Sej rie

pasaporta-1280x816.jpg
Sej rie19:30 | 17/07/2019

Ministri i Brendshëm, Sandër Lleshaj shkruan se shumë karta identiteti dhe pasaporta biometrike janë në prag të skadimit dhe nga muaji Tetor, ato nuk do të jenë më të vlefshme.

Në një postim në Twitter, Lleshaj thotë se qytetarët duhet të shkojnë në qendrat përkatëse për të aplikuar për dokumentet e rinj të identitetit.

“Kartat e identitetit dhe pasaportat janë në prag të skadimit për shumë qytetarë. Nga fillimi i tetorit ato që skadojnë këtë vit nuk do të mund të përdoren më, nëse nuk shoqërohen me dokumentin e aplikimit. Të gjithë duhet të NXITOJNË sot, që të mos BEFASOHEN nesër, kur të ndalohen për të udhëtuar jashtë vendit apo kur të mos mund të marrin një shërbim tjetër brenda tij”, shkruan Lleshaj.

66879618_10156840667086523_5904911537520246784_n.jpg
Sej rie19:15 | 17/07/2019

Kryeministri Edi Rama ka reaguar me anë të një postimi në “Facebook”, ku ka publikuar fotot të tjera të bizneseve të bllokuara nga tatimet në kuadër të aksioneve kundër informalitetit.

“Stop informalitetit. Keqardhje për këta njerëz që vazhdojnë avazin e vjetër të shmangies së detyrimeve ndaj shtetit dhe e paguajnë kaq shtrenjtë pasojën e shkeljes së ligjit”, shkruan kreu i qeverisë./abcnews.al

-4-1.jpg
Sej rie19:00 | 17/07/2019

Një ngjarje e rëndë ka ndodhur mesditën e kësaj të mërkure në Greqi. Mediat e shtetit fqinj raportojnë se një shqiptar ka gjetur vdekjen pasi e ka plagosur tri herë me thikë një bashkatdhetar i afërm i tij.

Krimi ka ndodhur në Nea Anchialos, ku dy shqiptarët po hanin e pinin. Rreth orës 16:30 minuta,  kishte pasur një debat me tone të ashpra mes tyre.

Një 45 vjeçar ka qëlluar tre herë me thikë një 38 vjeç, i cili ka ndërruar jetë rrugës për në spital. Gazeta greke “Tanea” shkruan se ende janë të panjohura arsyet që çuan në ngjarjen e rëndë.

Viktima u godit në sytë e dy fëmijët të tij që në atë moment ndodheshin në shtëpi. Sulmuesi, pas vrasjes doli nga shtëpia në gjendje të dehur, ndërsa u identifikua dhe u arrestua menjëherë nga policia. Thuhet se sulmuesi kishte probleme me alkoolin edhe në të kaluarën./abcnews.al

1563382322_veliaj.jpg
Sej rie18:45 | 17/07/2019

Universiteti i Arteve do të kthehet jo vetëm në një hapësirë të denjë akademike, por edhe në një pol kulturor të rëndësishëm, që nxit kreativitetin dhe gjeneron kulturë. Bashkia e Tiranës në bashkëpunim me Ministrinë e Arsimit dhe Ministrinë e Kulturës prezantuan sot projekt-idenë për Kampusin e ri Universitar të Universitetit të Arteve, një tjetër premtim i mbajtur ky ndaj studentëve në kuadër të Paktit për Univeristetin.
Kryetari i Bashkisë së Tiranës, Erion Veliaj deklaroi se ky projekt është treguesi më i qartë se e gjithë kjo punë nuk është çështje fushate elektorale, por një pasion për të punuar për Tiranën.

“Mund të ketë njerëz që thonë, ore këta me çfarë merren në pikë të vapës, zgjedhjet kanë mbaruar, a nuk duhet të mbaronte edhe gjithë kjo gjë politike? Por, besoj që është dëshmi e qartë që nuk është punë fushate, nuk është punë yryçi i atyre 30 ditëve ku duhet impresionuar mileti me projekte dhe makete. Bëhet fjalë për një pasion që e ndajmë të gjithë bashkë, që quhet qyteti i Tiranës. Unë e ndaj edhe për shkak të detyrës, por besoj që të gjithë ne që e kemi lidhur jetën me këtë qytet, kemi hedhur rrënjë në këtë qytet, e shohim të ardhmen në këtë qytet”, tha Veliaj.

Ai shprehu besimin se siç ka treguar koha, ndonëse në fillim ka pasur skeptikë dhe debate, produkti final ka dalë fantastik.

“T’i përveshim mëngët, t’i futemi procesit të gjetjes së fondeve, është momenti ideal ku bashkia e re konstituohet, do të thotë që fillojmë buxhetojmë, është edhe mesi vitit ku edhe qeveria e shikon se sa janë shpenzuar deri në mes vitit dhe çfarë mund të rialokoj për projekte të tilla fantastike dhe jam i bindur që si stadiumi, që nuk kaloi pa një sherr, pa debat, pa diskutim, pa ndezur disa gjakra, pa kaluar të gjithë sitën e lëvizjeve “mos e prek”, doli një produkt më i mirë, jam i bindur që mbas debateve edhe ky i sotmi nisi si ide, por do të përfundojë si produkt fantastik”, nënvizoi Veliaj.

Kryebashkiaku deklaroi se edhe pse nga ky universitet kanë dalë shumë talente që na nderojnë kudo në botë, infrastruktura lë për të dëshiruar. Ndaj, theksoi Veliaj, edhe projekti i ri nuk është një listë dëshirash, por një plan konkret për t’u implementuar.

“Kush ka punuar ose kush si puna ime i ka rënë rruga ose mundësia për të hyrë e kupton që përtej fasadës edhe produktit më të shkëlqyer “made in Albania” që ka dalë nga këto dyer, në fakt lë shumë për të dëshiruar gjendja e ambienteve fizike. Këtu bëhet fjalë për të trajtuar fizikisht shtesën e ambienteve. Nuk është një listë dëshirash, por është në plan për t’u implementuar; ka të bëjë me shtesën që do t’i bëjmë kampusit ose asaj që është godina kryesore e Akademisë së Arteve”, tha ai.

Kreu i Bashkisë nënvizoi se deri më tani janë shpërndarë mbi 20 mijë karta studenti dhe janë mbi 100 biznese që i janë bashkuar kësaj nisme. Veliaj tha se menjëherë pas përfundimit të tre godinave të fundit në për t’u rikonstruksuar në Qytetin Studenti, puna do të fillojë për Kampusin e Ri Universitar për Universitetin e Tiranës.

“Çdo gjë është e bukur në kohën e vet, ka një kohë për të qeshur, ka një kohë për të debatuar dhe një kohë për të punuar. Ka një kohë për ditë, ka një kohë për protestë, ka një kohë për të bërë punën e atyre gjërave për të cilat u angazhuam. Jam i lumtur që mbi 20 mijë studentë kanë marrë Kartën e Studentit dhe mbi 100 biznese janë pjesë. Me t’u kthyer në shtator nga pushimet, edhe pjesa tjetër e studentëve do të pajiset me Kartën e Studentit, ndërkohë që ndihem mirë për faktin që na kanë ngelur edhe 3 konvikte në Qytetin Studenti. Me të mbaruar ato të treja ne do të jemi gati për të filluar atje Kampusin e ri universitar”, deklaroi Veliaj.

Kryebashkiaku nënvizoi se Tirana është qyteti ku shumë të rinj kanë vendosur që të ndërtojnë të ardhmen e tyre, ndaj edhe vëmendja e të gjithëve është fokusuar që ky qytet të ecë përpara çdo ditë.

“9 nga 10 studente kanë vendosur që do të jetojnë në Tiranë. Në fakt personi i 10-ë është thjesht duke e menduar, por nuk do të thotë që do të kthehet pas. Kështu që, për sa kohë që kemi lidh fatin me këtë qytet, unë besoj te ajo që quhet fushata vazhdueshme, pra një fushatë e përditshme, që s’ka të bëjë fare me fushatën e zgjedhjeve, por ka të bëjë me fushatën apo me ngutin, apo me zellin tonë, që ky qytet të eci përpara çdo ditë”, u shpreh Veliaj teksa deklaroi se ky është një tjetër premtim i mbajtur.

Projekti i ri evidenton vlerat më të mira arkitekturore dhe historike. Universiteti i arteve është një prej tre objekteve të projektuara nga Bosio në sheshin “Nënë Tereza”. Ngritja e Kampusit të ri do të ofrojë ambiente të reja studimi: laboratorë krijues, Opera Studio, jo vetëm një sallë historike shfaqjesh të rikonstruktuar, por edhe salla të reja, që do t’i shërbejnë jo vetëm procesit studimor, por do të shtojnë hapësirat performuese për të gjithë artistët./abcnews.al

thumbs_b_c_83500c62be51dd3f0f3f5f1c3f2300ec.jpg
Sej rie18:30 | 17/07/2019

Stërvitja detare e NATO-s, Breeze 2019, është duke u zhvilluar në Bullgari, raporton Anadolu Agency (AA).

Kapiteni i parë Josee Kurtz nga Kanadaja, në krye të stërvitjes detare, sot në qytetin port të Varnas u tha gazetarëve se ata janë në Detin e Zi për të qenë me partnerët dhe aleatët e tyre.

“Rusia gjithashtu ka një bregdet në kufi me Detin e Zi. Ne presim që ata të jenë këtu, gjithashtu edhe ata e dinë se jemi këtu … Kështu që të dyja palët veprojnë në përputhje me ligjin dhe praktikën e detarisë së mirë”, tha ai.

Kurtz, i cili është gjithashtu kapiten i Detarisë së Dytë të NATO-s, tha se Turqia “po jep kontribut shumë të rëndësishëm” në stërvitjen.

Turqia është duke marrë pjesë në stërvitjen me anijen TCG Turgutreis.

Stërvitja detare zhvillohet në bregun e Varnas me pjesëmarrjen e 27 anijeve nga 12 vende, pesë avionë luftarakë, pesë helikopterë dhe 2250 ushtarakë.

Stërvitja do të vazhdojë deri të dielën./AA

1612625_w1-960x540.jpg
Sej rie18:15 | 17/07/2019

Skuadra e Vllaznisë ka njoftuar se ka arritur marrëveshjen me trajnerin Mirsad Jonuz. Tekniku pritet të firmosë kontratën në ditët në vijim. Skuadra e Vllaznisë zgjidh përfundimisht çështjen e trajnerit. Klubi shkodran ka njoftuar se ka arritur marrëveshjen me ish-teknikun i përfaqësueses të Maqedonisë së Veriut, Mirsad Jonuz. Sipas klubit shkodran trajneri i ri do të firmosë kontratën me Vllazninë në ditët në vijim.

Pas firmave në kontratë me disa futbollistë të cilët do të jenë pjesë e skuadrës për sezonin e ardhshëm futbollistik, drejtuesit e klubit kanë vijuar punën edhe në aspekte të tjera.

Për këtë arsye, ditën e sotme është arritur akordi edhe me trajnerin që do të drejtojë ekipin e Vllaznisë në vijim. Njeriu i përzgjedhur për këtë arsye, është Mirsad Jonuz, një trajner shumë i njohur në Maqedoni dhe jo vetëm. Me z. Jonuz drejtuesit e klubit Vllaznia kanë rënë parimisht dakord për gjithçka sa i takon kushteve të kontratës dhe ai pritet që në ditët në vijim të mbërrijë në Shkodër për të firmosur kontratën dhe për t’u prezantuar zyrtarisht para mediave.

Pas kësaj, do të vihet në krye të ekipit për të filluar përgatitjet për sezonin e ri futbollistik, është njoftimi i skuadrës shkodrane. Vllaznia rikthehet këtë sezon në kategorinë superiore ku pritshmëritë janë të larta./ABC News Albania 24/7  

hon-kong-1280x719.jpg
Sej rie17:30 | 17/07/2019

Me bluza të bardha dhe pantallona të zeza, dhe të moshuarit kanë kundërshtuar dhunën e policisë gjatë protestave të fundit, të dielën e kaluar në Hong Kong, ku trazirat e shpërthyera  në një qendër tregtare shkaktuan dhjetëra të plagosur dhe arrestimin e më shumë se 40 personave. Manifestuesit u shprehën se dhuna e policisë ishte e tepërt kundrejt të rinjve që po protestonin në mënyrë paqësore.

donald-trump-1280x785.jpg
Sej rie17:15 | 17/07/2019

Me shumicë votash dhoma e përfaqësuesve amerikanë miratoi rezolutën që dënon komentet raciste të presidentit amerikan Donald Trump ndaj katër deputeteve të etnive të ndryshme. Por njëkohësisht votimi dëshmoi dhe mbështetjen në rritje për kreun e shtëpisë së bardhë në radhët e republikanëve.

Dhoma e përfaqësuesve amerikanë, me mazhorancë demokrate, miratuan rezolutën për dënimin e komenteve raciste të presidentit Donald Trump kundër katër deputeteve progresiste, të etnive të ndryshme dhe përfaqësuese të minoriteteve, fajtore se kanë mbrojtur emigrantët. Drita jeshile erdhi në përfundim të një séance të tensionuar, votuan së bashku me demokratët duke dënuar fjalët e përdorura nga Trump. Para votimit Pelozi bëri apel që secili anëtar I institucionit, demokrat apo republikan duhet të dënojnë postimet raciste të presidentit.

Por nëse votimi ishte një goditje e paprecedentë për Trump, nga ana tjetër u dëshmua dhe uniteti mes republikanëve në mbështetje të kreut të Shtëpisë së Bardhë. Pasi u kërkoi katër deputetëve të ktheheshin në vendet e tyre të origjinës, Tramp vijoi duke I cilësuar ato si anti-semite, anti-amerikane, komuniste që urrejnë Ixzraelin dhe me një axhendë politike të neveritshme. Njëkohësisht ai mohoi faktin se ishte racist.

Për të ndjekur debatin në television, Tramo anuloi në minutë të fundit takimin në shtëpinë e bardhë me lidershipin republikan në kongres. Menjëherë pas votimit deputeti i Teksasit Al Grin kërkoi nisjen e procedurës për shkarkimin e presidentit. Kjo lëvizje do t ë detyrojë dhomën e deputetëve të votojë Brenda javës.

Roli kryesor në procedurën për shkarkimin e presidentit e luan Senati aktualisht i kontrolluar nga republikanët, dhe miratimi duhet të marrë dy të tretat e votave. Në dy vjet kjo është hera e tretë që kërkohet një gjë e tillë, dhe pse është e pamundur të miratohet pasi dhe demokratët e cilësojnë si lëvizje të papjekur./ABC News Albania 24/7

basha-dhe-aleatet-1280x639.jpg
Sej rie16:15 | 17/07/2019

Kryetari i Partisë Demokratike Lulzim Basha ndodhet për një vizitë zyrtare në Vjenë. Ai shoqërohet nga kryetarja e Lëvizjes Socialiste për Integrim Monika Kryemadhi, kryetari i Partisë Republikane Fatmir Mediu dhe kryetari i Partisë Agrare Ambientaliste Agron Duka. Burime nga selia e Partisë Demokratike bëjnë me dije se krydemokrati dhe aleatët janë takuar me Sekretarin e Përgjithshëm te OSBE Thomas Greminger, si dhe përfaqësues  të tjerë të kësaj organizate. Temë e bisedës ka qenë situata politike në vend dhe domosdoshmëria sipas opozitës që vendi të shkojë drejt zgjedhjeve të parakohshme./ABC News Albania 24/7

 

Sej rie23:30 | 16/07/2019

Në konferencën e parë për shtyp pas votimit, presidentja e re e Komisionit Evropian, Ursula fon der Lejen ka deklaruar se do të punojë për një Evropë demokratike, të fortë ekonomikisht dhe të bazuar në shtetin ligjor në mënyrë që kontinenti i vjetër të ecë përpara.

Me një emocion të fortë, presidentja e sapozgjedhur e Komisionit Evropian, Ursula Von der Leyen pas votimit në Parlamentin Europian është shprehur se tani është koha t’i thotë lamtumirë qeverisë në Gjermani dhe të kalojë pushimet midis Brukselit dhe Strasburgut për të formuar ekipin e ri të Komisionit Evropian. Ajo i ka kërkuar shteteve anëtare tê propozojnë komisionerët më tê mirë, duke synuar një barazi të plotë gjinore midis komisionerëve.

 Ursula von der Leyen, Presidente e Komisionit Evropian: “Këto dy javë kanë qenë më intensivet në jetën time. Dua ta çoj Evropën përpara nê 5 vitet e ardhshme, duke e bërë një Evropë mike tê klimës, që i shërben qytetarëve, tê fortë ekonomikisht, ashtu si dhe në aspektin dixhital. Por gjithashtu edhe një Europë të bazuar nê shtetin ligjor, me një demokraci vibruese. Do të punoj për programin tonë muajt e ardhshëm dhe do të formoj një ekip të dedikuar krejtësisht për këtë përpjekje që duam tê nisim bashkë. Ndaj i bëj thirrje shteteve anëtare që tê propozojnë komisionerët më tê mirë dhe dua tê shoh po aq meshkuj sa femra rreth tryezës së kolegjit”.

Shumë gazetarë e kanë pyetur presidenten e re të Komisionit Evropian, se si ndihet pas një votimi kaq të ngushtë nga Parlamenti Evropian, por për Ursula von Der Leyen ajo që është e rëndësishme është që ajo ka votën e shumicës, kur para dy javësh pothuajse asnjë nuk e njihte në nivelin evropian./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono