Igli Nikolli
Sandro Tonali cilësohet si Pirlo i ardhshëm

Paratici.png
Igli Nikolli17:57 | 22/01/2020

Juventus po mendon për të ardhmen dhe pas Dejan Kulusevskit është gati të sigurojë shërbimet e një tjetër talenti të kampionatit italian. Objektivi i madh është Sandro Tonali, mesfushori i Brescias. 19-vjeçari cilësohet si Pirlo i ardhshëm dhe po zhvillon sezonin e parë në Serie A.

Deri tani ka shënuar një gol dhe ka dhuruar katër asiste, teksa tetorin e kaluar debutoi me kombëtaren italiane. Për Tonalin ka interesim nga shumë klube, por Fabio Paratici ka gati planin për të mbërritur tek ai.

Sipas medieve italiane, drejtori sportiv i Juventusit po tenton të blejë kartonin e lojtarit dhe ta lërë huazim deri në fund të sezonit te “Dallëndyshet”. E njëjta skemë që u përdor me Kulusevskin, por për të bindur presidentin Cellino nevojiten shumë milion euro. /abcnews.al

 

Sandro Tonali cilësohet si Pirlo i ardhshëm
Mbappe-3.jpg
Igli Nikolli17:29 | 22/01/2020

Kylian Mbappe është e tashmja dhe e ardhmja e futbollit. Ylli i PSG-së është ende i ri, por ka fituar tituj me Monacon dhe PSG, teksa u shpall kampion bote si protagonist me Francën e tij.

Në prononcimin e dhënë për Gazzetta dello Sport, sulmuesi 21-vjeçar tregon edhe lojtarin që i ka bërë më shumë përshtypje nga të gjithë dhe ai është një italian.

Verratti është një fenomen dhe kjo është e dukshme nga të gjithë. Është lojtari që më ka impresionuar më shumë që prej momentit që erdha te PSG. Marco është shumë i fortë, është fat i madh që e kemi në skuadër. Ndihem krenar që luaj në një ekip me të“, thekson Kylian Mbappe. /abcnews.al

 

Mbappe dhe Verratti
Moratti.jpg
Igli Nikolli17:13 | 22/01/2020

Massimo Moratti nuk mund të qëndrojë larg Interit dhe shpreson që ekipi i tij i zemrës të arrijë të fitojë titullin kampion këtë sezon. Ish-presidenti legjendar i klubit zikaltër ka dhënë një prononcim për Il Giorno, aty ku jep një premtim, thur elozhe për Antonio Conten dhe analizon ecurinë e Interit.

Jam gati të lë cigaren nëse Interi fiton titullin. E bëj këtë sakrificë dhe pres që ekipi të më dhurojë emocione. Duhet të kemi edhe pak fat në fitimin e titullit. Skuadra është, gjithashtu edhe trajneri. Antonio Conte është i aftë, pres një fazë të dytë emocionuese dhe një mbyllje siç duam ne tifozët.

Trajneri vendos zemër dhe pasion në punën e tij, teksa po ia del të marrë maksimumin nga të gjithë lojtarët. Është edhe shumë kompetent. Shpresoj që Interi të rikthehet te fitimi i trofeve, do të hiqja dorë nga pirja e cigares për këtë“, përfundon Moratti. /abcnews.al

Odriozola-1.jpg
Igli Nikolli16:51 | 22/01/2020

Bayern Munchen arriti akordin me Real Madrid dhe përforcoi mbrojtjen me Alvaro Odriozola. 24-vjeçari spanjoll aktivizohet në rolin e mbrojtësit të djathtë dhe është huazuar deri në fund të sezonit te kampionët e Gjermanisë.

Shefi ekzekutiv i klubit bavarez, Karl-Heinz Rummenigge është i lumtur për afrimin e lojtarit të kombëtares spanjolle. Odriozola ishte një kërkesë e trajnerit Flick dhe drejtuesi gjerman falënderon klubin spanjoll për këtë bashkëpunim.

Pasi e diskutuam mes nesh, vendosëm të plotësonim dëshirën e trajnerit Hansi Flick për të përforcuar mbrojtjen. Vendosëm të zgjidhnim Odriozolën dhe jemi të kënaqur me këtë afrim. Falënderojmë edhe Realin për bashkëpunimin miqësor“, thekson Rummenigge për sajtin e Bayernit. /abcnews.al

Donald-Acka-Luftetari-e1579707377266.jpg
Igli Nikolli16:33 | 22/01/2020

Luftëtarit iu anulua një gol ndaj Kukësit në pjesën e parë dhe Donaldo Açka zbulon në emisionin “Gol pas Goli” në Supersport bisedat e bëra me arbitrin kryesor, atë anësor dhe të katërtin.

GOLI – “I pyeta të gjitha Anësori më tha ishte gol, nuk e pashë fare, edhe i katërti më tha s’e pashë. Arbitri kryesor më tha ishte faull”.

NDESHJA – “Kukësi është Kukësi, edhe ne luajmë futboll edhe ata luajnë futboll. Nuk do të thotë që ne të bëjmë gola dhe të na i heqin. Po çfarë të bëjmë, duhet ti harrojmë këto dhe të mendojmë për Tiranën. Ne jemi Luftëtari nuk jemi skuadër koti. Nuk mund të vish këtu edhe t’i anulosh golat si të duash. Edhe të rasti në pjesën e dytë për penallti, më tha që është faull. Nuk e kuptoj”.

LUFTËTARI – “Jemi grup shumë i ri, por punojmë dhe japim maksimumin përditë. Na jepet mundësi e madhe për të luajtur në Superiore. Unë jam 22 vjeç, ka edhe 18 vjeçare. Ne do bëjmë maksimumin për skuadrën. Ishalla na ndihmojnë, ne bëjmë maksimumin dha ata s’na ndihmojnë na i kthejnë golat”.

PIKA – “Të jemi realist, luajtëm me Kukësin, jemi të kënaqur, por u futëm për të marrë 3 pikët. Morëm barazimin, shikojmë përpara. Punojmë për ditë, jemi çuna të rinj, kemi oreks, kjo është ndeshja jonë”. /abcnews.al

Duro-Shpëtim.jpg
Igli Nikolli16:21 | 22/01/2020

Kukësi nuk e nisi siç pritej vitin 2020 dhe la dy pikë në Gjirokastër. Të mos ishte për gabimet e arbitrit, Luftëtari mund ta kishte fituar ndeshje, teksa Shpëtim Duro, trajneri i Kukësit, analizoi ndeshjen në emisionin “Gol pas Goli” në Supersport.

NDESHJA – “Të arrish fitoren duhet sakrificë dhe agresivitet në momente të veçanta. Pjesa e parë ka qenë jashtë pritshmërive të mia. Në pjesën e dytë luajtëm, dominuam, por nuk arritëm të shënojmë ndaj një kundërshtari që tregoi se futbolli është i çuditshëm. Edhe skuadrat me të rinj të krijojnë probleme. E kisha frikë, ja u thashë edhe lojtarëve, mendohej që ishte ndeshje e lehtë. Një barazim që nuk ka justifikim për ne”.

KRITIKAT – “Të gjitha ekipet kryesuese kanë hasur vështirësi me këto skuadra, jo vetëm ne. Ishte hap i gabuar, i papranueshëm. Futbolli nuk ka diferenca, duhet të fitohet në fushë jo me deklarata. Janë disa futbollistë që mendojnë se janë dikushi, por duhet të jesh serioz dhe profesionist për të fituar ndeshjen. Sot mund të ketë shumë futbollistë te Luftëtari që mund të afirmohen në të ardhmen si Abazaj dhe Rroca”.

FRIKA – “Topin e kishim në zotërim, nuk diskutohet. Ka pasur momente që e kemi kontrolluar shpejt me dalje në krah, por edhe momente që e qarkulluam ngadalë. E kisha pak frikë sot, terreni ishte i keq në raport me miqësoret që kishim zhvilluar. E ndjeja që nëse nuk do e zgjidhnim me gol do kishim vështirësi përballë një skuadre në mbrojtje dhe terrenit të keq. Frika rezultoi siç e mendoja”.

NDESHJA MË E DOBËT? – “Nuk jam dakord, çdo ndeshje ka historinë e saj. Janë këto fodullë që e kanë çuar Kukësin këtu. Kanë klasin e tyre, por do i kritikojmë për ndeshjen e sotme. Janë futbollistë cilësorë, kanë meritë, por përgjegjësi kanë, edhe pse nuk kemi tifozët nga afër. Nuk ishte ndeshja më e dobët, skuadra luajti, nuk mund t’i ul vlerat e saj. Gjithsesi, nuk ka justifikim kur del barazim në një ndeshje që duhet ta fitonim”.

GOLI I ANULUAR – “Normalisht siç na kanë penalizuar edhe ne, janë gjëra që ndodhin në futboll. Gjyqtari kryesor gaboi me shenjën e dorës, por akordoi faull që në momentin e parë”. /abcnews.al

Boban-Maldini.jpg
Igli Nikolli15:46 | 22/01/2020

Entuziazmi është rikthyer te Milani falë rezultateve të fundit pozitive. Ardhja e Zlatan Ibrahimovic ka sjellë një efekt pozitiv dhe ka “ringjallur” kuqezinjtë. Drejtuesit po vijojnë punën për të përforcuar ekipin dhe së fundi kanë pasur një takim me Agustin Jimenez.

Ky i fundit është agjenti i Rodrigo De Paul, mesfushorit të Udineses. 25-vjeçari është një objektiv i hershëm i kuqezinjve dhe ka diskutuar me dyshen Maldini-Boban në lidhje me transferimin e argjentinasit në Milano.

Drejtuesit e “Djallit” i janë rikthyer pistës De Paul, teksa Jimenez është edhe agjenti i Angel Correas së Atletico Madrid, një tjetër lojtar që Milani tentoi ta blinte gjatë merkatos së verës së kaluar. /abcnews.al

 

Rodrigo De Paul
Moreno.jpg
Igli Nikolli15:33 | 22/01/2020

Robert Moreno dhe Luis Enrique kishin një raport shumë të mirë midis tyre. Fatkeqësia e trajnerit të Spanjës me vajzën e vogël e detyroi të jepte dorëheqjen dhe Federata vendosi Morenon në këtë post, zëvendësuesin e tij. Dera për Luis Enrique mbeti gjithmonë e hapur dhe ky i fundit u rikthye pasi mori veten.

Moreno ia kishte dalë të kualifikonte Spanjën në Euro 2020 dhe ëndërronte të ishte në stol në kompeticionin e madh. Rikthimin e “mjeshtrit” nuk e priti mirë dhe raporti mes palëve u prish. Sot ndihet keq dhe shpreson që të rikrijojë miqësinë që kishte, teksa analizon gjithçka në një prononcim për RAC1.

Jam shumë i trishtuar për atë që ndodhi dhe askujt nuk i pëlqen diçka e tillë. Kam mbërritur deri këtu falë Luis Enrique dhe nuk do të dalë kurrë nga goja një fjalë e keqe për të. Më trishton shumë raporti personal me të. Kam menduar ta telefonoj, por më pas jam frenuar sepse mendoj se nuk ka më vlerë.

Shpresoj që të ndërtoj sërish një marrëdhënie të mirë me të. Askush nga ne nuk donte që të ndodhtë kjo që ndodhi. Më vjen mirë që nuk kam reaguar menjëherë, sepse do të kisha gabuar, isha shumë i zemëruar. Kam një ndërgjegje të pastër për atë që kam bërë, do bëja gjithçka njësoj sërish. U tregova egoist, por e bëra për të ardhmen time“, thekson Robert Moreno. /abcnews.al

De-Bruyne-2.jpg
Igli Nikolli15:19 | 22/01/2020

Manchester City hasi jo pak vështirësi mbrëmjen e kaluar kundër Sheffield United. Gabriel Jesus humbi një penallti në pjesën e parë, por në fund mendoi dyshja Aguero-De Bruyne. Belgu dhuroi një asist për bomberin argjentinas në minutën e 73-të dhe “El Kun” shënoi golin e fitores për ekipin e Pep Guardiolës.

Asist shumë i bukur i belgut dhe i 15-ti në kampionat këtë sezon. De Bruyne ka vendosur një rekord unik në Premier League me “dhuratat” fantastike për shokët e skuadrës. Është sezoni i tretë që ylli i “Cityzens” arrin shifrën e 15 asisteve në kampionat.

Sezonin 2016-2017 ai e mbylli me 18 asiste, ndërsa një vit më pas regjistroi 16 pasime për gol. 28-vjeçari e arriti shifrën 15 edhe këtë sezon, teksa deri në fund mund të përmirësoje edhe më tepër rekordin e tij. Askush më parë nuk ia kishte dalë të regjistronte tre sezone me +15 asiste në ishull dhe De Bruyne është futur në histori me këtë rekord fantastik. /abcnews.al

 

View this post on Instagram

 

This guyyyyyy 🔥⚡️🔥⚡️ ⠀ ⠀ #ManCity

A post shared by Manchester City (@mancity) on

Kun-Aguero.jpg
Igli Nikolli08:04 | 22/01/2020

Sergio Aguero është golashënuesi më i mirë në historinë e Manchester City. Sulmuesi argjentinas ka një kontratë deri në vitin 2021 me ekipin anglez, teksa mosha 31-vjeçare nuk i premton shumë sezone në nivele të larta.

“Cityzens” janë gati të plotësojnë dëshirën e “El Kun” për t’u larguar dhe nuk kanë ndërmend ta pengojnë. The Sun raporton se bomberi mund t’i japë fund aventurës me ekipin e Guardiolës në verë, teksa mund të vijojë karrierën në SHBA.

Inter Miami është gati t’i dhurojë një kontratë afatgjatë dhe shumë të mirë në aspektin financiar, opsion që e tundon shumë Sergio Agueron, edhe pse ndonjë ofertë e ndonjë klubi të madh europian mund të merret në konsideratë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono