“Babalja”, Xhafaj: I takon gjykatës vendimi

12:25 | 11/10/2018

Ministri i Brendshëm, Fatmir Xhafaj, ka reaguar për herë të parë pas publikimit nga deputeti i PD, Ervin Salianji të videos së kunatit të Babales, Fredi Alizoti që implikon drejtorin e Përgjithshëm të Policisë së Shtetit Ardi Veliu. Xhafaj deklaroi se opozita i ka dalë në krah krimit dhe po sulmon Policinë e Shtetit me llumin e shoqërisë. 

Ministri i Brendshëm, Fatmir Xhafaj, iu përgjigj interesit të medias lidhur me dosjen e njohur si “Babalja”, ku opozita akuzon qeverinë, prokurorinë dhe policinë se po bëjnë gjithçka për të nxjerrë të pastër Agron Xhafaj.

“Unë jam i pozicionuar qartë në bashkëpunim me partnerët ndërkombëtar. Pala tjetër ka zgjedhur një rrugë tjetër që është rruga që ti dalë krahë krimit, duke sulmuar policinë dhe strukturat e angazhuara në luftën kundër krimit të organizuar. Kanë zgjedhur partnerë të gabuar, llumin e këtij vendi”, tha ministri.

Shefi i Ministrisë së Brendshme tha se është një çështje që i takon drejtësisë, duke nënvizuar se ka kulturën e nevojshme politike dhe ligjore që të respektojë autoritetet e drejtësisë.

Nuk do preferoja të bëja një koment për këtë çështje për një arsye fare të thjeshtë se kjo është një çështje që i takon drejtësisë. Unë besoj se kam kulturën e nevojshme politike, institucionale, dhe ligjore që të respektoj në çdo rast autoritetet e drejtësisë dhe vendimmarrjen e tyre. Përsa i përket çështjes që përflitet është një çështje që besoj se është në hetim të plotë nga Prokuroria e Krimeve të Rënda. U takon atyre dhe gjykatës që të japin verdiktin”, u shpreh Xhafaj.

Deklarata e Xhafajt vjen pas publikimit të një video nga deputeti demokrat Ervin Salianji, ku në të shfaqej një person i quajtur Alfred Alizoti, i cili deklaron se është takuar me Taulant Ballën dhe se është shoqëruar në Prokurori, nga kreu i policisë Ardi Veliu.

“Kam përzgjedhur instrumentet e ligjshëm si Forca e Ligjit dhe task forca por edhe kam përzjedhur dhe e duhur partnerët siç janë partnerët gjermanë”, tha ai.

Alfred Alizoti, cilësohet nga Prokuroria e Krimeve te Rënda si personi që interpretoi zërin e Agron Xhafajt, ndërsa  ndaj tij gjykata ka vendosur masën e “arrestit në burg” deri në përfundim të hetimeve./abcnews.al


Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono



TE FUNDIT