ent ela

PRAG-FINALJA-1280x720.jpg
ent ela17:01 | 14/07/2018

Në finale në fillim nuk ishte menduar Kroacia, por te ballkanasit ka optimizëm se mund të fitojnë edhe trofeun. Nga ana tjetër Franca synon të triumfojë për herë të dytë në Kupën e Botës.

Kroacia e ka fituar botërorin e saj duke arritur në finale, por të gjithë te skuadra ballkanase kërkojnë të bëjnë mrekullinë të mundë Francën të dielën në Moskë. Zlatko Dalic nuk do të mendojë për të kaluarën dhe përvojën e skuadrës kundërshtare, por për të motivuar lojtërt e tij.

Zlatko Dalic (Trajner i Kroacisë): Nuk na intereson kundërshtari, as tradita dhe statistikat, pasi janë bërë për tu thyer. Do të jetë momenti më i bukur i jetës sonë dhe futbollistëve i ka thënë të zhvillojnë lojën e tyre. Uroj që në fund 4 milionë kroatë të dalin të festojnë në rrugë.

Francezët kërkojnë trofeun e dytë të Kupës së Botës, pas atij të fituar 20 vite më parë në shtëpi. Antoine Griezmann dëshiron t’i sjellë gëzim bashkombasve të tij.

Antoine Griezmann (Futbollist i Francës): Nuk mendoj për Topin e Artë, por për të fituar Kupën e Botës, vetëm kjo më intereson. Nuk ka rëndësi se cili do të shënojë, pasi i rëndësishëm është objektivi final. Jemi një ekip i madh dhe duan të gëzojë francezët, të jenë krenarë.

Francë – Kroaci do të luhet të dielën në orën 17:00 në stadiumin “Luzhniki”. /abcnews.al

SARRI-TE-CHELSEA-1280x720.jpg
ent ela16:50 | 14/07/2018

Çelsi njoftoi se Mauricio Sarri është trajneri i ri i ekipit të parë. Ai do të zëvendësojë Antonio Konten i shkarkuar vetëm një ditë më parë.

Maurizio Sarri është zyrtarizuar të shtunën si trajner i Chelsea vetëm një ditë pas shkarkimit të Antonio Conte. Ish-tekniku i Napoli lidhi një marrëveshje 3-vjeçare me skuadrën angleze. “Shpresoj të luajmë një futboll argetues për tifozët tanë. Do të luftojmë për trofe deri në fund të sezonit, pasi ky klub e meriton” – tha Sarri për faqen zyrtare të Chelsea. Puna e tij do të nisë të hënë dhe më pas skuadra do të zhvillojë një turne miqësor në Australi. Ndihmësi i Maurizio Sarri do të jetë Gianfranco Zola, i cili e njeh futbollin anglez si futbollist dhe trajner. Sarri mund të marrë në “Stamford Bridge” disa lojtarë nga napolitanët, ku mediat përmendin edhe Elseid Hysajn. I pari është Jorginho, i cili u prezantua pak pas trajnerit. Maurizio Sarri bëhet trajneri i gjashtë italian te Chelsea. /abcnews.al

 

SHAQIRI-TE-LIVERPOOL-1280x720.jpg
ent ela16:46 | 14/07/2018

Liverpuli më në fund transferoi Xherdan Shaqirin. Mesfushori me tipare sulmuese firmosi për 5 vjet. Shaqiri tha se dëshira e tij është të fitojë trofe me Liverpulin.

Firmos për 5 vite me ekipin anglez. Xherdan Shaqiri është një futbollist i Liverpool. Klubi finalist i Champions League pagoi rreth 13 milionë paund te Stoke City, duke firmosur për 5 vite me mesfushorin me tipare sulmuese. Shaqiri tregoi edhe ambiciet e tij me ekipin e ri për televizionin e Liverpool.

Xherdan Shaqiri (Futbollist i Liverpool): Si lojtar unë gjithmonë dua të jem në skenën e madhe të futbollit. disa vite më parë unë e doja, por kjo nuk ndodhi. Unë do të doja të provoja veten, unë dua të jem më ekipin më të mirë dhe të fitoj trofe.

Trajneri Jurgen Klopp tha për faqen zyrtare të Liverpool se e ka admiruar prej kohësh Shaqirin qëkur luante në Zvicër dhe veçanërisht në Gjermani. Përvoja e tij në Premier League është një plus për të dhe meriton besim të plotë. Klopp tha se Shaqiri është një futbollist që mund të përshtat në disa pozicione dhe është i shpejtë, cilësi që shtynë ta afronte në ekip pa u menduar dy herë. Xherdan Shaqiri është prej vitesh në kampionatin anglez ku me fanellën e Stoke City shënoi 15 gola në 84 ndeshje. 26-vjeçari i formuar te Basel ku ra në sy me ekipin e parë është aktivizuar edhe me Inter e Bayern Munchen. /abcnews.al

 

xhafaj-ne-vlore-1280x720.jpg
ent ela16:22 | 14/07/2018

Ministri i Brendshëm Fatmir Xhafaj ishte në Vlorë ku pa nga afër masat për sezonin turistik. Ai tha se opozita ka zgjedhur të shpifë, duke shtuar se të gjithë treguesit e sigurisë janë përmirësuar.

Një javë pas ngjarjes së rëndë të ndodhur në plazhin e Dhërmiut, ku një person terrorizoi festuesit në lokal “Havana”, duke qëlluar disa herë me armë zjarri, ministri Brendshëm Fatmir Xhafaj e pranon që ishte një ngjarje e rëndë dhe po punohet për zbardhjen e saj.

“Është një ngjarje për t’u vlerësuar, sepse është një ngjarje e rëndë.

Nuk më takon mua si Ministër që të ndërhyjë në çështje, hetimore. Padyshim di të them dhe këtë e them me shumë përgjegjësi që policia është shumë e angazhuar për ta zbardhur atë deri në fund edhe përsa i përket elementëve që kanë qenë drejtpërsëdrejti dhe atyre që mund jenë mbrapa personave në fjalë, që mund të jetë i lidhur me një grindje të rastit, apo me një gjë të vjetër, siç janë dhe siç kanë ndodhur rëndom gjëra të kësaj natyre”.

Nga qyteti i Vlorës, Xhafaj bëri të ditur masat e marra për këtë sezon turistik, ku ai dhe dhe kryeministri  Edi Rama janë caktuar për të monitoruar sitatën në pikun e tij.

Gjithë anëtarët e Kabinetit Qeveritar, nga Kryeministri dhe të gjithë kolegët janë shpërndarë gjatë vijës bregdetare me zona të caktuara për efekt të ushtrimit të detyrave të tyre, të asistimit, të monitorimit, të shërbimit që kanë institucionet shtetërore, dhe unë së bashku me Kryeministrin edhe Ministren e Shëndetësisë jemi të caktuar pikërisht në këtë pjesë të zonës turistike”.

Numri një i Ministrisë së Brendshme premtoi se ky vit do të ketë zero kultivim të kanabisit.

“Çdo opozitë natyrisht, nuk ka për detyrë të përkëdheli qeverinë që është në pushtet, por çdo opozitë duhet të jetë e përgjegjshme për atë çfarë bën dhe në atë çfarë thotë dhe në këtë kontekst, motoja që ka sot opozita “Shpif, shpif se diçka do të mbetet” mendoj që është zgjidhja më e gabuar që ka bërë dhe në funksion dhe në mungesë të një alternative serioze dhe të besueshme, por që është edhe një dëm i jashtëzakonshëm që i bëhet, imazhit të vendit, imazhit të qytetarëve dhe vetë imazhit të qytetit të Vlorës”.

Më herët Xhafaj ka inspektuar ambjentet dhe sportelet në portin e Vlorës,ndërsa ka zhvilluar nje takim me dyer të mbyllura edhe me dretues te policise vendore në Vlorë. /abcnews.al

KLOSI-ME-PRODHUESIT-DHE-RICIKLUESIT-E-PLASTIKES-1280x720.jpg
ent ela16:15 | 14/07/2018

Kontrolli dhe fushata e ndërgjegjësimit të ndalimit të prodhimit, importit dhe përdorimit të qeseve plastike po vijon ne te gjithe vendin. Ministri i Turizmit dhe Mjedisit takoi prodhuesit dhe ricikluesit e plasitikes me te cilet bisedoi per plotesimin e detajeve per zbatimin e ligjit.

Bizneseve që deri tani prodhonin qese të holla plastike ju janë lënë disa muaj kohë për të përshtatur teknologjinë.

Ndërkohë një udhëzim i Ministrit të Mjedisit dhe Turizmit që saktëson zbatimin e ligjit që ndalon përdorimin e qeseve në vendin tonë, procesin e biodegradimit dhe atë të riciklimit të tyre po bëhet gati.

Por sipas Blendi Klosit diçka është e panegociueshme.

“Ajo që nuk negocionet është ndalimi njëherë e përgjithmonë i përdorimit të plastikës së pa riciklueshme në vend”

Ministri i Turizmit dhe Mjedisit ua bëri të ditur prodhuesve dhe ricikluesve të plastikës, të cilëve iu kujtoi edhe gjobat për shkelje të ligjit.

“Nga 1 milion – deri në 1.5 milionë lekë të reja për kë vijon të hedhë në përdorim këtë produkt. “

Përfaqësuesit e bisnesit të plastikës sipas ministrit do të jenë pjesë e hartimit të këtij udhëzimi. Ndërkohë Ministri i Mjedisit dhe Turizmit kërkoi bashkëpunimin e të gjithëve për të denoncuar mungesën e kontrollove nga ana e inspektoriateve në zona të caktuara me qëllim reduktimin e shpejtë të këtij ndotësi të mjedisit.

eljon-hysa.jpg
ent ela15:55 | 14/07/2018

Gjendet i groposur një trup i pajetë në fshatin Shelqet të komunës Nikël në Fushë Krujë. Viktima u konstatua nga banorët e zonës të cilët më pas njoftuan policinë. Dyshohet se trupi i pajetë i përket Eljon Hysës i cili është denoncuar i zhdukur disa ditë më parë.  Ndërkohë që Hysa ishte shpallur në kërkim edhe nga policia, pasi akuzohet për një vrasje në Sarandë, ngjarje e ndodhur në vitin 2015.  Trupi pritet t’i nënshtrohet ekspertizës mjeko-ligjore dhe testeve të  ADN-së për identifikimin e plotë të tij. Grupi hetimor ka bërë të mundur identifikimin e autorëve të dyshuar ku njëri prej tyre, shtetasi me iniciale H.R. është shoqëruar në ambientet e Komisariatit të Policisë Krujë dhe është shpallur në kërkim shtetasi me inicialet A.T.

Krujë, Informacion paraprak i Policisë

Më datë 14.07.2018,  Shërbimet e Komisariatit të Policise Krujë, pranë varrezave të fshatit Shelqet, Komuna Nikel kanë gjetur të groposur shtetasin K.H. 34 vjeç, banues në Gjormë të Rrethit Kurbin, të shpallur në kërkim ( i humbur) .

Grupi hetimor ka bllokuar një sërë provash materiale duke bërë të mundur identifikimin e autorëve të dyshuar ku njëri prej tyre, shtetasi H.R. është shoqëruar në ambientet e Komisariatit të Policisë Krujë dhe është shpallur në kërkim shtetasi A.T.

Grupi hetimor me ekspertë të fushës në bashkëpunim me Prokurorinë e Rrethit Gjyqësor Krujë po punojnë për sqarimin e të gjithë rrethanave të ngjarjes.

Për shkak të hetimeve nuk jepen më shumë detaje./abcnews.al

KESHILLAT-E-MINISTRISE-1280x720.jpg
ent ela15:45 | 14/07/2018

Jeni bërë gati për t’u nisur me pushime? Bëni kujdes në sigurimin e shtëpisë pasi hajdutët mund të shfrytëzojnë mungesën tuaj dhe t’ju vjedhin banesën. Ministria e Brendshme në faqen e saj në rrjetin social facebook sjell në vëmendje shtatë këshilla që të mos përballeni me surpriza të pakëndshme. Ministria sugjeron të mbyllni mirë dyert dhe dritaret, të zgjidhni një person të besuar për t’i lënë çelësin për t’jua parë shtëpinë dhe tregoni kujdes për të moshuarit.  Sa më pak statuse dhe foto nga vendet e largëta në rrjetet sociale aq më pak mundësi do të kenë hajdutët thekson Ministria e Brendshme. Bëni kujdes me faturat apo kutitë e shtrenjta që hidhin në plehra. Për t’u siguruar fotografoni sendet e shtrenjta që mbani në shtëpi dhe tregoni kujdes nga hajdutët e maskuar si shpërndarës broshurash. /abcnews.al

MASAKRA-E-PYJEVE-DRENOVE-1280x720.jpg
ent ela15:28 | 14/07/2018

Banorët e Drenovës kanë denoncuar në media prerjen e paligjshme të pishave në masivin pyjor. Sipas tyre individë ende të paidentifikuar nxjerrin fitime duke masakruar pyjet. Banorët pretendojnë se as inspektorët e pyjeve dhe as policia nuk kanë marrë masa për të ndaluar këtë fenomen. 

Masivi pyjor i Drenovës po kthehet në tokë të shkretë.

Prerjet e paligjshme dhe pa kriter vazhdojnë, duke shpyllëzuar kurorën e gjelbër. Edhe mbi fshatin Mborje, situata është e ngjashme.

Trungje pishash 50 vjeçare të rrafshuara, që të krijojnë më tepër përshtypjen e një fushe drush, se sa të një pylli.

Vendasit e kanë të pamundur ta shfrytëzojnë pyllin, ndërsa individë të tjerë, nxjerrin fitime duke e masakruar.

Banorët e Drenovës dëshmojnë se çdo natë shohin mjete të ngarkuara me lëndë drusore, që zbresin faqes së Moravës. Alarmi i banorëve nuk është vlerësuar as nga inspektorët e pyjeve, as nga policia.

Së fundi, 107 familje drenovare i janë drejtuar me një letër kryeministrit të vendit.

Masivet me pisha të njësisë administrative Drenovë, pas ndarjes së re territoriale i kanë kaluar për menaxhim bashkisë së Korçës. Si bashkia ashtu edhe Inspektoriati i pyjeve, nuk kanë marrë masa për reduktimin e prerjeve të paligjshme. /abcnews.al

SHQIPTARET-SERBI-1280x720.jpg
ent ela15:15 | 14/07/2018

Shqiptarët e Luginës së Preshevës kërkojnë mbrojtjen e të drejtave të tyre në Serbi nga qeveria e Kosovës. Politikanët nga të gjitha komunat shqiptare në Serbi u mblodhën në kuvendin e Bujanocit për të dërguar mesazhin e tyre.

Përfaqësuesit shqiptarë të Luginës së Preshevës kanë kërkuar që Qeveria e Kosovës të kërkoj reciprocitet për të drejtat e tyre në mënyrë që të jenë të barabartë me serbët e Kosovës. Politikanët nga të gjitha komunat shqiptare në Serbi u mblodhën në kuvendin e Bujanocit për të dërguar mesazhin e tyre. Përmes një deklarate politike kërkuan mbështetje të bashkësisë ndërkombëtare dhe përfshirjen e statusit politik të tyre në bisedimet e Brukselit në mes të Prishtinës dhe Beogradit.

Adnan Salihu, kryetar i Bujanocit: “Lugina e Preshevës vazhdon të mbetet rajoni më i diskriminuar dhe ekonomikisht më i pazhvilluar si pasojë e politikës diskriminuese të Serbisë. Prandaj Kuvendi i Këshilltarëve Shqiptarë kërkon nga Kuvendi, Presidenti dhe nga qeveria e Kosovës angazhim në funksion të realizimit të kërkesave politike të shqiptarëve të Luginës së Preshevës”

Përfaqësuesit shqiptarë thanë se nuk do të ndalen në kërkimin e të drejtave të tyre pasi shqiptarët në këtë zonë janë duke jetuar pa të drejta dhe mundësi për zhvillim. Në këtë takim nuk ka marrë pjesë kryetari i Preshevës, Shqiprim Arifi.

Kjo ka nxitur reagime dhe vëmendje në Serbi duke e quajtur një provokim.

Gazetari ABC News: Idro Seferi

 

POLITIKA-NE-ABC-NEWS-AKROBACI-POLITIKE-VERORE-1280x720.jpg
ent ela15:07 | 14/07/2018

Politika në ABC News na sjell këtë javë lëvizjet e kursyera të aktorëve politikë, në fund të këtij sesioni parlamentar. Sidoqoftë, çështja e Teatrit Kombëtar mund të ketë zhvillime, me futjen në lojë të një aktori të heshtur deri tani, Presidenti Ilir Meta. Detajet na i sjell Mimoza Koçiu në emisionin “Politika në ABC News”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono