ent ela

KATICA-JANEVE-NE-BURG-MBULIM.mpg_snapshot_00.22-1-1280x720.jpg
ent ela14:16 | 22/08/2019

E shoqëruar nga agjentë policie, prokurorja speciale në detyrë në Maqedoninë e Veriut, Katica Janeva ka marrë pjesë në varrimin e nënës së saj, e cila ndërroi jetë një ditë më parë.

Kërkesa për të marrë pjesë në varrim gjykatësit iu dorëzua nga avokatët e saj. Prokurorja për ndjekje të krimit të organizuar dhe korrupsionit Villma Ruskoska deklaroi se ishte njerëzore t’i lejohej Janevës që të merrte pjesë në varrimin e nënës së saj. /ABC News Albania 24/7

ARENA-KOMBETARE-HISTORIA.mpg_snapshot_01.29-1280x720.jpg
ent ela13:48 | 22/08/2019

Arena Kombëtare është vonuar më shumë se 1 vit që nga afati i premtuar për të qenë gati. Problemet në punime dhe konfliktet e Federatës me qeverinë e kanë shtyrë përurimin për në nëntor.

Ishte shkurti i 2016-ës kur u diskutua zyrtarisht për të.

Stadiumi i ri kombëtar, i njohur si Arena Kombëtare, ishte kryefjala e kryeministrit Rama në mbledhjen e Këshillit Kombëtar të Rregullimit të Territorit.

Kaluan pak kohë, dhe në 29 prill të po atij viti, u prezantua projekti i ri, në prani të kryeministrit dhe të presidentit të Federatës Shqiptare të Futbollit, Armand Duka.

Afati I përfundimit të tij u la në qershor 2018, pas 24 muajsh kalendarikë punimesh, ndërsa kostoja prej 50 milionë eurosh u parashikua se do të rritej.

Në 22 maj, në “Qemal Stafën” e vjetër u luajt ndeshja e fundit historike, finalja e Kupës së Shqipërisë mes Kukësit e Laçit, trofe I fituar nga kuksianët.

Kjo ishte lamtumira me objektin sportiv më të shquar në vend, të projektuar dhe ndërtuar nga italianët, tashmë me moshë gati 70-vjeçare dhe të rrënuar ndjeshëm.

Bashkë me të, u zhduk edhe pista e atletikës me tartan dhe shumë salla e palestra të sporteve të tjerë.

Puna për prishjen e “Qemal Stafës” nisi në qershor 2016, ndërsa stadiumi I ri ishte projektuar po ashtu nga një studio italiane e Firences, drejtuar nga arkitekti Marko Kazamonte.

Gjithsesi, afatet e përfundimit do të shkeleshin disa herë.

Fillimisht, vonesat erdhën nga problemet e dala gjatë punimeve, lidhur me strukturat e themeleve apo çështje të tjera.

Më pas, erdhi konflikti mes Federatës dhe Qeverisë për tatimin mbi vlerën e shtuar, TVSH, që e para kërkonte t’i rimbursohej.

Pas shumë përplasjeve dhe ankesave të Federatës, çështja shkoi në gjyq.

Afati i dorëzimit të objektiv u shty në fund të 2018-ës, por as ky afat nuk u arrit.

As viti 2019 nuk hyri me këmbë të mbarë.

Muaji mars, caku i parë i premtuar, nuk qe e mundur të respektohej.

Gjithçka u zhvendos në qershor, në prag të zgjedhjeve vendore, dhe nga kryeministri Rama u kërkua me trysni të madhe që të jepej përshtypja se stadiumi do të ishte gati.

Federata u detyrua të dilte me një deklaratë në mbështetje të tij, por as kjo nuk piu ujë.

Që nga Moldavia, inaugurimi u shty për në 10 shtator, në ndeshjen eleminatore kundër Islandës.

As kjo shënjestër nuk u arrit të goditej.

Tashmë, premtimi i fortë është se festa do të jetë në një ditë vërtet të shënuar, mbrëmjen e 17 nëntorit, kur kombëtarja shqiptare do të presë Francën për Euro 2020. /ABC News Albania 24/7

BVCKCIBFYJEQFPFLP4NSFTOBZI.jpg
ent ela13:27 | 22/08/2019

Në Shtetet e Bashkuara të Amerikës është shënuar ekzekutimi i 12-te i dënimit me vdekje për këtë vit. I ekzekutuari ishtë një 48 vjeçar që akuzohej për vrasjen e një studenteje. Deri momentin e fundit ai vetëdeklarohej i pafajshëm për akuzat.

Në Teksas është ekzekutuar me vdekje një person i dënuar për rrëmbimin, përdhunimin dhe vrasjen e një studenteje universiteti në vitin 1998. Ekzekutimi i Leri Suearingen u krye me injeksion vdekjeprurës: por ai vetëdeklarohej gjithnjë i pafajshëm. Me Suearingen shkon në 12 numri i ekzekutimeve në Shtetet e Bashkuara të Amerikës për këtë vit, nga të cilat katër janë kryer në Teksas. 12 minuta pas injeksionit ai u shpall i vdekur.

Departamenti për çështjet kriminale të Teksasit konfirmoi vdekjen e tij. Mediat amerikane raportuan se 48 vjeçari pretendonte pafajësinë. Avokatët e tij deklaruan se ADN-ja e gjetur në thonjtë e viktimës, nuk ishte e klientit të tyre por gjykata e lartë e Shteteve të Bashkuara të Amerikës refuzoi të pezullonte ekzekutimin. Pak para ekzekutimit 48 vjeçari i kërkoi Zotit që t’I falte pasi ata nuk e dinin se cfarë po bënin.

I dënuar në vitin 2000, i dënuari kishte një marrëdhënie intime me studenten e re. Viktima u pa për herë të fundit me të në 8 dhjetor të vitit 1998, ndërkohë që gjurmë të saj u gjetën në automjetin e të dënuarit. Bashkëshortja e këtij të fundit deklaroi se kishte gjetur automjetin të kthyer përmbys ditën e zhdukjes së studentes. Trupi i viktimës u gjet në pyll disa javë më vonë nga disa gjuetarë. /ABC News Albania 24/7

 

MBULIM-BARDHI-PER-KAJMAKUN.mpg_snapshot_00.08-1280x720.jpg
ent ela13:20 | 22/08/2019

PD i kërkon organit të akuzës të nisë verifikimet për një tjetër kryebashkiak socialist, atë të Vorës, për të cilin thotë se ka qenë i arrestuar dhe dënuar në Greqi. Por vetë Agim Kajmaku, i pyetur nga ABC News, i mohon këto akuza

Partia Demokratike pretendon se në rrjeten e Dekriminalizimit ka rënë një tjetër kryebashkiak socialist. Në sektorin e Dekriminalizimit në Prokurorinë e Përgjithshme mbërriti të martën shkresa e firmosur nga Sekretari i Përgjithshëm i PD, Gazment Bardhi ku kërkohej hetim i thelluar për kryebashkiakun socialist të Vorës, Agim Kajmaku.

Nga të dhëna të bëra publike më parë, ekziston dyshimi i arsyeshëm se subjekti Agim Kajmaku, ndodhet në kushtet e ndalimit për të kandiduar dhe për t’u zgjedhur në një funksion të lartë publik, në kuptim të nenit 2 të ligjit nr.138/2015. Ai dyshohet se ka qenë i arrestuar/ndaluar në Greqi dhe më pas ndaj tij është marrë masa e dënimit dhe dëbimit nga autoritetet përgjegjëse greke. Në formularin e Vetëdeklarimit shtetasi Jorgo Toro ka deklaruar se ka jetuar ëpr 5 vite në Greqi. Nga verifikimi i të dhënave të sistemit TIMS rezulton se shtetasi Agim Kajamaku alias Jorgo Toro nga periudha 2004-2016 nuk ka udhëtuar në asnjë rast në drejtim të Greqisë, çka përbën një indicia për saktësinë e të dhënave të bëra publike më parë.

I pyetur nga  ABC News Kajmaku është shprehur se në formularin e dekriminalizimit ka deklaruar se ka ndryshuar identitetin dhe ka jetuar në Greqi në vitet 1991-1996. Kryebashkiaku i Vorës shprehet me bindje se nuk ka qenë i dënuar dhe as nuk është dëbuar asnjëhere nga ndonjë shtet i BE-së.

Me përgjegjësi ligjore dhe bindje morale deklaroj se nuk jam dënuar dhe as jam dëbuar asnjëherë nga ndonjë shtet i BE, as nga Greqia. Ndërkohë që për vite të tëra kam qenë udhëtues i shpeshtë dhe korrekt në shumë vende të BE-së, për llogari të biznesit tim familjar. Autorët dhe akuzuesit publike që shpifin ndaj personit tim, për një qëllim të vetëm, atë të ndotjes politike të kundërshtarit, do të vihen përballë drejtësisë dhe detyrimit të gjetjes së provave të pretenduara.

Kryebashkiaku i Vorës ishte i  bindur se ndryshimi i identitetit prej tij do të ishte një motiv për t’u sulmuar politikisht nga opozita. Për këtë arsye përpara se të merrte mandatin e krytarit të Bashkisë, Kajmaku udhëtoi drejt shtetit grek nga pika kufitare e Kakavijës duke publikuar në rrjetet sociale edhe dokumentat, ku pranon se ka ndryshur identitetin por duke mohuar në mënyrë kategorike një dënim në shtetin grek.

Pas zgjedhjeve të 30 qershorit, Agim Kajmaku është kryebashkiaku i dytë socialist që akuzohet nga Partia Demokratike për të shkuar kriminale. Më herët PD publikoi të dhëna për një dënim të kandidatit fitues per bashkine e Shkodrës, Valdrin Pjetri duke e detyruar atë të tërhiqet nga marrja e detyrës së krybashkiakut.

/ABC News Albania 24/7

KORCE-HAJDUTET-E-BAGETIVE-ABCM2T1.mpg_snapshot_00.37-1280x720.jpg
ent ela13:15 | 22/08/2019

Banorët e fshatit Pulah në Korçë po kalojnë një verë shqetësuese. Hajdutët çdo natë u futen në stalla u marrin bagëtitë. Më parë i therin e më pas i transportojnë me makina.

Hajdutët sulmojnë stallat e bageëtive në Pulah të Korçës. Fillimisht ato i mbysin, me pas i marrin dhe i tregtojnë në zona të tjera.

Muajt e verës kanë rritur ndjeshëm rastet e vjedhjes së bagëtive në fshatrat e Korçës. Në Pulahë çdo javë regjistrohen të paktën tri vjedhje, kryesisht të stallave të bagëtive.

Të favorizuar nga largësia nga banesat, hajdutët mësyjnë stallat, të cilat ndodhen në periferi të fshatit dhe pak prej tyre kanë roje.

Kur diktohen nga banorët, ata largohen pa mundur t’i marrin me vete, bagëtitë që kanë vrarë, duke sjellë dëme të konsiderueshme për fermerët.

Raportimet e rasteve në polici nuk kanë çuar në arrestimin  e autorëve të vjedhjeve të cilat po kthehen në shqetësim të përditshëm për të gjithë fshatin.

Të vënë nën shënjestrën e hajdutëve, fermerët i kanë zhvendosur bagëtitë afër banesave,si e vetmja mundësi për t’i mbrojtur.

Të frikësuar se mos autorët janë të armarosur, banorët e Pulahës kërkojnë prezencë më të madhe të forcave të policisë dhe patrullim në zonë, sidomos gjatë natës. /ABC News Albania 24/7

MBULIM-DEPUTETI-BEBJA.mpg_snapshot_00.01-1280x720.jpg
ent ela12:51 | 22/08/2019

Deri tani ka ka ndodhur të shohim nënat e reja që marrin bebet në parlament dhe i ushqejnë, por kjo ka ndodhur edhe me një baba.

Në Zelandën e re, deputeti laburist Tamati Kofei, pasi mbaroi lejen e lindjes, në 21 gusht mori me vete djalin e tij në seancën e parlamentit. Gjatë debatit parlamentar ai mbajti fëmijën e tij në krah duke e ushqyer me biberon. Për gazetarët ai u shpreh se poltrona e folësit përdoret zakonisht nga presidentët, por sot në sallë ishte një i ftuar i jashtëzakonshëm. Fëmija është djali biologjik i partnerit të deputetit, i cili është lindur nga një mikeshë e çiftit. /ABC News Albania 24/7

CHAMPIONS-DINAMO-DHE-ZVEZDA.mpg_snapshot_00.02-1280x720.jpg
ent ela12:18 | 22/08/2019

Dy skuadra nga ish-Jugosllavia janë pranë kualifikimit për në fazën e grupeve në Champions. Crvena Zvezda e Serbisë dhe Dinamo e Zagrebit e Kroacisë, hodhën hapin e parë drejt suksesit të madh.

Dikur ishin fuqi e futbollit europian, por duket sikur janë harruar.

Skuadrat nga ish-Jugosllavia e kanë pasur të vështirë të shkëlqenin në Champions, por kjo ndoshta mund të ndryshojë.

Crvena Zvezda, kampione e Serbisë, dhe Dinamo e Zagrebit kampione e Kroacisë, janë më pranë kualifikimit për në fazën e grupeve, pas ndeshjeve të para të plej ofit.

Beogradasit barazuan 2-2 në fushën e Jang Bojsit, rivalit të parvjetshëm të Skënderbeut në grupet e Ligës së Europës, ndërsa zagrebasit triumfuan 2-0 në fushën e tyre ndaj Rozenborgut të Norvegjisë.

Millosh Degenek dhe Mateo Garsia ishin autorët e golave për Zvezdën në Bernë, duke përmbysur avantazhin e hershëm të zviceranëve, arritur me Rozher Asalenë.

Në minutën e 76-të, Gijom Horo barazoi me penallti për Jang Bojsin që pati dy mundësi të shkëlqyera në fund, por nuk i shfrytëzoi.

Dhjetëra mijë tifozë do ta mbështesin Zvezdën në kthim, në stadiumin “Rajko Mitiç”.

Dinamo e Zagrebit është edhe më pranë grupeve të Championsit, pasi Bruno Petkoviç me penallti dhe Mislav Orshiç shënuan “shpejt e shpejt” në “Maksimir”, ku ishin mbi 25 000 shikues.

Në formacion për kroatëve, edhe kapiteni Arijan Ademi, madje shqiptari i Maqedonisë humbi rast për gol tjetër.

Edhe pse me djem të rinj, “Blutë” treguan cilësi më të lartë se norvegjezët, që gjithashtu mbeten të rrezikshëm. /ABC News Albania 24/7

meloni-mattarella.jpg
ent ela11:40 | 22/08/2019

Sot është dita e dytë e konsultimeve në Presidencën italiane për zgjidhjen e krizës së qeverisë, ku Matarela takohet me kryetarët e partive të mëdha në vend. Një ditë më parë ishte radha e partive të vogla, të cilat kërkuan një qeveri të dytë me kryeministër Konte, për të shmangur zgjedhjet e reja në vend.

Ditën e sotme ka qenë Meloni e “Frateli d’Italia” që ka nisur takimet duke i kërkuar presidentit Matarela që të caktojë menjëherë datën e zgjedhjeve si mënyrën e vetme për të respektuar vendin dhe kushtetutën. Ndërkohë Zingareti i Partisë Demokratike lë hapur mundësinë e një koalicioni me Lëvizjen me pesë yje, duke propozuar një program me pesë pika.

Lideri i Lega Nord, Salvini është distancuar nga ish aleatët duke mos bërë të ditur në se do të ketë një marrëveshje të mundshme me qendrën e djathtë. Ndërkohë që në takim kanë shkuar dhe delegacionet e Partisë demokratike si dhe Silvio Berluskoni me Forca Italia. Konsultimet do të vijojnë dhe pasditen e setme me kreun e shtetit që prêt delegacionin e Legës dhe atë të Lëvizjes me pesë yje.

/ABC News Albania 24/7

Prokuroria-e-Pergjithshme-1.jpg
ent ela11:31 | 22/08/2019

Pas reagimeve të Partisë Demokratike për transferimin e dosjes 184 në prokurorinë e Dibrës, Arta Marku ka dhënë sqarim zyrtar. Në njoftimin e shpërndarë për mediat, thuhet se prokurori i çështjes Klodan Braho, ka ndryshuar cilësimin e veprës penale nga “Grup i strukturuar kriminal, në bashkëpunim të thjeshtë. Ndërsa prokuroria e Dibrës kishte kërkuar që të mos i transferohej ajo dosje, pasi gjendet në situatën e konfliktit të interesit e pa staf të mjaftueshëm.

Prokuroria e përgjithshme përmes një njoftimi për mediat jep disa sqarime lidhur me dosjen e shumë diskutuar 184, për hetimin e dyshimeve për shitblerje të votave në zgjedhjet e Dibrës në vitin 2016 dhe debatin për kompetencat për hetimin e kësaj çështje.

Prokuroria e përgjithshme ka arritur në përfundimin se dosja 184 nuk është në kompetence të Prokurorisë për Krime të Rënda, pasi ajo i ka dhënë faktit një cilësim të ndryshëm juridik, për vepra penale që nuk hyjnë në kompetencën e saj.

Prokurori i çështjes, Klodian Braho, ka ndryshuar cilësimin juridik të veprës penale, nga forma e veçantë e bashkëpunimit “grup i strukturuar kriminal” në “bashkëpunim të thjeshtë”.

Sipas organit qendror të akuzës, kjo dosje i përket Prokurorisë pranë Gjykatës së Rrethit Gjyqësor Dibër, e cila duhet të pranojë aktet dhe të regjistrojë procedimin penal.

Por prokuroria e Dibrës e kishte kundërshtuar këtë fakt, duke i kërkuar prokurorisë së përgjithshme caktimin e prokurorisë së Krimeve të rënda si organ kompetent për ndjekjen e dosjes 184 pasi veprat penale janë kryer nga grupi i strukturuar kriminal.

Shqetësim për Prokurorinë  e Dibrës, sipas njoftimit të shpërndarë nga zyra e shtypit e Arta Markut, ishte konflikti i interesit me të pandehurit e çështjes, si dhe mungesa e stafit dhe kapaciteteve për të përballuar çështjen.

Drejtuesja e kësaj prokurorie, Esmeralda Keshi Cami ka lidhje familjare me njërin prej të pandehurve kryesorë të dosjes, konkretisht me Arben Keshin.

Ndërsa dy prokurorët e tjerë kanë pretenduar se janë në konflikt interesi, pasi njihen me personat që janë nën hetim. Dosja 184, që u regjistrua para 3 vitesh nga Prokuroria e krimeve të rënda, do t’i caktohet me short njërit prej dy prokurorëve të Dibrës, Rifat Kojku dhe Belina Zeneli.

E ashtuquajtura dosja 184 përfshin hetimin e disa personave, mes tyre edhe zyrtare shtetërorë në nivel qendror dhe lokal, lidhur me dyshimet për shitblerje të votave në zgjedhjet e pjesshme për kryetar të bashkisë Dibër në 2016.

Në përgjimet telefonike, që përmban kjo dosje, të publikuara nga gazeta Gjermane “Bild” dëgjohen në biseda deputetë dhe zyrtarë të lartë të partisë socialiste si Damian Gjiknuri, Pjerin Ndreu, Fatmir Xhafaj, Saimir Tahiri, drejtues të policisë lokale dhe eksponentë të tjerë të njohur në Dibër./ABC News Albania 24/7

 

 

 

 

 

69428712_468443747333318_6830487241895182336_n.jpg
ent ela11:15 | 22/08/2019

Banorët e Njësisë nr.11 në Tiranë të cilët duhet të pajisen me letërnjoftim ose pasaportë, apo nuk kanë regjistruar ende adresën e saktë të banimit, tani do të kenë ambiente të reja, ku do mund të marrin shërbimet e kërkuara.

Bashkia e Tiranës ka përfunduar zyrat e reja të Njësisë Nr.11. Ato janë zhvendosur në rrugën “Gjergj Legisi”, pranë fushës sportive dhe ofrojnë tashmë kushte komode për qytetarët që do duan të marrin një shërbim pranë kësaj njësie.

“NjA nr.11 në përmbushje të misionit të saj për të ofruar shërbime sa më cilësore, efikase si dhe për të krijuar çdo lehtësi tjetër vendore, ka rritur në nivelin më të lartë se kurrë më parë, me 38% nivelin e shërbimeve publike dhe socialiste ndaj banorëve. 38% më shumë përpjekje ligjore, zgjidhje të problematikave në infrastrukturë të mbartura ndër vite dhe zgjidhje të problematikave të mprehta sociale që jeton komuniteti ynë. Drejtë përfundimit zyrat e reja në godinën e zhvendosur në Rr. Gjergj Legisi, pranë fushës sportive në Laprakë!”, thuhet në njoftimin e publikuar në faqen e Njësisë Administrative nr. 11 në kryeqytet.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono