ger ta

VIKRIMAT-NE-RRESHEN.jpg
ger ta22:29 | 25/02/2020

Një ngjarje e rëndë ka tronditur Rrëshenin mbrëmjen e sotme, pasi 45-vjeçar Fatmir Koleci, vrau me armë motër e vëlla, Vladison dhe Esmeralda Filopati, këta që shihni në foto.

Esmeralda, nënë e tre vajzave ishte ndarë nga burri i saj, Fatmir Koleci dhe vazhdimisht kishin debate. Burime për abcnews.al bëjnë me dije se autori Fatmir Koleci, rreth 45 vjeç ishte ndarë nga bashkëshortja dhe i liruar nga burgu rreth 1 vit më parë. Ndërkaq, ishte denoncuar për dhune ndaj saj.

Gazetari Gjegji Figuri raporton për Abc News se autori Fatmir Koleci ka shkuar në banesën e ish-bashkëshortes së tij dhe ka patur debat me këtë të fundit dhe vëllain. Më pas debati mes tyre ka degjeneruar në përdorimin e armëve, ku 45-vjeçari ka qëlluar për vdekje ish bashkëshorten dhe vëllain e saj.

Mësohet se zona ku ndodhi ngjarja është e rrethuar nga forca të shumta policie dhe RENEA. Policia ka ngritur postoblloqe për të bërë të mundur kapjen e autorit.

zjarr-vlore.jpg
ger ta22:19 | 25/02/2020

Një zjarr i madh ka rënë në orët e vona të mbrëmjes të së martës në Fshatin Risili në Vlorë.

Nga të dhënat që sjell gazetari Elton Nika mësohet se është shkrumbuar një sipërfaqe e konsiderueshme me kullota dhe ullinj. 2 zjarrëfikëse kanë nisur punë për lokalizimin e flakëve, me qëllim moslejimin e përhapjes së tyre në zonat e banuara. Era e fortë po pengon punën e zjarrfikësve.

Për këtë arsye një prej automjeteve dhe zjarrfikës po qëndrojnë pranë banesave.

Për shuarjen e flakëve po ndihmojnë edhe banorët e zonës. /abcnews.al

maska-tirane.jpg
ger ta22:04 | 25/02/2020

Oborret e shkollave 9-vjeçare këto ditë janë të mbushur me fëmijë që mbajnë maska.

Situata alarmante e shkaktuar në Itali për shkak të koronavirusit ka bërë që në Tiranë prindërit të rrisin vëmendjen ndaj fëmijëve të tyre në ambintet e shkollave.

Në shkollë ata shkojnë të pajisur me të gjitha mjetet e rekomanduara nga strukturat përgjegjëse.

“Edhe mësuesja i këshillon që kur teshtinë duhet të vendosin dorën dhe të ulin kohën. Edhe nëse është një shoqe me grip të mos vijë në shkollë”, thotë një prind.

Kujdesi nuk u mungon fëmijëve edhe prej mësuesve e stafeve të shkollave. Mësuesit kanë informuar me detaje të vegjëlit si duhet të sillen e të veprojnë me njëri-tjetrin.

Por ndërsa informacioni nuk mungon, janë mjetet më elementare për higjienën që mungojnë në shkolla. /abcnews.al

 

vinca.jpg
ger ta21:55 | 25/02/2020

Shkrimtari dhe publicisti Agim Vinca i ftuar në “Provokacija” u ndal mes të tjerash në marrëdheniet mes serbëve dhe shqiptarëve.

Vinca tha se më e ngurtë në këto marrëdhënie është Serbia, ku sipas tij as që mund të imagjinohet që një emision televizi të ketë emertim shqip, apo në radio të dëgjohet një këngë shqipe.

“Në Beograd nuk mund të imagjinohet që një emision i televizionit të Beogradit të ketë emërtim shqip. Në Beograd nuk mund të imagjinohet që ndonjë radio të lëshojë ndonjë këngë shqipe, madje as ndonjë interpretim të Inva Mulës apo Nexhmije Pagarushës që sapo u nda nga kjo jetë, nuk e di cilët kanë qenë reagimet për vdekjen e saj. Unë e di se as ne shqiptarët nuk jemi ëngjëj, por megjithatë është i pakrahasueshëm qendrimi i serbve dhe i Beogradit zyrtar dhe popullit të manipuluar serb në krahasim me atë që shqiptarët me gjithë krimet që kanë ndodhur përsëri janë të gatshëm ta shtrinë dorën. Por sërbët refuzojnë atë që ua ofron Kosova si shtet, nuk duan ta njohin. Në flamurin shtetëror të Kosovës janë gjashtë yje, gjashtë etni dmth”, tha Vinca.

Më tej publiciti u ndal edhe tek minishengeni Ballkanik, për të cilin tha se nuk ka kuptim që Kosova nuk do të jetë e barabartë në tyrezë si shtet.

“Nuk mund të ketë minishengen nqs se Republika e Kosovës që është shtet nuk do të jetë e barabartë rreth asaj tryeze dhe Srbia nuk do të ketë garancinë që ta ndëfrpresë fushatën që po bën ndër vite dhe nuk e fsheh kundër Kosovës”, u shpreh ai. /abcnews.al

 

mustafa-nanoo.jpg
ger ta21:07 | 25/02/2020

Në monologun e  tij në “Provokacija” këtë të martë, Mustafa Nano është ndalur tek rasti i futbollistit me origjinë serbe që pranoi të luajë me kombëtaren kosovare.

Bëhet fjalë për Ilia Iviç, vendimi i të cili u prit mjaft ashpër dhe u kushtoi vendin e  punës prindërve të tij. Të dy prindërit që punonin në administratën e Graçanicës u pushuan.

Ndërkohë, Nano teksa e cilëson vendimin e tij për arsye sportive, aludon se çfarë do të ndodhte nëse një djalë me origjinë shqiptare do të luante në kombëtaren serbe.

Pararësisht të gjithave thotë, Nano, vendimi i 17-vjeçarit mund të shërbejë edhe për të transmetuar mesazhe të rëndësishme që tensionet duhen ulur. Sipas Nanos, nëse motivi të jetë ky Ilia duhet të jetë hero i të gjithëve.

Monologu nga Mustafa Nano:

Në ekran është fotoja e një djali të ri. Është një djalë që jeton në Kosovë, punon në Kosovë, por është me origjinë serbe. Quhet Ilia Iviç. Është 17 vjeç, luan futboll. Luan me Flamurtarin, banon në Graçanicë dhe kohët e fundit autoritetet e Federatës së Futbollit në Kosovë, e ftuan këtë djalë që të bëhet pjesë e Kombëtares kosovare për moshat nën 19 vjeç. Ilia pranoi ta veshë fanellën e kombëtares kosovare. Mirëpo, ky fakt nuk u pëlqeu disave në Kosovë, një pjese të Kosovës, e kam fjalën për pjesën serbe. Për shkak të këtij gjesti prindërit e Ilias janë pushuar nga puna. Ata ishin pjesë e administratës lokale në Graçanicë dhe autoritetet serbe atje i kanë pushuar nga puna. Menjëherë kanë reaguar autoritete e Federatës së Futbollit në Kosovë, ata kanë protestuar deri pranë organizmave ndërkombëtare dhe kanë bërë shumë mirë.

Mirëpo, mendja ime prapë menjëherë shkon te një paralele e caktuar dhe unë kam menduar, po sikur kjo që ndodhi në Kosovë me këtë djalin me origjinë serbe të ndodhte në Preshevë me një djalë me origjinë shqiptare. Pra po sikur një djalë me origjinë shqiptare 17 vjeç atje të vendoste në një moment ta caktuar që të bëhej pjesë e kombëtares serbe. Çfarë do ndodhte? Kam frikë se do ta shpallnin tradhtar dhe prindërit do ia pushonin nga puna, dhe madje prindërit e tij nuk do gjenin vend ku të fshiheshin, sipas meje. Kjo është ajo që do ndodhte.

Tani për t’u kthyer te Ilia, te ky djalë që shohim në ekran. Unë nuk e di çfarë ka ndodhur në kokën e Ilias në momentin që ai ka marrë këtë vendimin e rëndësishëm. Unë nuk e di çfarë ka ndodhur në familjen e tij sepse ai e ka konsultuar këtë gjë me prindërit e vet dhe vendimin e ka marrë bashkërisht. Unë nuk e di nëse prindërit e tij kishin ndonjë mëdyshje në momentin që ky u ka thënë që duhet të bëjë këtë gjë. Unë nuk e di gjithashtu edhe se çfarë mendon pjesa tjetër e Kosovës. Nuk ka ndonjë anketim se çfarë mendojnë shqiptarët, por unë jam i prirur të besoj duke parë reagimet që qytetarët në Kosovë bëjnë në rrethana të tilla dhe të ngjashme, jam i prirur të mendoj se nuk u ka pëlqyer shumë fakti që Ilia Iviç ka dashur apo ka pranuar ftesën për të qenë pjesë e kombëtares kosovare. Shumë shqiptarëve me siguri u ka pëlqyer fakti që Ilia ka “tradhtuar” sojin e vet, por nuk besoj se u ka pëlqyer shumë fakti që Ilia do të jetë pjesë e kombëtares kosovare.

Ky ka bërë një gjest të rrallë dhe të guximshëm, ai bën vaki që e ka marrë këtë vendim për arsye krej sportive. Ai në një moment të caktuar ka dashur të afirmohet, ka pritur ndonjë ftesë nga kombëtarja serbe, nuk i ka ardhur kjo ftesë. Federata e futbollit shqiptar është treguar më e shkathët i ka bërë ftesën dhe ky ka pranuar menjëherë. Unë besoj se ky është varianti. Sikur të kishte edhe një variant tjetër, unë prap e përshëndes se duhet përgëzuar edhe për këtë se është një gjest gjithësesi i guximshëm.

Sikur të ishte situata tjetër, sikur ky të kishte motivime më të fisme, sikur ky ta kishte marrë këtë vendim me idenë që unë jam kosovar, unë jam banor i Kosovës dhe unë dua të luaj për kombëtaren e Kosovës dhe unë ftoj dhe të tjerë ta bëjnë këtë gjë, dhe përcjellin mesazhin jo vetëm te pjesa e Kosovës, por edhe te pjesa serbe. Përcjellin mesazhin që tensionet duhet të ulen, ka ardhur koha që të vendoset paqja. Sikur motivimet të ishin të tilla për mua, Ilia do të ishte heroi im, unë mendoj se do të duhej të ishte heroi i të gjithëve.

/abcnews.al

pammjet-rreshen.jpg
ger ta21:05 | 25/02/2020

Një ngajrje e rëndë ka ndodhur mbrëmjen e sotme në Rrëshen, ku janë vrarë me armë motër e vëlla. Policia bën me dije se pak minuta më parë në oborrin e banesës, janë vrarë me armë zjarri Vladison Filopati, dhe motra e tij Esmeralda Filopati. Ngjarja ka ndodhur në Kodër Rrëshen të Bashkisë Mirditë. Sipas policisë dyshohet se ata janë qëlluar me armë zjarri nga shtetasi Fatmir Koleci nga fshati Zejmen Lezhë, ish bashkëshorti i viktimës Esmeralda Filopati,  i cili pas krimit është larguar menjehërë nga vendngjarja.

Burime për abcnews.al bëjnë me dije se autori Fatmir Koleci, rreth 45 vjeç ishte ndarë nga bashkëshortja dhe i liruar nga burgu rreth 1 vit më parë. Ndërkaq, ishte denoncuar për dhune ndaj saj.

Gazetari Gjegji Figuri raporton për Abc News se autori Fatmir Koleci ka shkuar në banesën e ish-bashkëshortes së tij dhe ka patur debat me këtë të fundit dhe vëllain. Më pas debati mes tyre ka degjeneruar në përdorimin e armëve, ku 45-vjeçari ka qëlluar për vdekje ish bashkëshorten dhe vëllain e saj.

Mësohet se zona ku ndodhi ngjarja është e rrethuar nga forca të shumta policie dhe RENEA. Policia ka ngritur postoblloqe për të bërë të mundur kapjen e autorit.

Njoftimi i policisë:

Më datë 25.02.2020, në Kodër Rrëshen, Mirditë, pak minuta më parë në oborrin e banesës, janë vrarë me armë zjarri shtetasit V.F dhe motra e tij shtetasja E.F.

Nga informacionet e para dyshohet se  janë qëlluar me armë zjarri nga shtetasi F.K nga fshati Zejmen Lezhë, ish bashkëshorti i shtetases E.F, i cili pas krimit është larguar menjehërë nga vendngjarja.

Në drejtim të vendngjarjes kanë shkuar forca të shumta të Policisë dhe Grupi hetimor.

Shërbimet e Policisë po krehin zonën pë të bërë të mundur kapjen dhe arrestimin e autorit.

/abcnews.al

pipero.jpg
ger ta20:49 | 25/02/2020

Pëllumb Pipero, mjeku infeksionist ishte i ftuar në “Mbrëmje në Abc” me Mirela Milorin për të folur mbi situatën e krijuar nga koronavirusi.

Mes të tjerash mjeku është ndalur tek shenjat e para që shfaqen tek një person i prekur. Sipas tij që në gjenezë koronavirusi ka vështirësinë në frymëmarrje.

“Ky e ka që në gjenezë vështirësinë në frymëmarrje. Personi merr frymë shumë shpejt. Ky person çfarë duhet të bëjë? Duhet të vendosë një maskë në fytyrë, të marrë ne telefon urgjencën dhe tu thotë sot më kanë filluar këto shenja. Çfarë dua të nënvizoj, të mos vrapojë te taksia, i vete spitali në shtëpi. Çdo person që vjen nga një zonë me numër të madh rastesh dhe bënë këto shenja. Duhet ta përmendë faktin që vjen nga një zonë e prekur. Personeli duhet të jetë i veshur. Nga ky moment që mjeku vete atje, fillon ajo që quhet koncepri i karantinës. Për karantinë mund të përshtatet çdo vend për mendimin tim”, tha Pipero.

I pyetur nga gazetarja nëse si do të veprohet ku rreziku është shumë pranë për të pattur raste edhe në Shqipëri, mjeku u shpreh se masat janë marrë për fazëne parë.

“Virusi në Itali ka qenë 2-3 javë më parë. Në këtë aspekt dua të them se anjë vend pavarësisht masave nuk është tërësisht i sigurt qe e ka blolkuar. Mund të ketë ndodhur që një person mund të jetë prekur dhe mund të ketë ardhur më përpara në Shqipëri. Askush nuk mund të thotë që kemi dhe nuk kemi. I kemi të gjitha kapacitet e para për të përballuar rastet e para. Unë mendoj se rastet e para do të mbahet tek ne te infektivi.

Periudha më e rëndësishme është ajo e inkubacionit kur askush nga ne nuk e di. Nëse ne hasim rastin e parë janë marrë masat që ai të mos infektojë të tjerë”, u shpreh mjeku. /abcnews.al

koronavirus-2.jpg
ger ta20:26 | 25/02/2020

Janë 13 raste që janë testuar si të dyshuar për koronavirus në Shqipëri. Lajmi bëhet me dije nga ministria e Shëndetësisë, e cila informon se në mbrëmje ka përfunduar testimi i pesë rasteve të dyshuara për koronavirusin COVID-19, të cilat kanë rezultuar negative.

Ministria e Shëndetësisë konfirmon se deri në këto momente, nuk ka raste të konfirmuara të koronavirusit COVID-19 në vendin tonë dhe janë testuar gjithsej 13 raste të dyshuara, me histori udhëtimi me vendet e prekura nga shpërthimet komuntare të koronavirusit.

Njoftimi i plotë:

Ministria e Shëndetësisë informon se në mbrëmje ka përfunduar testimi i pesë rasteve të dyshuara për koronavirusin COVID-19, të cilat kanë rezultuar negative.

Ministria e Shëndetësisë konfirmon se deri në këto momente, nuk ka raste të konfirmuara të koronavirusit COVID-19 në vendin tonë dhe janë testuar gjithsej 13 raste të dyshuara, me histori udhëtimi me vendet e prekura nga shpërthimet komuntare të koronavirusit.

Ministria e Shëndetësisë dhe Mbrojtjes Sociale dhe Task Forca për parandalimin e depërtimit dhe përhapjes së koronavirusit të ri, u bën thirrje të gjithë qytetarëve që kanë udhëtuar nga vendet e prekura, të telefonojnë në numrin e Urgjencës Kombëtare 127, në rast të shfaqjes së çdo shqetësimi apo shenje klinike.

Ministria e Shëndetësisë dhe Mbrojtjes Sociale informon qytetarët se do të ofrojë informacione të përditshme, ashtu siç ka bërë deri më tani, në funksion të transparencës dhe informimit të publikut.

/abcnews.al

 

lezhe-proteste.jpg
ger ta18:27 | 25/02/2020

Aroma e rëndë që lëshon përpunimi i mbetjeve me origjinë shtazore në ish-zonën industriale të Lezhës ka ngritur në protestë banorët përeth. Ata thonë se prej 2 muaj kjo fabrikë gjeneron ndotje në ajër dhe atë nuk hapin dot as dyert dhe dritaret.

‘Aroma është e ndyrë. Nuk mund të përballohet jeta në oborret tona”, shprehet një banor.

Banoret theksojnë se po dëmtohet dhe shëndeti i tyre.

“Jemi të rrezikuar deri në vdekje, kam vjellë sa hënga bukë’, thotë një tjerër banore.

Këta banorë kanë depozituar ankesën e tyre dhe në institucionet përgjegjëse po janë përballur me heshtjen e tyre.

Në mbështjete të dhjetra familjeve që jetojnë në këtë zonë ka dalë dhe eksperti i mjedisit Sazan Guri që ngre disa pyetje për lejen e marrë nga sipërmarrësit e kësaj fabrike.

“Edhe protesta, edhe ballafaqimi, por edhe ulja në tryezë me pronarin si e ka marrë këtë leje. A ka një studim mjedisor?”, thotë Sazan Guri.

Mësohet se pas protestës banorët janë kontaktuar nga administrator i fabrikës dhe ditën e enjte do të takohet me ta për të dhënë sqarime në lidhje me mënyrën e përpunimit të mbetjeve.

 

koronavirus-romani.jpg
ger ta18:07 | 25/02/2020

Autori Dean Koontz parashikoi shpërthimin e koronavirusit në librin e tij të vitit 1981 “Sytë e errësirës”.

Romani imagjinar tregon historinë e një laboratori ushtarak kinez që krijon një virus të ri për të përdorur potencialisht si një armë biologjike gjatë kohës së luftës.

Laboratori ndodhet si për ironi në Wuhan, Kinë dhe virusi është quajtur Wuhan-400.

Në librin 312-faqesh historia përqendrohet te në një nënë e cila përpiqet të zbulojë nëse djali i saj, i cili ishte në një udhëtim në kamping, vdiq me të vërtetë një vit më parë ose nëse ai është akoma gjallë.

Në roman, virusi quhet “arma e përsosur” sepse prek vetëm njerëzit. Ai gjithashtu nuk mund të mbijetojë jashtë trupit të njeriut për më shumë se një minutë dhe nuk kërkon një proces të shtrenjtë të dekontaminimit pasi të përhapet përmes një popullate dhe ata që e kontraktojnë atë.

Më tej, në libër, thuhet se Wuhan-400 është një armë biologjike e krijuar nga njeriu. Edhe për Covid-19, gjithashtu ka teori se mund të jetë krijuar në laborator nga njeriu.

Ndërkaq, koincidenca midis virusit në roman dhe shpërthimit të koronavirusit aktual është shumë e çuditshme.

/abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono