Sej rie

tirana-1280x732.jpg
Sej rie17:30 | 17/08/2019

Tirana, e cila ka bërë një merkato cilësore të deritanishme ka publikuar së fundmi edhe abonetë zyrtare sezonale për rreth 20 ndeshje të skuadrës në fushën e saj. Po kështu janë paracaktuar edhe çmimet e biletave për ndeshjet e kampionatit, si dhe çmimet e biletave për derbin me Partizanin. Që nga dita e nesërme çdokush që dëshiron do të ketë mundësinë të ketë një vend në stadium për ndeshjet e skuadrës bardheblu.

Tifozët e Tiranës nuk janë të paktë në një kohë që Tirona Fanatiks janë edhe tifo-grupi më aktiv në mbështetje të skuadrës së tyre, pavarësisht vendimeve të shpeshta që ata kanë marrë edicionin e kaluar të mos shkonin në stadium.

Sidoqoftë, edhe këtë edicion klubi Tirana ka vendosur të nisë fushatën e abonimeve, për rreth 20 ndeshjet në “Selman Stërmasi” që do të luajë skuadra e tyre në kampionat.

Pikërisht sot klubi ka postuar në faqen zyrtare edhe abonimet vjetore për tifozët që duan të ndjekin skuadrën në “Selman Stermasi”. Gjithashtu, janë publikuar edhe çmimet e biletave për sezonin 2019-2020 të cilat tashmë janë të paracaktuara. Aboneja do të jetë e vlefshme për të gjitha ndeshjet e kampionatit dhe Kupës së Shqipërisë që KF Tirana luan si pritëse në stadiumin “Selman Stermasi”. Në total janë të paktën 20 ndeshje në impiantin bardheblu. Sipas njoftimit duke nisur nga data 19.08.2019, të gjithë tifozët e interesuar mund të kontaktojne në klub në pikat e kontaktit të shpallura për të përzgjedhur vendin e tyre në stadium dhe aplikuar për tu pajisur me abone sezonale.

Në këtë mënyrë me paracaktimin e çmimit të biletave, duke nxjerrë në shitje abonete sezonale, si dhe duke hapur sportelet e biletarisë pranë stadiumit “Selman Stermasi”, klubi kërkon të lehtësoje sa me tepër hyrjen dhe akomodimin e tifozëve në shkallët e stadiumit për sezonin e ri futbollistik. Gjithashtu janë paracaktuar që tani edhe çmimet e biletave për dy ndeshjet derbi në kampionat me Partizanin, ku Tirana do të jetë pritëse.

Më konkretisht:

➡Çmimet e aboneve

Tribuna VIP – 50 000 Lekë të reja

Tribuna A, B – 15 000 Lekë të reja

Tribuna Tribuna D, E, F, G, C – 5 000 Lekë të reja

➡Cmimet e biletave sezonale

Tribuna A, B – 1000 Lekë të reja

Tribuna D, E, F, G, C – 300 Lekë të reja

Tribuna H (sektori mik) – 300 Lekë të reja

➡Cmimet e biletave ne ndeshjen Tirana – Partizani

Tribuna A, B – 2500 Lekë të reja

Tribuna D, E, F, G, C – 400 Lekë të reja

Tribuna H (sektori mik) – 400 Lekë të reja./ABC News Albania 24/7

vetevrasja-1280x748.jpg
Sej rie17:15 | 17/08/2019

Sipas rezultateve të autopsisë, miliarderi amerikan Jeffrey Epstein, ka kryer vetëvrasje në qelinë e tij të burgut të shtunën e kaluar. 66- vjeçari akuzohej për abuzim seksual me minorenë, dhe shfrytëzim prostitucioni.

Rezultatet e autopsisë tregojnë të qartë se Jeffrey Epstein ka kryer vetëvrasje në qelinë e tij të shtunën e kaluar në Nju Jork. Deklarata është bërë nga shefi i ekipit mjekësor duke konfirmuar se miliarderi 66 vjeçar u vetëvra duke përdorur çarçafin e shtratit të tij. Përfundimet e mjekut ligjor janë bërë publike pas zërave që hidhnin dyshime për një vrasje të mundshme të miliarderit i cili akuzohej për abuzime seksuale ndaj minorenëve si dhe për shfrytëzimin e tyre për prostitucion. Por ministri amerikan i drejtësisë Uilliam Bar deklaroi se hetimet rreth pakujdesive të kryera në burg vazhdojnë ende. Jeffrey Epstein qëndroi në qelinë i  pamonitoruar për orë të tëra para se të vetëvritej.

Ndërkohë në Los Anxheles është ndaluar Gislein Maksuell, gruaja e akuzuar si bashkëpunëtore e Epstein në menaxhimin e një trafiku minorenësh dhe për shfrytëzimin e prostitucionit minoren. Lajmi është publikuar nga Nju Jork Post, i cili më parë publikoi fotografi të 57- vjeçares britanike të ulur jashtë një restoranti teksa lexonte një libër e ulur në një stol. Ajo ishte zhdukur prej muajsh nga Manhatan duke bërë që autoritete amerikane të mendonin se ishte kthyer në Londër, ndërsa Daily Mail vetëm dy ditë më parë shkruante se ajo  ishte fshehur në Masacusets, në banesën e të fejuarit të saj të ri, i cili kishte përgënjeshtruar lajmin./ABC News Albania 24/7

mjekte-1280x723.jpg
Sej rie17:00 | 17/08/2019

Sipas mediave ruse, mjekët që u kujdesën për të plagosurit gjatë shpërthimit në bazën ushtarake në veri të Rusisë, kanë rezultuar pozitivë ndaj radioaktivitetit. Personeli i spitalit në mënyrë anonime ka denoncuar faktin se askush nuk i informoi për situatën në mënyrë që të merreshin masa mbrojtëse.

Kur personat e mbetur të plagosur si pasojë e shpërthimit në bazën ushtarake në ekstrem të veriut rus mbërritën në spitalin e Arkhangelsk, mjekët nuk u informuan se pacientët ishin radioaktivë dhe asnjeri nuk u tha atyre të merrnin masa mbrojtëse. Deklarata u bë nga një nga kirurgët e strukturës në një intervistë për Moska Times. Pas shpërthimit niveli i radioaktivitetit në rajon ishte 20 herë më shumë se ai normal.

Media ruse më tej raporton se autoritetet ruse po mbajnë sekret rrethanat e shpërthimit, duke shtuar se reagimi ndaj rastit ngjan shumë me qëndrimin e mbajtur pas asaj që ndodhi në Çernobil. Mjekët e spitalit, duke folur në mënyrë anonime u shprehën se specialistët të cilët mjekuan të plagosurit në shpërthim morën një kërkesë nga shërbimet e inteligjencës për të firmosur një marrëveshje rezervimi, që u ndalon atyre të flasin për atë që ka ndodhur.

Ata theksuan se firmosja nuk ka qenë e detyrueshme por ishin të paktë ata që nuk firmosën. Një nga mjekët konfirmoi se personeli i spitalit është shumë i zemëruar për shkak të mungesës së informacioneve./ABC News Albania 24/7

duro-1280x729.jpg
Sej rie16:45 | 17/08/2019

Në vigjilje të ndeshjes finale të Superkupës së Shqipërisë, mes Partizanit dhe Kukësit, trajneri i ri I skuadrës së Kukësit Shpëtim Duro mendon se skuadra është gati të përballë kampionët. Sipas Duros, disa ardhje të fundit në skuadër duan kohën e tyre që të harmonizohen me ekipin. Trajneri nuk mendon penalltitë për finalen e nesërme, por  do të tentojë të bllokojë Partizanin, me gjithë ndryshimet e bëra nga Lerda.

E diela e 18 Gushtit hap zyrtarisht edhe sezonin e ri të futbollit. Partizani përballë Kukësit, në sfidën për trofeun e Superkupës. Duro, trajneri I ri i veriorëve në provën e tij të parë përballë ish-skuadrës që e njeh dhe e ka ndjekur jo pak, Partizanit, që pas Gegës kampion ka marrë filtër Italian. Për trajnerin e Kukësit, Shpëtim Duro penalltitë nuk janë menduar pasi kërkohet të arrihet suksesi në 90 minuta, edhe pse kjo nuk varet nga Shpëtimi, pavarësisht dëshirës. Për ish-trajnerin e Partizanit, kjo skuadër ka më pak avancë në përgatitje, pasi luajti edhe në Evropë.

“Partizani, duke iu referuar ndeshjeve të fundit në Evropë, është më para. Kukësi ka ndryshime, sepse janë larguar tre lojtarë bazë, si Çuçuli, Rrumbullaku dhe Rama. Janë linja e krahut të majtë. Kemi punuar gjithë javën, për t’i zëvendësuar, dhe për ta përgatitur këtë takim. Ne jemi përgatitur, Partizani atë fizionomi ka. Më shumë ka qenë ekip racional, por me rendiment. Edhe ndaj Sherifit, ajo skuadër ka qenë. Ka ndryshuar pak vendosjen për sa i përket skemës. Ne kemi punuar, që të përgjigjemi me atë skemë që ka Partizani”.

E ndërkaq, në aspektin përgatitor vetë trajneri do të donte që kampionati të shtyhej me dy javë, kjo për të patur më shumë hapësirë për të punuar.

Superkupa vendoset nesër por shumë shpejt do të nisë kampionati. Tekniku që ka objektivin të rishpallë Kukësin kampion, mendon që asgjë nuk është e pamundur, pasi me disa lëvizje të vogla, ekipi do të jetë tërësisht gati:

“Ndonjëherë ato skuadra që kanë pretendime, kanë përgjegjësi më të mëdha se ato që formohen në fund. E mbani mend Danimarkën, që u shpall kampione Evrope? Pasi erdhën nga plazhi. Futbolli është i çuditshëm, duhet përqendrim. Këtë vit, ekipet kanë qenë të kujdesshme, dhe e shoh që do jetë një kampionat i niveli të mirë. Vjet, nuk ka pasur rivalitet. Ka qenë vetëm Partizani dhe Kukësi. Të tjerat kanë qenë në disnivel”.

Partizani-Kukësi në finalen e Superkupës do të çelë edhe sezonin e këtij viti në futbollin shqiptar, për ti lënë më pas vendin startit të kampionatit që u vendos të niste me të njëjtat skuadra, edhe pse gjërat pritet të rregullohen rrugës./ABC News Albania 24/7

manastirliu-1280x706.jpg
Sej rie16:30 | 17/08/2019

Qendra shëndetësore në Voskopojë është gati për 2200 banorët e zonës dhe për pushuesit që vizitojnë fshatin turistik. Ministrja e shëndetësisë Ogerta Mnastirliu gjatë inspektimit të përfundimit të punimeve u shpreh se ndërkohë ka nisur puna për rehabilitimin e 100 qendrave të tjera shëndetësore që përfundojnë brenda vitit.

Është një ndër 300 qendrat shëndetësore në të gjithë Shqipërinë që iu nënshtruan rehabilitimit.

Tashmë e përfunduar dhe funksionale për banorët e zonës dhe turistët që e vizitojnë Voskopojën gjatë gjithë vitit.

“Po ndërhyjmë me investime rrënjësore me programin kombëtar të rehabilitimit të 300 qendrave shëndetësore dhe ambulancave në gjithë vendit, ku zonat turistike janë pjesë e këtij programi. Qendra shëndetësore e Voskopojës është transformuar për të ofruar shërbim cilësor banorëve të kësaj zone por edhe shumë turistëve që e frekuentojnë Voskopojën gjatë gjithë vitit”.

Ministrja e Shëndetësisë dhe Mbrojtjes Sociale tha se ka nisur puna për rehabilitimin e 100 qendrave shëndetësore në vend.

 “80 qendrat e para përfunduan, tani ka nisur puna për 100 qendra të tjera shëndetësore që do të rehabilitohen këtë vit”, tha Manastirliu.

Qendra shëndetësore e Voskopojës ofron shërbim 7 ditë të javës, duke i shërbyer banorëve dhe turistëve gjatë gjithë vitit.

Voskopoja ka sot një qendër model të kujdesit parësor, investim i qeverise shqiptare me vlerë  2.9 milion lek. E rehabilituar me standarde bashkëkohore, kjo qendër i shërben rreth 2200 banorëve të kësaj zone./ABC News Albania 24/7

777-1-1280x738.jpg
Sej rie16:30 | 17/08/2019

Skuadra londineze e trajnerit Emeri arrin fitoren e dytë në kampionat. Fiton sot me jo pak vështirësi kundër skuadrës modeste të Bërnleit 2-1. Xhaka nuk ishte në fushë për shkak të dëmtimit në një kohë që Lakazet ishte njeriu i ndeshjes.

Me vështirësi por ia del  dhe merr tre pikët e radhës në Premier Ligë. Arsenali bën detyrën dhe nuk lë asnjë pikë edhe në javën e dytë të kampionatit anglez, duke mundur me rezultatin 2-1 skuadrën e Bernelit.

Lakazet ka qenë edhe njeriu I ndeshjes duke arritur të shënojë golin e parë pasi ka dribluar mjaft mirë kundërshtarët në zonë, ndërkohë që asistin e dha mesfushori i ardhur nga Reali, Dani Sebajos. Pas këtij goli ndeshje vazhdoi e qetë për të dyja skuadrat, dhe atëherë kur të gjithë po mendonin se pjesa e parë do mbyllej me avantazhin e “Topçinjve të Londrës”, erdhi edhe goli i barazimit. Ishte Barnes i cili falë një devijimi nga mbrojtja e Arsenalit, u gjend i vetëm në zonë, dhe nuk e kishte të vështirë të çonte topin në rrjetë.

Në pjesën e dytë ka qenë sërish Arsenali që e ka kërkuar golin dhe Obamejang ka realizuar nga jashtë zone për 2-1, me top të marrë sërish nga Sebajos. Me këtë rezultat, është mbyllur edhe takimi, ndërkohë që në pjesën e dytë është aktivizuar Kolashinaç ndërsa Xhaka është i dëmtuar dhe ka munguar këtë takim. Pavarësisht përpjekjeve të Bernleit për të barazuar rezultatit nuk ia arritën, dhe Emeri  siguroi fitoren e dytë për këtë sezon.

Përkohësisht në krye, por një start shumë i mirë për skuadrën londineze që arrin në këtë mënyrë të ketë pikët e plota, paçka se nuk kanë nisur ende provat e forta dhe direkte për të me rivalët e drejtpërdrejtë, të cilët në Angli nuk janë pak.

prokue-1280x719.jpg
Sej rie16:15 | 17/08/2019

Kreu i Prokurorisë për ndjekjen e krimit të organizuar, në Maqedoninë e Veriut, Vilma Ruskoska, do të marrë në pyetje shefen në dorëheqje të Prokurorisë së Posaçme Publike, Katica Janeva. Paraqitja e kësaj të fundit pritet me interes për shkak se dëshmitë e saj do të hedhin më shumë dritë, si për rastin ‘Zhvatja’, por edhe për spekulimet se në Prokurorinë Speciale mund të jenë zhdukur shumë prova për raste shumë të ndjeshme.

Ekspertët e fushës nuk ngurojnë ta ndërlidhin këtë krizë më të re institucionale me atë që quhet gatishmëri e shtetit për të luftuar krimin e organizuar. Kjo për shkak se në regjistrimet-audio, të publikuara në gazetën italiane ‘La Verita’, rezulton pa pikë dyshimi se në skandalin ‘Zhvatja’ është e implikuar edhe prokurorja speciale publike Katica Janeva nga e cila pritej që ta zhbllokojë shtetin e kapur prej vitesh.

Të martën, kjo zonjë, që ndërkohë humbi epitetin ‘e çelikt’, do të dëshmojë në Prokurorinë e Shkupit dhe deponimet e saj do t’u japin përgjigje shumë pyetjeve, temave e dilemave, të shtruara e të hapura pas skandalit më të fundit. Kjo për shkak se ‘Zhvatja’ rezulton të na dalë një aferë shumëdimensionale, sikundër u shpreh presidenti Pendarovski në paraqitjen e fundit publike të tij. Të rikujtojmë: Javëve të shkuara ka pasur lajme për kompjuterë, për telefona të fshirë, jo dikur tjetër, por pikërisht në Prokurorinë Speciale Publike.

Burime të Televizionit Klan thonë se zbardhja e së vërtetës mund të përshkallëzojë edhe më këtë krizë ngaqë në ‘trezorët’ e saj kanë qenë ose ka qenë dashur të jenë ‘bombat’ politike të dorëzuara nga opozita e para tre vjetëve, Lidhja Socialdemokrate, sot në pushtet, e kryeministrit Zoran Zaev.

Risetimi i kompjuterëve nënkupton edhe zhdukjen e provave për rastet për të cilat Kryeministri me shokë rrihte gjoksin se ka për t’i zbardhur e që kanë të bëjnë me keqqeverisjen e qeverisë së kaluar të Nikola Gruevskit, por edhe me rastin e incidentit të rëndë të armatosur në Lagjen e Trimave në Kumanovë apo ‘Monstrën’ – me shumë viktima në njerëz.

Prandaj është me rëndësi dëshmia e prokurores Katica Janeva që, ndër të tjera të heq dilemën e shtruar në median maqedonase dhe jo vetëm maqedonase, nëse projekti politik i quajtur Prokuroria Speciale Publike, është pasuar me ndonjë pazar, po ashtu politik, mes kreut të saj Katica Janeva, dhe shefit të ekzekutivit, Zoran Zaev.

Komuniteti ndërkombëtar euro-amerikan nuk është se, jo njëherë, nuk ka tërhequr vërejtjen që mazhoranca dhe opozita në Shkup të bëjnë punën e tyre, pa veprime e manovrime për interesa thjesht politike-partiake, por të japin kontributin e tyre për vendosjen e shtetit të së drejtës, para së gjithash, dhe për llogaridhënie e përgjegjësi, çfarëdo natyre qoftë ajo. Shi për këtë menaxhimi juridik i skandalit ‘Zhvatja’ ka për të qenë busull orientuese se nga do të shkojë Maqedonia e Veriut./ABC News Albania 24/7

69127949_10156916663551523_108618236857155584_n.jpg
Sej rie16:00 | 17/08/2019

Kryeministri Rama ka mbrojtur edhe këtë të shtunë idenë e një teatri të ri kombëtar, duke përcjellë mesazhin e aktorit, pedagogut e drejtuesit të katedrës së aktrimit në Akademinë e Arteve, Petrit Malaj.

Rama thotë se Malaj është një figurë e mirënjohur për publikun shqiptar, që s’ka nevojë për prezantim, po lypset të thuhet se ai i përket asaj pjese njerëzish që flasin pak dhe dallohen për vetëpërmbajtjen e tyre. Me pak fjalë po pa asnjë ngurrim, Petriti është pozicionuar qartë së bashku me shumicën dërrmuese të komunitetit teatror, në mbështetje të shembjes së karakatinës ekzistuese dhe ndërtimit të Teatrit të Ri Kombëtar, shkruan shefi i qeverisë, duke përcjellë mesazhin e Petrit Malajt, sipas të cilit duhet një Teatër i ri bashkëkohor. “Unë mendoj se thelbi i çështjes ka evoluar dhe gjërat po thuhen më troç: E para, që aty nuk do të cenohet trualli i Teatrit Kombëtar. Dhe e dyta, do bëhet një godinë për teatrin, vetëm për teatrin”, është citimi I Petrit Malajt i përcjellë nga kryeministri Rama në Facebook./ABC News Albania 24/7

vlore-3-1280x722.jpg
Sej rie15:45 | 17/08/2019

Ketë fundjavë në bregdetin e Vlorës po pushojnë shumë turistë rusë dhe polakë. Ata thonë për ABC News se do te rikthehen sërish në Shqipëri për të shijuar plazhet.

Italianët, rusët dhe polakët kanë zgjedhur të pushojnë gjysmën e dytë të Gushtit në Vlorë.

Ata vijnë për herë të parë në Shqipëri dhe dëshirojnë të kthehen sërish.

Deti u duket i mrekullueshëm dhe çmimet të arsyeshme.

Përveç të huajve ky bregdet po frekuentohet edhe nga vendasit.

Pushuesit po shfrytëzojnë temperaturat e larta për të shijuar ditët e fundit me diell të këtij sezoni turistik./ABC News Albania 24/7

klosi-2-1280x710.jpg
Sej rie15:30 | 17/08/2019

Ministri i Turizmit Blendi Klosi ka deklaruar në mbledhjen e Task Forcës së turizmit në Durrës se Shqipëria këtë muaj ka pritur më shumë turistë se vitin e kaluar. Ai ka vlerësuar punën e bërë në këtë qark për sa i përket pastërtisë në plazhe , lirimin e hapësirave publike dhe rojet bregdetare.

Në mbledhjen e Task Forcës së Turizmit në Durrës ministri Blendi Klosi vlerësoi punët e bëra nga institucionet vendore në këtë qark për këtë sezon turistik.

Klosi tha se janë bërë përmirësime për sa i përket pastërtisë në plazhe dhe rikthimit të hapësirave publike në shërbim të qytetarëve.

Deri tani nuk ka jetë të humbura nga mungesa e rojeve bregdetare në këtë qark u shpreh Klosi.

Në krahasim me Gushtin e vitit te kaluar Shqipëria këtë sezon ka pritur një numër më të lartë turistësh tha ministri.

Ministri Blendi Klosi deklaroi në mbledhjen me drejtuesit vendore se Durrësi do jetë qarku pilot i cili vitin e ardhshëm do të këtë një ofertë turistike për të gjithë qarkun  dhe jo thjesht për destinacione të caktuara./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono