Vladimir Prenga

buffon.png
Vladimir Prenga10:03 | 20/10/2019

Juventusi fitoi me vuajtje ndaj Bolonjës një ditë më parë, ndërkohë që ka pasur polemika edhe për gjykimin. Bardhezinjtë duhet të falënderojnë Gianluigi Buffon, i cili në minutën e fundit shtesë arriti të priste një goditje të Santander.

Pas një goditjeje dënimi në favor të Bolonjës, sulmuesin Santander e ndali fillimisht traversa dhe më pas mori një tjetër top nga shokët e tij dhe me një kthesë mjaft të bukur goditi në kuadrat.

Buffon, edhe pse i ka mbushur 41 vjeç, tregoi se nuk i ka humbur reflekset dhe bëri një pritje të mrekullueshme. Padyshim ai është një nga portierët më të mëdhenj në historinë e futbollit. /abcnews.

marquez.png
Vladimir Prenga09:34 | 20/10/2019

Marc Marquez nuk ka rivalë dhe fiton “Çmimin e Madh të Japonisë:. Piloti spanjoll ishte favorit, pasi e nisi i pari garën dhe deri në fund nuk e lëshoi kreun. Për të ishte fitorja e dhjetë në këtë sezon, që konfirmohet si kampion, ndërkohë që matematikisht edhe Honda ia ka dalë të shpallet kampionë në garën për konstruktorë, për të 25-n herë.

Renditja për konstruktorë në MOTOGP

Garë mjaft e mirë edhe nga Fabio Quartararo, i cili u desh të mjaftohej me vendin e dytë, i ndjekur nga Andrea Dovizioso. Ky i fundit nga vendi i shtatë u rendit në fund në vendin e tretë, një rezultat i mirë për italianin.

Në një moment ai tentoi të kapte edhe Quartararon dhe i kishte mundësitë. Zhgënjen sërish Valentino Rossi. “Doktori” u tërhoq nga gara disa xhiro nga fundi, pasi bëri një gabim që e nxori jashtë piste. /abcnews.al

Renditja në Çmimin e Madh të Japonisë
ederson-feste.png
Vladimir Prenga09:13 | 20/10/2019

Cruzeiro ka triumfuar në transfertë ndaj Corinthians. Një gol i Ederson në minutën e 71-të ka vendosur fatet e ndeshjes, që përfundoi me rezultatin e ngushtë 1-2. Sulmuesi realizoi një gol, që për anësorin ishte pozicion jashtë loje.

Në pamje shikohet lehtësisht që Ederson është shumë i avancuar. Në fillim pati një stepje të sulmuesit të Cruzeiro, i cili pa që anësori e uli flamurin dhe përparoi e shënoi gol. Sa duket ka qenë kryesori i cili e ka sinjalizuar atë për një prekje të lojtarit të Corinthians.

Një lojtar në mesfushë i ka ndryshuar drejtimin topit dhe e ka nxjerrë të lirë Ederson para porte. Kryesori i ndeshjes ka kërkuar edhe ndihmën e VAR dhe është konfirmuar gjithçka dhe më pas goli është konsideruar i rregullt. /abcnews.al

policia-rrugore-1.jpg
Vladimir Prenga08:52 | 20/10/2019

Zbulohet identiteti i personit që mbeti viktimë mbrëmjen e djeshme në një aksident në aksin Tiranë-Elbasan. Mësohet se bëhet fjalë për 42- vjeçarin Elton Maçolli, i cili punonte si pilot helikopteri në bazën ajrore të Farkës.

Sipas informacioneve paraprake dyshohet se shkak i aksidentit është tentativa për parakalim të gabuar e automjetit tip “Seat”, me të cilin udhëtonte viktima, ndaj një kamioni.

Si pasojë e përplasjes mjeti ka shpërthyer në flakë, ndërsa drejtuesi ka vdekur në vend. Gjithçka ka ndodhur rreth 100 metra në dalje të tunelit nga Tirana për në Elbasan. Mësohet se 42-vjeçari Maçolli është vëllai i deputetes socialiste Blerina Gjylameti. /ABC NEWS 24/7

rama-1-1280x914.jpg
Vladimir Prenga08:38 | 20/10/2019

Partizani mori tre pikë me vlera dhe drejtori Olsi Rama është shfaqur i lumtur pas ndeshjes. Zyrtari i të kuqve ndihet mirë kur feston triumfin e parë ndaj Vllazninë në transfertë. “Normalisht që është një fitore me shumë rëndësi për ne. Për më tepër ishte fitorja ime e parë në krye të Partizanit në Shkodër, në një stadium që ishte i mbushur pavarësisht se unë prisja që të ishin edhe më shumë tifozë. Më vjen mirë edhe për Vllazninë që është këtu ku është, pasi është një skuadër shumë e mirë këtë sezon”, shprehet Rama.

I ngacmuar nëse do kishte qenë i kënaqur edhe me një pikë, drejtori i Partizanit shtoi: “Sigurisht që ne kishim ardhur për tre pikë. Pastaj sesi do të shkonte ndeshja kjo është punë tjetër. Ishte një tre pikësh që me të vërtetë na ka kënaqur shumë në këto momente”. Rama ndërkohë pret që Partizani të jetë më bindës në lojë në vazhdim.

“Partizani për mendimin tim duhet të bëj përsëri më shumë. Duhet që të ishte më bindës në këtë fitore dhe që të duartrokitet nga çdo publik. Ishte një fitore e çmuar, por e munduar. Përsëri e them se duhet që të kishim bërë më të mirën në fushën e lojës”, deklaroi drejtuesi i Partizanit, që gjithsesi vlerëson shumë tre pikët e marra.

“Është një trepikësh shumë i rëndësishëm në këtë moment. Ne kërkojmë lojë dhe pikë, që të gjejmë qetësinë e renditjes. Çdo trepikësh të ndihmon që të shkosh përpara”, përfundoi Rama. Partizani pas tetë javësh kampionat renditet në vendin e dytë në klasifikim dhe vendi i parë, Teuta, ka vetëm një pikë më shumë së “demat e kuq”. Objektivi është mbrojtja e titullit kampion dhe gara është e hapur. /abcnews.al

cinari.png
Vladimir Prenga08:26 | 20/10/2019

Tetë javë të luajtura në Superiore dhe kemi një ngjeshje të madhe në renditje, që vjen prej diferencave të vogla në renditje. Teuta është ekipi kryesues, që me vështirësi mposhti këtë javë Flamurtarin e vendit të fundit.

Durrsakët numërojnë 15 pikë në klasifikim, por diferenca me rivalët është e vogël. Katër pikë më shumë se Kukësi i vendit të shtatë ka Teuta, çka tregon edhe “trafikun” e krijuar në renditje. Partizani dhe Tirana janë dy ekipet e tjera që triumfuan këtë javë.

Të kuqtë mposhtën Vllazninë që ishte në vendin e parë në minutat shtesë dhe u ngjitën në vendin e dytë, para Tiranës që e ka mposhtur në ndeshje direkte. Festuan edhe bardheblutë një ditë më parë, duke mposhtur me vuajtje Laçin e Armando Cungut.

Bylisi e Skënderbeu mbeten në vendnumëro. Ballshiotët bënë një ndeshje të mirë në Gjirokastër, por morën vetëm një pikë. Gjithsesi kreu është dy pikë larg, si për ta, ashtu edhe për korçarët. Ekipi i drejtuar nga Ilir Daja dominoi Kukësin dhe mund të kishte fituar. Gjithsesi në fund skuadrat ndanë nga një pikë.

KATEGORIA SUPERIORE – JAVA 8

E premte, më 18 tetor 2019
Teuta-Flamurtari 1-0
E shtunë, më 19 tetor 2019

Luftëtari-Bylis 1-1
Tirana-Laçi 2-1
Vllaznia-Partizani 1-3
Skënderbeu-Kukësi 0-0

Tabela e klasifikimit në Kategorinë Superiore, pas javës së tetë

/abcnews.al

cinari.png
Vladimir Prenga20:00 | 19/10/2019

Erald Çinari shënoi golin e avantazhit për Partizanin në ndeshjen me Vllazninë, por nuk festoi. Në lidhjen direkte me emisionin “Gol pas Goli” në Supersport ai deklaroi: “Hera e parë që luaj kundër Vllaznisë. E prita me emocione dhe jam i lumtur për golin, por edhe i mërzitur që i shënova Vllaznisë”.

“E mbaj mend golin e parë me Vllazninë në Superiore. Emocionet ishin të papërshkrueshme. Bëra detyrën, punoj për Partizanin. Kishim shumë emocione dhe më dhemb kur humb Vllaznia. Bëra detyrën si profesionist”.

“Kam marrë shumë mesazhe, por s’i kam parë të gjitha. Do i shoh pas intervistave”, tha Çinari pas ndeshjes”. I ngacmuar për rënien e Vllaznisë para dy viteve, sulmuesi deklaroi se “demat” nuk kanë pasur faj.

“Nuk e besoj se ka faj Partizani për rënien e Vllaznisë. Vllaznia ashtu e nisi, ashtu e mbaroi atë vit”, shtoi shkodrani, ndërkohë që në fund foli edhe për trajnerin Franco Lerda. “Shkolla italiane e futbollit e ka taktikën shumë të theksuar, merren me detaje. Mundohemi t’i zbatojmë detyrat dhe kjo shihet edhe te rezultatet”.

Jonuz.jpg
Vladimir Prenga19:37 | 19/10/2019

Vllaznia u mund në fund nga Partizani dhe trajneri Mirsad Jonuz në lidhjen direkte me emisionin “Gol pas Goli” në Supersport deklaroi: “Uroj portierin e Partizanit, pasi ishte njeriu i ndeshjes. Patëm dy raste me Likën dhe Shtubinën, por ai i priri. Ai ishte fituesi. Nuk kam çfarë të them për portierin tonë, që gaboi dy herë. Unë besoj tek ai dhe e mbështes, si dhe gjithë lojtarët. Ishte një ndeshje e barabartë. Kam parë 2-3 gabime të arbitrit në pjesën e parë. Ky është futbolli.

Është humbje e madhe për ne. Ndryshova 3 lojtarë, pasi Gligorov se ishte i lodhur. Më pas nxora Shtubinën. Duhet të vazhdojmë të punojmë dhe i përgëzoj lojtarët e mi, pasi dhanë maksimumin. Ky është futbolli”.

“E thashë një ditë më parë, që pesë ndeshjet e radhës janë shumë të rëndësishme. Kemi një ekip të ri dhe këto katër ndeshje do shoh çdo gjë në skuadrën time. Besoj tek ekipi dhe do t;u jap shansin të gjithëve të luajnë”.

“Ndoshta është problem psikologjik kur luajmë me kaq shumë fansa. Më shumë se gjysma janë nga Shkodra dhe ndoshta do duhet të punoj në aspektin psikologjik. Është bukur të luash para kaq shumë tifozëve dhe i falënderoj ata. Na ndodhi e njëjta gjë, si me Tiranës, ashtu edhe me Partizanin. E di që nuk shkon diçka, por nuk dua të flas tani”. /abcnews.al

KUKESI-FLET-TRAJNERI-DURO.mpg_snapshot_00.47-1280x720.jpg
Vladimir Prenga19:27 | 19/10/2019

Kukësi barazoi në Korçë me Skënderbeun, duke vijuar periudhën jo të mirë të rezultateve. Trajneri Shpëtim Duro, për emisionin “Gol pas Goli” në Supersport deklaroi. “Ka qenë një situatë e paparashikuar në 24 orët e fundit. U pa në mënyrën e lojës.

Limaj ishte me temperaturë 40. Sakrifikoi dhe u pa jo në formën e duhur. Edhe Ethemi nuk ka ardhur akoma në 100 për qind. Gjithashtu edhe Rroca mungoi për dëmtim”.

“Barazimi është më mirë se humbja, por e thasë se ishim në një situatë të paparashikuar. Duhet të reagojmë, kemi ndeshje me Lufëtatarin. Klasifikimi është aty-aty dhe është gjithçka e hapur”, tha Duro mes të tjerash. /abcnews.al

Cungu.png
Vladimir Prenga19:15 | 19/10/2019

Armando Cungu debutoi me Laçin me humbje. Trajneri shkodran analizoi ndeshjen me Tiranën në lidhje direkte me emisionin “Gol pas Goli” në Supersport. “Pësuam shpejt, por barazuam. Na penalizoi Cale, të cilin nuk e ndalëm si duhet. E dija që do ishte problem, sikurse Hasani.

Futja nga brenda u krijonte superioritet atyre. Nuk e mbyllëm dot me lojtarët e krahut. Na krijoi disa herë probleme. Në pjesën e dytë u munduam të marrim masa, kishte ekuilibër dhe pamë nga porta. Edhe pse ndryshuam diçka, nuk shënuam dot”.

“Pikët? Mungojnë pikët, dihet. Kemi shumë gjëra për të rregulluar. Do punojmë dhe duhet besim. Ka njëfarë ngërçi dhe lojtarët nuk luajnë lirshëm. Kjo vjen edhe prej pikëve. Duhet besuar, pasi ekipit e tregoi se ka cilësi. Mendoj se bëmë një lojë të pëlqyeshme. Treguam se mund të marrim pikë jashtë fushe, edhe ndaj ekipeve pretendente”.

“Objektivi është ta marr sa më shumë pikë. Ju i shikoni pikët dhe pozicionin dhe nuk mund të flasim për aventura. Duhet të flasim për momentin, të shohim ndeshje pas ndeshje. Më pas bëhen llogaritë. Nuk mund të marrim përsipër gjëra të mëdha në gjendjen që jemi”.

“Nuk i kërkoj ekipit të ndryshojë prapa. Ndoshta ngërçi sjell tërheqje. Kam kërkuar të dalim më para. Nuk e bëmë dot, falëm shumë terren dhe kjo na kushtoi. Ndryshuam dhe kërkuam të ngjitemi lart dhe të merrnim iniciativë. E bëmë deri diku në pjesën e dytë”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono