Balla: PD po përgatit Babalen e ri

16:16 | 26/09/2018

Në zyrat e Partisë Demokratike po përgatitet një video e ngjashme me atë të Babales.

Këtë e thotë Taulant Balla, kryetari i grupit parlamentar socialist, i cili deklaron se di edhe subjektin.

Vendosa ta bëj unë publike Babalen e re. Prej dy ditësh jam në dijeni të një letre të një ish-oficeri që ka braktisur detyrën ashtu si Babalja 1 dhe është larguar nga Shqipëria. Kam në dorë letrën e tij”.

Sipas deputetit socialist, ish-oficeri në këtë shkresë bën disa deklarata në lidhje me një rast që nuk është i ri, por i vjetër  dhe i bërë publik nga qytetari dixhital tek Berisha.

Polici Emiljano Luku thotë se ka dijeni në rastin e përfshirjes së Rexhep Rrajës djali i deputetit të PS, Rrahman Rraja në përdhunimin e një vajze. Në deklarimin e ri polici ka shtuar edhe disa shpifje të rënda thotë Balla.

“Sipas tij paska shkuar Rrahman Rraja deputeti dhe kryebashkiaku Bushi të shoqëruar me armë mes tyre edhe unë dhe i kemi bërë presion të mbyllin dosjen”.

Kryetari i grupit parlamentar të PS-së do të bëjë kallëzim penal për deklaratë të rreme dhe shpifje, por njëherazi mohon të ketë lidhje me ngjarjen.

“Asnjë nuk kam qenë ndonjë herë në komisariatin e policisë Krujë. Nuk kam qenë kurrë dhe janë vërtetuar nga verifikimet. Në datat e deklaruara nga ky person, kam qenë në aktivitete në qytete të tjera të Shqipërisë, me orë dhe datë, që rrëzon gjithçka”./abcnews.al

 



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono