in a

1-o.jpg
in a22:37 | 21/11/2019

Dy në pesë të rritur shtiren si të sëmurë për të marrë një ditë pushim, thuhet në një studim të realizuar nga Com Res.

Të përzgjedhurit në Britaninë e Madhe kur u morën në pyetje pranuan se shtiren si të sëmurë për të marrë një ditë pushim. Ndërsa stafi më i ri ishte ai që gënjente më shpesh sesa të vjetrit, shkruan BBC.

Një punëtor mesatarisht kërkon rreth katër ditë pushim në vit me arsyetimin se është i sëmurë, tregojnë të dhënat e Zyrës për Statistikat Kombëtare. Gjithashtu u zbulua se arsyet më të shpeshta për të mos shkuar në punë në vitin 2018 ishin ftohja e zakonshme, problemet muskulare si dhimbja e shpinës, kushtet e shëndetit mendor dhe problemet e “tjera”. Pjesë e këtij sondazhi të realizuar në Britaninë e Madhe ishin 3,655 të rritur, të moshës mbi 16-vjeç.

Sondazhi zbuloi se 66% e të punësuarve nuk do t’u tregonin shefave nëse ata e dinin se kolegët e tyre mungojnë në punë me arsyetimin se janë të sëmurë, por që në fakt nuk janë.

Hayley Lewis, psikolog , tha se duhet të krijohet një mirëkuptim dhe besim midis punëdhënësit dhe punëmarrësit./abcnews.al

uio.jpg
in a22:10 | 21/11/2019

Një ngjarje e rëndë e ndodhur në lagjen “13 Shtatori” në Berat, ku tre të rinj masakruan me shkelma një 30-vjeçar.

Tre të rinjtë kanë goditur goditur me shkelma 30-vjeçarin duke e lënë pa ndjenja deri në momentin që mbërriti ambulanca. Ai është transportuar në Spitalin Rajonal të Beratit. Menjëherë pas ngjarjes, policia arrestoi 3 të rinjtë, konkretisht shtetasit me inicialet F.G, 17 vjeç, J.B, 23 vjeç si dhe K.M., 18 vjeç, të tre banues në Berat.

Njoftimi i Policisë:

Nga Specialistët e Seksionit për Krimet u bë arrestimi në flagrancë i shtetasve:
•F.G, 17 vjeç,
•J.B, 23 vjeç,

•K.M, 18 vjeç, të tre banues në Berat.
Arrestimi i tyre u bë pasi në lagjen “13 Shtatori” në bashkëpunim me njeri-tjetrin, për motive të dobëta kanë dhunuar fizikisht shtetasin N.Ç, 30 vjeç, banues në fshatin Duhanas, Berat, i cili po merr mjekim në Spitalin Rajonal Berat.
Materialet i kaluan Prokurorisë së Rrethit Gjyqësor Berat për veprën penale, “Plagosja e rëndë me dashje, kryer në bashkëpunim”, parashikuar nga nenet 88, 25 të Kodit Penal./abcnews.al

 

97.jpg
in a21:27 | 21/11/2019

Si shkak i protestave të vazhdueshme, qeveria e Iranit ka vendosur të ndërpresë internetin duke menduar se në këtë mënyrë do të ndëshkohen qytetarët. Ndërprerja e internetit në Iran ka hyrë në ditën e pestë.

Qeveria vendosi të ndëshkojë qytetarët pas shpërthimit të protestave në shumë qytete. Manifestimet po bëhen për rritjen e çmimeve të karburantit me të paktën 50%.

Ndërprerjet e internetit “u rritën” për të krijuar një mbyllje thuajse totale në shumë qytete në orët e para të së shtunës, treguan të dhënat e NetBlock.

Hartimi i të dhënave nga firma e teknologjisë amerikane Oracle gjithashtu tregoi një rënie të ndjeshme të internetit në vend.

Agjencitë shtetërore iraniane të lajmeve raportuan se autoritetet po rivendosin gradualisht lidhjen me internetin në disa rajone, përfshirë provincën jugore të Hormozgan-ut kur ndodhet porti kryesor ai i Bandar Abbasit.

Duke folur përpara gazetarëve në Teheran sekretari i Këshillit Suprem për Qasjen në Internet Abolhsan Firouzabadi tha se së shpejti autoritetet do të merrnin një vendim nëse do të rikthejnë apo jo  internetin, ndërprerja e të cilit i shkaktoi dëme të mëtejshme një ekonomie tashmë të dobësuar nga sanksionet amerikane dhe korrupsioni qeveritar. Ai tha se shpreson që ndërprerja të përfundojë “brenda dy ditëve të ardhshme”.

/abcnews.al

ylli1-1280x545.jpg
in a21:08 | 21/11/2019

Opozita shqiptare sot është më e papërgatitur se kurrë, shprehet Ylli Rakipi.

“Në Shqipëri është krijuar ky model që të rrëmbehet gjithçka. Dalja e opozitës nga sistemi është dalja më gabuar që ka bërë. Në favor të sistemit opozita shkon edhe në gjakosje. Opozita jonë është shumë e dobët dhe duhet të kuptojë që regjimet nuk rrëzohen vetë,  kërkon forcë, organizim të opozitës dhe jo një opozitë teatrale”, tha Rakipi.

Gjithashtu ai thekson faktin se lufta e opozitës nuk mund të bëhet në mbledhjet me studentë dhe të flasësh për mbiemrin e Taulant Ballës.

“Edi Rama nuk ka ku shkon nuk kthehet dot më mbrapsht, me të gjitha ngjarjet që kanë ndodhur në Shqipëri, ky është një ankth për Ramës, por sërish ai është në të drejtën e tij kur thotë këtu do të qëndroj”, tha ndër të tjera Rakipi.

Ylli Rakipi u ndal edhe tek kauza e opozitës duke theksuar faktin se duhet të mbajë përgjegjësi për fatin e nismave që ndërmer.

Nëse shpall një kauzë kundër oligarkëve, duhet të japësh një përgjigje të vërtetë, sepse në momentin që ke shpallur kauzën dhe ke marrë banorët e unazës duke i mbajtur një vit dhe një ditë i lë në mes të rrugës, ata nuk të ndjekin më. Nuk mund të braktisësh qytetarët në momentet më delikate. Tani opozita duhet të përpiqet të rregullojë veten, tha Rakipi.  Sipas tij lideri i PD, Lulzim Basha është përgjegjës për shmangien e garës brenda partisë.

Sa i përket ish-kryeministrit Sali Berisha, ai thotë se është njeriu më i fortë në këto 30 vjet. Ndërkohë që Edi Rama i ka marrë të gjitha me mënyrat e veta.

Presidenti Meta sipas Rakipit është, i vetmi i cili po përpiqet ti thotë të gjitha gjerat që konstaton si shkelje, të gjitha problematikat që ka ky vend, nuk jam dakord me pjesën tjetër që mendon për largimin e Metës, deklaroi Rakipi. Ndërkohë thekson se presidenti si fuqi politike duhet të bëjë ndryshimin në këtë vend./abcnews.l

 

ylli-1280x657.jpg
in a20:54 | 21/11/2019

I ftuar në “Mbrëmja në ABC” me gazetaren Mirela Milorin, analisti Ylli Rakipi ka folur rreth ngërçit të krijuar me Gjykatën Kushtetuese dhe përplasjet mes palëve politike.

Sipas tij ky rol i ndërkombëtarëve është një rol i ndërtuar nga vetë politika shqiptare. Ndërkombëtarët nuk kanë kërkuar llogari për asnjë gjë, të gjitha ngërçet e krijuar në vend nuk kanë marrë asnjë zgjidhje. Sipas tij ndërkombëtarët kanë ardhur dhe janë larguar duke mos sjellë asnjë ndryshim, vendi ka vazhduar të jetë me zgjedhje të blera, me një sistem drejtësie të korruptuar, u shpreh Rakipi.

“Kryeministri Rama ia doli të qëndrojë në krye të piramidës sepse në këto 30 vjet nuk kemi ndërtuar sistemin, politika u përpoq të ndërtonte një sistem jashtë sistemit dhe tani plas fluska që sipas tij është reforma në drejtësi. Mazhoranca i ka të gjitha, nuk pranon që anëtarët e Gjykatës Kushtetuese të zgjidhen sipas Kushtetueses”, tha Rakipi.

Sa i përket përfaqësimit nga opozita aktuale në parlament ai thekson se nuk mund të pranohet nga ndërkombëtarët ai parlament.

“Kjo klasë politike është fajtore për të gjithë krizën politike, nëse ne pranojmë se do të aplikojmë në Shqipëri standarde si të BE-së me këtë klasë politike, atëherë nuk do të shkojmë askund. Nuk do të presin më shqiptarët, kanë ikur vlerat, nuk mund të themi që kemi standarde dhe kështu do të pranohemi në BE”, tha ndër të tjera Rakipi.

Sipas tij, për sa i përket kanabizimit të vendit, perëndimorët e “ndihmuan” në mënyrën më të keqe të mundshme Shqipërinë, duke heshtur, tha Rakipi. /abcnews.al

felaj-1-1280x628.jpg
in a19:49 | 21/11/2019

Vlerësimin e aftësisë personale e bën Këshilli i Emërimeve në Drejtësi dhe jo Presidenti kështu është shprehur deputetja e PS-së, Ermonela Felaj në “Mbrëmja e ABC”.

“Ishte konsumuar zgjedhja e presidentit duke kaluar afati tre ditor, lista kishte rënë dhe nuk mund ti kthehej me asaj liste. Sipas këndvështrimit tim nëse presidenti ruan një gjykim tjetër për mënyrën e përcakitimit të radhës është çështje që i përket vetë presidentit”, tha Felaj.

Sipas saj mënyra e vetme që kishte në dorë Presidenti Meta ishte Komisioni i Venecias.

E pyetur për çështjen e ish-kryetarit të Bashkisë së Vorës, Agim Kajmaku i cili u shpall në kërkim me vendim gjykate, deputetja ka theksuar se Partia Socialiste nuk ka asnjë përgjegjësi.

Ky rast nuk identifikohet me PS, është një çështje që po e ndjek Prokuroria. Nuk ka asnjë përgjegjësi sa kohë që nuk i kemi dhënë asnjë mbështetje, nuk kemi asnjë lloj përgjegjësie, as morale as politike. Kemi bërë shkëputje nga këta persona dhe kjo është realizuar me ligjin e dekriminalizimit. PS është partia më e votuar e shqiptarëve”, deklaroi Felaj.

Sa i përket zgjedhjeve të parakohshme deputetja e PS nuk ka ngurruar të theksojë se këto zgjedhje nuk merren aspak në konsideratë.

“Zgjedhjet janë tepër të diskutuara dhe vijon rregullisht procesi, por zgjedhjet e parakohshme nuk merren në konsideratë”, tha Ermonela Felaj./abcnews.al

 

b-1280x851.jpg
in a19:19 | 21/11/2019

I pranishëm në Kongresin e Partive Popullore Europiane, lideri i opozitës, Lulzim Basha në një postim në rrjetin social “Facebook” është shprehur se Shqipëria dhe shqiptarët kanë mbështetjen e fortë të drejtuesve kryesorë të BE-së. Basha është takuar me presidenten e re të Komisionit Europian, Ursula Von De Leyen, Kancelarja Gjermane, Angela Merkel, Kancelari i Austrisë, Sebastian Kurtz, Kryeministri i Greqisë, Kyriakos Mitsotakis, Kryeministri i Irlandës Leo Varadkar, si dhe nga drejtuesit e politikës së jashtme ne Parlamentin Europian dhe parlamentet e vendeve anëtare.

Sipas tij, përkrahja është konfirmuar edhe përmes një rezolute të veçantë të miratuar në PPE ku krahas mbështetjes për hapjen sa me parë të negociatave, përcaktohen qartë dhe detyrat që duhet të përmbushë Shqipëria, duke nisur nga zgjidhja e krizës politike.

Statusi i plotë:

Jam i lumtur të ndaj me ju se Shqipëria dhe shqiptarët kanë mbështetjen e fortë të drejtuesve kryesorë të BE-së dhe kryetarëve të shteteve dhe qeverive të vendeve anëtare.

Kjo më është komunikuar në të gjitha takimet që zhvillova gjatë Kongresit të Partisë Popullore Europiane, duke nisur nga Presidentja e re e Komisionit Europian, Ursula Von De Leyen, Kancelarja Gjermane, Angela Merkel, Kancelari i Austrisë, Sebastian Kurtz, Kryeministri i Greqisë, Kyriakos Mitsotakis, Kryeministri i Irlandës Leo Varadkar, si dhe nga drejtuesit e politikës së jashtme ne Parlamentin Europian dhe parlamentet e vendeve anëtare.

Kjo përkrahje është konfirmuar edhe përmes një rezolute të veçantë të miratuar në PPE ku krahas mbështetjes për hapjen sa me parë të negociatave, përcaktohen qartë dhe detyrat që duhet të përmbushë Shqipëria, duke nisur nga zgjidhja e krizës politike.

Partia Popullore Europiane nxit partinë në pushtet dhe opozitën në Shqipëri të ndërmarrin të gjitha përpjekjet për të tejkaluar menjëherë këtë krizë të thellë politike përmes dialogut dhe miratimin konsensual nga partitë politike, të një reforme elektorale në përputhje me rekomandimet e OSBE-ODIHR që shtron rrugën drejt zgjedhjeve të lira dhe të ndershme.

PPE thekson se blerja e votave dhe përfshirja e krimit të organizuar në zgjedhje është e papranueshme për standartet europiane, dhe bën thirrje për rezultate të prekshme dhe në kohë të hetimit të suksesshëm të përgjegjësve, përfshirë dhe politikanët, zyrtarët e shtetit.

PPE shpreh nevojën urgjente që Shqipëria të sigurojë funksionimin e duhur të Gjykatës Kushtetutese dhe Gjykatës së Lartë duke i plotësuar vendet e tyre me gjyqtarë dhe pret një vendim të shpejtë dhe final nga Gjykata Kushtetuese mbi legjitimitetin e zgjedhjeve vendore të 30 qershorit 2019.

PPE shpreh shqetësim të thellë për fenomenin e vazhdueshëm të personave me rekorde kriminale që kandidohen për poste në institucione apo emërohen si funksionarë publikë në shkelje të hapur të “Ligjit të Dekriminalizimit” dhe bën thirrje për zbatim pa ekuivoke të ligjit, dhe largimin nga detyra të zyrtarëve që e kanë shkelur atë.

PPE demonstron mbështetjen e qartë për integrimin europian të Shqipërisë dhe bën thirrje për zgjidhjen e krizës së rëndë politike e cila sa vjen e po thellohet me shumë.

Plotësimi i kushteve, jo në letër por në realitet, janë e vetmja rrugë që do të afrojë Shqipërinë me BE. Zgjedhjet e lira dhe të ndershme janë e vetmja zgjidhje, për krizën që ka mbërthyer vendin.

22-3.jpg
in a18:38 | 21/11/2019

Modelja 23-vjeçare Alondra Getsemani Villasenor është gjetur e vdekur në shtëpinë e saj në Kaliforni. Mediat lokale njoftuan se në trupin e modeles janë gjetur shenja thike dhe se është qëlluar me plumb në kokë.

23-vjeçarja përveçse modele ishte edhe trajnere fitnesi. Policia ka njoftuar se në vendin e ngjarjes ka gjetur dy çanta kanabis dhe predhën e një plumbi të kalibrit 9 mm.

U bë e ditur se modelja u gjet nga nëna e saj, e cila shkoi në shtëpinë e vajzës, pasi u përpoq ta kontaktonte në telefon, por nuk merrte përgjigje. Në momentin që hyri brenda, pa që vajza kishte ndërruar jetë. Mendohet se ajo kishte më shumë se 24 orë e vdekur, kur u gjet nga nëna e saj më 17 nëntor.

Guardian raporton se në fillim të këtij muaji vendi po përballet me një shkallë të lartë të vrasjeve. Sipas një raporti të publikuar mësohet se ka pasur gati 1.800 vrasje në qytet këtë vit./abcnews.al


sk.jpg
in a18:09 | 21/11/2019

Momente tronditëse janë filmuar në një shkollë fillore ku dy nëna janë zënë mes nxënësve duke u përleshur në dysheme. Nënat shihen duke u përleshur dhe akuzuar njëra-tjetrën për “ngacmim”. Njëra nga nënat që mban foshnjën në duar dëgjohet duke bërtitur “mbylle gojën”.

Thuhet se sherri nisi pasi gruaja bjonde që mbante një foshnje në dorë thoshte se “rivalja” e saj kishte ngacmuar dikë tjetër. E gjitha filloi nga fjalia: “Hajde guxo të tallesh me mua”.

Ndërkohë njoftohet se njëra prej tyre 23-vjeç është arrestuar me akuzën për shkelje të rendit publik. Ndërsa bërtisnin dhe kapeshin për flokësh, ata kanë rënë në tokë dhe si pasojë kanë rrëzuar një vajzë të vogël nga biçikleta. Shkolla tha se policia po heton dhe e përshkroi ngjarjen si “serioze”.

Në një prononcim në faqen e saj në Facebook, Shkolla e Fëmijëve Carr shkruan: “Ky incident është serioz dhe se policia ka kërkuar që kushdo që ka parë videon në Facebook ta raportojë atë si përmbajtje të papërshtatshme si video, duhet të hiqet “. /abcnews.al

Shikoni VIDEON

xhixho-1280x672.jpg
in a17:32 | 21/11/2019

Nërkryetarja e LSI-së, Erisa Xhixho në studio me gazetaren, Juli Xhokaxhi ka komentuar përplasjet në Gjykatën Kushtetuese. Xhixho shprehet se në përplasjet  fundit politike shihet qartë sipas saj që mazhoranca nuk e do krijimin e Gjykatës Kushtetuese.

“Mazhoranca nuk e do Gjykatën Kushtetuese, me zhvillimet e fundit që po shohim. Duhet minimumi 6 anëtarë për marrjen e vendimarrjes. Nëse sot do të kishim përgjigje nga Gjykata Kushtetuese kriza politike nuk do të ishte kjo që është sot”, tha Xhixho.

Ajo e komenton ndryshe sjelljen e opozitës duke u shprehur se që në fillimet e saj ka këmbëngulur në krijimin e Gjykatës Kushtetuese.

Ndërkohë sa i përket qëndrimit të SHBA-ve, për Xhixhon janë partnerët tanë strategjik dhe kanë ndihmuar në zhvillimin e vendit.

Gjithashtu ajo u shpreh se një nga pikat e rëndësishme të Reformës Zgjedhore, është që të garantojë zgjedhje të lira, pasi në të të kundërtën tha ajo, nuk zgjidhet fenomeni i shitblerjes së votës. ”Sot Shqiperia e ka domosdoshmëri Reformen Zgjedhore dhe nëpermjet saj realizimin e zgjedhjeve te lira e të ndershme si kusht për integrimin europian dhe forcimin e demokracise qe buron nga vota e lire. Pa Demokraci të konsoliduar dhe shtet ligjor nuk mund të kemi avancim në proçeset integruese të vendit”, tha Xhixho.

Xhixho deklaron se Parlamenti është antikushtetues.

“Diskutimet me ndjeshmëri të lartë publike duhet ti drejtohen sovranit. Opozita e bashkuar ka një qëndrim koherent, për të rezoluta e Bundestagut Gjerman është prioritet, ngritja e Gjykatës së Lartë gjithashtu, është në agjendën e opozitës”, tha Xhixho. Reforma zgjedhore gjithashtu ka një rëndësi të madhe për opozitën. Aksioni opozitar  ka dhënë shumë prova duke vënë nxjerrë në dukje shkeljet dhe keqfunksionimin e ligjit. Opozita është aktive me denoncime, problemi me i madh është të keqqeverisja dhe jo te opozita”, tha ndër të tjera nënkryetarja e LSI-së.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono