ent ela

PLANI-GJERMAN-PER-KOSOVE-SERBI-ABC-M5-T2.mpg_snapshot_00.03-1280x720.jpg
ent ela23:50 | 16/04/2019

Mediat në Kosovë kanë dhënë detaje të planit që do i paraqitet palës kosovare e asaj serbe në takimin e Berlinit më 29 prill. Sipas tyre do propozohet një sovranitet I dyfishtë për Kosovën, pa përfshirë ndarjen e saj.

Dy javë para takimit të njoftuar në Berlin mes udhëheqësve të Kosovës e Serbisë për të riaktivizuar dialogun mes tyre, mësohen detaje të planit të dy shteteve që inicuan këtë takim, Gjermanisë dhe Francës. Gazeta kosovare Ekspres shkruan se Franca dhe Gjermania do të dalin me një plan për marrëveshje mes të Kosovës dhe të Serbisë, që do t’i kënaqe deri në njëfarë mase kërkesat e Beogradit, pa përfshirë ndarjen e kosovës.

Duke iu referuar burimeve të saj, gazeta Ekspres se shkruan në takimin që pritet të mbahet në Berlin, më 29 prill, e ku do të marrin pjesë kancelarja gjermane, Angela Merkel dhe Presidenti Francez, Emmanuel Macron, liderëve të Kosovës dhe të Serbisë do t’u prezantohet një plan për marrëveshjen finale.

“Po flitet për sovranitet të dyfishtë. Kosova do ta ruajë integritetin territorial, por Serbia do të gëzojë njëfarë sovraniteti mbi serbët në Kosovë dhe mbi kishat serbe”, ka thënë burimi i gazetës ekspress, duke shtuar se që të mos tingëllojë aggressive, ka mundësi që Kosova një pjesë të sovranitetit të saj t’ia delegojë Brukselit, e pastaj ky i fundit Serbisë.

Cka ngre pikëpyetje për realizimin e këtij plani është pjesëmarrja e kryeministrit Haradinaj, qëndrimet e të cilit janë të njohura për mosprekjen e territorit unitar të Kosovës.

Takimi i Berlinit u njoftua një javë më herët nga presidenti i Serbisë Aleksandër Vuçiç. Takimi i 29 prillit do jetë i pari i nivelit të lartë mes dy vendeve që pas pezullimit tyë bisedimeve vjeshtën e vitit të kaluar kur qeveria e Kosovës vendosi tarifa prej 100 për qind ndaj mallrave serbe, si kundërpërgjigje për aktet e Serbisë në dëm të procesit të njohjeve e integrimit të Kosovës në organizatat ndërkombëtare. Pavarësisht presionit europian e amerikan, kryeministri Ramush Haradinaj ka refuzuar heqjen e kësaj takse deri kur Serbia të njohë Kosovën. /abcnews.al

ERGOGAN-PERSERITJE-ZHGJEDHJESH-NE-STAMBOLL-1280x720.jpg
ent ela23:30 | 16/04/2019

Partia e Presidentit Erdogan kërkon përsëritjen e zgjedhjeve për Bashkinë e Stambollit. Kërkesa është dorëzuar në Këshillin e Lartë zgjedhor, me argumentimin se kjo parti ka ende dyshime të pasqaruara mbi fitoren e kandidatit të opozitës.

Presidenti Erdogan ende nuk e pranon humbjen e partisë së tij në zgjedhjet për bashkinë e Stambollit. Partia e tij “Drejtësi dhe Zhvillimit”  I paraqiti një ankesë të jashtëzakonshme Këshillit të Lartë Zgjedhor duke kërkuar anullimin dhe përsëritjen e zgjedhjeve për kryetarin e Bashkisë së Stambollit.

Nënkryetari i partisë Ali Ihsan Javuz deklaroi se ne kemi dyshime të cilat nuk kemi qenë në gjendje t’I zgjidhim. Ai shtoi se vetëm këshilli i Lartë zgjedhor mund t’i zgjidhë ato dyshime. Sipas rezultateve jo zyrtare që i raporton agjensia e lajmeve Anadoll, kandidati i opozitës Ekrem Imamoglu ka kryesuar garën me 48,79 për qind të votave para të të gjitha rinumërimeve, ndërsa kandidati I partisë së Erdogan ka marrë 48,51 për qind të votave. Edhe rinumërimi i votave u krye pasi partia e presidentit Erdoan kontestoi rezultatin duke folur për parregullsi të organizuara. /abcnews.al

notre-dame-10-1280x853.jpg
ent ela23:10 | 16/04/2019

Kanë kaluar kuotën e 600 milionë eurove donacionet për restaurimin e katedrales së Notrë Damë të Parisit, e dëmtuar nga zjarri i ditës së hënë. Mes donatorëve të fundit renditet familja Betenkurt-Mejers, ndër më të pasurat e Francës dhe trashëgimtare e kolosit “L’Oreal”, që ka dhuruar 200 milionë euro. Më herët, e njëjta shifër u dhurua nga familja Arno’, që zotëron grupin e famshëm të produkteve “Luis Vuiton-Met Henesi”. Duke u shprehur e shkatërruar nga zjarri që përfshiu katedralen, familja e njohur franceze u shpreh e gatshme të kontribuojë për rindërtimin e simbolit të Francës. Familja tjetër Pino’, gjithashtu ndër më të pasurat në Francë njoftoi ndërkohë dhurimin e 100 milionë eurove për restaurimin e katedrales së famshme. Ndërsa kryetarja e Bashkisë së Parisit, An Hidalgo njoftoi për një kontribut prej 50 milionë eurosh nga komuna për rindërtimin e objektit. Hidalgo foli edhe për mbajtjen e një konference ndërkombëtare donatorësh për të mundësuar restaurimin, që sipas autoriteteve do të jetë një proces i gjatë që mund të arrijë deri në 15 vjet. /abcnews.al

vucic1-1280x694.jpg
ent ela22:55 | 16/04/2019

Presidenti serb Aleksandër Vuçiç deklaron se vendit të tij po i bëhet presion për të njohur Kosovën. Qëndrimin e shprehu gjatë një tubimi partiak në Beograd. Vuçiç premtoi se nuk do e lejojë një gjë të tillë, ndërsa nuk ka pritshmëri nga takimi që do mbahet në Berlin.

Serbia është nën presion të madh për të njohur pavarësinë e Kosovës. Kjo ka qenë porosia që presidenti serb, Aleksandër Vuçiç, u ka thënë simpatizuesve të tij në një tubim partiak në kryeqytetin serb. Por, Vuçiç u ka premtuar se një gjë e tillë nuk do të ndodh pavarësisht se është bërë gabim që edhe një pjesë e madhe e serbëve ishte kundër zgjidhjes me kompromis. Ai ka thënë se nuk pret shumë nga takimi i liderëve ballkanikë në Berlin me insistumin e kancelares gjermane Angela Merkel dhe presidentit francez, Emanuel Makron.

Aleksandër Vuçiç, President i Serbisë: “Tani e vetmja gjë që kërkojnë është të pranojmë pavarësinë e Kosovës dhe asgjë më shumë. Do të ketë presione dhe nuk do të na pyesin më shumë se sa nëse misri duhet të jetë më i verdhë apo vetëm i verdhë. Ju lutëm më dëgjoni. Askush nuk ka dashur zgjidhje përvec meje dhe presioni do te shtohet. Tani kemi situatën që na kërkojnë njohjen e pavarësisë së plotë, as ndarje por vetëm një Kosovë të tërë të pavarur”.

Vuçiç ka thënë se Serbia me 6 maj në gjashtë muaj nga tarifat doganore të Kosovës do të marrë masa ndaj Prishtinës.

Aleksandër Vuçiç, President i Serbisë: “Nuk ka ngelur asgjë që shqiptarët nuk kanë bërë kundër Serbisë. Nuk kanë formuar asociacionin e komunave serbe dhe kanë vënë taksa. Kanë bërë një platform nëncmuese dhe kanë miratuar ushtrinë, kundër kushtetutës së tyre dhe përkundër asaj që edhe sekretari i përgjithshëm i NATO-s tha se ishte kundër, kjo shqiptarëve u lejua”.

Presidenti serb para takimeve me përfaqësuesit e tjerë Ballkanik dhe ftesës që ka marrë nga Gjermania, do të flasë së pari me përfaqësuesit rus dhe ata kinez. Ka thënë se nuk ka qasje në celular për ata që duan t’i bëjnë presion pa hequr taksat. /abcnews.al

 

PROVOKACIA-16-PRILL-URAN-BUTKA-PJESA-3.mpg_snapshot_01.16-1280x720.jpg
ent ela22:46 | 16/04/2019

Shkrimtari Uran Butka ka promovuar në studion e Provokacijas librin e tij më të fundit “Masakra e Tivarit”, i cili hedh dritë mbi pushkatimin e mijërave kosovarëve përmes materialeve autentike.

“Së pari janë shfrytëzuar arkivat e Shqipërisë, arkivi i ushtrisë, i Ministrisë së Brendshme, arkivat britanike dhe më në fund dhe arkivat e Londrës dhe Jugosllavisë. Dokumentat e arkivit të Beogradit dhe partisë komuniste jugosllave”.

Butka thekson se ky ishte një krim ndërshtetror, i cili u mbajt i fshehtë, ndërsa Enver Hoxa sipas tij ishte në dijeni të plotë, kurse Tito jo

“Me mijëra kosovarë janë pushkatuar me urdhër të UDB dhe këtu ka marrë pjesë Koci Xoxe, i cili urdhëroi pushkatimin më tepër se 1 mijë kosovarë të pafajshëm. Këtu e pohojnë që është bërë masakër. Ishte krim ndërshtetëror. Enver Hoxha ishte në dijeni të plotë se çdo ndodhte me shqiptarët”.

Shkrimtari pretendon se qëllimi i kësaj maskare ishte zbrazja e Kosovës nga pjesa më energjike dhe vitale.

“Një nga pretendimet e librit është që shteti jugosllav ka synuar të zbrasë Kosovën prej pjesës më energjike, vitale dhe më patriotike në mënyrë që ta kishte më kollaj për ta sulmuar.

Ishte synimi për të zbrazur Kosovën dhe spastrim etinik dhe prandaj kaluan forcat nga Prizreni, Kukës Vaun e Dejës, Shkodër dhe Tivar dhe ky ishte dhe udhëtimi mortor i tyre”.

Në 25 vjet që punon për këtë libër, Butka thekson se është bërë marrëveshje me Ministrisë së Brendshme të Shqipërisë dhe Rankoviç dhe këtë ia ka pohuar edhe Haxhi Lleshi..

“Mora në telelefon Haxhi Lleshin dhe i thashë që është bërë marrëveshje mes Ministrisë së brendshme të Shqiëprisë dhe Rankovic. I thashë a është firma juaj, ai tha po.  Por si ka mundësi të autorizosh të huajt dhe të vrasësh shqiptarët. Është marrëveshje për të kaluar, për të bashkëpunuar. I thashë a je penduar kërko falje. Ai më tha po e kam bërë dhe nuk jam penduar, edhe sot do ta bëja se kosovarët janë reaksionarë. Ky Muçi është menatiliteti komunist”.

Por apeli që bën Butka në studion e Provkacijas është që krime si masakra e Tivarit duhen ndriçuar që të mos mbeten plagë e hapur, por çlirim në rrugën evropiane.

“Krimet si masakra e Tivarit duhen ndriçuar që mos mbeten si një plagë e hapur, por të kthehen në çlirim e arsye në rrugën e përbashkët drejt paqes e integrimit evropian”. /abcnews.al

 

28a6d925e1d84a51af5a265f6de4ed3a-1280x957.jpg
ent ela22:33 | 16/04/2019

Presidenti francez Emanyel Makron i është drejtuar franncezëve sërish me një fjalim të posacëm për zjarrin shkatërrimtar në Katedralen Notrë Dam. Duke evokuar edhe njëherë historinë e sfidat e vendit edhe në të kaluarën, e përkundër deklaratave të ekspertëve se rindërtimi i Katedrales Notrë Dam do kërkojë vite të tëra, shefi i Elizesë ka folur për një afat optimist prej pesë vitesh.

“Gjatë historisë sonë ne kemi ndërtuar qytete, porte, kisha. Shumë prej tyre janë djegur e shkatërruar, por cdo herë ne I kemi rindërtuar. Zjarri tek Notrë Dam na kujton se historia jonë nuk ndalet kurrë. Ne do kemi gjithmonë sprova për të kapërcyer. Ne jemi një popull ndërtuesish. Ne do ta rindërtojmë katedralen Notrë Dam edhe më të bukur. Dua që puna për të të përfundojë brenda pesë vitesh” ka premtuar Presidenti.

Makron ka deklaruar se do t’i rikthehet në një moment të dytë, fjalimit të paralajmëruar para kombit mbi situatën në vend me protestat e jelekëve të verdhë, që e anulloi për shkak të zjarrit që ra në Notrë Dam. /abcnews.al

MBULIM-DROGA-NE-TIRANE.mpg_snapshot_00.36-1280x720.jpg
ent ela22:11 | 16/04/2019

111 kg kanabis në formë çokollate e sekuestruar dhe 3 persona në pranga. Ky është rezultati i operacionit të koduar ‘Cokollata’, i kryer nga policia e Tiranës. Sipas një njoftimi të bërë publik, mësohet se të arrestuarit janë 33, 37 dhe 57 vjeç, të tre banues në Tiranë. Mesditën e së martes sipas policisë, drejtuesi i një automjeti “Citroen”, bënte lëvizje të dyshimta në rrugën “Pavarësia”, duke shoqëruar automjetin tjetër “Mercedez – Benz”. “Duke qenë në kushtet dhe në dyshimin e arsyeshëm, se personat në fjalë po përgatiteshin të shisnin lëndën narkotike tek persona ende të paidentifikuar, si dhe në bazë të veprimeve të dyshimta që po kryenin, është ndërhyrë menjëherë nga policia, duke gjetur në bagazhin e makinës tip Benz 4 thasë, ku brenda tyre kishte cannabis sativa, të presuar në formë çokollate”, -thuhet në deklaratë. Sipas komunikatës, gjatë operacionit rreth 50 metra larg automjetit të parë, është ndaluar dhe automjeti tip “Citroen”, ndërsa drejtuesi i tij u vu në pranga. /abcnews.al

PROVOKACIA-16-PRILL-MONOLOGU-SHKULLAKU-PJESA-1.mpg_snapshot_12.07-1280x720.jpg
ent ela21:05 | 16/04/2019

 “Nuk mjafton ideali, duhet strategji, platformë, mendim akademik dhe qytetar”. Është kjo përgjigja që dha gazetari Armand Shkullkaku sa i përket një bashkimi të mundshëm të Shqipërisë me Kosovën. gjatë analizës në studion e Provokacijas. Shkullaku shpjegoi pse bashkimi i propozuar si zgjidhje e problemit shqiptar dhe kosovar nuk funksionon, pasi sipas tij bashkimi duhet të vijë në mënyrë graduale që të mos prodhojë kriza të tjera.

“Bashkim të propozuar si zgjidhje të problemit shqiptar dhe kosovar nuk funksionon. Bashkimi duhet të vijë në mënyrë graduale. Çdo gjë e sforcuar mund të prodhojë kriza të tjera. Vetëm zgjerimi natyral mund të na çojë pa traumë”.

Sipas tij bashkimet që bëhen me letër e vendim mund të krijojnë probleme shumë të mëdha.

“Bashkime të tilla që bëhen me letër e vendim mund të krijojnë probleme shumë të mëdha. Problemet që mund të na lindin, pasi bashkimet mund të jenë shumë më të mëdha se këto që janë në distancë dhe që mund t’i zgjidhim.

Shqiptarët po tregojnë që ende nuk kemi dhen prova serioze që jemi të aftë të bëjmë shtet. Jo vetem ekonomiket, por problemet kryesore janë sociale mes vetes. Te ne është e vështirë të mbillet me dekret ndjenja e solidaritetit, humanizmit, sakrificës, respektit”.

Për Shkullakun, referuar edhe një sondazhi të fundit 49 % e kosovarëve nuk janë për bashkimin e Shqipërisë vetëm 44 janë pro bashkimit. Dhe kjo ftohje sipas tij ka ardhur si shkak i njohjes.

“49 % e kosovarëve nuk janë për bashkimin e Shqipërisë, vetëm 44 janë pro bashkimit. Me kalimin e kohës kjo ftohje mund të ndryshoje se kanë ndodh njohjet dhe e dinë se me kë do bashkohen. Kanë shembullin e një vendi që nuk inspiron. Dikur inspironte për shkak të mosnjohjes, në momentin enjohjes Shqipëria nuk është një vend që të ngjall dëshirën për të jetuar atje dhe për të marrë diçka të mirë. Ne dhe Kosova jemi dy vende të varfra”.

I pyetur për filialin e Vetëvendosjes në Tiranë Shkullaku theksoi se është krijuar një OJF që ka si objekt rrahjen e mendimeve dhe krijimin kushteve të favorshme ëpr bashkimin kombëtar.

“Nuk kanë krijuar qendër, por një OJF e regjistruar në Gjykatën e Tiranës personat i njoh të gjithë se ata e kishin në objekt të kësaj OJF shpjegimin e situatës, rrahjen e mendimeve për bashkimin, kushtet e favorshme. Ata kanë marrë përsipër ta bëjnë në universitete, media për të sensibilizuar për mundësinë reale të bashkimit”. /abcnews,al

ministria-e-jashtme.jpg
ent ela20:56 | 16/04/2019

Ka reaguar ministria për Evropën dhe Punët e Jashtme, e cila thotë se votimi i Dhomës së Dytë të Përfaqësuesve në Parlamentin holandez për t’i kërkuar Bashkimit Evropian inicimin e procedurës për pezullimin përkohshëm të liberalizimit të vizave nuk ndryshon rregullat e lëvizjes drejt vendeve shengen për shqiptarët. Në deklaratën për mediat thuhet se një shtet anëtar mund t’i paraqesë Komisionit Europian një kërkesë të tillë, por vetëm të bazuar në kushtet e mirëpërcaktuara në legjislacionin e BE, e sipas ministrisë asnjë kusht nuk plotësohet për paraqitjen e kësaj kërkese nga Holanda për Shqipërinë.

“Duke gjykuar objektivisht, në bazë të fakteve dhe shifrave zyrtare, Ministria për Evropën dhe Punët e Jashtme është besimplotë se rezoluta në fjalë nuk mund të gjejë mbështetje në Komisionin Evropian, pasi asnjë nga kriteret që do të çonin në aplikimin e mekanizmit të pezullimit të përkohshëm nuk eshte plotësuar në rastin e Shqipërisë.”

Në deklaratën e ministrisë thuhet se migracioni i paligjshëm i shtetasve shqiptarë drejt Holandës ka rënë vazhdimisht, ndërkohë që pezullimi aplikohet në rast rritje mbi 50%. Shifrat e krimit shënojnë gjithashtu ulje përmbajtësore, ndërsa bashkëpunimi mes strukturave ligjzbatuese është vlerësuar edhe nga zyrtarët hollandezë.

Ministria shton se klima elektorale në Hollandë ka ndikimin e vet dhe Shqipëria është e keqardhur për futjen e saj në axhendën e partive në garë për zgjedhjet europianë. /abcnews.al

SHKULLAKU-1280x720.jpg
ent ela20:43 | 16/04/2019

Biseda në studion e Provokacijas me gazetarin Armand Shkullaku nisi me ngjarjen më të fundit, atë të djegies së Katedrales Notre Dame në Paris, si një homazh për një nga monumentet më antike dhe historike. Si frankofon dhe frankofil, Shkullaku rrëfeu emocionet që përjetoi për monumentin 856 vjeçar të arkitekturës gotike.

“Struktura e Katedrales ka shpëtuar dhe mund të ripunohet, dhe kurora me gjemba ka shpëtuar dhe një fond i madh është krijuar për ndërtimin e katedrales 856 vjeçare dhe është bërë thirrje për restauratorët më të mirë të planetit”.

Sipas tij Katedralja është simbol i njerëzimit lidhet me kujtimet, fenë dhe imagjinatën.

“Katedralja është simbol i njerëzimit lidhet me kujtimet, fenë, imagjinatën sa breza janë rritur me historinë e Kuazimodos dhe Esmeraldës, dhe kur shembet diçka e tillë njeriu ndjehet i vogël dhe i sulmuar në thelbin e tij, pavarësisht se është një godinë, po janë këto që e krijojnë kujtesën dhe Franca dhe një pjesë e botës janë të lidhura me atë kujtesë”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono