Sej rie

neptun-1280x711.jpg
Sej rie15:50 | 26/06/2019

“Neptun”, kompania lider dhe e para në Shqipëri sa i takon shitjes së organizuar me pakicë të mallrave të elektro-shtëpiakeve dhe pajisjeve elektronike, i kushton një vëmendje të veçantë kujdesit ndaj klientit. Ky departament, ofron shërbim profesional dhe korrekt prej disa vitesh në çdo moment për klientët e saj.

Kujdesi i klientit ka një rol thelbësor në botën e biznesit sot, sidomos në industrinë e shitjes së organizuar të mallrave me pakicë, që njihet ndryshe edhe si sektori i “retail”.

Kompanitë e mëdha botërore i kushtojnë tepër vëmendje këtij sektori, në mënyrë që të jenë në kontakt të përditshëm me nevojat e klientit dhe për t’iu përshtatur shijeve, tendencave dhe për të thjeshtuar jetën e tij.

Në vendin tonë ka disa kompani të autorizuara të rishitjes së markave të mirënjohura ndërkombëtare ndërmjet elektro-shtëpiakeve dhe pajisjeve të tjera elektronike.

Nga to ne kemi veçuar Neptun, kompaninë lider dhe e para në Shqipëri për sa i takon shitjes së organizuar me pakicë të mallrave të mësipërm.

Siç shihet në këtë kompani, i kushtohet një vëmendje e veçantë kujdesit ndaj klientit që është një departament më vete, me shumë punonjës dhe menaxherë.

Duke qenë se nevojat e konsumatorit janë të shumta dhe nuk mbarojnë me blerjen e një malli, por vazhdojnë në forma të ndryshme, siç është edhe asistenca teknike për çdo problem që klienti në fund të ketë një eksperiencë pozitive dhe të mos zhgënjehet në asnjë rast.

Në Neptun në departamentin e Kujdesit ndaj Klientit, të gjitha rastet që mbërrijnë menaxhohen nga operatorët dhe sipas nevojave specifike përcillen tek supervizorët.

Rastet e ankesave ndiqen ekskluzivisht nga menaxherët e portofolit, ndërsa për klientët që adresohen nëpër dyqane më përpara, Neptun ka krijuar strukturën e brendshme “shop support” dhe klientët ndiqen sipas rastit bazuar në veçoritë e çështjes.

Kujdesi i Klientit në Neptun mbledh të gjitha rastet, duke filluar nga zanafilla e tyre, nga ku më pas ndiqet sipas procedurave të shoqërisë deri në gjetjen e zgjidhjes më të mirë të problematikës.

Departamenti i Kujdesit të Klientit në Neptun ka zbatuar metodologjitë më bashkëkohore për të matur dhe përmirësuar cilësinë e shërbimit.

Neptun është pjesë e Grupit Balfin, grupi më i madh dhe inovator i investimeve në Shqipëri dhe një ndër më të mëdhenjtë në rajon./ABC News Albania 24/7

adoleshenti-1280x705.jpg
Sej rie15:30 | 26/06/2019

Një pjesë jo e vogël e aksidenteve ndodhin për shkak të drejtimit të mjeteve pa njohuritë e duhura për makinën. Shpesh adoleshentët marrin timonin edhe pa pasur leje drejtimi, duke u bërë me pas subjekt i organeve të policisë e drejtësisë. ABC News sjell rastin e njërit prej tyre.

Edhe pse janë të vetëdijshëm që të drejtosh një automjet pa mbushur moshën 18-vjeç është e dënueshme nga Kodi Penal dhe ai Rrugor, përsëri, shumë adoleshentë nuk e marrin parasysh rrezikun që iu kanoset.

I tillë është edhe rasti i Enestit.

Enest Haveriku: “Adrenalina e moshës dhe si një çun i ri provon të ecësh shpejt , të dish se cfarë ëhstë ai emocion. Për këtë arsye e ka provuar”.  

Pasioni për makinat ka bërë që 18-vjeçari të ndalohet nga policia e Tiranës rreth 1 vit më pare, duke drejtuar nje automjet, pa pasur leje drejtimi.

“Kam qenë duke drejtuar dhe vëllai ishte pasagjer. Rastisi që na ndaloi policia. Ne nuk e kishim re sikur duhet dhe pasi i shpjeguam situatën vendosi të mbyllte një sy”.

I riu tregon se si ka mësuar automjetin duke ia marre fshehurazi babait të tij.

“ Më lindi dëshira për të mësuar makinë në rrugët pa shumë makina, ku mund t’i jepja lirshëm dhe pa atë sikletin se mund të bëja ndonjë aksident”.

Të miturit që dënohen me vendim gjykate më së shumti janë ato që janë arrestuar në flagrancë pa u pajisur me leje drejtimi.

Almida Ametbejasi specialiste e sektorit të të miturve: “Kryesisht gama e veprave penale që i sjell të miturit në shërbimin e provës është drejtimi i automjetit në mënyrë të parregullt dhe pa lejen e drejtimit përkatës. Më lejoni që t’u bëj thirrje të gjithë prindërve se duke i dhënë automjetin një fëmijë të mitur që nuk ka marrë lejen e drejtimit i bënë vunerabël që ata të rrezikojnë jetën e tyre , por edhe shëndetin publik dhe personat e tjerë që jetojnë në komunitet”.   

Për specialisten e Shërbimit të Provës, Alimida Ametbejasi më shqetësues nuk janë të rinjtë por, prindërit e tyre, të cilët justifikojnë veprimet e adoleshentëve.

Gjatë pesë muajve të parë të 2019 janë dënuar nga gjykata e Tiranës 74 të mitur, 12 prej te cilëve kanë qenë përsëritës./ABC News Albania 24/7

edi-rama-3.jpg
Sej rie15:20 | 26/06/2019

Pas deklaratës se kryetarit te Partisë Demokratike Lulzim Basha ka reaguar kryeministri Edi Rama.

“Sajo Artist sajo, çdo ditë një sajesë, s’zhgënjen asnjë ditë o Njish. Po si mund t’u thuash shqiptarëve Këshilli i Europës mori vendim politik për t’u tërhequr nga zgjedhjet se janë të paligjshme? Tani mezi pres çfarë do thuash kur të dalë rrena në shesh. Apo rrena tjetër gati?”  shkruan shefi i qeverisë në Twuitter.

 

durres-3-1280x725.jpg
Sej rie15:10 | 26/06/2019

Me nisjen e lundrimit të anijes së parë turistike në Durrës do të shtohen kapacitetet për turistët që vizitojnë Shqipërinë. Për të promovuar këtë risi ishte dhe ministri i Turizmit Blendi Klosi, i cili në mënyrë simbolike bashkë me përfaqësues të Taks Forcës së turizmit dhe operatorë private zhvilluan udhëtimin e parë me anijen në rajonin e Durrësit.

Në Durrës nisi lundrimin anija e pare turistike. Për ministrin e Turizmit Blendi Klosi, kjo është e vonuar, në një kohë që Vlora këtë sezon ka 27 anije turistike.

“Është pak e habitshme pse kaq vonë, por mbase edhe sot që kemi anijen e parë kuptojmë që sa probleme kemi me këtë fushë, me këtë biznes, me rregullat sesi lundrohet, ku parkohet, cilat janë lehtësirat që duhet të marrin këta investitorë përsa i përket menaxhimit më të thjeshtë të këtyre anijeve turistike dhe të mos ngatërrohen me problematikat që kanë biznesi i jahteve apo gjërave që kalojnë kufirin”.

Biznesin e detit ministri Klosi e shikon si nja nga çështjet për të cilat duhet debatuar, duhet folur dhe mbështetur. Pasi Shqipëria do të disafishonte potencialin e saj turistik në këtë drejtim

“Shqipëria i ka të gjitha mundësitë të disafishojë potencialin e saj turistik duke investuar në biznesin e detit. Ky vend duhet të ishte plot me jahte, me anije të shpejta me gjithë biznesin që ofron deti por dhe shërbimin që duhet të ketë në tokë, për detin”.

Në udhëtimin e tij simbolik me anijen e parë turistike në rajonin bregdetar të Durrësit, ministri i bëri thirrje komunitetit të biznesit të investojë për krijimin e një industrie të re në hoteleri, që është industria e detit.

“Përmes anijes se pare turistike në Durrës, turistet e huaj do të kenë mundësi te vizitojnë bukuritë  e Kepit të Rodonit , të Bisht Pallës, të kenë mundësinë të vizitojnë Durrësin antik nën det, të kenë mundësinë që të vizitojnë pasuritë e mëdha natyrore që kanë zonat e mbrojtura që janë në të dyja krahët e gjirit të Durrësit. Ky det duhet të shfrytëzohet më shumë dhe kjo ka nevojë që edhe ju biznesi lokal i Durrësit dhe i gjithë bregdetit të keni mundësi që të shikoni më shumë shërbime për detin”.

Duke iu referuar Vlorës me 27 anije turistike,  ministri Klosi shpreson që ky biznes do të fillojë edhe në Durrës me shpejtësi./ABC News Albania 24/7

Jared-Kushner-and-Ivanka-Trump-1909457.jpg
Sej rie14:40 | 26/06/2019

Dhëndri dhe këshilltari i Presidentit amerikan Donald Trump, Jared Kushner është në kërkim të një zgjidhjeje për konfliktin mes Palestinës dhe Izraelit. Sipas tij prioritet mbetet siguria e Izraelit dhe dinjiteti i popullit palestinez

Shtetet e Bashkuara të Amerikës janë sërish në kërkim të një zgjidhjeje paqësore që do i jepte fund konfliktit në Lindjen e Mesme. Rritja ekonomike dhe zhvillimi i popullit palestinez nuk janë të mundshëm pa një zgjidhje politike të drejtë dhe afatgjatë të konfliktit u shpreh këshilltari i Trump, Jared Kushner. Ai shtoi se zgjidhja gjithashtu duhet të garantojë sigurinë e Izraelit dhe të respektojë dinjitetin e popullit palestinez.

I pranishëm në një seminar ekonomik në Bahrein, këshilltari dhe dhëndri i presidentit amerikan tha se gjithashtu duhej përcaktuar një shteg ekonomik. Një deklaratë që përveç 50 miliard dollarëve të parashikuar për të ndihmuar zgjidhjen e konfliktit, mund ti sjellë Kushner dhe kundërshtime të forta nga Ramallah dhe Gaza. Në fakt presidenti Abu Mazen këmbëngul se Shtetet e Bashkuara të Amerikës duan të anulojnë me para problemin e njohjes së të drejtave kombëtare palestineze.

Jo rastësisht ai zgjodhi një nga vendet më të rëndësishme të Gjirit për të bërë këtë propozim, duke thënë se Shtetet e Bashkuara të Amerikës nuk i kanë braktisur palestinezët. Kushner theksoi se plani i paqes i kreut të shtëpisë së bardhë do të publikohet në muajin nëntor por nuk do të jetë marrëveshja e shekullit – por shansi i shekullit

tashëm duhet kuptuar nëse fjalët e Kushnet do të interpretohen si një lëshim nga ana palestineze dhe nëse protestat me moton “Palestina nuk është në shitje”, do të ndalojnë.

Në një kohë që në Manama flitej për para, në Jeruzalem takimi trepalësh për sigurinë mes Shteteve të Bashkuara të Amerikës, Rusisë dhe Izraelit u përqendrua tek Siria dhe Irani. Por nga një këndvështrim ndryshe. Këshilltari për sigurinë i presidentit rus Putin, refuzoi përpjekjet për të izoluar Teheranin. Sipas tij është e papranueshme që Irani të prezantohet si kërcënimi më i madh për sigurinë në rajon. Një qëndrim i kundërt ai i këshilltarit të presidentit amerikan Tramp, Xhon Bolton i cili u shpreh se deklaratat e homologut rus sjellin në vëmendje se dhe Moska kohët e fundit ka kërkuar shumë herë që iranianët të largohen nga Siria./ABC News Albania 24/7

bashhha-1280x607.jpg
Sej rie14:30 | 26/06/2019

Bota perëndimore e dha sinjalin e parë që 30 Qershori nuk është ditë zgjedhjesh në Shqipëri. Ky reagim i kryetarit të Partisë Demokratike Lulzim Basha ka ardhur pas vendimit të Kongresit të Autoriteteve Rajonale dhe Lokale të Këshillit të Evropës që ka anulluar dërgimin e delegacionit vëzhgues për zgjedhjet vendore.

Ndodh për herë të parë në Shqipëri që nga rënia e komunizmit që Këshilli i Evropës  të vendosë të mos dërgojë vëzhgues pëe zgjedhjet vendore. Me këtë deklaratë Lulzim Basha i kundërpërgjigjet akuzave se ka dalë kundër rrymës së ndërkombëtarëve.

“Bota perëndimore dha sinjalin e parë, të qartë dhe të prerë, se 30 Qershori nuk është ditë zgjedhjesh në Shqipëri. Vendimi i Kongresit të Autoriteteve Rajonale e Lokale të Këshillit të Evropës për të anuluar dërgimin e Delegacionit Vëzhgues për farsën elektorale që po tenton të zhvillojë Edi Rama, është fakt kuptimplotë se në 30 Qershor nuk ka zgjedhje në Shqipëri”.

Këtë vendim Këshilli i Evropës e ka marrë jo sepse ia ka kërkuar opozita, por sepse 30 Qershori nuk është ligjërisht ditë zgjedhjesh në Shqipëri –nënvizoi kreu demokrat.

“Ky është një vendim qartësisht politik sepse është një tërheqje që Këshilli i Evropës nuk e ka bërë as për zgjedhje të zhvilluara në zona konfliktesh të armatosura apo konflikti civil nga Ukraina në Gjeorgji nga Armenia dhe Azerbajxhani apo edhe gjatë konfliktit të armatosur në Maqedoni”. 
Duhet të mbahet parasysh se Këshilli i Europës është institucioni kryesor i monitorimit të zgjedhjeve vendore në Evropë.

Mazhorancës i kujton qëndrimin e opozitës në lidhje me zgjedhjet  vendore. “Votimet e 30 qershorit janë nul, janë dhe do të jenë zero. Asnjë hap pas! Ne do t’i dalim për zot Shqipërisë”.

Më herët kryetari i Partisë Demokratike Lulzim Basha është takuar me  Kryesuesen e misionit vëzhgues të OSBE-ODIHR për zgjedhjet e 30 Qershorit në  Shqipëri Audrey Glover. Takimi ka zgjatur rreth 1 orë dhe në përfundim te tij, nga asnjë prej palëve nuk ka pasur informacion mbi diskutimet që janë zhvilluar. /ABC News Albania 24/7

zgjehdjet-1280x648.jpg
Sej rie13:50 | 26/06/2019

Këshillit i Evropës, ka vendosur të mos dërgojë në Shqipëri një Delegacion Vëzhgues Zgjedhjesh për shkak të pasigurisë së vazhdueshme në lidhje me organizimin e tyre më 30 Qershor dhe për shkak të rreziqeve të mundshme për sigurinë në disa zona të caktuara. Anulimin e vizitës ia kanë bërë të ditur autoriteteve shqiptare me anë të një emaili.

Këshilli i Evropës nuk do të sjellë në Shqipëri delegacionin e vëzhguesve zgjedhore. Nëpërmjet një e-maili kanë njoftuar institucionet shqiptare dhe deputetët mbi arsyet e tërheqjes.

“Në vijim të e-mailit të mëposhtëm, me të cilin ju ftojmë në një takim me një delegacion të Kongresit të Autoriteteve Rajonale e Lokale të Këshillit të Evropës, po ju informojmë se udhëheqja e Kongresit (Presidenti në konsultim me dy Presidentët e Dhomave, në përputhje me rregullat e Kongresit) ka vendosur të mos dërgojë në Shqipëri një Delegacion Vëzhgues Zgjedhjesh nga Kongresi për shkak të pasigurisë së vazhdueshme në lidhje me organizimin e zgjedhjeve lokale në Shqipëri më 30 qershor dhe për shkak të rreziqeve të mundshme për sigurinë në disa zona të caktuara”.

Në agjendën e publikuar në faqen zyrtare të Kongresi të Autoriteteve Rajonale e Lokale të Këshillit të Evropës ishte parashikuar që të mbërrinin në 26 Qershor vëzhguesit në Shqipëri ku do të qëndronin deri në 1 Korrik. Kongresi i Autoriteteve Rajonale e Lokale të Këshillit të Evropës që është edhe autoriteti më i lartë që monitoron zhvillimin e zgjedhjeve në Evropë kërkon ndjesë për çdo problem që mund të shkaktojë anulimi në çastet e fundit vetëm 4 ditë nga zgjedhjet vendore të 30 Qershorit./ABC News Albania 24/7

15614997389471.jpg
Sej rie13:30 | 26/06/2019

Xhanluixhi Buffon drejt rikthimit te skuadra e Juventusit. Zhvillime të reja tek bardhezinjtë edhe sa i përket nënshkrimit me Pogba dhe De Ligt.

Pas zyrtarizimit të trajnerit Mauricio Sarri, skuadra e Juventusit po punon për të përforcuar organikën me lojtarë tepër cilësorë. Mediat në Itali aludojnë për një rikthim të mundshëm të Xhanluixhi Buffon, i cili do të qëndrojë për një sezon në Torino e më pas do të marrë një post drejtuesi. Një lajm i tillë patjetër që ka entuziazmuar tifozët bardh e zi por veteran italian do të jetë vetëm portier i dytë në skuadër pasi Shezni është një titullar i padiskutueshëm. Marrëveshja me kampionët në fuqi të Italisë dhe Buffon mund të arrihet formalisht pasi 41-vjeçari është një lojtar i lirë.

Zhvillime të reja sa i përket nënshkrimit me mbrojtësin e Ajaksit Matias De Ligt. Torinezja “Tuto Sport” raporton se 19-vjeçari ka arritur një marrëveshje me skuadrën kampione të Italisë dhe zyrtarizimi pritet të konkretizohet brenda kësaj jave. Ka mbetur vetëm akordi me skuadrën e Ajaksit e cila kërkon rreth 80 mln euro. Juventus ofron 67 mln plus 13 mln euro bonuse në varësi të paraqitjeve të lojtarit. Barcelona dhe PSG janë ende në garë dhe Juventus duhet të përshpejtojë transferimin e mbrojtësit holandez.

Një tjetër objektiv i skuadrës se Juventusit është edhe Pol Pogba. Manchester United kërkon shifra të papërballueshme për arkat e Zonjës së Vjetër por Juventus e ka gati planin për të arritur te kampioni i botës me Francën. Sponsori kryesor i Juventusit, Adidas pritet të ndihmojë bardhezinjtë në transferimin e futbollistit te Manchester United./ABC News Albania 24/7

Mërgim-Mavraj.jpg
Sej rie13:20 | 26/06/2019

Kapiteni i kombëtares shqiptare Mergim Mavraj është transferuar te skuadra gjermane e Grojte Furth. Për futbollistin shqiptar ky është një rikthim tek kjo skuadër ku ka luajtur për tre sezone.

Kapiteni i kombëtares shqiptare, Mergim Mavraj ka përfunduar zyrtarisht aventurën me Ingolshtad që zbriti në kategorinë e tretë në Gjermani. Duke filluar nga sezoni i ardhshëm, mbrojtësi do të luajë sërish në ligën e dytë gjermane por me skuadrën e Grojte Furth. Mergim Mavraj ka firmosur për dy sezone me skuadrën gjermane. Lajmi është konfirmuar nga vetë klubi në një postim në faqen zyrtare në Twitter.

Nuk bëhen të ditura kushtet financiare ndërkohe që për Mavraj është një rikthim pasi është aktivizuar për tre sezone me Grojte Furth nga viti 2011 deri në vitin 2014. 33-vjeçari ishte titullar i padiskutueshëm me bardh jeshilet ku spikati edhe si lojtar në futbollin gjerman e me pas kaloi tek skuadra e Keln për të vazhduar më pas tek Hamburg.

Pas largimit nga Hamburg, futbollisti shqiptar e humbi disi shkëlqimin dhe kjo u reflektua edhe ne radhët e kuqezinjve. Gjithsesi në aventurën e re Mergim Mavraj pritet të jetë një titullar i padiskutueshëm dhe të rikthehet në nivelet më të larta./ABC News Albania 24/7

varferii-1280x626.jpg
Sej rie13:00 | 26/06/2019

Sipas një raporti të fundit të Kombeve të Bashkuara, ndryshimet klimatike do të shkaktojnë 120 milion të varfër të rinj Brenda vitit 2030. Po sipas këtij raporti vetëm të pasurit do të kenë mundësi t’i shmangen varfërisë

Philip Alston, relator special i Organizatës së Kombeve të Bashkuara, ka dhënë alarmin për varfërinë ekstreme dhe pasojat e saj. Planeti në fakt, rrezikon një apartheid klimatik në të cilin të pasurit kanë mjetet për tu larguar nga varfëria ndërsa pjesa tjetër e botës do të vuajë. Alston në raportimin e tij para këshillit të të drejtave të njeriut, i gjykoi masat e marra nga kombet e bashkuara sit ë papërshtatshme dhe jo të mjaftueshme për të shpëtuar planetin tokë nga tragjedia e pashmangshme

Australiani Alston është pjesë e një grupi ekspertësh të pavarur të kombeve të bashkuara. Paralajmërimi kryesor i raportit, i mbështetur në kërkimet e fundit shkencore dhe i prezantuar në Gjenevë, është se të varfrit në botë rrezikojnë të jenë më të prekurit nga rritja e temperaturave dhe nga mungesat e mundshme të ushqimit si dhe nga konfliktet që mund të shoqërojnë këto ndryshime

Parashikohet se vendet në zhvillim do të vuajnë të paktën 75 për qind të pasojave të ndryshimeve klimatike, pavarësisht faktit se gjysma më e varfër e popullsisë botërore prodhon vetëm 10 për qind të emetimit të dioksidit të karbonit.

Ndryshimi klimatik kërcënon të anulojë progresit e 50 viteve të fundit në fusha si shëndeti global si dhe reduktimi i varfërisë. Alston paralajmëroi se ndryshimet klimaterike mund të varfërojnë 120 milion persona Brenda vitit 2030. Akoma sot, shtoi ai, shumë vende po bëjnë hapa miopë në drejtimin e gabuar./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono