Banesa përfshihet nga flakët, humb jetën një person

08:27 | 25/09/2018

Një i moshuar, i cili jetonte vetëm në banesë, ka humbur jetën në orët e para të mëngjesit të kësaj të marte, si pasojë e asfiksimit nga zjarri që ra në banesën e tij. Viktimë ka mbetur  Lulëzim Canaj, ndërsa  zjarri dyshohet se ka ndodhur për shkaqe aksidentale.

Një apartament u përfshi nga flakët në kryeqyet dhe për pasojë ka humbur jetën pronari i saj. Policia ka nisur hetimet, ndërsa zjarri dyshohet se ka qenë aksidental.

Ngjarja ka ndodhur rreth orës 4:40, në një apartament të katit të tretë në rrugën “Ramazan Demneri”. Sipas raportimit paraprak të policisë, efektivët bënë të mundur evakuimin e menjëhershëm të banorëve të tjerë, teksa dy prej tyre iu është dhënë ndihmë mjekësore pasi u gjetën të asfiksuar lehtë nga tymi.

Në pamje shihet momenti kur apartamenti ku jetonte Canaj është përfshirë nga flakët.

Banorët shprehen, se zjarrfikësja mbërriti me vonesë në vendngjarje, duke mos i ardhur në ndihmë 60-vjeçarit.

Dyshimet  e para të grupit hetimorë janë se zjarri mund të jetë shkaktuar në mënyrë aksidentale nga një cigare e ndezur nga Canaj ose ky i fundit  mund t’i ketë vënë zjarrin qëllimisht apartamentit.

Fqinjët tregojnë se Canaj jetonte vetëm dhe njihej si person që konsumonte alkool, ndërsa prej kohësh vuante nga një sëmundje e rëndë./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono