G. P.
Lojtarët e River Plate festojnë kualifikimin në finale | Foto: AP / NATACHA PISARENKO

balla-1.jpg
G. P.20:08 | 22/10/2019

Mazhoranca nuk do të shkojë në zgjedhje të parakohshme. Kreu i grupit parlamentar socialist, Taulant Balla, gjatë një interviste në televizionin ABC News, deklaroi se nuk e kanë ndërmend të abuzojnë me detyrën që qytetarët u kanë dhënë. Sipas Ballës zgjedhjet do të mbahen në vitin 2021 dhe do të zhvillohen me Kod të ri Zgjedhor.

“Të gjithë e dimë edhe ju. Këtu nuk bëhet fjalë që ka ndonjë dyshim që PS nëse bëhen zgjedhje të dielën nuk i fiton zgjedhjet, madje i fitojmë edhe me diferencë të madhe. Ky popull është lodhur nga historitë që partitë të bëjnë llogaritë e tyre. Ata duhet t’i qëndrojnë kalendarit politik për të cilën janë votuar. PS ka përditë një punë për të realizuar. Ka ca të papunë që e masin normën e punës me daljet në konferencë për shtyp. Ne kemi një objektiv.

Askush, as ne nuk e kemi këtë drejtë të themi në mënyrë abuzive që i duam zgjedhjet tani se ti na ke thënë me Kushtetutë ti kemi në Qershor 2021. Do zhvillohen me Kodin e ri Zgjedhor. Ka vetëm një palë zgjedhje të parakohshme për shkak të dorëheqjes së kryetarit të Bashkisë së Shkodër”, tha Balla, duke i bërë edhe thirrje Presidentit Meta që të dekretojë datën e re të zgjedhjeve.

Për sa i përket opozitës, Balla tha se duhet të njohë deputetët e saj në parlament dhe në këtë mënyrë do të realizohet edhe detyra që ajo ka në lidhje me 9  kushtet e caktuara nga Bundestagu gjerman.

“Ju thatë që edhe opozita i respekton 9 pikat. Opozita ka vetëm 1 detyrë në 9 pikat. E dini kush është detyrimi? Që të mos vonojë më historinë e miratimit… miratimit se nuk kanë gjë në dorë se e bën Kuvendi.  Mirë të njihnin deputetët në parlament, dhe bashkë me ta të hartonin vlerësimet e tyre dhe Kuvendi ta miratojë”, tha Balla, i cili rikujtoi edhe qëndrimin e Palmer disa muaj më parë, sipas të cilit ka një mënyrë për të ripërfshirë PD dhe LSI-në, që është njohja si përfaqësues të tyre deputetët që kanë hyrë në Kuvend nga listat e tyre./abcnews.al

te-shtenat-berat-1280x722.jpg
G. P.18:55 | 22/10/2019

Gjykata e Shkallës së Parë Berat ka lënë sot në burg 3 autorët e atentatit me armë që ndodhi 3-ditë më parë në një lavazh në qytetin e Beratit ku shënjestra ishte pronari i saj për shkak të një borxhi të papaguar.

Tre autorët e këtij atentati me armë: at e bir Vladimir dhe Xhoni Spahiu, përkatësisht 52 dhe 25-vjeç dhe Petrit Qypi, 66-vjeç, dolën pasditen e sotme përpara togave të zeza për tu njohur me masën e arrestit ndaj tyre.

Ata mbërritën në Gjykatën e Beratit nën masa të rrepta sigurie dhe seanca gjyqësore filloi në orën 17:00 të pasdites së sotme. Prokurori Dritan Gripshi i ka kërkuar gjykatës vlerësimin “të ligjshëm” të arrestimit të tyre dhe ka kërkuar për të tre atentatorët masën e sigurisë “arrest me burg”.

Pasi ka dëgjuar edhe avokatët e palëve, gjyqtarja Adelajda Gjuzi e ka vlerësuar “të ligjshëm” arrestimin e tyre dhe ka vendosur për të tre autorët Vladimir Spahiu, Xhoni Spahiu dhe Petrit Qypi, masën e sigurisë “arrest me burg”./abcnews.al

vjosa-osmani.jpg
G. P.18:40 | 22/10/2019

Vjosa Osmani e cila ishte kandidate e Lidhjes Demokratike të Kosovës për postin e kryeministres, është optimiste se koalicioni i ardhshëm qeverisës me Lëvizjen Vetëvendosje do të formohet pas certifikimit të rezultatit zgjedhor. Osmani theksoi gjithashtu se marrëveshja finale me Serbinë nuk duhet të arrihet pa bekimin e Shteteve të Bashkuara dhe aleatëve evropianë.

Kandidatja e Lidhjes Demokratike të Kosovës për postin e kryeministres, Vjosa Osmani, theksoi se të dy partitë kanë shprehur vullnet të mirë që të negociojnë për një koalicion qeverisës dhe puna dhe kontaktet midis LDK-së dhe Vetëvendosjes nuk janë ndërprerë në asnjë moment.

Osmani tha se ka patur takime zyrtare dhe jo-zyrtare ndërkohë që takimet midis grupeve punuese që po merren me harmonizimin e programit qeverisës po mbahen vazhdimisht dhe takimi i radhës është nesër për të diskutuar për ministritë dhe funksionimin e tyre. Osmani pohoi në një intervistë për Evropën e Lirë se dy partitë kanë deri diku dallime edhe tek politika e jashtme.

“Një nga temat e radhës, për të cilën duhet të kemi një harmonizim 100 për qind është fusha e politikës së jashtme dhe besoj që pas këtij takimi të mërkurën, ne do të dakordohemi me Vetëvendosjen për një takim të radhës ku edhe do të diskutojmë, siç e thash, për këtë fushë ku kryesisht fokusi do të jetë te dialogu Kosovë-Serbi”.

Zyrtarja e LDK-së tha se natyrisht dallimet midis dy partive ekzistojnë, por nuk janë aq të mëdha sa do të mund ta pengonin një koalicion të ardhshëm. Vjosa Osmani theksoi se asnjë marrëveshje e mirë për Kosovën nuk do të mund të arrihet pa bekimin e Shteteve të Bashkuara dhe natyrisht edhe shteteve të fuqishme të Bashkimit Evropian siç është Gjermania.

“Prandaj, do të jetë detyrë tejet e rëndësishme që të rindërtojë urat, që fatkeqësisht janë dëmtuar gjatë qeverisjes së kaluar, që të rikrijojë një partneritet mirëbesimi me këto shtete dhe të harmonizojë qëndrimet me Shtetet e Bashkuara dhe Bashkimin Evropian lidhur me dialogun Kosovë-Serbi. Për ne është esenciale që të kemi aleatë në këtë proces sepse nuk mund të kemi sukses pa aleatë. Ne mund t’ia bëjmë qejfin njëri-tjetrit këtu në Kosovë, mirëpo përfundimisht marrëveshja që do të arrihet në Bruksel duhet ta ketë edhe bekimin e miqve tanë shpëtimtarë.”

Zonja Osmani theksoi se nuk ka qenë kurrë kërkesë e Shteteve të Bashkuara që tema e kufijve të jetë në tavolinë, por kësaj radhe është më e theksuar që kjo çështje nuk do të kërkohet në asnjë mënyrë nga ana e Amerikës, Gjermanisë jo se jo.

Ajo nënvizoi se dialogu duhet të rikthehet në binarët e tij fillestarë sepse kur pati filluar në vitin 2010,  qëllimi ka qenë që marrëveshjet të jenë të tilla që prekin jetën e qytetarëve, për të mirë natyrisht, marrëveshje praktike që eliminojnë barriera, që integrojnë qytetarët, por mbi të gjitha që përfitimi i të dyja palëve do të jetë integrimi në Bashkimin Evropian.

Osmani theksoi se ajo çka Serbia do të përfitojë është ajo çka ka qenë plani që nga fillimi, pra integrimi në Bashkimin Evropian dhe nuk ka përfitim më të madh për Serbinë, për një shtet që ka shkaktuar të gjitha luftërat në ish-Jugosllavi, që ka shkaktuar qindra mijëra viktima në ish-Jugosllavi, që ende s’ka kërkuar falje dhe vazhdon politikën e mohimit të këtyre krimeve./ABC News Albania

vepra.jpg
G. P.18:16 | 22/10/2019

Botohen per here të parë në gjuhen shqipe tregimet e shkrimtarit me te rëndësishem të Qiprios,  Jorgos Filipou Pieridhi.  Vepra “ Teatralogjia e koheve” përmbledh tregimet më përfaqësuese te autorit ndër vite.

Botohen për herë të parë në gjuhen shqipe tregimet e shkrimtarit me te rëndësishem të Qiprios Jorgos Filipou Pieridhi.  Vepra “Teatralogjia e kohëve” përmbledh tregimet më përfaqësuese te autorit ndër vite.

Jorgos Filipou Pieridhi konsiderohet  si shkrimtari më i rëndësishmi 100 viteve të fundit në Qipro.   10 vite pas ndarjes nga  jeta botohet në  gjuhën shqipe përmbledhja e tregimeve “teatrologjia e kohëve”.

Shkrimtari Ylljet Alicka thotë se me leximin e kësaj vepre , mund të njohësh më lehtë  historinë e Qipros. Ndërsa shqipëruesi i veprës vlerëson krahas gjuhës së pasur edhe tematikat që nuk njohin kufij./ABC News Albania

policia-tirane_1_3_14_03.jpg
G. P.17:59 | 22/10/2019

Një operacion anti-drogë, i cili ka përfshirë pothuajse të gjithë territorin e vendit ka arritur të vërë në pranga një person në Tiranë mbrëmjen e sotme.

Ai është nipi i Dilaver Kalasë, shef objektesh në Komisariatin nr. 1. Në Tiranë atij i është gjetur dhe sekuestruar një armë zjarri e tipit kallashnikov në banesë.

Burime nga Policia e Tiranës konfirmojnë se i arrestuari është ndjekur që nga pika kufitare e Kapshticës deri në drejtim të banesës së tij. Operacioni është akoma në vijim dhe nuk dihen shumë detaje rreth tij.

/abcnews.al

ermonela-jaho.jpg
G. P.17:56 | 22/10/2019

Artistja shqiptare me fame botërore Ermonela Jaho vjen në Tiranë me një koncert bamirësie në mbështetje të kauzës së femrave të prekura nga kanceri i gjirit. Sopranoja thotë se kërkon t’i jap zë kësaj kauze, pasi ajo ka humbur edhe dy mikesha nga kjo sëmundje.

Artistja e me fame botërore Ermonela Jaho vjen në Shqipëri me koncert bamirësie në mbështetje të kauzës së grave që vuajnë nga kanceri i gjirit.  Sopranoja Jaho do të ndaj skenën me 4 femra të tjera artiste të brezave të ndryshëm.

Sopranoja Ermonela Jaho nga premiera e “Turandot”  në operan e Barcelonës  vjen në Tiranë për koncertin e bamirësisë në mbështetje të grave që  janë të prekura nga kanceri I gjirit. Ajo thotë se ajo përpiqet t’i jap zë kësaj kauze, pasi ajo ka humbur edhe dy mikesha të saj nga kjo sëmundja.

Koncerti është konceptuar mbi heroinat femra të mjeshtrave të muzikës botërore, nis me “Butterflay” kjo flutur do jetë detaj i cili do të përshkojë gjithë koncertin. Emocionet e skenës shqiptare nuk kanë të krahasuar me asnjë skenë botërore thekson Jaho

Koncerti bashkon 5 artiste femra të brezave të ndryshme mezo sopranon Vikena Kamenica, balerina Enada Hoxha, mbesa e saj pianistja Paola Jaho dhe dirigjentja Eda Laro.

Të gjitha të ardhuarat e biletave nga koncerti, që do të do të shkojnë për organizatën YËCA për të mbështetur gratë me kanceri gjiri./ABC News Albania

74573205_2560735930639331_5169638442392354816_o.jpg
G. P.17:53 | 22/10/2019

Fotoja që postoi Presidenti Ilir Meta këtë të martë me lideren e Mijanmarit, Aung San Suu Kyi, është “bombarduar” me komente negative. Persona të ndryshëm kanë shkruar në foton e Presidentit, duke i kujtuar se Aung San Suu Kyi është një kriminele pasi ka kryer masakër ndaj popullsisë myslimane.

 “Kjo është më e zezë se Rama, e mbyti popullin e vet”, shkruan një komentues.

“Për çfarë paqeje po flet President. Po kjo kriminele është. Po a nuk e sheh se çdo kush po marrin Çmime Nobel krejt kriminelat dhe përkrahësit e tyre”, shkruan një tjetër.

“Kjo ka kry gjenocid. S’ka lidhje me demokraci”, thotë një person tjetër.

“Nobelin e mban, se nuk ka rregull për t’ja hequr. Ajo tashmë është e kundërta e asaj që ishte, në kohën që fitoj Nobelin.
Megjithatë takimet e bisedimet, janë gjithmonë të mira”,
shkruan një komentues.

“Turp, kjo i vret për çdo ditë popullsinë e saj me përkatësi islame”, thotë një tjetër.

“Turp President me kë jeni takuar. E dini çfarë masakre ka kryer në Birmani ndaj grave e fëmijëve??? Turp, turp”, shkruan një tjetër.

“Zoti President, informohu mirë se duhet të kenë gënjyer. Nuk është aq zonjë e mirë kjo”, thotë një komentues.

Presidenti Ilir Meta publikoi në profilin e tij në Facebook një foto me lideren e Mijanmarit  duke theksuar se ajo është një shembull për demokracinë në të gjithë botën.

“Ishte kënaqësi të takoja sot Nobelisten e Paqes të mirënjohur, Aung San Suu Kyi, zonjë e jashtëzakonshme dhe shembull frymëzimi për demokraci në mbarë botën!”, shkruante Meta në Facebook.

Aung San Suu Kyi akuzohet për spastrik etnik dhe genocid ndaj minoritetit Rohingya në Mijanmar. Amnesty International raporton se në vitin 2017 janë përndjekur dhe shpërngulur prej kërcënimit të vrasjeve, përdhunimeve dhe shfarosjes plot 700 mijë banorë Rohingya të Mijanmarit duke gjetur strehim në Bangladesh dhe shtetet e tjera përreth.

Eksodi i Rohingya-ve nga Mijanmari ka qenë edhe është kryetemë në mediat botërore.

Në verën e këtij viti OKB publikoi një raport mbi krizën e këtij minoriteti të Mijanmar duke i gjetur të mbështetura një pjesë të akuzave për spastrim etnik, ndërsa e cilëson një dështim të vërtetë performancën e përfaqësuesve të tij gjatë viteve të shkuara në këtë vend.

Ndërkohë, raporti nuk gjeti një lidhje direkte mes Aung San Suu Kyi dhe krimeve ndaj këtij minoriteti duke ia hedhur përgjegjësinë ushtrisë./abcnews.al

ARTAN-CUKU-JAMBELLI-1280x720.jpg
G. P.17:42 | 22/10/2019

Gjykata greke ka liruar bashkëpunëtorin e vrasjes se ish-kryekomisarit Artan Cuku.

Kristaq Leci u arrestua në Greqi më datë 12 gusht me kërkesë të autoriteteve tona, por për arsye ende të paqarta u lirua ndërkohë që duhej të sillej në Shqipëri për t’u përballur me drejtësinë për akuzat ndaj tij.

Më parë, Greqia kishte refuzuar ekstradimin drejt vendit tonë të Kristaq Lecit, i dyshuar si bashkëpunëtor në vrasjen e ish-kryekomisarit Artan Cuku më 8 prill të 2017-s, ndërsa mbetet ende i paqarta shkaku që çoi në lirimin e tij.

“Abc News” kontaktoi me Ministrinë e Drejtësisë duke kërkuar informacion në lidhje me rrethanat që çuan në lirimin e Lecit, por si përgjigje mori vetëm heshtjen.

Zëdhënësja e ministrisë e kontaktuar zyrtarisht nga “ABC News” u shpreh se do të interesohej, por më pas nuk iu përgjigj interesin tonë.

Më herët Gjykata e Lartë greke kishte refuzuar edhe ekstradimin e Bledar Jambellit me argumentin se në vendin tonë i rrezikohej jeta, duke e lënë më pas të lirë.

Sipas hetimeve të prokurorisë shqiptare kjo vrasje është porositur nga Bledar Jambelli, një person që ishte arrestuar më parë nga komisari Cuku.

Pikërisht ky arrestim dyshohet të ketë qenë edhe shkaku për urdhërimin e vrasjes se ish-drejtorit të policisë, në shenjë hakmarrjeje. Ndërkohë në Gjykatën e Krimeve të Rënda është vendosur data 31 tetor për nisjen e procesit gjyqësor për Bledar Janbellin.

Kristaq Leci,  dyshohet si bashkëpunëtori i Mikel Shallarit në ekzekutimin e drejtuesit të lartë të policisë Artan Cuku pranë banesës së tij në Tiranë.

Kristaq Leci, sipas informacioneve të bëra publike  dhe hetimeve të prokurorisë, thuhet se ka qenë ai që ka informuar Mikel Shallarin për lëvizjet e komisar Cukut.

Leci gjithashtu njihej edhe me emrin Gerti Kajo.

Komisari Artan Cuku u ekzekutua nga Mikel Shallari i cili ka rrëfyer në gjykatën e krimeve të rënda të gjithë ngjarjen e plotë duke zbuluar edhe emrin e porositësit. Bledar Janbelli ishte larguar nga Shqipëria menjëherë pas vrasjes se Cukut. /abcnews.al

gjykata-kushtetuese-1280x703.jpg
G. P.17:09 | 22/10/2019

Pasi dekretoi Besnik Muçin si anëtar të Gjykatës Kushtetuese, Presidenti rihapi garën për “Vakancën e parakohshme” e krijuar dorëheqja e ish-gjyqtarit Besnik Imeraj. Ky është vendi i dytë vakant nga 3 që duhet të plotësohen nga Institucioni i Presidencës.

Edhe dy emra i kanë mbetur presidentit Ilir Meta për të propozuar si anëtarë të Gjykatës Kushtetuese. Të parin e dekretoi,ndonëse nuk ka kaluar ende procesin e rivlerësimit në të tri shkallët e Vettingut.

Pas Besnik Mucit, kreu i shtetit ka rishpallur listën për plotësimin e Vakancës së Përkohshme që ka krijuar dorëheqja e ish gjyqtarit Besnik Imeraj. 6 janë gjyqtarët që kërkojnë vendin e ish kolegut të tyre: Dedë Kasneci, Envi Hicka, Prelë Martini, Shaqir Hasanaj,Vasil Bendo,Vjosa Bodo Mujo.

“Lista e aplikantëve të mësipërm, së bashku me dokumentacionin e dorëzuar prej tyre do t’i përcillet menjëherë Këshillit të Emërimeve në Drejtësi, me qëllim që ky organ të revokojë/shfuqizojë Vendimin nr.137, datë 21.09.2019 të pezullimit të procedurës së verifikimit, si dhe vijimin e procesit për verifikimin dhe vlerësimin e të gjitha kandidaturave për plotësimin e këtij vendi vakant, sipas ligjit.”

Procedura e verifikimit të kandidatëve u pezullua nga Këshilli i Emërimeve në Drejtësi pas skualifikimit nga gara të Zhaklina Peto duke mbetur në garë vetëm dy kandidatë nga tre që ishte minimumi i lejuar.

Gjykata Kushtetuese ka pushuar së funksionuar prej afro dy vitesh pas dorëheqjeve dhe shkarkimeve të gjyqtarëve nga procesi i Vettingut. Aktualisht nga 9 anëtarë vetëm dy janë në Gjykatën Kushtetuese, Vitore Tusha me mandat të përfunduar dhe Besnik Muçi që vazhdon ende betejën e Vettingut./ABC News Albania 

skelaaaa.jpg
G. P.16:57 | 22/10/2019

Një punëtor ka humbur jetën në Kavajë, pasi ra nga lartësia. Ngjarja ka ndodhur në orët e para të mëngjes të së martës në Golem në një objekt në rikonstruksion. Pavarësisht se 40-vjeçari u dërgua me urgjencë në spitalin e Durrësit, ai nuk mundi t’i shpëtoje plagëve të marra, kryesisht në kokë e trup.

Dyshohet se punëtori ka rënë nga skela e jashtme e godinës. Grupi hetimor po kryen verifikimet edhe për drejtuesin teknik të firmës së ndërtimit, për të parë nëse viktima i kishte veshjet e duhura te punës./ABC News Albania


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono