Sej rie

bunec-1280x705.jpg
Sej rie19:46 | 18/08/2019

Plazhi i Bunecit është një plazhet që kryesit preferohet nga familjarë, të cilët duan të kalojnë pushimet me fëmijët dhe të afërmit e tyre. Por mos harroni, në Bunec me pak buxhet mund të kaloni pushime të paharrueshme.

Në Bunec, ekipi i Edicionit Veror, shkuam dhe tek një nga molet e vjetra, i cili dikur shërbente për anijet e mallrave, po sot shërben për të apasionuarit e peshkimit.

“Peshkimi po na shkon mirë. Mua më pëlqen të peshkoj, edhe pse nuk jam shumë i aftë për me zan peshk. E bëj për një kënaqësi për të qëndruar afër detit. Kemi ardhur me pushime këto ditë dhe po kalojmë pushime shumë të bukura në vendin tonë që është Shqipëria”, tha një i pasionuar pas këtij sporti, duke shtuar se e shfrytëzon këtë kohë për të qëndruar pranë detit.

Por përveç çmimeve të ulëta pushuesit e frekuentojnë plazhin e Bunecit prej bukurisë që ka.

“Nuk bëhet fjalë prej mrekullisë që ka. Çmimet janë shumë të mira. Kemi bërë rrugë shumë të largët për të ardhur deri këtu”, u shpreh një pushues, i cili ka ardhur me pushime nga Athina./abcnews.al

108350921_borussiadortmund.jpg
Sej rie19:15 | 17/08/2019

Java e parë e Bundesligës gjermane, përveç dështimit të Bajernit në barazimin në fushën e tij me Hertën prodhoi gola pafund. Nënkampionët fitojnë bindshëm me Augsburgun në një kohë që Verder humbet në shtëpinë e tij me Fortuna Dyseldorf.

 Gola pa fund në startin e Bundesligs gjermane. Pas barazimit me Hertën në ndeshjen e hapjes Najern-Herta, rivalja e sezonit të kaluar Borusia Dortmund bën detyrën dhe nuk bën të njëjtën gjë, edhe pse ndaj Augsburgut është gjetur përballë një disavantazhi shumë të shpejtë. Skuadra e Favre ka fituar me shifrat 5-1 ndaj ekipit kundërshtar me një fillim pjese të dytë spektakolar.

Miqtë shënuan që në minutën e parë të ndeshjes, kur Niderlehner dërgoi topin në rrjetë. Por përgjigja ishte shumë e shpejtë, pasi vetëm 2 minuta më vonë Alkaser barazoi rezultatin me prekjen e parë të topit. Në fillimin e pjesës së dytë erdhën pastaj me radhë golat e tjerë ku Sanço, përsëri Alkaser e Rojs, brenda 8 minutash tundën tre herë rrjetën e miqve, ndërsa Brandt vulosi përfundimisht rezultatin 5-1. Një aavantazh I thellë për një skuadër që jep indiciet e para që do të bëjë një sezon tepër të fortë.

Por, edhe në sfidat e tjera të javës së parë të kampionatit gjerman sërish pati surpriza.  Spikat humbja në shtëpi e Verder Bremen ndaj Fortuna Dyseldorf, me Rashicën që dha asistin për golin e vetëm të skuadrës së tij. Ndërsa Leverkusen i mbijetoi një sfide të nisur vrullshëm nga Paderborn, për të marrë tri pikët në suksesin 3-2.

Amir Abrashi ishte vetëm zëvendësues në minutën e 89 në duelin që Fraiburgu i tij fitoi 3-0 ndaj Mainz.

Rezultatet

Bajer Leverkusen-Paderborn 3-2

10’ Beli, 19’ Havertz, 69’ Voland / 15’ Mishel, 25’ Mamba

  1. Dortmund- Augsburg 5-1

3’, 59’ Alkaser, 51’ Sanço, 57’ Rojs, 82’ Brandt / 1’ Niderlehner

Fraiburg-Mainz 3-0

81’ Holer, 83’ Shmid, 87’ Valdshmid

Verder Bremen-Fortuna Dyseldorf 1-3

47’ Egeshtajn / 36’ Henings, 52’ Karaman, 64’ Ajhan

Volfsburg-Këln 2-1

16’ Arnold, 60’ Ueighorst / 90’+1’ Terode./ABC News Albania 24/7

itali-ambulanca-aksident.jpg
Sej rie19:00 | 17/08/2019

Dy persona me origjinë shqiptare kanë humbur jetën në një aksident tragjik që ka ndodhur në Itali në orët e para të mëngjesit të së shtunës. Aksidenti ndodhi në autostradën A14 Bologna – Taranto. Viktimat janë një grua 38 vjeç dhe një burrë 28 vjeç, të dy shqiptarë. Mediat italiane nuk kanë bërë të ditur identitetin e viktimave.

Automjeti i tyre, Renault Clio, u godit në pjesën e pasme nga një makinë Volkswagen Passat. Përplasja ishte aq e fortë, saqë u shkaktoi vdekjen e menjëherë dy shqiptarëve.

Në automjetin e dytë udhëtonin 3 persona me origjinë italo-zvicerane. Dy burra dhe një grua mbetën të plagosur, por gjendja e tyre raportohet të jetë jashtë rrezikut.

Shkaqet e këtij aksidenti të rëndë janë të paqarta. Autoritetet italiane janë duke hetuar dinamikën dhe rrethanat se çfarë e shkaktoi përplasjen mes automjeteve që rezultoi fatale për dy shqiptarët. Mësohet se 28-vjeçari banonte në Imola, kurse 38-vjeçarja jetonte në Galeata. /tvklan.al

franko-lerda-2.jpg
Sej rie18:45 | 17/08/2019

Trajneri i Partizanit, Franko Lerda, shpreson që skuadra e tij të nisë sezonin me një fitore në Superkupë, për të dhënë sinjalin e parë të edicionit. Sipas tij, jo të gjithë elementët e skuadrës janë në kushtet optimale, fizike dhe teknike. Ai shmang të komentojë mbi deklaratat e Duros, në një kohë që konfirmon që ka ardhur në këtë klub të punojë vetëm për fushën, jo për merkaton.

Edhe lojë dinjitoze, por natyrisht duam që trofeu të shkojë në klub. Do të jetë prova dhe Shansi i parë I trajnerit Lerda që të mund të marrë një trofe. Në daljen publike të tij, një ditë përpara sfidës me Kukësin, tekniku Italian i skuadrës kampione beson se skuadra mund ta nisë mirë edicionin. Sidoqoftë vetë trajneri ka bërë të qartë se ende ekipi nuk është në maksimumin e duhur.

 “Ne jemi gati për ta nisur mirë këtë sezon, kemi dëshirën të bëjmë tonin këtë trofe për ta nisur mirë sezonin. Skuadra po punon shumë mirë, ende nuk kemi të gjithë efektivët në kushtet optimale se kemi pasur përgatitje me emra që janë afruar më vonë. Por po punojmë që të gjithë të jenë sa më gati edhe në aspektin fizik, edhe atë teknik. Ne jemi përgatitur se e parashikon rregulloja, ndaj kemi bërë stërvitje edhe pjesën e penalltive”.

Në lidhje me merkaton dhe largimin e Mensah në një farë mënyre trajneri Lerda theksoi se për këtë çështje duhet të merrni përgjigje nga klubi. Sipas tij, merret klubi, pasi vetë ai përgjigjet vetëm për fushën e lojës.

 “Kam ardhur në një vend të huaj, në një kampionat që nuk njoh, me një skuadër që ka fituar titullin, me drejtues që kanë ndërtuar një ekip që funksionon se ndrysh nuk do të fitonte. Nga trajnerët jam si natyre prej atyre që i besojnë klubit, ka edhe teknikë-menaxherë por unë i besoj kësaj skeme”,- përfundoi Lerda./ABC News Albania

pamjet-1-1280x726.jpg
Sej rie18:30 | 17/08/2019

Turistët spanjollë,  të dhunuar nga pronari i një lokali në Porto Palermo, kanë filmuar sulmin e 51 -vje֛çarit ndaj tyre. Pamjet tregojnë agresorin mbi xhamin e makinës teksa thyen atë si dhe momentet e tmerrit të përjetuar nga spanjollet e shoqëruesit e tyre. 51 vjeçari i arrestuar del nesër para gjykatës për caktimin e masës së sigurisë.

Këto janë momentet dramatike kur Mihal Kokëdhima, pronari i një lokali në plazhin e Porto Palermos, sulmon një makinë ku ndodheshin tre turistë spanjollë dhe dy shoqërues të tyre shqiptarë.

Për 5 kilometër me radhë, nga Porto Palermo e deri në Qeparo, për më shumë se 6 minuta, 51 – vjeçari qëndron mbi kofanon e makinës dhe qëllon me grushte xhamin e saj për të detyruar turistët të ndalojnë. Gjithçka ka ndodhur është filmuar me celular nga njëri prej turistëve.

“Filmoje, filmoje!”.

E thyen xhamin dhe me duart e gjakosura arrin të kapet në kroskot, duke qëndruar ashtu për kilometra me radhë, duke kërcënuar turistët e duke injoruar thirrjet e tyre që të zbriste.

Nuk trembet as kur drejtuesi i mjetit e paralajmëron se ashtu siç janë, do ta çojë në polici.

“Nuk ndaloj fare, do vemi në polici”.

“Në polici të vemi direkt”.

Për minuta me radhë nën këtë gjendje, si në një film horror, tenton t’i mashtrojë turistët e huaj dhe shoqëruesit e tyre, duke u kërkuar ta ndalonin makinën me qëllim që të zbriste, por nuk zbret kur ata ndalojnë.

Gjatë gjithë kohës, ashtu i gjakosur në duar, synon të hyjë në makinë nga xhami i përparmë i thyer dhe t’i sulmojë.

“Mbaaajeee”!

“Zbrit nga makina, zbrit”.

Kur nuk reziston dot më, është gati të lëshohet.

“Mbaje se vdiqa”.

“Do zbresësh apo jo”?

Drejtuesi i makinës e ndalon për ta lejuar të zbresë pa u lënduar, por Mihal Kokëdhima i sulmon sërish në fshatin Qeparo. Shoferit i duhet të largohet me shpejtësi kur ai i vërsulet sërish mjetit.

Tmerri nuk përfundon këtu. Edhe pasi Mihal Kokëdhima largohet, ai u vihet pas me makinë. Nga biseda e pushuesve të frikësuar, dëgjohet se ai mund të ketë edhe armë.

“Ec, ec, ec se ka armë”.

Makthi merr fund kur pushuesit i largohen disa kilometra Qeparoit dhe i drejtohen Sarandës për ta denoncuar rastin në polici.

Pushuesit, ende të tronditur, i tregojnë një mikut të tyre që telefonuan për t’i kërkuar ndihmë, se 51–vjeçari Kokëdhima i kishte sulmuar për shkak se turistët spanjollë kishin shprehur rezerva për shërbimin në lokalin e tij dhe ishin ngritur nga tavolina për t’u larguar.

“Na sulmoi ky, i zoti lokalit, po se vajti fliste tërë kohën dhe këta të huajt nuk donin të hanin”.

Disa minuta më vonë policia e arrestoi 51-vjeçarin Mihal Kokëdhima dhe mori nga turistët edhe pamjet filmike që dokumentuan aktin e tij barbar, që jo vetëm tmerroi pushuesit e huaj, por që cenon edhe imazhin e vendit në pikun e sezonit./ABC News Albania 24/7

69257602_10156916953781523_2580908451609706496_n.jpg
Sej rie18:15 | 17/08/2019

Përshkallëzohet goditja ndaj informalitetit në zonën e Sarandës, ku një numër i konsiderueshëm subjektesh janë regjistruar, duke paguar detyrimet përkatëse ndaj shtetit dhe një numër jo të vogël abuzuesish përsëritës, u është bllokuar aktiviteti. Lajmin e bën të ditur kryeministri Edi Rama në rrjetet sociale. Në postimin e tij në Facebook kreu i qeverisë ka publikuar edhe foto të disa prej bizneseve të mbyllura shoqëruar me paralajmërimin se kontrollet vijojnë intensivisht me fokus mbi zonën bregdetare, sektorin e naftës dhe mallrat e tjera të akcizës me zero tolerancë ndaj abuzuesve.

Ikardi-1.jpg
Sej rie18:00 | 17/08/2019

Nuk mungojnë batutat e ish-drejtorit të Juventusit, Moxhit që së fundmi për mediat italiane ka dhënë recetën e tij, për të ardhmen e Ikardit. Sipas tij, Ikardit i bie që mes qëndrimit të Interi dhe bashkëshortes, të zgjedh Interin. “Një afrim në Torino me Juventusin do t’i shërbente shumë skuadrës, por gruan do e kishte në Milano”,- thekson Moxhi ndër të tjera që inkurajon ndër të tjera edhe Juventusin ta marrë Ikardin.

Ish-drejtori Juventin i viteve të arta që më pas sollën edhe katastrofën e klubit, Luciano Moggi i bën apel Ikardit për zgjedhjen e tij. Sipas vetë Moggit, Ikardit më mirë i bie të ndajë gruan e të rrijë te Interi, se sa me gruan e të vijë në Torino. Për momentin argjentinasi Ikardi mund të konsiderohet praktikisht si një futbollist pa skuadër, duke qenë se Interi nuk e lejon të stërvitet me pjesën tjetër të grupit.

Një diçka e tillë për momentin në Itali në kurriz të lojtarit i faturohet Uanda Narës duke qenë se bashkëshortja e futbollistit dhe njëkohësisht agjentja e tij e kanë bërë një mish mash të madh një operacion të tillë si të rinovimit, ashtu edhe të transferimit. Së fundmi Luçiano Moxhi, në një intervistë për mediat italiane u shpreh se Ikardi duhet të ndahet me Uandën pasi në Torino nuk do ta ketë.

“Interi po e detyron Ikardin të largohet ose do ta lërë në tribunë. Është më mirë të paguash 6 milionë euro për një kampion sesa ta largosh pasi Ikardi ka potencial kampioni. Juventusit i duhet ky lojtar sepse loja fokusohet te Ronaldo dhe Ikardi nuk është nga ata që rikuperon topa. Ikardi më mirë të ndahej nga bashkëshortja e tij sesa nga Interi pasi nëse vjen te Juventusi, ai do të jetë në Torino ndërsa gruaja në Milano. Interi e ka tepruar me blerjen e Lukakut pasi aq kushton një kampion ndërsa Lukaku nuk është i tillë. Maksimumi mund të kushtonte 45 milionë euro”, tha Luçiano Moxhi.

Një deklaratë e cila mes batutës mund të ketë një të vërtetë brenda saj, por që gjithsesi do të trazojë pak humorin mes vetë lojtarit dhe gruas, që nuk kanë gjetur ende gjuhën me klubin e Interit./ABC News Albania 24/7

islane-1280x728.jpg
Sej rie17:45 | 17/08/2019

Si pasojë e ndryshimeve klimatike një akullnajë në Islandë është zhdukur. Shkencëtarë të Shteteve të Bashkuara të Amerikës dhe Islandës organizuan një ceremoni funebër për të tërhequr vëmendjen e opinionit publik për këtë fenomen

Në Islandë është organizuar një ceremoni funebër pas zhdukjes së akullnajës së parë të vendit si pasojë e ndryshimeve klimatike si pasojë e aktiviteteve të njeriut. Ideja ishte e një grupi shkencëtarësh dhe ambientalistësh të Shteteve të Bashkuara të Amerikës dhe Islandës.

Pjesëmarrësit u ngjitën në një lartësi prej 1400 metrash që çojnë në majë të akullnajës dhe bënë homazhe duke vendosur një tabelë për të tërhequr vëmendjen e opinionit publik për rreziqet e ndryshimeve klimatike. Sipas shkencëtarëve parashikohet se në 200 vitet e ardhshme të gjitha akullnajat kryesore do të jenë zhdukur.

Akullnaja shtrihej për rreth 15 kilometra katrorë, ndërsa në vitin 2014 u reduktua për të paktën një kilometër katror, duke bërë që gjeologët ta konsiderojnë zyrtarisht si një akullnajë të vdekur.

Ekspertët shprehen se fakti që një akullnajë e vogël islandeze është zhdukur, nuk përbën ndonjë ndryshim të madh, por është një tregues I qartë për atë që po ndodh në të gjithë botën.

Diçka që do të ketë pasoja të mëdha në pjesën më të madhe të vendeve dhe personave. Në fakt gjeologët konfirmojnë se me dhjetëra akullnaja janë zhdukur në Islandë dekadat e fundit. Nëse parashikimet për rritjen e temperaturave me dy gradë për shekull do të ishin të sakta, pas 200 vitesh rreth 300 akullnaja ekzistuese në ishull do të zhduken./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono