Autor E

19775958-7578511-image-a-4_1571210617715.jpg
Autor E10:07 | 19/10/2019

Një 14 vjeçar është arrestuar pasi përplasi një makinë “Subaru Forester” me një “Lamborghini Urus” duke shkaktuar dëme kolosale.

Ngjarja ndodhi në Perth të Australisë pasi adoleshenti vodhi një makinë duke bërë që të dalë nga rruga.

Akuza mjaft të rënda rëndojnë mbi adoleshentin, përfshirë atë për vjedhje, si dhe shkaktim të dëmit të rëndë material.

gjermane.jpg
Autor E10:00 | 19/10/2019

Ekspertja gjermane Valesa Esch, që mban gjithashtu edhe detyrën e drejtores së Programit për Europën pranë institutit Aspen në Gjermani shpjegon pёr DW vendimin e samitit tё BE-sё mbi negociatat me Shqipёrinё dhe Maqedoninё e Veriut. Sipas saj, ky vendim nuk nёnkupton fundin e perspektivёs sё anёtarёsimit.

DW: Pas shpresave tё mёdha, erdhi njё zhgёnjim i madh pёr Maqedoninё e Veriut dhe Shqipёrinё. Samiti i BE-sё nuk solli lajm pozitiv, pra njё datё pёr fillimin e bisedimeve tё anёtarёsimit, gjё qё ngjalli zhgёnjim dhe humbje shprese. A pritej njё vendim i tillё?

Valeska Esch: Unё besoj qё kishte drojё pёr njё rezultat tё tillё, por unё shpresoja deri nё fund, qё kryetarёt e qeverive dhe tё shteteve do tё mund tё binin dakord tё paktёn tё hapnin bisedimet me Maqedoninё e Veriut. Qё pёr Shqipёrinё konsensusi do tё ishte mё i vёshtirё, kjo dukej qysh nё fillim. I gjithё procesi i anёtarёsimit bazohet nё parimin e kondicionimit dhe qeveria e Maqedonisё sё Veriut i pati pёrmbushur tё gjitha kushtet pёr hapjen e negociatave.

Madje qeveria ia doli qё tё gjejё edhe njё kompromis pёr emrin me Greqinё, e cila pёr vite me radhё pengonte avancimin e procesit tё integrimit nё BE. E njёjta gjё vlen edhe pёr Shqipёrinё, e cila realizoi njё reformё tё vёshtirё nё sistemin e drejtёsisё e po ashtu po bёn pёrparime tё mёdha. Tani varet nga BE-ja, qё t’i vlerёsojё kёto pёrparime dhe tё hedhё hapin tjetёr, duke i hapur negociatat.

Gazeta austriake “Standard” bёn njё krahasim tё tillё: „Eshtё ngjashёm sikur tё pёrjashtohet nga shkolla nxёnёsi mё i mirё i klasёs”. Nё Shkup janё tё bindur qё u bёnё tё gjitha pёrpjekjet e mundshme pёr tё marrё njё datё konkrete. Emri i vendit u ndryshua nё interes tё integrimit nё BE. Presidenti Macron flet tani pёr nevojёn e njё metodologjie tё re tё procesit tё zgjerimit dhe konstaton, se duhet ende kohё. Si e shpjegoni ju kёto deklarime tё tij, ҁfarё qёndron pas kёsaj?

Unё jam dakord me presidentin Macron pёrsa i pёrket rёndёsisё sё reformimit tё procesit dhe konceptimit tё tij nё mёnyrё mё efikase. Çdo reformё e procesit, qё forcon bisedimet e anёtarёsimit dhe nё radhё tё parё reformat nё vendet pёrkatёse, ёshtё jo vetёm nё interesin e BE-sё, por edhe tё vetё vendeve tё Ballkanit Perёndimor.

Por unё mendoj qё metodologjia e re e njё procesi zgjerimi nuk ёshtё nё kundёrshtim me hapjen e negociatave tё anёtarёsimit. Me Serbinё dhe Malin e Zi kemi ndёrkohё dy vende nё fazёn e negociatave me BE-nё dhe ҁdo reformё e procesit duhet tё vlejё edhe pёr kёto dy vende. Vazhdimisht ka pasur reforma gjatё proceseve nё vijim dhe nuk duhet humbur edhe mё tej kohё pёr t’i vazhduar pёrpjekjet e reformave nё vendet e rajonit nё kuadёr tё bisedimeve tё antarёsimit.

Çfarё pasojash mund tё ketё shtyrja e bisedimeve tё BE-sё me Maqedoninё e Veriut dhe Shqipёrinё pёr pjesёn tjetёr tё vendeve tё Ballkanit?

Unё besoj, qё shtyrja do t’i forcojё skeptikёt nё rajon, tё cilёt mendojnё, se BE-ja nuk ka mё interes nё integrimin e vendeve tё Ballkanit Perёndimor. Vendimi, sipas meje, e dobёson parimin e kondicionimit, prej nga bazohet procesi. Me mungesёn e aftёsisё pёr njё vendim tё pёrbashkёt pozitiv, BE-ja e ka dёmtuar kredibilitetin e saj nё rajon duke i zhgёnjyer njerёzit. Njёkohёsisht ёshtё e qartё, se ky vendim nuk nёnkupton fundin e perspektivёs sё anёtarёsimit. Edhe kjo u theksua nё samit.

A mund tё thuhet, se samiti sa i pёrket ҁёshtjes sё zgjerimit ishte njё dёshtim pёr kancelaren gjermane Merkel dhe fitore pёr presidentin francez Macron?

Unё nuk mendoj, qё nё njё samit tё tillё bёhet fjalё pёr fitore apo humbje tё politikanёve tё veҁantё. Qeveria gjermane e ka bёrё tё qartё, se e mbёshtet hapjen e bisedimeve tё anёtarёsimit si me Maqedoninё e Veriut edhe me Shqipёrinё dhe Gjermania ka investuar shumё nё rajon. Kancelarja gjithmonё ka theksuar, se njё integrim i Ballkanit Perёndimor nё BE nuk ёshtё vetёm nё interesin e kёtyre vendeve, por veҁanёrisht edhe nё interesin e vet BE-sё.

Qё nuk u arrit njё vendim i pёrbashkёt, ёshtё pёr tё tё ardhur keq, por kjo nuk duhet tё jetё arsye pёr t’u dorёzuar. Kancelarja dhe presidenti Macron vazhdojnё tё jenё tё njё mendimi, se e ardhmja e vendeve tё Ballkanit Perёndimor ёshtё nё BE. Mospёrputhje ka vetёm pёr ҁёshtjen, nёse duhet tё hapen bisedimet para apo pas reformimit tё procesit. Tani varet nga Franca qё tё ofrojё propozime konkrete dhe bashkё me partnerёt europianё tё gjejё zgjidhje, pёr ta vazhduar sa mё shpejt tё jetё e mundur procesin e integrimit.

A mos vallё ekuilibrat nё BE po zhvendosen?

Sfida mё e madhe nё aspektin e hapjes sё negociatave tё anёtarёsimit, ashtu si edhe pёr shumё vendime tё tjera, qё merren nё nivelin e BE-sё, ёshtё parimi i unanimitetit. Nuk ka nevojё pёr zhvendosje ekuilibrash pёr tё penguar vendime tё tilla, sepse mjafton vetёm njё vend qё ёshtё kundёr vendimit pёr ta penguar atё. Kohёt e fundit vazhdimisht kemi parё, se sa i vёshtirё ёshtё bёrё unanimiteti nё kёshill pёr ҁёshtje tё ndryshme. Ndaj njё numёr mё i vogёl vendimesh, qё duhen marrё nё unanimitet, do ta lehtёsonte nё pёrgjithёsi procesin e vendimmarrjes dhe do tё rriste funksionalitetin e BE-sё. /DW

policia-7.jpg
Autor E09:25 | 19/10/2019

Kontrollet e përnatshme që bën Policia Rrugore në Tiranë, ka nxjerrë edhe njëherë në pah çmenduritë që bëjnë shoferët kamikazë nëpër rrugët e kryeqytetit.

Sipas policisaë, të paktën 23 leje qarkullimi janë sekuestruar pasi shoferët janë kapur me shpejtësi tejë normave të lejuara.

“Nisur nga rrezikshmeria qe karakterizon kryeqytetin pergjate fundjaves, per shkak te drejtimit te mjetit pas perdorimit te alkoolit, me shpejtesi mbi normat e lejuara apo edhe ne shkelje te tjera po aq te rrezikshme per drejtuesit e mjeteve dhe te tjeret, Policia Rrugore e Tiranes ne bashkepunim me Njesine Operacionale te Sigurise se Autostradave, ka organizuar patrullime te kombinuara duke perdorur te gjitha pajisjet speciale dhe me burime njerezore te shtuara ne numer, me qellim parandalimin e aksidenteve rrugore dhe verifikimin e procedimin e shkeljeve qe jane burim per ngjarje rrugore me pasoja per jeten dhe shendetin e perdorueseve te rruges”, njofton policia.

VID_20191019_WA0001

TiraneVijon aksioni i Policise Rrugore i shtrire ne te gjitha rruget urbane dhe interurbane te kryeqytetit, ku nga kontrollet policore, me radar dhe me drager rezulton se shume drejtues mjetesh dhe motomjetesh e trajtojne rrugen si piste 🛫 ndersa mjetin si 🚀, duke u ekspozuar ndjeshem ndaj rrezikut 🚑, per tu perfshire ne aksidente rrugore, te cilat per shkak te shpejtesise, nivelit te alkoolit ne frymemarrje dhe menyres agresive ne drejtim, mund te jene edhe udhetimi i fundit per ta.#FundjavePerTeFestuar#StopAlkoolitNeTimon#👮🏻‍♀📸

Publiée par Policia e Shtetit sur Vendredi 18 octobre 2019

Njoftimi i plotë

Alkooli dhe shpejtesia pergjate fundjaves, angazhojne Policine Rrugore me patrullime dhe kontrolle te shtuara me perzgjedhje.

Nisur nga rrezikshmeria qe karakterizon kryeqytetin pergjate fundjaves, per shkak te drejtimit te mjetit pas perdorimit te alkoolit, me shpejtesi mbi normat e lejuara apo edhe ne shkelje te tjera po aq te rrezikshme per drejtuesit e mjeteve dhe te tjeret, Policia Rrugore e Tiranes ne bashkepunim me Njesine Operacionale te Sigurise se Autostradave, ka organizuar patrullime te kombinuara duke perdorur te gjitha pajisjet speciale dhe me burime njerezore te shtuara ne numer, me qellim parandalimin e aksidenteve rrugore dhe verifikimin e procedimin e shkeljeve qe jane burim per ngjarje rrugore me pasoja per jeten dhe shendetin e perdorueseve te rruges.

Ne funksion te kontrolleve parandaluese, deri ne keto momente, jane evidentuar dhe :

• Arrestuar ne kushtet e flagrances 4 drejtues mjetesh, nga te cilet 3 per drejtim mjeti ne gjendje te dehur dhe 1 per largim nga vendi i vuajtjes se denimit.

• Jane pezulluar 23 leje drejtimi, nga te cilat 15 per shpejtesi mbi normat e lejuara dhe 8 per drejtim mjeti nen efektin e alkoolit.

• Jane proceduar administrativisht 13 drejtues mjetesh per mosrregullim shpejtesie ne qendrat e banuara dhe gara ne shpejtesi.

• Gjate patrullimeve dhe veprimeve policore te kombinuara jane kontrolluar fizikisht per sende te paligjshme 24 automjete te ndryshme dhe 34 persona. /albeu.com/

macron.jpg
Autor E17:45 | 18/10/2019

Franca ishte zëri kryesor kundër hapjes së negociatatave për Shqipërinë. Në konferencën e ditës së sotme presidenti Macron u shpreh se vendet e Ballkanit kanë bërë reforma që duhen vlerësuar, por kjo sipas tij nuk mjafton për të hapur negociatat.

Gjithashtu ai theksoi se nuk mund t’ia shpjegonte qytetarëve të tij se si mundet që një shtet që konsiderohet i sigurt si Shqipëria ka një nivel kaq të lartë emigrimi.

Ndërkohë, gazetarja e “Abc News“, Erisa Zykaj ka arritur të sigurojë argumentin kryesor që Franca përdori për të kundërshtuar hapjen e negociatatave me Shqipërinë.

Një zyrtar i lartë francez ka artikuluar qartë, se që prej vitit 2005, Franca ka një shqetësim të qartë lidhur me procesin e zgjerimit.

Ky proces për Francën mbetet tepër i politizuar dhe kapitujt e negociatave të anëtarësimit vazhdojnë të hapen sipas kritereve politike dhe jo rezultateve në realitet.

Për Francën është absolutisht e nevojshme të gjendet një metodë e re, pasi avancimi në procesin e integrimit europian nuk bëhet thjesht me reforma të aprovuara në letër.

Macron e “vulos”: Nuk i hapim negociatat me Shqipërinë dhe Maqedoninë

“6000 pyetje juridike që ne mund t’i dërgojmë këtyre vendeve, nuk sjellin ndryshim të vërtetë për qytetarët e tyre” është shprehur zyrtari europian.

Franca fajëson Komisionin Europian që nuk ka dashur të ndryshojë procesin.

Sipas zyrtarit të lartë francez, Komisioni nuk ka dashur të pranojë se ekziston një problem. “Ky problem nuk është trajtuar, pasi Komisioni Europian nuk dëshiron të punojë për të”, është shprehur ai.

Ai është përqëndruar te problematike e reformave të integrimit në Shqipëri, duke veçuar problemet e mprehta të korrupsionit, krimit të organizuar dhe shtetit së tê drejtës si dhe nevojën e madhe që qeveria shqiptare të bashkëpunojë për çështjen e azilantëve shqiptarë në Francë “Vende si Shqipëria kanë humbur 15 deri në 25 përqind të popullsisë së tyre, një pjesë e mirë e së cilës është nën moshën 35 vjeç. Kjo tregon që ka diçka serioze që nuk shkon në vend”, është shprehur zyrtari francez.

Merkel: Dëshpëruese që BE nuk hapi negociatat me Shqipërinë dhe Maqedoninë

Ndërkohë, për Maqedoninë e Veriut, ai konsideron, se vendit i duhen vetëm disa muaj që të plotêsojë kushtin për prokurorinë speciale.

“Pra, nëse këto reforma bëhen dhe Komisioni propozon një proces të reformuar, Franca do të jetë në gjendje të thotë po hapjes së negociatave” është shprehur ai.

Franca i jep kohë Komisionit Europian deri në maj të vitit të ardhshëm për të propozuar ndryshimet e nevojshme dhe njëkohësisht Maqedonisë së Veriut dhe Shqipërisë që të plotësojnë kushtëzimin për të marrê dritën jeshile. /abcnews.al

zoran-zaev-1280x698.jpg
Autor E16:05 | 18/10/2019

Lajmi se Zoran Zaev ka dhënë dorëheqjen u shpërnda shumë shpejt në mediat online dhe rrjetet sociale, por duket se kjo nuk është e vërtetë.

Korrepondentja i “Abc News” në Maqedoni Xhumadije Ibrahimi konfirmon duke raportuar nga Shkupi se Zaev nuk ka dhënë dorëheqjen ndryshe nga sa raportoi agjencia e lajmeve italiane ANSA.

“Në këto momente jemi në selinë e LSD-së ku një gjë e tillë nuk është e vërtetë. Deri në këto momente kryeministri Zoran Zaev nuk ka konfirmuar dorëheqjen e tij. Të pyetur nga mediat në qeverinë e RMV nëse është e vërtetë një gjë e tillë dhe a do të ndodhë ata u përgjigjën duke thënë se deri në këto momente po bëhen të gjitha diskutimet dhe po analizohen të gjitha alternativa se çfarë do të ndodhë më tej”, vijoi korrepondentja e ABC News.

Agjencia italiane raportoi gjatë mesditës së sotme se Zaev dha dorëheqjen pasi vendi i tij nuk arriti të hapë negociatat me Bashkimin Europian.

Ky ishte një zotim i Zaevit në fillim të marrjes së mandatit të kryeministrit, gjë të cilën mbetet për ta vërtetuar nëse do ta mbajë ose jo në orët apo ditët në vijim./abcnews.al

 

 

macron-1-1280x698.jpg
Autor E15:01 | 18/10/2019

Presidenti i Francës, Macron ka konfirmuar qendrimin e vendit të tij për të mos hapur negociatat me Shqipërinë dhe Maqedoninë.

Në konferencën e samitit të liderëve, Macron tha se vendet e Ballkanit kanë bërë përparime, por kjo nuk mjafton.

Kishim një diskutim të gjatë lidhur me zgjerimin e BE. Wshtë temë e madhe. Duhet të merremi me të seriozisht. Besojmë në një Europë koherente dhe të përgjegjshme. Vendet e Ballkanit janë duke kaluar disa reforma të mëdha dhe duam që të vlerësojmë ndryshimet Kushtetuese që janë bërë, pra shumë qartësisht“, tha Macron.

Një numër i madh vendesh në BE nuk ishin të vendosura për të hapur negociatat. Ka disa përpjepje dhe arritje, por nuk janë atje ku duhej të ishin. Për shembull, migrimi dhe sundimi i ligjit apo edhe raportet fqinjësore. Nuk është e nevojshme për momentin që të ketë një zgjerim në këtë moment”, vijoi Macron.
Shikoni rrugën e 28 vendeve. Ne kemi kaluar në krizë të madhe dhe vendimmarrja e BE do të kemi përfunduar reformat në vitet që vijnë dhe nuk mund thjesht të hapim derën .

Në axhendën e BE dhe këtu po flas për të ardhmen, atëherë mund ta shikojmë atë. Jemi në një proces që besoj se është shumë burokratik. Ka marrëveshje dhe politike, por nuk do të thotë ndonjë gjë për njerëzit që janë pjesë e procesit.

Kina, Rusia do ndikojnë përsëri edhe nëse hapen negociatat. Shikoni këto vende që janë tashmë në proces dhe ky nuk është rasti që jemi në proceset e investimeve të ekonomisë dhe kulturës.

Ata jo domosdoshmërisht mund të jenë anëtarë. Na duhet kjo agjendë të jetë politike, por duhet që procesi të jetë i kthyeshëm ose do t’i mungojë besueshmëria.

Nëse hapim derën për negociata do të fajësohemi pasi të hapim derën kështu që duhet ta diskutojmë edhe më tej. Nëse dëshironi ti qëndroni ambicieve të Evropës duhet të reformoheni. Na duhet projekt i ri zgjerimi“, vijoi Macron.

Është bërë punë për të çmontuar rrjetet kriminale, por është e vështirë tu shpjegosh qytetarëve tanë që nga një vend që konsiderohet i sigurt dhe që nuk ka nevojë për viza të ketë migrim. Kemi probleme me kërkesat për azil.

Nuk mund të bëjmë gjëra që janë të pamundura për tu kuptuar nga qytetarët tanë.

Zgjedhja është bërë dhe jo për këto qëllime dhe jo thjesht për Shqipërinë. Kemi probleme migrimi nga shumë vende, shpesh për çështje shëndetësore“.

Ndër të tjera ai u shpreh: Unë mendoj që përfaqësoj atë që nuk është pozicion i shumicës. Që të jesh vetëm nuk do të thotë që e ke gabim. Dëgjoja kolegë dje dhe nuk jam dakord me meritat e atyre që mendojnë se zgjerimi është ideologjia e Europës. Ky është rasti me disa vende. Është arsyetim i gabuar. Bëj thirrje për koherencë. Duhet të reformojë veten para se të vazhdojmë me këtë. Është një çështje buxheti. Është një treg i madh që ka nevojë për koordinim dhe kjo po ndodh. Kemi nevojë për zgjidhje të qarta me shumë peshë politike.

Unë thashë që ka mosmarrëveshje në lidhje me procesin e zgjerimit vetë. Duhen hapur disa diskutime pa zgjerimin, por askush nuk do ketë mundësi të bashkohet pa u reformuar vetë. Definicioni i rajonit, disa thonë ishte pothuajse një marrëveshje unanime për të pasur vendet. Kjo nuk është e vërtetë. Kishte një shumicë për Maqedoninë e Veriut , por shumica e vendeve thanë JO për Shqipërinë. Hapja e zgjerimit me Maqedoninë e Veriut duke lënë pas Shqipërinë do kishte lënë mbrapa rajonin, do kishte qenë një veprim vdekatar politik. Do kishte qenë një precedent jo vetëm për Shqipërinë, por kudo ku ka pakica shqipfolëse. Është dashur të mendohet për këtë.

Mos të gënjejmë veten, duhet progres dhe me to mund të hapim diçka. Jo me proceset e zakonshme që nuk kanë më kuptim. /abcnews.al

merkel.jpg
Autor E14:48 | 18/10/2019

Kancelarja gjermane Angela Merkel tha se është dëshpëruese që vendet e BE nuk gjetën një marrëveshje për të hapur negociatat me Shqipërinë dhe Maqedoninë e Veriut.

Në një konferencë për mediat gjatë samitit të kliderëve të BE-së pas samitit të liderëve të BE-së.

Merkel tha se Gjermania dëshiron që negociatat për dy vendet të hapen pasi si Shqipëria dhe Maqedonia  kanë bërë progres. Por kjo tha kancerlarja – nuk ka bërë ende që shtetet anëtare të BE-së të marrin një vendim unanim. “Ka pasur ndasi sa i përket një procesi të përbashkët integrues të Shqipërisë Maqedonisë së Veriut”.

Franca dha kundërshtimin e saj sa i përket hapjes së negociatave me Shqipërinë dhe Maqedoninë e Veriut, tha Merkel, duke e vlerësuar një vendim dëshpërues për të dyja vendet. Megjithatë, kancelarja tha se ka pasur disa vende të BE-së që ndarazi dhanë qëndrim skeptik vetëm për hapjen e negociatave për Shqipërinë.

Bëhet fjalë për hapjen e negociatave të Shqipërisë dhe jo për anëtarësim, ata patjetër që duhet të përballen me disa kushte që ne kemi vendosur. Në Shqipëri vijon të ketë probleme, përfshi edhe migracionin, megjithëse Shqipëria ka bërë maksimumin sa i përket emigracionit. Kur bëjmë premtime duhet t’i mbajmë ato dhe jo t’i kthejmë shpinën vendeve. Janë disa faza sa i përket anëtarësimit në BE, unë vërtet dua një bashkim të këtyre vendeve, por më parë duhet të kalojnë në faza të ndryshme të këtij procesi“, tha Merkel.

Ndërkohë, presidenti francez Macron u shpreh se qeveria e tij sheh si problem të madh emigracionin nga Shqipëria duke theksuar se këtë s’mund t’ia shpjegojë qytetarëve të tij.

“Kishim një diskutim të gjatë lidhur me zgjerimin e BE. Wshtë temë e madhe. Duhet të merremi me të seriozisht. Besojmë në një Europë koherente dhe të përgjegjshme. Vendet e Ballkanit janë duke kaluar disa reforma të mëdha dhe duam që të vlerësojmë ndryshimet Kushtetuese që janë bërë, pra shumë qartësisht“, tha Macron.

Një numër i madh vendesh në BE nuk ishin të vendosura për të hapur negociatat. Ka disa përpjepje dhe arritje, por nuk janë atje ku duhej të ishin. Për shembull, migrimi dhe sundimi i ligjit apo edhe raportet fqinjësore. Nuk është e nevojshme për momentin që të ketë një zgjerim në këtë moment”, vijoi Macron.
Shikoni rrugën e 28 vendeve. Ne kemi kaluar në krizë të madhe dhe vendimmarrja e BE do të kemi përfunduar reformat në vitet që vijnë dhe nuk mund thjesht të hapim derën .

Në axhendën e BE dhe këtu po flas për të ardhmen, atëherë mund ta shikojmë atë. Jemi në një proces që besoj se është shumë burokratik. Ka marrëveshje dhe politike, por nuk do të thotë ndonjë gjë për njerëzit që janë pjesë e procesit.

Kina, Rusia do ndikojnë përsëri edhe nëse hapen negociatat. Shikoni këto vende që janë tashmë në proces dhe ky nuk është rasti që jemi në proceset e investimeve të ekonomisë dhe kulturës.

Ata jo domosdoshmërisht mund të jenë anëtarë. Na duhet kjo agjendë të jetë politike, por duhet që procesi të jetë i kthyeshëm ose do t’i mungojë besueshmëria”, vijoi ai.

Shqipëria dhe Maqedonia morën lajmin e keq për mos hapjen e negociatave pasi vendet e BE-së nuk gjetën një marrëveshje mes tyre.

konjari-1280x720.jpg
Autor E13:43 | 18/10/2019

Detaje të tjera kanë dalë pas shpërthimit të fuqishëm që tronditi Tiranën mëngjesin e sotëm. Objektivi ishte Artion Bylyku, një emër që nuk është skeduar nga policia më parë.

Siç raporton gazetari Andi Qosja për abcnews.al, ishte makina e blinduar ajo që i shpëtoi jetën Bylykut pasi shpërthimi ka qenë mjaft i fortë. Ndërkohë grupi hetimor gjeti edhe një sasi tjetër tritoli në sediljen e pasme të makinës, e cila nuk shpërtheu.

VIDEO/ Makina luksoze ishte e blinduar: Çfarë zbuloi policia pas shpërthimit që tronditi Tiranën

Fill pas shpërthimit, si u hodh në erë mercedezi i blinduar në mes të Tiranës

Fill pas shpërthimit, si u hodh në erë mercedezi i blinduar në mes të Tiranës

Publiée par Abc News Albania sur Vendredi 18 octobre 2019

Por, kush është 50 vjeçari Artion Bylyku?

Ai nuk është i skeduar nga policia dhe rezulton si tregtar makinash, megjithatë policia dyshon se kjo tentativë për ta vrarë lidhet me vrasjet e famshme mes grupeve kriminale në Tiranë, kjo pasi Bylkyku është kunat i Domart Konjarit, nje emer i njohur per policine i cili i ka shpetuar drejtesise shqiptare dhe asaj franceze.

Domart Konjari është në arrati ndërsa akuzohet për një sërë veprash penale në Francë si, “trafik ndërkombëtar droge” dhe “krijimi i organizatave kriminale”.

Konjari u arrestua në nëntor të vitit 2015, për llogari të autoriteteve franceze por pesë muaj më vonë, Apeli i Krimeve të Rënda zbuti masën e sigurimit ndaj Konjarit, nga “arrest me burg” në “detyrim paraqitjeje”.

Kjo bëri që Konjari të arratisej dhe të jetë ende në kërkim.

Në dosjen që Krimet e Rënda kanë marrë nga autoritetet franceze, renditen me detaje të gjitha veprimtaritë e Konjarit në Shqipëri, Francë, Holandë, Belgjikë, Spanjë, Itali dhe Gjermani.

Hetuesit francezë thonë se kanë ndodhur edhe disa vrasje, ku në dy raste, 42-vjeçari Konjari u ka shpëtuar atentateve me armë.

Në dosjen që ka polici rezulton se Konjari është i përfshirë në mnëyrë direkte ose indirekte në disa vrasje apo tentative vrasje përveç trafikut të drogës nga Amerika Latine.

Rasti i fundit ishte vrasja e Devi kasmit ne Tirane, e cila dyshohej se ishte kryer me porosi te Konjarit. /abcnews..al

suedezi.jpg
Autor E13:30 | 18/10/2019

Tashmë është e konfirmuar edhe nga Komisioneri për Zgjerimin: BE nuk do të hapë negociatat për Shqipërinë.

kjo ka shkaktuar reagime të ndryshme në vendet e BE-së.

Së fundmi, zërave qortues i është bashkuar edhe ish kryeministri suedez, Carl Bildt.

“Kjo nuk është një gjë e vogël! Duke bllokuar fillimin e bisedimeve për Ballkanin, Franca, Holanda dhe Danimarka jo vetëm që kanë shkelur angazhimet e mëparshme, por edhe e kanë privuar BE-në nga çdo qasje e besueshme strategjike për këtë rajon të rëndësishëm. Kush do ta zgjidhë këtë lëmsh?”, – ka shkruar ai në Twitter.

Hahn konfirmon lajmin e keq: Nuk ka negociata për Shqipërinë

Presidenti i Parlamentit Evropian David Sassoli ka shprehur sakaq mbështetjen e tij për hapjen e negociatave të BE me Shqipërinë dhe Maqedoninë e Veriut.

Siç raporton “EuObserver”, pasditen e te enjtes, teksa foli ne hapjen e samitit te Këshillit Europian në Bruksel, ai tha: “Ne mbështesim hapjen e menjëhershme të negociatave të pranimit me Maqedoninë e Veriut dhe Shqipërinë.

Komisioni Europian është në favor të kësaj dhe ne do ta kemi të vështirë t’i shpjegojmë njerëzve të atyre vendeve pse po i vonojmë ata. Kur ne u bëjmë thirrje vendeve fqinje të bëjnë një përpjekje shtesë për të ndryshuar dhe ata e bëjnë këtë, është detyra jonë që t’i bashkohemi kësaj përpjekje”.

perplasja.jpg
Autor E12:56 | 18/10/2019

Një luftë e vërtetë ka ndodhur në një qytet të Meksikës midis policisë dhe një karteli droge të cilët kanë pasur si qëllim që të lironin djalin e “El Chapos” dhe ja kanë arritur.

Ai sapo ishte arrestuar dhe nuk është lejuar që të merrej nga policia, pasi persona të armatosur kanë ndjekur policët dhe i kanë detyruar që ta lënë të lirë.

Ministri i Sigurimit, Alfonso Durazo tha se një patrullë nga policia e militarizuar e Gardës Kombëtare llimisht u sulmua nga brenda një shtëpie në qytetin e Culiacan.

Pasi hynë në shtëpi, gjetën katër burra, duke përfshirë Ovidio Guzman, i cili akuzohet për trak droge në Shtetet e Bashkuara. Patrulla u tejkalua shpejt nga personat e armatosur, por u tërhoq për të parandaluar humbjen e jetës, tha qeveria. Njëkohësisht, luftëtarët zbritën nëpër qytet, duke luftuar policinë dhe ushtarët gjatë ditës. Ata dogjën automjetet.

“Vendimi u mor që të tërhiqeshin nga shtëpia, pa Guzman, të përpiqeshim të shmangnim më shumë dhunë në zonë dhe të ruajmë jetën e personelit tonë dhe të rikuperohemi të qetë në qytet,” i tha Durazo Reuters.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono