us er

vlcsnap-error669-1-1280x720.jpg
us er15:20 | 14/01/2018

Kryeministri Rama ishte i pranishëm në aktivitetin e organizuar me rastin e 26 vjetorit të krijimit të grupit rinor të Partisë Socialiste, FRESSH. Në fjalën e tij kreu i mazhorancës foli për arritjet e qeverisë dhe për një mandat të dytë historik sipas tij, sa i përket vendit.

Ditëlindja e forumit rinor socialist nuk arriti të kanalizojë retorikën e shefit të ekzekutivit i cili në 26 vjetorin e FRESSH iu drejtua të rinjve në cilësinë e kryeministrit, jo kryetarit të partisë.
Përpara të rinjve socialistë të ardhur nga çdo qark, kreu i selisë rozë listoi si arritje politike ligjin e kaluar pak ditë më parë në shtetin fqinj, Maqedoni./abcnews.al

vlcsnap-error367-2.jpg
us er15:16 | 14/01/2018

Një 48 vjeçar është arrestuar nga policia kufitare në Qaf Botë, pasi iu gjet një sasi lënde narkotike kanabis sativa në formë çokollate. Sipas njoftimit të policisë, gjatë kontrollit të mjetit që drejtohej nga Fatos Alushllari, shërbimet e Policisë Kufitare në bashkëpunim me doganën kanë konstatuar 22 pako me lëndë narkotike me peshë 23.5 kilogramë. 48 vjeçari Alushllari, banues në Tiranë, është shoqëruar menjëherë në Komisariatin e Policisë Sarandë nga Specialistët për Hetimin e Narkotikëve, ku në përfundim të veprimeve të para hetimore është bërë arrestimi në flagrancë i tij. Në cilësinë e provës materiale u sekuestrua lënda narkotike, automjeti dhe 2 aparate celulare. Materialet i kaluan Prokurorisë për veprën penale ”Trafikim të lëndëve narkotike”./abcnews.al

vlcsnap-error351-1-1280x720.jpg
us er15:00 | 14/01/2018

Policia e Shkodrës nuk ka gjetur akoma autorët e atentatit me tritol ndaj Lulzim Kullës, por ka zbuluar mekanizmin se si ka ndodhur ngjarja.

Janë momentet e para pas shpërthimit të fuqishëm në Shkodër. Drejtorin e policisë, Xhopvalin Loken, e njoftojnë sapo ai mbaroi fjalinë për festën e policisë, kurse gazetari i Abc News Simon Shkreli, vrapon i pari në vendin e ngjarjes. Shkodra u përfshi në panik. Zhurma alarmoi banorët e saj.
Një ditë më pas policia ka zbardhur detaje të reja. Nga hetimet rezulton se në motorrin ku ishte vendosur sasia prej 400 gramë tritoli, ishte parkuar vetëm pak minuta para se Lulzim Kulla të hipte në makinë.
Për këtë ngjarje janë shoqëruar në polici nëntë persona, por që ende nuk është gjetur një dëshmi rreth autorëve.
Policia ka sekuestruar kamerat e sigurise te lokaleve prane objektit ku ndodhi shperthimi ne lagjen Rus te Shkodres.
Sipas të dhënave të përcjella nga policia, saktësohet se tre nga të dëmtuarit, midis tyre dhe Lulzim Kulla, i cili ishte objektivi i sulmit, janë në gjendje të rëndë dhe ndodhen në spitalin e Traumës në Tiranë.
Dhe pas kësaj panorame vjen apeli i shefit të policisë kriminale Saimir Rrustemi: “Do ul kokën para prokurorëve e gjyqtarëve: Boll më! Vendi ka nevojë për pjesën tuaj të drejtë e të ndershme!”, shkruan ai në mesazhin e tij në ‘Facebook’. Shpërthimi në Shkodër shkaktoi plagosjen e tetë personave./abcnews.al

vlcsnap-error609-1280x720.jpg
us er14:59 | 14/01/2018

Mbi 12 milionë kuti të qumështit pluhur janë hequr nga tregu në 83 shtete të ndryshme të botës pasi janë me salmonelë. Skandali ka përfshirë kompaninë franceze të prodhimeve të qumështit “Lactalis”.

Kompania franceze “Lactalis” është përfshirë në një skandal të rëndë. Më shumë se 12 milionë kuti të qumështit pluhur për foshnjat janë tërhequr nga tregu në 83 shtete të ndryshme pasi janë prekur nga salmonela. Shefi ekzekutiv i firmës së qumështit, Emmanuel Besnier, konfirmoi shkallën e rrezikut të kontaminimit në një deklaratë për mediat franceze.

Produktet kanë qenë subjekt i një tërheqjeje që nga dhjetori, pasi u zbuluan bakteret e salmonelës në një fabrikë. Për këtë skandal, prindërit kanë praqitur paditë e tyre, duke thënë se fëmijët e tyre u bënë të sëmurë pas pirjes së qumështit. Një zëdhënës tha për BBC se të gjithë vendet e prekura janë informuar në Europë, Azi, Amerikën Latine dhe Afrikë. Mbretëria e Bashkuar, SHBA dhe Austrialia nuk përfshihen në vendet e prekura”, thotë zëdhënsi i kompanisë.

Grupi “Lactalis” është një nga prodhuesit më të mëdhenj në botë të produkteve të qumështit, me një shitje vjetore prej 17 miliardë eurosh, ka 246 vende prodhimi në 47 shtete dhe punëson 15,000 persona vetëm në Francë. 3 kërkesa për tërheqje nga tregu janë lëshuar nga firma, dhe mbulojnë markat e saj Picot, Milumel dhe Taranis.

Ndërkohë, Salmonela mund të shkaktojë diarre të rëndë, dhimbje stomaku, të vjella dhe dehidrim të rëndë. Mund të jetë kërcënuese për jetën, veçanërisht tek fëmijët e vegjël. Deri më tani 35 raste janë raportuar në Francë dhe një tjetër në Spanjë. Ndërsa disa raste të tjera po hetohen edhe në Greqi. Vetë kompania ka bërë me dije se do të dëmshpërblejë të gjithë të prekurit nga ky skandal./abcnews.al

vlcsnap-error402-1280x720.jpg
us er14:50 | 14/01/2018

Departamenti Amerikan i Shtetit ka paralajmëruar qytetarët amerikanë të kenë kujdes nëse do të vizitojnë Kosovën, pasi mund te ketë sulme terroriste. Uashingtoni nënvizon se pjesa më e rrezikuar është veriu i Kosovës.

Mediat kosovare shkruajnë se Departamenti Amerikan i Shtetit ka paralajmëruar qytetarët amerikanë që planifikojnë të vizitojnë Kosovën, veçanërisht në pjesën veriore. Koha.net thekson se Ambasada Amerikane në Prishtinë kërkon nga qytetarët kujdes të shtuar për shkak të trazirave të mundshme, por edhe të sulmeve të mundshme terroriste.

“Grupet terroriste vazhdojnë të planifikojnë sulme të mundshme në mbarë Ballkanin, përfshirë edhe Kosovën. Terroristët munden që me paralajmërim të vogël apo pa asnjë paralajmërim, të sulmojnë lokacione turistësh, stacione autobusësh, tregje/qendra tregtare, ndërtesa të qeverisjes lokale, hotele, klube, restorante, vende kulti, parqe, ngjarje të mëdha sportive e kulturore, institucione edukative, aeroporte e hapësira tjera publike. Veç kësaj, në mbarë Kosovën ka dhunë të motivuar politikisht”, thuhet në paralajmërimin e DASH-it për qytetarët amerikanë që udhëtojnë për në Kosovë.

Megjithatë, DASH thotë se nëse qytetarët amerikanë vendosin të udhëtojnë në Kosovë, duhet t’i shmangin demonstratat, të jenë syçelë në vende që frekuentohen nga Perëndimorët, të monitorojnë mediat lokale për lajmet e fundit dhe t’i përshtatin planet e tyre bazuar në informacionet e reja.

Në këtë paralajmërim, DASH zbulon edhe pjesët që duhen shmangur. “Tensionet brenda dhe mes komuniteteve në veriun e Kosovës vazhdojnë të nxisin dhunë, demonstrata dhe trazira tjera në Mitrovicën Veriore, Leposaviq, Zubin Potok dhe në Zveçan. Ndonëse trazirat e fundit kanë qenë të ndërlidhura politikisht dhe nuk përfshijnë turistët apo pjesëtarët e komunitetit ndërkombëtar, kalimtarët e rastit mund të preken nëse ndodhin incidente të dhunshme”, shprehet DASH.
Në njoftim po ashtu thuhet se Qeveria Amerikane ka mundësi të limituara për të ofruar shërbime emergjente në veri të Kosovës udhëtimet janë të kufizuara./abcnews.al

vlcsnap-error899-1-1280x720.jpg
us er14:43 | 14/01/2018

2018-a do të jetë një vit rekord mbjelljesh në Tiranë. Premtimi vjen nga kryetari i Bashkisë, Erion Veliaj, i cili mori pjesë në aksionin e mbjelljes së 100 selvive në Unazën e Madhe.

100 pemë të reja të llojit selvi iu shtuan segmentit te Unazës së Madhe në Tiranë. Kryebashkiaku Erion Veliaj e cilësoi si një ogur të mirë që në fund të sezonit të mbjelljeve të thyejë rekordin e 100 mijë pemëve të reja.

“Nuk besoj se ka punë më të bukur se të qëndisësh Tiranën me pemë. Jam i bindur se në 2018-n do ta kapim rekordin e mbjelljes së 100 mijë pemëve në gjithë territorin e Tiranës. Kjo që shohim sot është kontributi i një njeriu që nuk është miliarder, që nuk ka lindur në Bllok, që as i ka lënë dikush trashëgimi, por një pjesë të suksesit të tij e ndan me qytetin e Tiranës. Po mbjellim 100 selvi nga secila anë e autostradës, në zonën e Saukut, dhe besoj se deri në fund të këtij sezoni mbjelljeje do të kemi markuar të gjithë atë segment që quhet Pylli Orbital”.

Kryebashkiaku përsëriti thirrjen drejtuar qyetarëve e bizneseve të kontribuojne për një qytet të gjelbër duke dhuruar pemë.
“U kemi bërë një sfidë të gjithë qytetarëve të Tiranës, për çdo ditëlindje, për çdo ceremoni, për çdo përkujtim, të dhurojnë një pemë ose një stol, kështu secili lë gjurmën e vet në qytet. Do keni mundësi që pas 10-15 vitesh, kur të mos jemi në bashki, të kemi mundësi të themi si qytet, që secili ka lënë gjurmën e tij në vendin që mori përsipër të ndihmojë”./abcnews.al

26853744_1781752878524702_1241996001_o.jpg
us er14:14 | 14/01/2018

Policia Rrugore e Tiranës ka intensifikuar punën për parandalimin e aksidenteve rrugore.

Vëmendje e veçantë i është kushtuar parandalimit të shpejtësisë sidomos në qendrat e banuara, por edhe në autostradën Tiranë – Durrës e anasjelltas, për parandalimin e drejtimit të automjetit nën efektin e alkoolit apo në gjendje të dehur, si dhe për ata që drejtojmë mjetin pa Leje Drejtimi.

Kontrollet janë përqëndruar edhe në përdorimin e rripit të sigurimit, në përdorimin e celularit gjatë drejtimit të mjetit, në përdorimin e kaskës mbrojtëse për motoçikletat, në automjetetet me xhama të errësuar, parakalimet e gabuara, lëvizjet në sens të kundërt, apo mangësi të tjera.

Në autostradë dhe në qendrat e banuara, Policia Rrugore gjatë 48 orëve të fundit ka evidentuar dhe ndëshkuar:

37 drejtues mjetesh që qarkullonin me shpejtësi tej normave të lejura.

Përsa i përket drejtimit të automjetit nën ndikimin e alkoolit apo në gjendje të dehur, gjatë 48 orëve të fundit janë arrestuar në flagrancë 4 drejtues mjetesh, nga këta:

3 drejtues mjetesh që drejtonin automjetet në gjendje të dehur apo tej mase të dehur si dhe 1 drejtues mjeti pa Leje Drejtimi.

Gjithashtu janë pezulluar 15 Leje Drejtimi për drejtim mjeti nën ndikimin e alkoolit.

Po gjatë 48 orëve të fundit janë vendosur gjithsej 994 masa administrative, nga këto:

68 masa për mos përdorin të rripit të sigurimit;

95 masa për parakalim të gabuar;

107 masa për përdorim celularit gjatë drejtimit të automjetit;

6 masa për mos respektim të sinjalistikës së semaforit;

59 masa për ata që qarkullojnë pa kaskë mbrojtëse;

659 masa për shkelje të tjera të Kodit Rrugor;

Janë bllokuar dhe 10 mjete për mos shlyerje të masave administrative mbi 3 të tilla.

Janë dërguar në komision 14 drejtues mjetesh që drejtonin mjetet me xhama të errësuar.

Policia Rrugore e Tiranës do të vijojë me të njëjtin intensitet kontrollet  me Drager e Radar në të gjithë territorin e qarkut të Tiranës, me qëllim parandalimin e aksidenteve rrugore, duke bërë më të sigurt rrugën për përdoruesit e saj.

vlcsnap-error426-1280x720.jpg
us er14:09 | 14/01/2018

Ministri i Mjedisit dhe Turizmit, Blendi Klosi, dhe Ministrja e Arsimit dhe Sportit Lindita Nikolla lançuan nismën “Kurorat e gjelbra të shkollave”. Aksion parashikon mbjelljen e 20 milionë e 200 mije pemëve në të gjithë vendin.

20 milionë e 200 mijë pemë. Kaq fidanë të rinj parashikohet ti shohen vendit deri në vitin 2020, tregoi ministri i Mjedisit dhe Turizmit.
Blendi Klosi së bashku me ministren e Arsimit Lindita Nikolla, lançuan nismën “Kurorat e gjelbra të shkollave”.

“Jemi sot në Shëngjin në një nga shkollat e para të nismës sonë për të mbjellë 20 milionë e 200 mijë pemë deri në vitin 2020, një aksion i cili do të shtrihet në të gjithë Shqipërinë, do të shtrihet çdo institucion shtetëror, do të shtrihet në çdo fermë apo në çdo qytetar që do mjedisin. Ky aksion nuk mund të jetë vetëm një aksion që shkon nëpër pyjet e mëdha, por është një aksion që duhet të shtrihet në çdo qendër të banuar. Duke iu drejtuar pemëve, ne i drejtohemi jetës dhe prandaj në muajt në vazhdim ne do të përpiqemi që brenda këtij viti të mbjellim 550 mijë pemë në 550 vjetorin e Skënderbeut”.

Ministrja Nikolla u shpreh se së bashku me skuadrën e arsimit do të angazhohen për të garantuar suksesin e kësaj nisme në të gjithë vendin./abcnews.al

vlcsnap-error133-1280x721.jpg
us er13:47 | 14/01/2018

Reshjet pritet të përfshijnë vendin duke filluar nga pasditja e së dielës. Parashikimi vjen nga Instituti i Gjeoshkencave, Energjisë, Ujit dhe Mjedisit, sipas së cilit reshjet do të jenë intensive të shoqëruara me shtrëngata në Shkodër, Kukës e Lezhë. Ndërsa në Dibër, Durrës, Tiranë, Elbasan pritet të jenë të dobëta deri në mesatare. Reshje në formë bore pritet të bien mbi 500 metra mbi nivelin e detit, ndërsa në zona të kufizuara të veri-lindjes edhe më poshtë se ky nivel. Të hënën temperaturat minimale dhe maksimale të ajrit parshikohet të arrijnë në bregdet 6 °C dhe 13 °C, në vendet e ulëta 4 °C dhe 11 °C, ndërsa në vendet malore -1 °C / 5 °C./abcnews.al

vlcsnap-error860-1280x719.jpg
us er13:43 | 14/01/2018

Kreu i demokratëve ka vijuar turin përgatitor të protestës së thirrur më 27 Janar. Në një bashkëbisedim me qytetarët në Vorë, Lulzim Basha tha se kjo qeveri i rrit vazhdimisht qytetarëve faturën mujore, që klientët e tij të pasurohen me paratë e shqiptarëve. Për këtë Basha tha se 27 janari do të krijojë mundësinë që alternative demokrate të zgjidhet ose rrëzohet nga qytetarët, jo kriminelët që mbajnë sot në pushtet Edi Ramën.

Lulzim Basha nga Vora përsëriti tezën se një qeveri që vjen dhe qëndron në pushtet falë kriminelëve, nuk mund të ketë prioritet problemet e qytetarëve. Për këtë provë është fatura mujore e shqiptarëve si për energjinë ashtu edhe për koncesionet që nuk u ofrojnë asnjë shërbim në këmbim.

“200 milionë është borxhi total i shqiptarëve ndaj KESH-it. 200 milionë është fatura që shqiptarët paguajnë vit për vit për 5 koncensionarë, për 5 derra të krimit dhe korrupsionit që ndajnë paratë me Edi Ramën. Nuk ka asnjë arsye pse një qeveri që e ka lidhur fatin me njerëzit të mos ndërpresë menjëherë këtë marrëdhënie kriminale korruptive, të shlyejë borxhin ndaj KESH-it dhe të çlirojë qindra e mijëra familje shqiptare nga zgjedha e kamatave të padrejta të KESH-it apo nga mënxyra e rritjes së çmimit të ujit”.

Kreu i demokratëve artikuloi edhe alternativën, amnisti për pagesat e prapambetura dhe anulim i koncesionarëve korruptiv.

“Ky është plani. Ky është vendimi. Kjo është vendosmëria e demokratëve. Tu japë shqiptarëve një qeveri e cila paratë nuk i çon tek oligarkët por i çon tek qytetarët. Çmimi energjisë, çmimi i naftës, çmimi i ujit, çmimi i ushqimeve bazë janë shqetësime themelore të njerëzve. Papunësia, varfëria, mungesa e shpresës janë pasojat e drejtpërdrejta të këtyre mënxyrave që janë dhurata dhe prodhimi i vetëm i Edi Ramës për popullin”.

Kreu i opozitës tha se 27 Janari nuk është vetëm nje protestë politike e thirrur nga disa parti, por ajo do të jetë një goditja që shumica e shqiptarëve do t’i japë
Ilegjitimitetit të qeverisë duke sjellë dhe krijimin e një qeverie antimafia./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono