Banka e Shqipërisë, plan masash për të ulur përdorimin e Euros


19:36 | 07/02/2018

Banka e Shqipërisë miratoi planin e masave për të ulur përdorimin monedhës europiane në institucionet bankare dhe jo bankare në vend. Guvernatori Gent Sejko deklaroi se ekonomia do të jetë e mbrojtur nga risku i kursit të këmbimit.

Banka e Shqipërisë vë në dukje përdorimin e lartë të valutave të huaja ne ekonominë vendase. Për të ulur përdorimin e euros dhe rritur atë të monedhës vendase ka miratuar një paketë masash ligjore. Guvernatori e publikoi vendimin pas Mbledhjes se Keshillit Mbikëqyrës.

Gent Sejko: “Procesi i deeuroizimit është i nevojshëm dhe dobiprurës në afatin e gjatë, si për përmirësimin e efektivitetit të politikave ekonomike dhe financiare ashtu edhe për uljen e rreziqeve të stabilitetit financiar. Studimet dhe analizat tona evidentojnë se përdorimi i valutave të huaja në sferën e aktivitetit të brendshëm ekonomik e financiar është në një shkallë relativisht të lartë. Ky fenomen lidhet si me përdorimin e lartë të valutave në transaksionet tregtare, ashtu edhe me përdorimin e lartë të tyre si mjet kursimi, në formën e depozitave bankare, apo edhe si mjet financimi, në trajtën e kredimarrjes në valutë”.

Bankat që japin kredi në euro ose pranojnë depozita në këtë monedhë do të kenë kosto më të lartë. Ndërsa në ekonominë vendase, sipas Guvernatorit, pritet ulje e riskut që vjen nga kursi i këmbimit.

Gent Sejko: “Këto ndryshime rregullative synojnë ta bëjnë më të kushtueshme pra, më pak të preferuar, veprimtarinë në valutë të sektorit bankar dhe të forcojnë mekanizmat e ndërgjegjësimit të huamarrësve, veçanërisht të atyre individë dhe të pambrojtur nga rreziku i kursit të këmbimit, për rreziqet që shoqërojnë huamarrjen në valutë. Këto ndryshime, hyjnë në fuqi brenda gjashtëmujorit të parë të këtij viti”.

Banka e Shqipërisë vendosi të mbajë të pandryshuar normën e interesit në nivelin e 1.25 %.

Ndërsa Guvernatori u shpreh për një ecuri të ngadaltë të kredisë. Kjo sipas tij vjen si pasojë e kursit të shtrenguar dhe kërkesës së ulët. Sa i përket kredive me probleme, Dhjetorin e kaluar arritën nivelin më të ulët. Raporti ndaj totalit ishte 13.2%.

Ndërkohë gjashtë mujorin e dytë të 2017-s, Guvernatori Sejko deklaroi se ekonomia ka vijuar të rritet ndonëse më ngadalë se gjashtë mujroin e parë.

Përshpejtimi i rritjes ekonomike, sipas Sejkos, kërkon vijimin e reformave strukturore dhe nxitje të prodhimit vendas./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono