Autor E

karikim6-1.jpg
Autor E16:31 | 22/02/2020

Lënia e telefonit në karikim, sidomos gjatë natës është një zakon i keq që duhet të eliminohet sa më shpejt të jetë e mundur sepse mund të jetë shumë e rrezikshme.

Përveç shkatërrimit të baterisë përgjithmonë, mund të shkaktojë dëme serioze në shëndet. Shumë zjarrfikës nga e gjithë bota kanë ndërhyrë për të shpëtuar jetën e njerëzve për shkak të këtij zakoni dhe tani ata duan të paralajmërojnë të gjithë që të mos i lënë celularët e tyre afër shtratit gjatë natës.

Shumë prej nesh përfundojnë në fund të ditës me celularin e tyre të zbrazët dhe si pasojë ne ndiejmë nevojën për ta rikarikuar atë tërë natën. Por duhet të dini që pasi të keni arritur 100%, bateria ndalon së rimbushuri dhe duke e lënë atë të ngarkuar për shumë orë pavarësisht se ka arritur ngarkesën maksimale, çka mund të shkaktojë dëme serioze në bateri. Dëmi më i madh është nxehtësia e cila rrit tensionin e ngarkesës.

Kjo shkakton një rritje të temperaturës që kompromenton kapacitetin e baterisë së telefonit tuaj celular. Nëse bateria nxehet, celulari mund të shpërthejë dhe për fat të keq ka shumë raste që e konfirmojnë atë.

Lënia e celularit nën jastëk është një praktikë që shumë shpesh e përdorim. Shumë njerëz bien në gjumë me celularin e tyre të ngarkuar, por do të ishte më mirë të mos e bëni atë nëse dëshironi të mbroni shëndetin tuaj.

Studiuesit izraelitë nga Instituti i Shkencave Ëeizmann kryen teste për të kuptuar rreziqet hipotetike që telefoni celular krijon për shëndetin. Këto eksperimente konsistonin në teste që tregonin sasinë e rrezatimit që trupi ynë i ekspozohej çdo herë që përdorim celularin ose thjesht që e mbani afër. Rezultatet nuk janë shumë tërheqëse: duhen vetëm 15 minuta në telefon dhe mund të ndodhin dëme serioze të trurit, por edhe fillimin e kancerit, veçanërisht atij të trurit.

Nëse nuk mund të qëndroni pa celularin tuaj, të paktën shmangni mbajtjen e tij në karikim gjatë gjithë natës dhe veçanërisht afër shtratit tuaj.

437259.jpg
Autor E15:32 | 22/02/2020

Belinda Dragoti ka fituar simpatinë e publikut që nga dalja e saj në “Xing me Ermalin” dhe që aty Instagrami i saj është bërë goxha i famshëm, shkruan abcnews.al.

Në një ndër fotot bukuroshja ka pozuar mjaft provokuese me të brendshme nga shtrati dhe përveç pamjes së saj vëmëndjen e merr komenti i këngëtarit shqiptar, Dijonis Biba.

“Fotograf jam”, shkruan këngëtari i cili lë të mendoj se foton e ka shkrepr ai, por Belinda i hedh poshtë të gjitha dyshimet pasi në postim ka bërë “tag” fotografin profesionist i cili ka shkrepur foton.

 

b58d5038-ea48-4891-be3d-9368896fdf58.jpg
Autor E15:15 | 22/02/2020

Ilir Meta u bë protagonist i javës politike që lamë pas me thirrjen e pazakontë për një kryetar shteti për tubim qytetar më 2 mars kundër qeverisë.

Kjo përplasje e re e Metës me Ramën, vjen kur kryeministri po shtron rrugën për mandatin e tretë, pas suksesit në Bruksel në konferencën e donatorëve.

Dritëhijet e kësaj dinamike na sjell këtë javë Mimoza Kociu me Politika në ABC News:

 

korona-3.jpg
Autor E13:25 | 22/02/2020

450 persona gjenden të mbyllur në spitalin Schiavonia në Padova të Italisë.

Mediat italiane raportojnë se ata janë në këtë spital që prej mbrëmjes së djeshme dhe nuk lihen të dalin jashtë pa kryer të gjitha testet nëse janë prekur ose jo nga koronavirusi.

Mediat italiane raportojnë se 300 prej personave që mbahen në spital janë pacientë ose vizitore që gjendeshin aty dhe 150 të tjerë janë pjestarë të stafit. Mjekët janë duke kryer testet e nevojshme ndaj secilit pas dyshimeve se mes tyre mund të ketë persona të prekur.

Deri më tani në Itali kanë ndërruar jetë 2 persona nga koronavirusi, ndërsa numri i të prekurve të konfirmuar ka arritur në 51.

Një ndër shtetet që rrezikon shumë nga situata e krijuar është edhe Shqipëria për shkak të numrit të lartë të emigrantëve tanë në zonën e prekur.

Ministria e Shëndetësisë njoftoi se kanë marrë masa për kontrollin e atyre që futen në Shqipëri nga Italia duke përcaktuar edhe vendin e karantinës në rast të konstatimit të ndonjë personi me simptoma. /abcnews.al

monika.jpg
Autor E13:10 | 22/02/2020

Kryetarja e LSI-së, Monika Kryemadhi i kërkoi shqiptarëve që të merrnin pjesë në protestën e 2 marsit të thirrur nga Presidenti Meta kundër maxhorancës, e cila sipas tij po kryen një grusht shteti përmes kapjes së Gjykatës Kushtetuese.

Por, para se të bënte këtë thirrje, Kryemadhi u kujdes që të kërkonte falje për gabimet e kryera më parë.

“Do të kërkoj falje për të gjithë gabime tona, nuk jemi hyrjnorë ato nuk gabojnë. Do të rregullojmë gabime tona, është hyrjnore që të pranosh gabimet.

Unë në emër të gjithë LSI-së do të kërkoj fallje për të gjitha gabimet tona që kemi heshtuar aty ku s’duhet të heshtnim, që kemi mbyllur sytë aty ku s’duhej ti mbyllnim.

Ne si LSI, unë Monika Kryemadhi angazhohem që jo vetëm të shërbej e përulur ndaj të rinjve të LRI-së, por ndaj të gjithë të rinjve shqiptarë. Unë nuk kam ndërmend të jap jetën as për Lulzim Bashën që të bëhet kryeministër dhe as për Ilir Metën që të bëhet President, por për të ardhmen e fëmijëve të mi. Ndaj 2 marsi është për të gjithë ato shqiptarë që duan që të mbajnë fëmijët në këtë vend”, tha Kryemadhi.

Ajo gjithashtu sulmoi ministren e Drejtësisë, Etilda Gjonaj, e cila u padit nga Presidenti Meta në SPAK për botimin në Fletoren Zyrtare të vendimit të KED për emërimin e Arta Vorpsit si anëtare të Gjykatës Kushtetuese. /abcnews.al

kryemadhi-1280x708.jpg
Autor E13:08 | 22/02/2020

Kryetarja e LSI-së Monika Kryemadhi ka sulmuar ministren e Drejtësisë Etilda Gjonaj gjatë fjalës së saj të mbajtur me strukturat në Shkodër.

Një ditë pasi Presidenti Meta tha se do ta padiste Gjonajn në SPAK, Kryemadhi i kërkoi asaj të japë llogari për falsifikimin e protokollit për të publikuar në Fletoren Zytare vendimin e KED për emërimin e Arta Vorpsit në Gjykatën Kushtetuese.

“Sot e kësaj dite akoma nuk kemi një përgjigje nga ministrja jonë bukuroshe që sa për dijeni të shqiptarëve ka lidhje familjare me presidentin e Republikës. Akoma s’ka kthyer përgjigje se pse ka falsifikuar protokollin e ministrisë. Për mua moralisht Arta Vorpsi është një ngelëse ku çdo gjimnazisti s’i jepet diploma se ka ngelur në provim.”, tha Kryemadhi, ndërkohë që nuk ngurroi të konfirmojë lidhjen familjare të Metës ms Gjonajn. /abcnews.al

bilbil.jpg
Autor E11:55 | 22/02/2020

Është zbardhur dinamika e ngjarjes që çoi në burg 43 vjeçarin Bilbil Hasani, i cili vrau vetën një ditë më parë në qelinë e burgut nr.313.

Siç raporton gazetarja Glidona Daci për abcnews.al, Bilbil Hasani është arrestuar në flagrancë në 9 dhjetor të vitit të shkuar pasi i kishte vjedhur një personi 15 200 lekë teksa udhëtonte me bashkëshorten në autobusin e Unazës.

Pas arrestimit, prokuroria e Tiranës ka kërkuar caktimin e masës së sigurisë “arrest me burg”, gjë që është pranuar edhe nga gjykata.

Gjyqtari që ka vendosur “arrest me burg” ka qenë Ardian Kalia. Ndërkohë, pas zhvillimit të seancës paraprake është vendosur kalimi i çështjes për gjykim.

Ngjarja

Më datë 09 dhjetor 2019 Bilbil Hasani është arrestuar për veprën penale të vjedhjes.

Në orën 10:00 të datës 08 dhjetor, 43-vjeçari është kapur në flagrancë nga Policia e Patrullës së Përgjithshme, pasi A.Deda e ka kallëzuar Hasanin se i kishte vjedhur portofolin teksa ishin në autobuzin e linjës së Stacionit të Trenit.

Deda po shkonte tek Tregj Indstrial së bashku me bashkëshorten dhe teksa urbani ka qëndruar tek stacioni përball restorat “Durrësi”, shtetasi Bilbil Hasani ka futur dorën në xhepin e Dedës dhe ka vjedhur portofolin, brenda të cilit kishte 15.200 lekë dhe dokumenta të tjera.

Pasi ka konstatuar këtë fakt, Arjan Deda është vënë në ndjekje të autorit, i cili në vrap e sipër e ka hedhur portofolin dhe pak më tutje Bilbil Hasani është kapur në flagrancë nga Deda, i cili ka njoftuar policinë dhe në ndihmë i ka ardhur edhe një shtetas tjetër dhe e kanë mbajtur 43-vjeçarin derisa ka ardhur policia. Portofolin e ka marrë bashkëshortja e Dedës. /abcnews.al

koronavirusiiii.jpg
Autor E11:43 | 22/02/2020

Ka arritur në 34 numri total i të prekurve nga koronavirusi në Itali, 27 prej të cilëve janë vetën në zonën e Lombardisë. Ndërkohë, deri më tani janë konfirmuar dy të vdekur në Lombardi.

Dy viktimat janë një burrë 78 vjeç dhe një grua 67 vjeçe, të cilët patën komplikacione të rënda pasi u prekën nga virusi.

Lexo edhe: SPECIALE/ Koronavirusi i afrohet Shqipërisë: Simptomat e para dhe si të mbrohemi prej tij

Autoritetet kanë mbyllur shkollat në zonën që konsiderohet si epiqendra e virusit, ndërsa janë anuluar edhe 40 ndeshje futbolli të parashikuara për këtë fundjavë.

Siç raportojnë mediat italiane, kryeministri italian është shprehur se nuk ka vend për panik, pasi çdokush që ka patur kontakt me të prekurit nga virusi tani ndodhet në karantinë. /abcnews.al

 

erionm.jpg
Autor E11:28 | 22/02/2020

Tirana bëri bashkë sot aktorët politikë shqiptarë e rajonalë, si dhe përfaqësues të Bashkimit Europian si Raporterja për Shqipërinë në Parlamentin Europian, Isabel Santos ku kryefjalë ishte zgjerimi në Ballkanin Perëndimor dhe perspektiva europiane të vendit tone.

Kryebashkiaku Veliaj theksoi rëndësinë gjithnjë e më të madhe që po luajnë qytetet në procesin e integrimit. “Tani qytetet po luajnë një rol, në mos më shumë, të paktën po aq sa shtetet. Në Europë ka koalicione, rrjete qytetesh që bëjnë një punë të jashtëzakonshme dhe duhet pasur parasysh edhe në kuadër të integrimit të rajonit. Tirana ka arritur 1 milionë banore, 40% të PBB, pra duhet të kemi qytete që funksionojnë më së miri siç ndodh me Prishtinën, Shkupin dhe qytete të tjera në Europë”, tha Veliaj.

Kreu i Bashkisë u shpreh se Tirana, por edhe në gjithë Shqipërinë, po bëhet një punë e mirë në promovimin e të rinjve, duke i bërë ata pjesë të vendimmarrjeve të rëndësishme. “Kur u ktheva në 2003, dëgjoja politikanë që thoshin rinia është e ardhmja se ideja ishte që me ju do flasim më vonë, se s’ka ardhur koha juaj, por në fakt është një shaka kjo. Për qytetet, për qeverinë që e marrin rininë seriozisht, duhet të jenë krenarë. 2/3 këtu janë të rinjtë. Në PS, në listat tona, ne kemi për detyrë të kemi 50-50, burra-gra dhe 1/3 nga radhët e të rinjve, pra të rinj aktivistë nën 35. Duhet ta shtyjmë më tej këtë axhendë, më shpejt. E di që ka njerëz të emancipuar që nuk besojnë në kuota, por në fakt kuotat funksionojnë. Mund të jesh feminist, aktivist i të rinjve, por kuotat funksionojnë dhe shembulli i mirë që kemi në Tiranë dhe në Shqipëri kur vjen puna për të promovuar të rinjtë, është e rëndësishme. Ne jemi kryeqyteti më i ri në Europë, 33% dhe jemi zgjedhur Kryeqyteti Europian i Rinisë”, tha ai.

Kreu i Bashkisë u shpreh se rajoni është në një moment fantastik që të bëjë hapa të mëdha përpara, ndërsa njohu të pranishmit me ambicien e Tiranës për t’u mësuar të rinjve gjuhën e kodimit. “Më pëlqeu që Lufthansa vendosi zyrën e vet në Tiranë, një kompani amerikane do të vendoset këtu. Do të hapim Piramidën, që ka qenë mauzoleumi i diktatorit, kurse tani do të jetë shkolla më e madhe e teknologjisë së informacionit në rajon. Në Stokholm edhe një 6-vjeçar mësohet të këndojë, të bëjë veprime të shkencës së teknologjisë, nuk ka përse ne këtu në rajon të mos bëjmë këto hapa që nevojiten për të kapur këtë ritëm”, deklaroi Veliaj.
Teksa ftoi të pranishmit që të vizitojnë Tiranën, Veliaj u shpreh se transformimi i Pazarit të Ri dhe i Sheshit “Skënderbej”, janë prova më e mirë e ambicies dhe qëllimit tonë për t’u bërë një shoqëri evropiane. “Kur të dilni jashtë do të shihni një shesh që fitoi çmimin e parë në 2018-ën si “Hapësira publike më e mirë në Europë”. Kemi pazarin e vjetër, ripërtëritjen urbane që fitoi çmimin vitin që shkoi. Pra qytetet mund të jenë pika evropiane në këtë rajon dhe të tregosh që mund të modernizosh, mund të transformosh, mund të ndryshosh, është prova më e mirë e ambicies dhe qëllimit tonë për t’u bërë një shoqëri evropiane”, nënvizoi Veliaj.

bankers.jpg
Autor E11:02 | 22/02/2020

Pas grevës së naftetarëve dhe akuzave publike të administrastatorit të “Tosk Energy” se nuk furnizoheshin me naftë nga “Bankers Petroleum”, Autoriteti i Konkurrencës ka rikujtuar se ka të hapur një hetim ndaj kompanisë të hapur që në tetor 2019.

Në një letër publike, administratori i “Tosk Energy” që menaxhon rafinerinë e Ballshit akuzoi kompaninë Bankers Petroleum se nuk i furnizonte mjaftueshëm me naftë bruto duke bërë që të ndërprisnin punën duke mos paguar njëkohësisht edhe punonjësit.

Në reagimin e tij, Blerim Hoxha i “Tosk Energy” shkruan se shkak për këtë situatë të pazakontë ishte bërë edhe Autoriteti i Konkurrencës, i cili nuk po ndërhynte për të verifikuar kompaninë Bankers Petroleum.

Reagimi i Autoritetit të Konkurrencës

Komisioni i Konkurrencës, me vendimin nr.652, datë 10.10.2019 ka vendosur “Për hapjen e procedurës së hetimit te helluar ndaj ndërmarrjes Bankers Petroleum Albania Ltd në tregun e prodhimit dhe tregtimit të naftës bruto”.

Në zbatim te ligjit nr.9121/2003 “Per mbrojtjen e konkurrencës”, i ndryshuar, Autoriteti i Konkurrencës respekton procedurat ligjore sipas afave kohore të përcaktuara në të. Çdo procedurë hetimore i nështrohet këtyre afateve.

Objekt i veprimtarisë së Autoritetit të Konkurrencës, nuk janë marrëdhëniet kontraktore midis palëve, të cilat bazohen në vullnetin e lirë dhe të plotë të tyre, por vendosja e një konkurrence të lire dhe efektive në treg, kundrejt çdo subjekti që shkel rregullat e konkurrencës.

Autoriteti i Konkurrencës, bën me dije se është i përkushtuar në trajtimin e këtij hetimi, sipas rregullave dhe afateve ligjore, dhe në përputhje me standartet ligjore të Bashkimit Evropian.

Letra publike e Blerim Hoxhës, administratorit të “Tosk Energy”

Letra e Plotë:

“Te nderuar punonjes dhe heronj te Rafinerise se Ballshit!

Zgjodha me mire te ju shkruaj sesa tu takoj per arsyet se duke qene se jemi takuar shum e shum here se bashku, kemi shkembyer ide per rimekembjen e Rafinerise se Ballshit, biseduar, kemi debatuar me te gjithe ju, une si administrator dhe partner i Shoqerive Tosk Energji SHA dhe Byllis Energji SHA e ndjej te nevojshme qe te bej disa sqarime si me poshte.

Degjoj cdo dite nga pale te treta qe me akuzojne mua, partneret dhe shoqerite qe une drejtoj me lloj lloj akuzash. Se pari, me vjen shum keq per ju dhe gjendjen tuaj, i kuptoj gjithe problemet tuaja por nga ana tjeter dua te informoj se kam punuar dhe e kam menaxhuar kete uzine per mbi 18 muaj, kam paguar cdo detyrim qe kam ndaj jush, ndaj taksava shteterore dhe ndaj paleve te treta.

Dua te informoj qe nga fillimi i aktivitetit dhe deri me tani Shoqerite kane humbur mbi dhjetra milion dollare por duhet te theksoj forte se keto shuma te humbura jane te vete shoqerive dhe jo lek te shtetit ashtu si kane vepruar shoqeri te tjera te cilat as edhe detyrimet shteterore nuk i kane shlyer.

Te shoqerite Tosk dhe Byllis eshte e kunderta, deri me tani jane humbur dhjetra milion dollare nga te ardhurat e shoqerise dhe te partnereve, shoqerite jane me humbje qe nga fillimi I aktivitetit e ne vijim ku Ju te dashur punjonjes apo me mire Heronj te rafinerise e dini shum mire arsyen e ndaljes se rafinerise se Ballshit.

Qe ne fillimet e aktivitetit ne Rafinerine e Ballshit une u kam shprehur disa here problematiken me Bankers Petroleum, nuk mund te punojme nese nuk kemi furnizimin e nevojshem me nafte bruto. Ju me mire se une e dini se ajo Rafineri duhet te punoj me te pakten 50 000 Ton/Muaj Nafte Bruto dhe jo me sasite e ofruara nga Bankers Petroleum qe asnjehere nuk e kane kaluar sasine prej 20 000 Ton ne muaj, per kete problematike kam informuar edhe organet e shtetit.

Nga fillimi I aktivitetit e ne vijim kam bere cdo perpjekje me Bankers qe te gjejme nje zgjidhje por nga ata gjithmone kemi refuzim, refuzim qe nuk e kuptoj arsyen pse… Kerkesa jone eshte shume e thjeshte, naften e nentokes shqiptare ta shesi te Rafineria Vendase, u kemi ofruar pagesa parapagim, garanci bankare dhe cdo gje tjeter per arritjen e qellimit per furnizim por perseri nuk pranojn qe ta shesin naften ne shqiperi, arsyen e dine vetem ata se pse refuzojne.

Ka mbi 13 muaj qe ndjek rrugen gjyqesore, ka nje vendim gjykate per furnizimin e rafinerise por perseri ata nuk pranojne te furnizojne, ka mbi 15 muaj qe i jam drejtuar Autoritetit te Konkurences qe te nderhyj per te dhene nje zgjidhje dhe akoma nuk ka nje vendim apo mase prej tyre per te nderhyre dhe dhene nje zgjidhje.

Te dashur punetore, i gjithe problemi eshte te autoriteti i konkurences, nuk ka ndermarr asnje mase apo vendim per detyrimin e Bankers qe te furnizoje rafinerine, une dhe stafi im kam informacion qe eshte dikush mbrapa qe nuk e lejon Autoritetin qe te marre vendim kunder Bankers, se kush eshte nuk e dime dhe nuk mund te bejme asgje qe te detyrojme Autoritetin e Konkurences qe te veproje.

Problem tjeter eshte qe nje pjese e administrates shteterore nuk duan qe rafineria te funizohet me nafte bruto pasi kane interesa te ngushta personale qe ajo rafineri te mos punoje, kjo eshte nje arsye tjeter per ndaljen e rafinerise.

Rafineria ka ndalur punen ne fund te shtatorit dhe per aq kohe sa ka punuar ajo ka shlyer ta gjitha pagat ne rregull, ka paguar taksat, sigurimet dhe cdo gje tjeter ndryshe nga sa po akuzohet tashme, per aq kohe sa ajo ka qene ne pune ka shlyer cdo detyrim ndaj jush si punonjes, organeve shteterore dhe paleve te treta duke theksuar perseri se ajo ishte me humbje te vazhdueshme si rrjedhoje e mosfurnizimit nga Bankers.

Kam premtuar qe per muajt Tetor-Nentor-Dhjetor do te shlyej pagat minimale te te gjithe punonjesve, kam premtuar qe nese shoh nje drite jeshille per rindezjen e rafinerise te gjithe do te rifillojne punen me paga te plota, por deri me tani nuk po shoh asnje drite te gjelber per rifillim te punes. Gjithsesi duke marre parasysh gjendjen tuaj dhe te komunitetit ne Ballsh ne do ti paguajme se shpejti keto 3 paga.

Ju kerkoj falje personalisht per keto probleme por ta dini te gjithe se nuk eshte faji i shoqerise, kemi bere çmos qe rafineria te punoje por e riperseris sic ju e dini mire Rafineria e Ballshit nuk mund te punoje me 20 000 Ton Nafte Bruto ne muaj, jane humbje shume te medha, Rafineria qe te jete ne gjendje optimale per te punuar duhet te kete nje furnizim me minimum 1600 Ton/dita dhe per kete arsye gjithnje i jam drejtuar Bankers per funzimim me te pakten 50 000 Ton/Muaj duke e parapaguar te gjithe mallin dhe perseri refuzon qe te na furnizoje.

Ju rikujtoj edhe njehere qe Bankers na akuzon neve qe nuk paguajme dhe investon neper pale te treta qe i genjen dhe vazhdon ti genjeje por e verteta eshte qe ne gjate gjithe kohes kemi kerkuar qe te furnizohemi me minimum 50 000 Ton/Muaj duke e parapaguar te gjithe sasine e naftes, I kemi ofruar Bankers lek per te investuar, per kete ka dijeni edhe Autoriteti i Konkurences dhe madje e ka te dokumentuar ndersa nga ana tjeter Bankers na ka ofruar gjithmone 20 000 Ton Nafte Bruto ne muaj dhe per kete arsye e kemi te veshtire qe te punojme, shteti qe para dhe gjate fillimit te punes na premtoj me dokumete te shkruara qe do te siguroj lenden e pare por ky problem nuk mori ndonjehere zgjidhje.

Sa me siper punonjes te dashur problemi eshte te Autoriteti i Konkurences qe nuk nxjerr vendim per Bankers per arsye te presioneve qe ka nga persona te interesuar qe Rafineria te mos rindizet.

Gjithashtu dua te informoj qe pagat do ti paguajm se shpejti dhe ne do te jemi aq te lumtur sa edhe ju qe te vazhdojme punen vetem kur Bankers te na japi sasine minimale prej 50 000 Ton Nafte/Muaj me çmim tregu. Nese Bankers na furnizon, ne jemi te gatshem te fillojme punen, te bejme investime dhe te parapaguajme Bankers.

Ju falemnderit,
Blerim Hoxha


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono