Barcelona vendos rekord të ri në Spanjë

09:16 | 15/04/2018

Barcelona vendosi një rekord të të ri në kampionatin spanjoll, pas fitores ndaj Valencias. Skuadra katalanase e la pas shpejt dështimin e madh në Ligën e Kampionëve.
Tridhjetekatër vjet më parë, një portier gabonte kështu.
Ishte Luis Arkonada i Spanjës përballë Mishel Platinisë së Francës, në finalen e Europianit në 1984, ndërsa tani i takoi numrit 1 të Barcelonës që të gabonte njëlloj.
Mark-Andre Ter Shtegen thuajse e priti penalltinë e gjuajtur nga kapiteni i Valencias, Pareho, në minutat e fundit të ndeshjes në “Kamp Nou”, por ashtu si Arkonadës, topi i kaloi nën trup dhe përfundoi brenda portës.
Gjithsesi, kjo ngjashmëri e hidhur ishte e vetmja notë negative për katalanasit në javën e 32-të të ligës spanjolle.
Barcelona la pas eleminimin e rëndë nga Championsi në mesjavë, dhe këtë e bëri në mënyrën më të mirë, duke vendosur një rekord të ri.
Mbushi 39 ndeshje radhazi në kampionat pa pësuar humbje, duke lënë pas rekordin e mëparshëm me 38 takime të Sociedadit.
Lionel Mesi nuk shënoi, por suksesi 2-1 u arrit me rrjetat e Luis Suarezit dhe Samuel Umtitisë, ndërsa ra në sy loja shumë e mirë e brazilianit Kutinjo, që nuk luajti dot në Romë për Championsin, pasi nuk e lejon rregullorja.
Nëse ai do të kishte qenë në fushë, ndoshta përfundimi do të kishte qenë tjetër.
Skuadra e trajnerit Ernesto Valverde hodhi edhe një hap tjetër drejt fitores së titullit kampion duke arritur në 82 pikë pas 32 javëve të luajtura, 16 më shumë sesa Atletiko që nuk e ka luajtur ende ndeshjen e vet.
Për më tepër, Barça mbetet ende e pathyer në La Liga, dhe nëse e mbyll sezonin pa humbje, do të vendosë një rekord të ri./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono