propozimi im është 12 milion lekë kufiri TVSH. 0.5% tatim fitimi me vetëdeklarim tre herë në vit. Pullë fiskale për taksidarët. TVSH 9% taksë e sheshtë”.

Rritja e pragut të biznesit të vogël sjell ulje të informalitetit që sot shënon 40% , theksoi Basha.

Për kreun e shoqatës së biznesit të vogël Albert Nasto, shifrat, duke nisur nga ato të INSTAT-it, janë domethënëse dhe tregojnë të kundërtën e asaj për të cilën vetë e mbështeti Edi Ramën në 2013-ën.

Albert Nasto:Nga 2014-2017 janë mbyllur 82 mijë biznese të vogla. Këto të dhëna janëtë marra nga INSTAT. Të mbyllen 82 mijë biznese, mbi 90% janë biznes i vogël. Me mbylljen e këtyre bizneseve, azilkërkuesit më të mëdhenj që ikën për të kërkuar azil në Gjermani dhe Europë ishin biznese të vogla, ngaqë u mbyllën dhe nuk do të hapen dot më.

 Janë 36 taksa, plus 1 taksë që u vendos sivjet nga qeveria shqiptare, 37 taksa. Këto taksa rëndojnë aq shumë biznesin e vogël dhe të mesëm që është në 99% e biznesit që operon sot në vendin tonë.

Çmimi energjisë, çmimi i karburantit; janë çmimet më të larta jo në Europë, por edhe më tej. Isha në krah të ramës për uljen e çmimit të naftës dhe taksave por ky i rriti. 82 mijë biznese janë mbyllur. Fuqia blerëse ka rënë me 48%, deri në 9 kontrolle në ditë kanë pasur bizneset. Të shpeshta, të majme dhe selektive”.

Formula është e thjeshtë për ekspertin kontabël të kësaj shoqate, vendosja e TVSH për biznesin e vogël do rrisë koston për biznesin, çmimet për konsumatorin, duke ulur konsumin bashkë me të ardhurat e biznesit, që neser të detyrohet të bëj shkurtime në staf, duke shtuar kështu edhe papunësinë. Protesta ishte lejtmotiv i thirrjeve të përfaqësuesve të shoqatave kundër taksimit dhe rritjes së taksave në vend./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono