Veronik Istrefaj
Sandro Tonali cilësohet si Pirlo i ardhshëm

Cale.jpg
Veronik Istrefaj17:46 | 22/01/2020

Është mbyllur pjesa e parë mes Tiranës dhe Bylisit në “Selman Stermasi”, me avantazhin 1-0 të bardhebluve kryeqytetas. Diferencën e vetme në këtë fraksion të parë të lojës, e bëri braziliani Elton Cale.

Në minutën e 19-të të sfidës, numri 7 i Tiranës bën një rrotullim të shkëlqyer në mesfushë, duke lënë në vend kundërshtarin. Pas dy kombinimeve të bukura me Ngoo dhe Torassa, Cale e sheh veten brenda zonës në një pozicion të vështirë.

Pasi driblon dhe një mbrojtës tjetër ballshiot, braziliani gjuan fort me të majtën, duke mposhtur Hidin nga një diagonale thuajse e pamundur. Goli i Cale ishte i vetmi gjatë pjesës së parë në këtë takim./abcnews.al

Kategoria Superiore, java 18

TIRANA – BYLIS   1-0
Cale 19′

Tirana: Lika, Doka, Muça, Vangjeli, Ismajlgeci, Batha, Çelhaka, Torassa, Cobbinah, Cale, Ngoo. Trajner: Emanuel Egbo

Bylisi: Hidi, Janku, Goxha, Hadroj, Murataj, Mëllugja, Bajramaj, Hadroj (Bicaj 35′), Ndreca, Peposhi, Guindo. Trajner: Veljko Dovedan

Gjyqtar: Enea Jorgji

Kartonë të verdhë: Cobbinah 33′ / Mëllugja 29′

Manaj-1.jpg
Veronik Istrefaj23:52 | 21/01/2020

Rey Manaj u transferua te Barcelona ditën e djeshme dhe sulmuesi kuqezi, postoi menjëherë foto gjatë zyrtarizimit në Instagramin e tij zyrtar. Krahas fotos, Manaj shkroi në gjuhën katalanase: Jam shumë i lumtur që fillova këtë fazë të re në klubin më të mirë në botë! Rroftë Barça!”

Ky postim i 22 vjeçarit mori menjëherë vëmendje të madhe dhe futbollistët e tjerë të kombëtares tonë kuqezi, e uruan. Berat Djimsiti, Odise Roshi dhe Endri Çekiçi e uruan sulmuesin për këtë aventurë të re, por komenti i Keidi Bares mori vëmendje të madhe.

Mesfushori i Malagas bëri shaka me Manajn, duke i shkruar: “Pesë universitete ke, sa shpejt e mësove gjuhën katalanase”. Manaj dhe Bare kanë luajtur së bashku në La Liga 2, gjatë kohës kur sulmuesi kuqezi aktivizohej me Albaceten./abcnews.al

Kleandro-Lleshi.jpg
Veronik Istrefaj23:31 | 21/01/2020

Mesfushori i Shpresave kuqezi, Kleandro Lleshi, është huazuar te skuadra e Recreativa de Huelva nga Leganes deri në fund të sezonit. 20 vjeçari është zyrtarizuar pak çaste më parë si lojtari më i ri i klubit spanjoll, që militon në kategorinë e tretë të futbollit spanjoll.

Njoftimi i Recreativo de Huelva:

Recreativo de Huelva dhe Leganes kanë arritur një marrëveshje për Kleandro Lleshi deri në qershor në formë huazimi.

Mesfushori shqiptar, 20 vjeç, Kleandro Lleshi, luan si mesfushor qendror dhe aktivizohet edhe me U-21 e Shqipërisë. Ai vjen te skuadra jonë nga ekipi i Leganes, madje ka luajtur kundër skuadrës tonë në raundin e dytë të Copa de Rey. Mirë se vjen, Kleandro!/abcnews.al

 

martinelli-arsenal-chelsea.jpg
Veronik Istrefaj23:15 | 21/01/2020

Është mbyllur takimi derbi mes Chelsea dhe Arsenalit, me rezultatin e barabartë 2-2. Ishin Blutë e Londrës ata që kaluan të parët në avantazh, me anë të një penalltie nga Jorginho. Ishte David Luiz ai që pengoi Abraham dhe u ndëshkua me karton të kuq.

Edhe pse me 10 futbollistë, Arsenali arriti të qëndrojë në lojë dhe në pjesën e dytë, barazoi me anë të një supergoli nga Gabriel Martinelli. 18 vjeçari e mori topin nga zona e tij dhe pasi i dribloi të gjithë, arriti të shënojë.

Chelsea u shokua, por arriti të reagojë. Ishte kapiteni Azpilicueta ai që shënoi në 84-ën dhe u duk se Chelsea e siguroi fitoren, por kapiteni i Arsenalit, Hector Bellerin, i kundërpërgjigjet tre minuta më vonë dhe vendos rezultatin final, 2-2.

Napoli-Lazio.jpg
Veronik Istrefaj22:52 | 21/01/2020

Është mbyllur takimi çerekfinal i Kupës së Italisë mes Napolit dhe Lazios, me fitoren e ngushtë 1-0 të napolitanëve. Të besuarit e Gatussos kaluan shumë shpejt në avantazh, që në minutën e dytë të sfidës.

Lorenzo Insigne shënoi një gol shumë të bukur për Napolin dhe ndeshja nisi praktikisht me gol. Lazio kishte mundësinë të barazonte në minutën e tetë, me Hysajn që shkakton penallti. Megjithatë, Immobile rrëshqet dhe nuk arrin të shënojë, duke e çuar topin jashtë.

Hysaj në minutën e 19-të merr dhe kartonin e dytë të verdhë dhe e mbyll ndeshjen para kohe. Me karton të kuq ndëshkohet dhe Lucas Leiva për Lazion dhe takimi vuloset vetëm nga ai gol i Insignes në minutën e dytë. Napoli dhe Gatusso arrijnë gjysmëfinalet, ndërsa Lazio eliminohet./abcnews.al

De-Bruyne-1-e1579641391662.jpg
Veronik Istrefaj22:23 | 21/01/2020

Janë mbyllur 5 nga 6 sfidat e sotme në Premier League. Manchester City ka marrë një fitore minimale 0-1 në transfertë, me golin e vetëm që u shënua nga Sergio Aguero. Bomberi argjentinas erdhi nga stoli në pjesën e dytë për të shënuar, pas një krosimi fantatik nga De Bruyne.

Everton ka barazuar me rezultatin 2-2 përballë Newcastle. Moise Kean shënoi golin e parë në Premier League duke kaluar në avantazh Evertonin, ndërsa Calvert-Lewin u duk vulosi fitoren për Blutë në pjesën e dytë. Megjithatë, Newcastle barazoi gjithçka në dy minutat e fundit, me anë të Lejuene, i cili shënoi dy gola.

Southampton fitoi 0-2 në transfertë përballë Crystal Palace, Bournemouth u rikthye te fitoret duke mposhtur 3-1 Brightonin, ndërsa Aston Villa mposhti në fund Watfordin me rezultatin 2-1./abcnews.al

Mustafi-1280x737.jpg
Veronik Istrefaj21:51 | 21/01/2020

Chelsea ka shënuar golin e parë në derbin e Londrës kundër Arsenalit, që po luhet në “Stamford Bridge”. Ishte Shkodran Mustafi ai që bëri një gabim të pafalshëm, në minutën e 26 të sfidës.

Mbrojtësi me origjinë shqiptare nuk arrin të pasojë në mënyrë të saktë drejt portierit Leno dhe Abraham përfiton, duke dalë i vetëm me portën e boshatisur.

David Luiz sakrifikon dhe bën një ndërhyrje ndaj Abraham: Penallti dhe karton i kuq. Jorginho merr përsipër ekzekutimin e penalltisë dhe shënon, duke kaluar Chelsean në avantazh./abcnews.al

Immobile-2.jpg
Veronik Istrefaj21:10 | 21/01/2020

Ciro Immobile, me 23 gola deri më tani, është golashënuesi më i mirë në 5 kampionatet kryesore europiane. Bomberi italian po kalon një moment fantastik, por sot në takimin e Kupës së Italisë përballë Napolit, ka bërë një gafë qesharake.

Lazio e pa veten në disavantazh pas vetëm 2 minutash lojë, pasi Insigne shënoi për Napolin. Immobile kishte mundësinë të barazonte në minutën e tetë të sfidës, por u tregua i pasaktë nga pika e bardhë e penalltisë.

Për më tepër, Immobile e çon topin shumë jashtë kuadratit, një moment që u bë menjëherë viral në rrjet. Elseid Hysaj e mbylli para kohe këtë sfidë, pasi në minutën e 19-të, u ndëshkua me kartonin e dytë të verdhë dhe të kuqin./abcnews.al

Kupa e Italisë

Napoli – Lazio  1-0
Insigne 2′

Dinamo-Kastrioti-Merkato.jpg
Veronik Istrefaj20:55 | 21/01/2020

Dita e sotme ka qenë e ngarkuar për Kastriotin dhe Dinamon. Dy klubet e Kategorisë së Parë kanë zyrtarizuar brenda pak minutash plot 4 futbollistë. Kastrioti zyrtarizoi firmat e Indrit Prodanit dhe Franci Lenës, ndërsa Dinamo nënshkroi me Turhanin dhe Camara.

Njoftimi i Dinamos:

Zyrtare/ Xhuljan Turhani vishet Blu!

Mbrojtësi 23-vjeçar i lindur në Elbasan, ka firmosur pasditen e sotme në prani të zyrtarit të klubit, Ermal Barushi, kontratën që do ta mbajë të lidhur me klubin blu në vazhdim.

Turhani vjen nga ekipi i Turbinës, ndërsa më parë ka qenë pjesë e Kamzës, Shkumbinit, Llapit dhe Vorës.

Zyrtare/ Issiaga Camara është përforcimi i radhës për Dinamon!

Mesfushori 26-vjeçar me kombësi nga Guinea, ka gjetur akordin me drejtuesit dhe ka firmosur kontratën që e bën pjesë të 18 herë kampionëve të vendit në vazhdim.

Më herët ai ka qenë pjesë e Besës së Kavajës dhe Besëlidhjes së Lezhës

Njoftimi i Kastriotit:

“Indrit Prodani dhe Franci Lena janë dy afrimet e radhës të Kastriotit.

Prodani i është bashkuar Kastriotit pas një aventure 6 mujore në Kroaci, ndërsa më parë ka qenë edhe pjesë e grup-moshave të Laçit dhe Partizanit. Ndërsa Lena, është produkt i Shkëndisë së Tiranës.

Të dy lojtarët shihen si përforcime me mjaft vlera për skuadrën”./abcnews.al

Juljan-Shehu-Laci.jpg
Veronik Istrefaj19:50 | 21/01/2020

Mesfushori i Laçit, Juljan Shehu, ishte një ndër më të mirët në fushën e lojës për kurbinasit. Pas fitores 0-1 kundër Teutës, 21 vjeçari foli për Supersport, aty ku pranoi se ekipi i tij e meritoi plotësisht fitoren.

NDESHJA – “Të them të drejtën, ishte një fitore e merituar nga ana jonë. Luftuam shumë dhe e merituam rezultatin, pasi dominuan në të dyja pjesët ndaj Teutës. Ishte një tre pikësh i rëndësishëm, pasi fituam në një fushë shumë të vështirë si ajo e Teutës”.

LIDER – “Nuk dua të jem lider, apo të marr këtë status. Ne bëjmë punën tonë dhe duam të ecim përpara, si unë, ashtu dhe ekipi”.

OBJEKTIVI – “Siç e dini dhe ju, tabela është mjaft e ngjeshur. Me tre pikë shkon në Europë, nëse humbet, shkon në zonën e ftohtë. E mira është të bëjmë maksimumin në çdo ndeshje dhe të marrin tre pikët. Shpresoj të marrim maksimumin në çdo ndeshje dhe ky është objektivi ynë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono