Autor E

ardian.jpg
Autor E16:24 | 20/01/2020

Endrit Dokle dhe Lulzim Berisha nuk janë të vetmit ish-anëtarë të Bandës së Durrësit që janë liruar nga burgu sëfundmi.

Gjykata e Shkallës së Parë të Fierit ka liruar më datë 22 tetor të vitit të shkuar Sardian Sulejmanin, i cili është dënuar me 25 vite burg në korrik të vitit 2014 me akuzën “Vrasje e mbetur në tentativë” të përsëritur dy herë.

Fillimisht ai tentoi të vriste Lulzim Berishën në gushtr 2005 dhe më pas Avni Gashin në tetor të këtij viti.

Gjyqtari Piro Sota pranoi kërkesën e Sulejmanit për të ndërprerë periudhën e dënimit më datë 22 tetor të vitit të shkuar duke i falur atij 4 vite e 10 muaj e 17 ditë burg.

Gjyqtari i është referuar një raporti të Zyrës Vendore të Shërbimit të Provës në Fier, e cila ka argumentuar me dhjetë pika se Sardian Sulejmani mund të integrohet në shoqëri dhe se nuk është më person me rrezikshmëri të lartë siç shkruhet në vendimin e siguruar nga abcnews.al.

Në këtë raport thuhet se ai ka qenë i ri kur ka kryer krimin duke mos kuptuar rrethanat e ngjarjes, ndërsa ashtu si edhe të tjerë më parë, Sulejmani ka premtuar se do të punësohet dhe se do të jetë një qytetar i mirë pasi të dalë nga qelia.

Gjyqtari ka pranuar gjithashtu faktin se babai i Sardian Sulejmanit jetonte vetëm pasi bashkëshortja dhe djali tjetër i kishin vdekur, rrjedhimisht ai donte shoqëri që mund t’ja jepte djali tjetër, pikërisht Sardiani.

“Gjendja shëndetsore e të atit të të dënuarit nuk është e mirë, pasi ka probleme me zemrën, për të cilën ka qënë disa herë i shtruar në spital dhe merr mjekim. Gjithashtu edhe gjendja emocionale e tij është shumë e rënde për shkak të vdekjes së djalit të madh në vitin 1999 dhe bashkëshortes se tij ne vitin 2016, duke ndikuar edhe në gjendjen e tij shëndetsore ne tëresi dhe ka nevoje per përkujdesje të vazhdueshme si dhe mbeshtetje emocionale nga djali i tij, pasi është e vetmja familje që i ka mbetur”, shkruhet në raport.

Njësia Administrative nr.2 Bashkia Fier, është lëshuar një akt-mirësjellje, ku evidentohet fakti se:“familja e Barjam Sulejmanit, babai i Sardian Sulejmanit, është e përbërë nga dy anëtarë Sardiani dhe Barjami. Babai, Bajrami jeton i vetëm pasi Sardiani i biri, ka vite që ndodhet ne burg. Kjo familje është banore e lagjes Konferenca e Pezës, Njësia Administrative nr.2 Fier dhe gëzojnë respekt në komunitetin ku jetojnë. Nëna e kërkuesit ka vdekur në spitalin e Durrësit në 12 nënëtor 2016, ndërsa vëllai i ka vdekur në vitin 1999”.

Argumentet e Zyrës së Shërbimit të Provës për Sulejmanin

1-Gjatë 1-2 viteve të fundit që ka vuajtur dënimin në IEVP ka shfaqur sjellje korrekte me bashkëvuajtësit si dhe me punonjësit,duke respektuar rregulloren dhe ligjet në fuqi,duke treguar kështu që është arritur qëllimi për edukimin e tij.

2-Nga vërtetimi i gjëndjes gjyqësore figuron se i dënuari Sardian
Sulejmani nuk ka qenë më parë i dënuar.

3-I dënuari nuk rezulton të ketë probleme me përdorimin e alkoolit, apo të lëndëve narkotike, faktor i cili ndikon ne proçesin e riintegrimit të të dënuarit në shoqëri dhe shërben si faktor parandalues në kryerjen e sjelljeve devijante në shoqëri.

4-I dënuari ka paraqitur një premtim për lidhje kontrate pune dhe shprehet se është i motivuar për të punuar dhe për të siguruar të ardhura për familjen.

5-Gjendja shëndetsore e të atit të të dënuarit nuk është e mirë, pasi ka probleme me zemrën, për të cilën ka qënë disa herë i shtruar në spital dhe merr mjekim. Gjithashtu edhe gjendja emocionale e tij është shumë e rënde për shkak të vdekjes së djalit të madh në vitin 1999 dhe bashkëshortes se tij ne vitin 2016, duke ndikuar edhe në gjendjen e tij shëndetsore ne tëresi dhe ka nevoje per përkujdesje të vazhdueshme si dhe mbeshtetje emocionale nga djali i tij, pasi është e vetmja familje që i ka mbetur.

6-Ne kohën e kryerjes se veprës penale i dënuari ka qënë ne një
moshë shumë te re për te kuptuar si duhet pasojat e veprimeve te tij, e shoqeruar kjo edhe nga ndikimi negativ i personave të tjerë si dhe nga humbja e vëllait ne kohen kur i dënuari ishte ende i mitur.

7-Gjatë intervistave me punonjësin e Shërbimit të Provës i dënuari Sardian Sulejmani shprehet thellësisht i penduar për veprën penale që ka konsumuar, është i ndërgjegjësuar për veprën dhe dënon veprimin e tij, ç’ka tregon se ky i dënuar është rehabilituar dhe është i gatshëm për t’u riintegruar në shoqëri.

8-Familja e te denuarit ka kushte te mira banimi, pra ne momentin qe mund te lirohet me kusht, ate e pret nje ambient i pershtatshem per te jetuar, gje e cila ndikon pozitivisht tek ai.

9-I dënuari është tip i qetë dhe i qëndrueshëm emocionalisht.

10-Lidhur me konsultimin e dokumentave dhe materialeve të dosjes së të dënuarit si dhe nga intervista me të, rezulton se i dënuari ka mbështetjen e plotë të familjes dhe të shoqërisë. /abcnews.al

agim-kajmaku-570x410-1.jpg
Autor E15:13 | 20/01/2020

Ccudia nuk zgjat as tre ditë në Shqipëri. Siç abcneës.al raportoi ekskluzivisht gjatë mesditës së sotme, Ministria e Brendshme i ka dhënë një tender me vlerë 5 milion lekë kompanisë së bashkëshortes së Agim Kajmakut, ndërkohë që ky i fundit ndiqet nga policia.

Kështu, institucionet shtetërore financojnë biznesin familjar të një personi, për të cilin kanë detyrimin ligjor që ta arrestojnë.

Abcneës.al publikoi dokumentet nga buletini i Agjencisë së Prokurimeve Publike ku rezulton se kompania “Kajmaku sh.p.k”, në pronësi të bashkëshortes së Agim Kajmakut është shpallur fituese e tenderit për mirëmbajtjen e sipërfaqes së gjelbër së QSUT-së duke u renduar e para ndër katër kompani fituese.

Referuar dokumentacionit të dorëzuar në QKB, Agim Kajmaku ka qenë pronar i “Kajmaku sh.p.k” me 49 për qind të aksioneve deri më datë 15 korrik 2019 dy javë pasi u shpall fitues i zgjedhjeve lokale.

Ai ka qenë pronar i kompanisë gjatë fushatës elektorale, ndërsa ia ka shitur bashkëshortes me kontratë noteriale vetëm pak ditë para se të futej në zyrën e kryebashkiakut të Vorës më 4 gusht 2019.

Në ekstraktin e QKB është pasqyruar edhe transaksioni sipas të cilit Agim Kajmaku ia ka shitur bashkëshortes së tij Merita Kajmaku 49 për qind të aksioneve të “Kajmaku sh.p.k” kundrejt çmimit 10.143.000 lekë të reja.

Në dukje, kjo kontratë është bërë për të shmangur konfliktin e interesit për shkak se Agimim Kajmaku po merrte detyrën e kryebashkiakut, por raporti i tij me kompaninë dhe bashkinë nuk e bënte atë objekt të ligjin “Për konfliktin e interesave”.

Buletini i APP ku Agjencia per Blerje te Perqendruara ne varesi te Ministrise se Brendshme njofton kompanine “Kajmaku sh.p.k” se eshte fituese e tenderit

Ky ligj, në rastin e drejtuesve lokalë parashikon tre ndalime: Së pari kryebashkiaku nuk mund të jetë administrator i një kompanie private; së dyti, shoqëria ku ka aksione kryetari i bashkisë ose personat e tij të lidhur (përfshirë bashkëshortja), nuk mund të lidhin kontrata me institucionin (pra me Bashkinë); dhe, së treti, kryetari i Bashkisë nuk mund të zotërojnë në mënyrë aktive, aksione ose pjesë në kapital të një shoqërie tregtare që ushtrojnë veprimtarinë brenda territorit të juridiksionit të tyre.

Nga dokumentet duket se Kajmaku ka qenë aksioner i kompanisë me 49 për qind të aksioneve dhe administratore ishte bashkëshortja. Po ashtu, kompania nuk e ushtronte aktivitetin në zonën e bashkisë së Vorës dhe se nuk mund të merrte tenderë në bashkinë që drejtonte nëse administratore e kompanisë ishte bashkëshortja e tij.

Ekstrakti i QKB ku pasqyrohet shitja e aksioneve nga Agim Kajmaku tek Merita Kajmaku

Kjo masë e marrë nga çifti Kajmaku që tani mbështetet me fonde edhe nga Ministria e Brendshme duket të jetë e tepërt, vetëm nëse nuk kemi të bëjmë me një kontratë formale për të kaluar fonde nga kompania tek ai nëse kontrata nuk ka qenë “fiktive”.

Mbetet për t’u parë se cili do të jetë reagimi i Ministrisë së Brendshme pas zbulimit të këtij tenderi ku nga njëra anë policia thotë se po e ndjek Agim Kajmakun dhe nga ana tjetër ai mbështetet me fonde publike për të patur mundësi financiare që t’i fshihet edhe më gjatë policisë. /abcnews.al

sherri.jpg
Autor E14:38 | 20/01/2020

Disa të rinj janë përleshur me shkopinj dhe thika në zonën e Fakultetit të Gjuhëve të Huaja në Tiranë.

Sherri ka nisur mes dy grupeve për shkaqe ende të paqarta.

Nga të dhënat paraprake mësohet se nga sherri masiv kanë mbetur të plagosur me thika dhe mjete të forta dy të rinj, ndërsa policia ndodhet në vendin e ngjarjes për të sqaruar rrethanat e sherrit. /abcnews.al

agimkajmaku-1280x720.jpg
Autor E13:33 | 20/01/2020

Ish-kryebashkiaku i Vorës Agim Kamjaku është në kërkim nga policia prej disa muajsh, megjithatë biznesi i tij familjar vijon të funksionojë normalisht.

Madje ky biznes fiton tenderë të prokuruara nga i njëjti institucion që supozohet se po kërkon ish-pronarin e tij.

Në buletinin e fundit të Agjencisë së Prokurorimeve Publike rezulton se kompania “Kajmaku sh.p.k” të ketë fituar një tender me vlerë pak më shumë se 5 milion lekë për mirëmbajtjen e luleve dhe hapësirave të gjelbërta në territorin e QSUT, raporton abcnews.al.

Siç pasqyrohet edhe në ekstraktin e QKB-së, Kompania “Kajmaku sh.p.k” me nipt “K83725201G” është në pronësi të Merita Kajmakut, bashkëshortes së ish-kryebashkiakut të Vorës, Agim Kajmaku.

Ndërkohë, tenderi në fjalë është prokuroruar nga Agjencia e Blerjeve të Përqendruara, një institucion në varësi të Ministrisë së Brendshme, ashtu siç është edhe Policia e Shtetit që ndjek Agim Kajmakun.

Ky i fundit ka hequr dorë nga biznesi duke ia kaluar bashkëshortes së tij të gjitha aksionet në 15 korrik të vitit të shkuar.

Agim Kajmaku u shkarkua fillimisht nga detyra për mos deklarim të dënimit duke shkelur ligjin për dekriminalizimin. Më pas u zbulua se ai kishte falsifikuar dokumentet duke ushtruar detyrën e kryebashkiakut të Vorës dhe pas shkarkimit.

Wshtë pikërisht kjo akuzë, për të cilën policia i është vënë pas ish-kryebashkiakut të Vorës, ndërkohë që bashkëshortja vijon të marrë fonde publike nga Ministria e Brendshme. /abcnews.al

albinkrti-1280x720.jpg
Autor E12:40 | 20/01/2020

Kreu i Lëvizjes Vetëvendosje, Albin Kurti është kujdesur që bashkë me fjalët e thëna ndaj LDK-së të japë edhe një mesazh tjetër, në dukje të fshehur ndaj Isa Mustafës.

Gjatë gjithë videos, Kurti shihet të ketë para një shishe me ujë dhe një me lënd frutash para, ndërsa pëk më tej, në të djathtë gjendet një karrigë dhe po ashtu ujë e lëng frutash në dukje për Isa Mustafën, shkruan abcnews.al.

Ka më shumë se tre muaj se takimet e gjata në Kuvend të Kosovës në mes të Kurtit dhe Mustafës po përfundojnë pa rezultat.

Mustafa madje ka thënë se nuk kanë pse të takohen më nga tre orë e të mos dakordohen për marrëveshje.

Kurti mori sot mandatin nga VV për ngritjen e qeverisë, ndërsa Presidenti Thaçi ia dërgoi dekretin me postë pasi lideri i VV refuzoi të shkonte në Presidencë. /abcnews.al

auto_222221575556412.jpg
Autor E12:10 | 20/01/2020

Lideri i Vetëvendosjes Albin Kurti ka refuzuar të shkojë sot në Presidencë për të marrë mandatin e formimit të qeverisë.

Pritej që ai të shkonte në orën 12:00, por kjo nuk ka ndodhur.

Mësohet se mandati do t’i dërgohet me postë nga Presidenca në zyrën e kreut të Kuvendit Glauk Konjufca, i cili do t’ja kalojë Albin Kurtit si kreun e partisë së parë që fitoi zgjedhjet.

Dërgimin me postë e konfirmoi edhe Presidenti Thaçi përmes një postimi në Facebook.

“Pas pranimit të propozimit për mandatar për formimin e Qeverisë së Republikës së Kosovës, Dekretin Presidencial me emrin e kandidatit për Kryeministër e dërgova zyrtarisht në Kuvendin e Republikës së Kosovës.

Ky është hap shumë i rëndësishëm për krijimin e institucioneve të reja dhe nga sot fillon edhe rrjedhja e afatit kushtetues për formimin e Qeverisë së Republikës së Kosovës”, shkruan Thaçi.

Albin Kurti u mandatua sëfundmi nga VV për të qenë kryeministri i vendit dhe duhet që brenda dy javëve të formojë qeverinë. /abcnews.al

maxresdefault-1-2.jpg
Autor E10:53 | 20/01/2020

VV do të ketë dy javë kohë për të formuar qeverinë, ndryshe Kosova rrezikon të shkojë sërish në zgjedhje për shkak të përcaktimeve kushtetuese.

Partia që fitoi zgjedhjet ka mandatuar Albin Kurtin si kryeministrin që do të bëjë qeverinë, ndërsa pritet që sot në mesditë të mandatohet edhe nga Presidenti Hashim Thaçi.

Në këtë mënyrë fillon edhe afati detyrues ligjor për formimin e qeverisë.

Partia kyçe për arritjen e marrëveshjes është LDK, e cila pritet të reagojë gjatë ditës.

Në një reagim ekskluziv për Abc News, zëdhënësi i LDK-së Besjan Mustafa theksoi se partia do të dalë me një qendrim zyrtar gjatë ditës së sotme pasi Kurti të marrë mandatin nga Thaçi.

Por, pse Kosova rrezikon të shkojë sërish në zgjedhje?

Sic shpjegon për abcnews.al Ehat Miftaraj nga Instituti i Kosovës për Drejtësi me dekretimin e Kurtit sot prej Presidentit Thaçi, nis edhe afati ligjor brenda të cilit lideri i VV do të tregojë nëse i ka apo jo 61 vota në Kuvend.

“Në rast se Kurti nuk ka votat e nevojshme, atëherë kalohen në fazën e dytë ku sipas së njejtës procedurë, por tani në afat prej 10 ditësh duhet të propozohet mandatari tjetër nga e njejta parti, pra nga VV si kryeministër. Nëse, edhe gjatë herës së dytë kandidati i VV nuk arrin të marrë 61 vota, atëherë vendi shkon në zgjedhje të jashtëzakonshme”, shpjegon Miftaraj.

Në një reagim sot për qytetarët, Albin Kurti ftoi sërish LDK-në që të ulen edhe të gjejnë një formulë për zgjidhjen e krizës dhe të bashkëqeverisin. /abcnews.al

laze-1280x720.jpg
Autor E10:19 | 20/01/2020

Petrit dhe Afërdita Laze gjenden në spital me nga një plumb në trup pasi ranë pre e një grabitjeje gjatë mbrëmjes së djeshme në lagjen Allias në Tiranë.

Pronarët e furrave “Laze” në Tiranë u përleshen me grabitësit duke mbetur të plagosur prej tyre. Petriti ka një plagë në bark, kurse bashkëshortja në këmbë.

Për fat të mirë kjo e fundit është në gjendje shëndetësore të stabilizuar, ndërsa gazetari Andi Qosja bën me dije për abcnews.al se grabitja nuk ishte tronditja e vetme për çiftin.

Pak kohë më parë, Afërdita kishte mundur të dilte fitimtare ndaj një tumori.

Gazetari Andi Qosja, referuar burimeve ka mësuar se grabitësit kanë pasur informator të brendshëm.

Këto dyshime janë ngritur nga grupi hetimor pasi, pasi grabitja ka ndodhur ditën e diel, kur bëhej mbledhja e xhirove javore dhe një pjesë e parave dërgoheshin në banesën e çiftit Laze.

Sakaq burimet thanë se vila kishte sistem alarmi dhe kamera sigurie. Duket se autorët kanë patur informacion edhe për këtë gjë, pasi alarmi i vilës aktivizohej në orën 22 30, ndërsa ata kanë hyrë në vilë për të grabitur në orën 21: 45 të mbrëmjes së djeshme, raporton abcnews.al.

Grupi hetimor ka mbledhur disa prova në vendin e ngjarjes që mund të ndihmojnë në identifikimin e autorëve. Siç shihet në pamje, vila ka kamera sigurie të cilat janë sekuestruar nga grupi hetimor. /abcnews.al

femije-1.jpg
Autor E10:07 | 20/01/2020

Një foshnje 9 muajshe i ka habitur të gjithë pasi i mbijetoi 25 goditjeve në zemër brenda një dite të vetme. Theo Fry, tani 19 muajsh, ka pasur gjithsej 30 arreste kardiake dhe iu është nënshtruar 17 operacioneve gjatë vitit të parë të lindjes.

Ai u dërgua në spitalin Alder Hey në Liverpool pas helmimit në gjak dhe të gjithë prisnin që të vdiste. Foshnja u diagnostikua me një hark të ndërprerë të aortës, që do të thotë se zemra e tij, e cila gjithashtu kishte dy vrima, nuk mund të pomponte gjakun në trupin e tij.

Pasi u rikuperua pas operacionit të parë, Theo u kthye në spital ku pësoi sulme të përsëritura të zemrës në janar 2017. Megjithatë Theo i guximshëm luftoi për jetën dhe për habinë e mjekëve mbijetoi.

Por gjithçka u kthye në tmerr kur simptomat iu kthyen papritmas. Nëna e tij, Fauve Syers shpjegoi se Theo ishte duke fjetur kur papritur u kthye në ngjyrë blu dhe gri.

Ai u dërgua në spial dhe prindërve të vogëlushit iu tha se djali i tyre ishte në gjendje kritike për jetën.

Foshnja pësoi dështim të zemrës dhe iu duhej të bënte operacion urgjent ose do të vdiste. Dhe Theo për herë të parë bëri operacion në zemër të hapur. Ndërsa operohej pësoi atak në zemër. Ai kaloi tre muaj në spital dhe pasi luftoi me sëmundjen u dërgua në shtëpi në korrik 2017.

Por për tu kthyer sërish në spital me rrahje të shpeshta në zemër. Më 21 dhjetor, ai pati një tjetër arrest kardiak dhe zemra e tij u ndalua për 12 minuta. Gjatë Krishtlindjeve, Theo pësoi dy sulme të tjera në zemër dhe para natës së 31 janarit, ai pësoi 25 goditje në zemër brenda 24 orëve.

Sulmet e vazhdueshme nxitën kirurgun e Theo, Ramana Dhannapuneni që ta operonte. Mjeku pranoi se Theo mund të mos mbijetonte por gjithashtu mund të vdiste nëse nuk zhvillohej operacioni.

Gjatë ndërhyrjes mjeku zbuloi problemin e vogëlushit, që qëndonte në barkushen e majtë. Një vit më vonë, pas operacioni, Theo është një fëmijë i buzëqeshur dhe i shëndetshëm.

Screenshot_43.png
Autor E10:05 | 20/01/2020

Gazeta gjermane “Bild” publikoi dje një shkrim sipas të cilit kryedemokrati Lulzim Basha lobonte kundër integrimit të Shqipërisë në BE.

Burimi i parave të lobimit sipas gazetës ishte Rusia.

Por, që prej mëngjesit të sotëm shkrimi nuk gjendet në faqen e gazetës.

Nuk dihet shkaku i fshirjes së shkrimit, ndërsa gazeta nuk ka publikuar detaje për këtë veprim.

Pak muaj më parë, gjermania “Bild” publikoi disa përgjime që tronditën qeverinë në Tiranë.

Shkrimi i fshire

Në këto përgjime përfshiheshin funksionarë të lartë shtetërore në vjedhje votash si edhe trafik lëndësh narkotike.

Shkrimi i fshirë

Basha tentoi t’i vinte akën vendit dhe pengoi me çdo mjet çeljen e negociatave. Me gjithë pengesat, Kryeministri i Shqipërisë Edi Rama ende shpreson të udhëheqë vendin e tij drejt BE. Në vendin e tij, megjithatë, ai gjithashtu ka rezistencë. Opozita shqiptare, e udhëhequr nga Partia Demokratike e Shqipërisë (PDSH), po përpiqet me të gjitha forcat të rrëzojë kryeministrin socialist. Përdoren jo vetëm mjete demokratike: Fushatat e dyshimta në internet,dokumentet e nxjerra dhe regjistrimet komprometuese janë shpërndarë qëllimisht. Me sa duket është një nga lobistët më me ndikim në botë.

Sipas dokumenteve të Departamentit të Drejtësisë të SHBA, strategu politik i zënë kanadez Nick Muzin mbështet kundërshtimin e Shqipërisë.

Rrjeti i Nick Muzin

Rrjetet e Muzin shtrihen përtej të gjitha kujve dhe në një larmi sistemesh politike. Lista e klientëve të lidhur me të është ‘mbresëlënëse’. Ai mbështeti republikanët George Ë. Bush, Ted Cruz, John Mçain dhe madje edhe Donald Trump në fushatën zgjedhore në SHBA. Në 2017 ai u punësua nga vendi i Gjirit Persik, Katarit. Në emër të Emirit, ai do të përmirësonte marrëdhëniet e vendit arab me delegacionin Trump dhe me komunitetin hebre në Shtetet e Bashkuara. Misioni dështoi. Për shkak se Muzin nuk u regjistrua në agjencinë e Departamentit të Drejtësisë të Shteteve të Bashkuara FARA si këshilltar i një shteti të huaj, atij iu desh të hiqte dorë nga Katari. Ndërkohë, klienti tjetër: Opozita shqiptare, e cila dëshiron të parandalojë pranimin e Shqipërisë në BE nën kryeministrin aktual me të gjitha forcat – dhe kostoja e përdorimit të Muzin padyshim që kushton shumë.

675,000 euro për përdorim anti-BE

Sipas dokumenteve nga agjensia amerikane FARA, Muzin duhej të merrte 675,000 dollarë për misionin e tij tremujor. Informacioni vjen nga vetë ai. Shuma e tarifës dhe origjina e parave tani e vënë klientin në vështirësi. Lulzim Basha, drejtuesi i Partisë Demokratike Shqiptare, kishte nënshkruar kontratën me Muzin. Një tarifë prej 25,000 dollarë ishte rënë dakord tre herë. Sidoqoftë, shumë më tepër u paguan. Për këtë arsye, hetimet ndaj liderit të opozitës Basha filluan në Shqipëri në qershor. Ai vetë mohon se ka shpërdoruar para ose nuk i ka taksuar ato, et për një fushatë të ndyrë dhe akuzon akuzuesit se janë të korruptuar. Po nga kanë ardhur paratë për Muzin?

Më poshtë është në dosje:

Muzin vetë konfirmoi pagesën e fondeve për autoritetin amerikan FARA. Në një raport të mëvonshëm FARA, kompania që u shfaq si klient ishte një kompani që ndan kutinë e saj të postës në Rrugën St. Vincent në Edinburgh, Skoci me 1200 ndërmarrje të tjera: Biniatta Trade LP. Gjurmët e Tregtisë Biniatta çojnë diku nëpër botë: nga Skocia përmes Belize-Amerikës së Jugut – dhe prej andej në Rusi.

Përkundër këtij zgjerimi global, kompania ka më pak para se çdo llim biznesi: Sipas regjistrit britanik të biznesit, Biniatt Trade ka një kapital aksionesh prej 100 £. Ajo që revista amerikane “Mother Jones” zbuloi në mes të vitit, sjell PDSH-në shqiptare dhe drejtues e saj të opozitës Lulzim Basha për të shpjeguar më tej vështirësitë. Sepse prapa Biniatta Trade është një rrjet i ndërmarrjeve të mbivendosur – në fund të të cilit ka disa njerëz me ndikim të biznesit nga Rusia.

Njëri prej tyre është Evgeny Sheremetyev. Ai zotëron aksione në disa kompani ruse. Të paktën njëri prej tyre merr urdhra nga qeveria ruse. Për kryeministrin shqiptar Edi Rama, është një provë e qartë që Rusia është prapa përpjekjeve të lobistit të lartë Nick Muzin. Në fakt, Rusia ka pak interes për afrimin e Shqipërisë me BE. Pranimi do të dobësonte më tej ndikimin e rusëve në Ballkan. Në një deklaratë zyrtare, Partia Demokratike Shqiptare tha: “Partia Demokratike nuk ka pasur lidhje direkte ose indirekte me individë ose kompani ruse”. Një deklaratë që, duke pasur parasysh lidhjet e dokumentuara midis PDSH-së, lobistit më të lartë dhe biznesmenëve rus, nuk është shumë ndriçuese.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono