ent ela

SINKRON-BANORI-DHE-TRITAN-SHEHU-ABC-M5-T2.mpg_snapshot_01.07-1280x720.jpg
ent ela22:47 | 14/10/2019

Ish-deputeti Tritan Shehu, tha se arrestimet dhe ndryshimet e fundit në Kodin Penal janë të ngjashme me vendimet e Ramiz Alisë për mbrojtjen e monumenteve të kulturës dhe kundër demokracisë.

Tritan Shehu:Guximi e ndershmëria juaj është bërë simbol tashmë jo vetëm për Shqipërinë se ju mbroni atë që është e shënjtë pronën, mbroni dinjitetin njerëzor. Nuk lejoni të nëpërkëmbeni se ju luftoni kundër aferave korruptive e padrejtësië shoqërore. Mos i bëni me faj policët dhe ata vuajnë e janë të shtypur si ju.

Ajo që ndodhi këto ditë, ndryshimet e fundit në Kodin Penal më kujton diçka atyre që kanë jetuar ato ditë, Ramiz Alinë që mbrojti monumentet. E patë ku përfunduan monumentet dhe kush fitoi? Demokracia e njerëzve”.

Banor: “Jemi në rrugë për një protestë ekonomike dhe banda e rilindjes rrethojnë banorët e unazës së re, na shohin si kriminelë.

Ne nuk kemi punë me policinë e shtetit, këto janë në pikë të hallit. Ata civilat, ata janë të partisë dhe ata kanë hall se po u ikën pushteti. Më kujton raprezaljet e policisë serbe në Kosovë, as ato s’kanë qenë të tilla. Jemi në rrugën e duhur. Pronat do t’i mbrojmë”. /abcnews.al

ofensiva-siri-1280x786.jpg
ent ela22:14 | 14/10/2019

Trupat ushtarake siriane kanë depërtuar për herë të parë që nga fillimi i luftës në veri të vendit, falë marrëveshjes me kurdët. Trupat e presidentit Asad kanë arritur qytetin Manbixh, ku synon të hyjnë edhe trupat turke, duke rrezikuar një përplasje mes dy ushtrive.

Ushtria siriane ka filluar të arrijë veriun e vendit, disa orë pasi qeveria pranoi të ndihmonte forcat kurde në përballjen me ato turke. Kjo është hera e parë që trupat e presidentit Bashar al Asad, të mbështetura nga Rusia, futen në këto zona që prej vitit 2012.

Marrëveshja mes Damaskut zyrtar dhe kurdëve erdhi pasi Shtetet e Bashkuara, aleate të kurdëve, vendosën të tërheqin trupat e tyre nga Siria. Ndërkohë, ofensiva turke synon t’i shtyjë milicitë përtej rajonit kufitar.

Mediat shtetërore siriane njoftojnë se trupat ushtarake kanë hyrë në qytetin Manbixh, brenda vendit ku Turqia synon të krijojë një “zonë të sigurtë”, të pastruar nga luftëtarët kurdë për të kthyer refugjatët sirianë. Më herët, ushtria siriane hyri në qytetet Tal Tamer dhe Ain Isa, ku banorët pritën me festime ardhjen e tyre.

Depërtimi i njësive siriane erdhi pasi sekretari amerikan i Mbrojtjes, Mark Esper konfirmoi të dielën se rreth 1 mijë trupat e Shteteve të Bashkuara do të largoheshin nga Siria, me argumentin se mund të ndodheshin në përplasjen mes ushtrive turke dhe siriane.

Si ofensiva turke, ashtu edhe tërheqja amerikane janë kritikuar ndërkombëtarisht, pasi milicitë kurde ishin aleatë të rëndësishëm të koalicionit ndërkombëtar kundër Shtetit Islamik në Siri.

Tani vendet e Perëndimit druhen se anëtarët e rrjetit terrorist mund të ngrenë krye dhe të lirohen nga burgjet e kontrolluara nga kurdët për shkak të destabilitetit. Ditën e hënë presidenti turk Reçep Taip Erdoan deklaroi se Turqia nuk do të tërhiqet çfarëdo që të thonë ndërkombëtarët, duke shtuar se operacioni do të vazhdojë derisa të arrihet fitorja. /ABC News Albania 24/7

-135-Κ..jpg
ent ela21:58 | 14/10/2019

Policia greke ka arrestuar një 43-vjeçar shqiptar, pasi e ishte nën vëzhgim prej disa ditësh, nga Task Forca kundër Drogës në Volos të Greqisë.

Atij ju gjetën rreth 13.5 kg hashash,  të fshehur në një zonë në Anemoutssa, sipër Agrisë, si edhe një shumë prej 25 mijë eurosh.

Shqiptari u arrestua mëngjesin e sotëm në shtëpinë e tij në Agria, në prani të gruas dhe tre fëmijëve të mitur.

Policia e ka referuar materialin në prokurori dhe të martën, shqiptari pritet të dalë përpara drejtësisë për t’u njohur me masën e sigurisë.

Policia me ndihmën e qenit, gjeti dhe sekuestroi  në shtëpinë e 43-vjeçarit, 13 pako me kanabis të papërpunuar 13,47 kg, shumën prej 24,780 € si dhe një telefon celular.

Shqiptari ishte duke “kontrabanduar” drogën në një pronë në vargmalin e Anemucës, ndërsa e kishte vendosur në një vazo të madhe duke e fshehur mes bimëve.

Oficerët ishin njoftuar se ai po trafikonte sasi të mëdha droge dhe e kishin vëzhguar prej ditësh për të gjetur bashkëpunëtorët e tij të mundshëm, por kjo nuk ndodhi. /abcnews.al

 

KESHILLTARI-DESHMIA.mpg_snapshot_00.09-1280x720.jpg
ent ela21:46 | 14/10/2019

Një prej komisioneve parlamentare që ka nisur proçedurat e inkriminimit të Donald Trump ka thirrur për të dëshmuar ish-këshilltaren e presidentit për Rusinë. Ish-anëtarja e Këshillit të Sigurisë Kombëtare, Fiona Hill është përgjigjur përpara komisionit në lidhje me të ashtuquajturin “Ukraina-gejt”.

Ish-këshilltarja e presidentit Donald Trump për Rusinë dëshmoi të hënën në një seancë me dyer të mbyllura në komisionin e Kongresit që po udhëheq procedurat e inkriminimit e shefit të Shtëpisë së Bardhë. Dëshmia e Fiona Hill lidhet me kërkesën tashmë të njohur që Trump i bëri palës ukrainase për të hetuar një rival politik të brendshëm.

Hill, ish-drejtoreshë për Çështjet Europiane dhe Ruse pranë Këshillit të Sigurisë Kombëtare të Trump u thirr konkretisht nga komisioni për shërbimet e inteligjencës. Shkarkimi në muajin maj i Meri Jovanoviç si ambasadore amerikane në Ukrainë mund të ketë qenë pjesë e dëshmisë së Fiona Hill.

Të premten, vetë Jovanoviç dëshmoi duke thënë se ishte shkarkuar bazuar në deklarata të pabaza dhe të rreme pasi ishte sulmuar nga avokati personal i Trump, Rudi Xhulliani, i cili ishte angazhuar personalisht për të bindur prokurorët ukrainas që të hetonin ish-zëvendës presidentin Xho Bajden, sfidanti kryesor i kreut të shtetit në zgjedhjet e 2020-s.

Hetimet janë fokusuar konkretisht në telefonatën e 25 korrikut, në të cilën Trump i kërkonte homologut ukrainas Volodimir Zelenski që përveç se Bajden të hetonte dhe djalin e tij Hanter, që kishte qenë drejtues i një kompanie energjitike në Ukrainë. /ABC news Albania 24/7

LAJME-ORA-19-00002.mpg_snapshot_13.32-1280x720.jpg
ent ela21:06 | 14/10/2019

“PD duhet t’i qaset shqiptarëve se me ata do e fitojë këtë betejë, të frymëzojë njerëzit dhe të kuptojë për çfarë do e bëjmë këtë betejë”. Kështu u shpreh në studion e Mbrëmje në ABC News të Mirela Milorit, ish deputetja demokrate Grida Duma, teksa u pyet nëse PD ka vullnet për të gjetur një mënyrë që të hyjë në institucione.

“Duhet të tregojmë që nuk jemi më pak të këqinj, por shumë më të mirë. Pjesa tjetër është të themi që ne jemi zgjidhja, të diskutojmë reformën zgjedhore, ndryshimet në kod elektoral i leverdisin Ramës. Partia duhet të punojë drejt atyre që e besojnë dhe kjo e bën njëshin të sigurt. Për mua sistemi i Kosovës është shumë i mirë”.

Ajo vlerëson Bundestagun gjerman i cili bëri të mundur që opozita jashtë parlamentare të ketë veton për reformën zgjedhore.

“Unë vlerësoj që Bundestagu bëri të mundur një gjë, që reforma zgjedhore të kalojë në ekstraparlamentare, që do të thotë se do ketë veton sikur të jetë në parlament, sikur të ishte në sistem”.

E pyetur për zgjedhjet e parakohshme, Duma sqaron qëndrimin e saj, kur thotë se logjika drejt asaj të çon. Sipas Dumës nëse në 18 tetor nuk hapen negociatat, duhet të ketë radikalitet me çdo mjet.

Zgjedhjet e parakohshme?

“Duhet të ketë dhe logjika aty e çon. Unë e kam qëndrimin tim, një herë e draftuar reforma zgjedhore dhe pasi kemi dalë me platformën tonë vendosen piketat që kërkohet dhe garanci e ndërkombëtarëve, që ne duhet t’i kemi aleatë se çfarë kërkojmë ne dhe se ajo që kërkojmë është e bëshme dhe jo e dhuruar. Dhe pas kësaj pas 18 tetorit, protesta nëse nuk hapen negociatat. Duhet të kemi radikalitet me mjetet nga më të ndryshmet më pas”. /abcnews.al

 

vlore-aksidenti.mp4_snapshot_00.16-1280x720.jpg
ent ela20:42 | 14/10/2019

Një automjet tip Volksvagen ka goditur një person që udhëtonte me biçikletë. Aksidenti ka ndodhur në lagjen “Pavarësia” të qytetit të Vlorës.

I plagosuri është transportuar në spital për të marrë ndihmën mjekësore, ndërsa drejtuesi i mjetit u shoqërua në komisariat për t’u marrë në pyetje.

Policia po heton për shkaqet e aksidentit me një të plagosur. /ABC News Albania 24/7

basha-1-1280x692.jpg
ent ela20:14 | 14/10/2019

Në fjalën e tij në 10 vjetorin e fondit shqiptaro amerikan të zhvillimit, kryetari i Partisë Demokratike deklaroi se sot Shqipëria ndodhet në udhëkryq dhe ka nevojë për reforma të thella.

“Sot vendi ynë ndodhet në udhëkryq, për t’u afruar me miqtë tanë na pret një punë kolosale me reforma të thella. Shqipëria është ën rkizë dhe potenciali ynë i madh nuk po realizohet ndaj dhe koha ku jemi mbledhur është domethënëse, frymëzuese jane sukseset e kësaj familjeje të madhe. Në udhëkryqe ku ndodhemi na duhët të zgjedhim rrugën që duhet të marrim të zgjedhim zhvillimin, transparencën apo ngecjes në vend?”

Kreu demokrat thekson se për rrugën e zhvillimit duhen reforma të përgjegjshme, ndërsa apelon se qeverisja nuk duhet të bëhet pengesë për ardhmen e shqiptarëve

“Nuk kemi zgjidhje tjetër. Për atë të zhvillimit na duhet të punojmë me ju për të vënë në jetë reformën për ndryshime të mëdha. Na duhen reforma të përgjegjshnme si liderë ëpr të respektuar bazat e demokrracisë ëperëndimore. nuk mund të lejojmë më qeverisjen të bëhet pengesë për të ardhmen e shqiptarëve. Le të punojmë për Shqipërinë për të ndërtuar një të ardhme më të mirëz për fëmijët tanë

Për hapjen, tranpsrencën ku ato vlera të mishëruara në kushtetutën amerikane të bëhen pjesë e jetës sonë të përditshme. Unë kam besim, sepse besoj te Shqipëria”/. abcnews.al

AMBASADORI-TURK-SIRIA_ABC-M4-T2.mpg_snapshot_01.13-1280x720.jpg
ent ela19:55 | 14/10/2019

Ambasadori i Turqisë në Tiranë ka deklaruar se shtypi shqiptar, sikurse dhe mediat e vendeve të tjera, nuk i kanë bërë një pasqyrim real ofensivës turke në veri të Sirisë. Ambasadori ka deklaruar se aksioni i ushtrisë turke është vetëm një operacion anti-terror, që nuk ka lidhje me civilët.

Ambasadori turk në Tiranë, Murat Ahmet Joruk ka denoncuar të hënën pasqyrimin sipas tij të gabuar të luftimeve në veri të Sirisë në mediat shqiptare. Në një konferencë shtypi, Joruk ka deklaruar se ndryshe nga sa pretendohet trupat turke nuk po u marrin jetën civilëve kurdë, por po godasin vetëm njësitë që Ankaraja i konsideron “terroriste”.

Murat Ahmet Yoruk, ambasador i Turqisë në Tiranë: “Mbrojtja e civilëve dhe infrastruktura civile është prioriteti kryesor dhe opereacioni ynë njihet dhe mbështetet nga koalicioni kombëtar sirian dhe qeveria siriane, si dhe nga liderë kurdë e të krishterë në rajon. Pritshmëritë tona nga komuniteti ndërkombëtar janë që të mbështesë luftën kundër terrorizmit”.

Ambasadori ka theksuar se qeveria turke nuk do të lejojë stabilizimin e fraksioneve terroriste në kufijtë e vendit dhe ka nënvizuar se ajo që po bën nuk është një operacion pushtimi.

Murat Ahmet Yoruk, ambasador i Turqisë në Tiranë: “Turqia nuk është në luftë. Ky është një operacion anti-terror i kufizuar dhe jo një operacion pushtimi. Nuk kemi pretendime territoriale ndaj Sirisë. Gjithashtu, përkufizimi si një luftë turq me kurdë është e gabuar”.

Më tej ai u ka bërë thirrje mediave shqiptare që të konsultohen edhe me mediat turke kur të raportojnë për operacionin në Siri.

Murat Ahmet Yoruk, ambasador i Turqisë në Tiranë: “Shumica e mbulimeve në shtypin shqiptar mbi këtë çështje janë nga shtypi perëndimor. Dua t’ju them se herë tjetër, përpara se të shkruani konsultohuni edhe me mediat turke, shtetërore apo private. Verifikoni deklaratat dhe faktet nga autoritetet turke”.

Ambasadori ka shtuar më tej se, qeveria turke shpreson që në përfundim të operacionit të kthejë refugjatët sirianë në tokat e tyre dhe që të riatdhesojë të gjithë terroristët e Shtetit Islamik që ndodhen në kampet kurde, si zgjidhja më e mirë për të gjithë.

 

ARTAN-LAZAJ-KPA-MBULIM.mpg_snapshot_00.13-1280x720.jpg
ent ela19:48 | 14/10/2019

Kolegji i Posaçëm i Apelimit, lë në fuqi vendimin e KPK për prokurorin Artur Selmani. KPK ka shkarkuar prokurorin Artur Selmani më 26 nëntor 2018.  Prokurori Artur Selmani, prokuror në Prokurorinë e Përgjithshme u shkarkua nga KPK më 26 nëntor 2018

Njoftim vendimi

Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Natasha Mulaj relatore, Ardian Hajdari, Luan Daci, Rezarta Schuetz, anëtarë, shpalli vendimin për çështjen (JR) nr.6/2019, datë 07.02.2019, për ankimin e subjektit të rivlerësimit Artur Selmani kundër vendimit nr. 82, datë 26.11.2018 të Komisionit të Pavarur të Kualifikimit.

Në përfundim të gjykimit në dhomë këshillimi, trupi gjykues, bazuar në nenin 66, pika 1, germa “a” të ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyre unanime, vendosi:

  1. Lënien në fuqi të vendimit nr. 82, datë 26.11.2018 të Komisionit të Pavarur të Kualifikimit, që i përket subjektit të rivlerësimit Artur Selmani.
  2. Ky vendim është përfundimtar me efekt të menjëhershëm.

U shpall sot, në Tiranë, më datë 14.10.2019. /abcnews.al

AMBASADORET-TAKIMI-ABC-M5-T2.mpg_snapshot_00.32-1280x720.jpg
ent ela19:38 | 14/10/2019

Takimi i ambasadorëve të përhershëm të BE-së nuk ka prodhuar një rezultat konkret në lidhje me hapjen e negociatave të anëtarësimit. Edhe pse nuk ka mbështetur ndarjen e rastit të Shqipërisë nga ai i Maqedonisë së Veriut, Franca nuk është treguar fleksibël, ndërsa Holanda ka insistuar për një përgjigje negative. Ndërkohë, Danimarka mbështet ndarjen e vendimmarrjes.

Përfundon pa rezultat takimi i 28 ambasadorëve të përhershëm të Bashkimit Europian mbi draft-konkluzionet për hapjen e negociatave të anëtarësimit të Shqipërisë dhe Maqedonisë së Veriut në BE. ABC News ka mësuar nga burimet franceze, se ambasadori francez nuk ka treguar fleksibilitet për dhënien e dritës jeshile lidhur me hapjen e negociatave të anëtarësimit me Maqedoninë e Veriut.

Ndërkohë Franca nuk mbështet ndarje midis vendimmarrjes për Maqedoninë e Veriut dhe Shqipërisë. Por nuk është e qartë, nëse ministrja franceze për çështjet europiane, Amelie de Montchalin do të lëshojë pe për kushtin lidhur me prokurorinë speciale për Maqedoninë e Veriut përballë 27 ministrave të jashtëm në Luksemburg.

Për Shqipërinë, qëndrimet variojnë midis një një PO-je të kushtëzuar dhe një JO-je të fortë. ABC News ka mësuar nga burimet holandeze, se Holanda i mbahet JO-së të fortë për Shqipërinë, duke konsideruar se vendi nuk është gati për këtë etapë të integrimit europian.

Të njëjtat burime janë shprehur për ABC News, se ministri i jashtëm i Holandës, Stef Blok, do të mbrojë JO-në për Shqipërinë gjatë takimit tê nesërm tê ministrave të jashtëm të Bashkimit Europian në Luksemburg.

ABC News ka mësuar gjithashtu, se Danimarka është në favor të ndarjes së vendimmarrjes midis Maqedonisë së Veriut dhe Shqipërisë, e ndjekur nga Spanja.

Burime zyrtare të Këshillit të ministrave janë shprehur për ABC News, se Greqia nuk e lehtëson po ashtu kompromisin për Shqipërinë për shkak të rezervave që ka lidhur me trajtimin e minoriteteve.

Draft-konkluzionet për Shqipërinë flasin për një kombinim të qëndrimit gjerman dhe francez, për të hapur negociatat me vendin pasi Gjykata Kushtetuese dhe ajo e Lartë të jenë funksionale dhe progres në reformën zgjedhore në përputhje me rekomandimet e OSBE/ODHIR. Por nuk dihet ende nëse do të jetë ky formulimi dhe kushtëzimi që do dalë nga takimi i ministrave të jashtëm në Luksemburg në 15 tetor. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono