ent ela

GRATE-E-PUKES-BLETET-1280x696.jpg
ent ela16:15 | 14/10/2018

Në Qelëz të Pukës shumë gra janë bashkuar dhe merren me kujdesin dhe rritjen e bletëve. Të ndihmuar edhe nga programe të ndryshme ato kanë arritur sukses përmes një sektori që u ka forcuar ekonominë e familjes së tyre.

 Nuk duhet të dorëzohesh kurrë. Ky është motivi i grave në Qelëzës të Pukës. Nuk janë papunë, por edhe një punë tjetër thonë se do ishte mirë. Ato janë krah i fortë në ekonominë e familjes.

“Janë 33 gra që janë grupuar dhe kanë krijuar këtë organizatë të tyre të bletarëve që quhet “Bletët Punëtore”. Kanë zgjedhur që të ndihmojnë familjet përmes punës”.

Bletët janë pasioni i tyre. Ndodhen në zonë me mundësi për kultivimin e këtij lloj biznesi. Ato kujdesen çdo ditë.

“Ne i shohim a janë t’u lëviz a janë t’u dalë a kanë ushqim dhe pastaj sipas varianteve të punës punojmë”.

Bletaria ka ndikuar në jetën e tyre. Ndjehen edhe më të vlerësuara.

“Na ka bërë që të jemi më të bashkuara dhe më të forta në punë, bëjmë edhe muhabet edhe punojmë, pimë dhe kafe”.

 Këtu është siguruar edhe një laborator për përpunimin e mjaltit. Gjithashtu si ndihmë kanë marrë kavanoza qelqi.

“Duke parë nevojën që mjalti është bërë një produkt, jo më si dikur që përdorej si ilaç, sot është futur në çdo familje dhe po gjendet çdo ditë në tryezat tona”.

Territori është i ashpër. Rrugët qarkullohen në këmbë, si fëmijët që shkojnë në shkollë, ashtu edhe gratë.

Këtu në fshatin Ukth janë grupuar dhe punojnë së bashku. Shtatë familje kanë 55 koshere bletësh.

“Edhe të ardhura na sjell bleta. Shesim mjaltin edhe lekë, kryesisht del një rrogë shumë e mirë me bletët”.

Kujtime Nurja, koordinatore e projektit të krijimit të një kooperative të grave bletërritëse, tregon se ne fillim ishin skeptike. Por u arrit të grupohen 33 gra bletërritëse. Ato nuk janë tërhequr dhe kanë thithur dhe fonde.

Kujtime Nurja,koordinatore e projektit: “U pa që ai vlen me punu sëbashku të gjitha kanë shkruar një projekt dhe kanë përfituar nga ky projekt të cilën po e vënë në lëvizje dhe po punojnë me këtë shumë që e kanë përfituar”.

Grupimi “Bletët punëtore” të Qelëzës së Pukës kanë rreth 500 koshere dhe mjalti është tregtuar i gjithi falë cilësisë.

Për gratë punësim nuk do thotë vetëm në fabrikë. Por siç edhe ky rast. Të rrisësh bletë e të marrësh mjaltin e tyre.

Gazetar i ABC News: Simon Shkreli

MARJAN-LEVANTI-1280x720.jpg
ent ela15:50 | 14/10/2018

Prokuroria për Krimet e Rënda ka përfunduar hetimet për Marjan Levantin, i akuzuar për sulmin me thikë drejt familjarëve të ish-bashkëshortes së tij, Elena Kocaqi. Ngjarja ndodhi në 23 dhjetor 2016 në zonën e Unazës së Re në kryeqytet, ku mbetën të plagosur dy prindërit e Kocaqit, ndërsa ndërroi jetë disa ditë më vonë në spital vëllai i saj, Altin Kocaqi. Dosja në ngarkim të Levantit është dërguar në gjykatë. Ai do të përballet me akuzën e “vrasjes për shkak të marrëdhënieve familjare” në dëm të ish-kunatit dhe për të njëjtën akuzë të mbetur në tentativë për dy prindërit e ish-gruas. Tek Krimet e Rënda dosja do të shqyrtohet nga një trupë e kryesuar nga gjyqtarja Liliana Baku, ndërsa seanca e parë është caktuar në 22 tetor. /abcnews.al

MAQEDONI-KUSHTETUTA-1280x720.jpg
ent ela15:44 | 14/10/2018

Nënkryetari I Kuvendit të Maqedonisë, Vesel Memedi në një intervistë për Klan Maqedonia foli për ndryshimet kushtetuese që kërkohen nga marrëveshja e Prespës. Ai thotë se në rast dështimi, gjithçka do të kthehet në pikën zero.

Vesel Memedi, nënkryetar i Kuvendit të Maqedonisë, në një Intervistë për Klan Macedonia është shprehur optimist se Qeveria e kryeministrit Zoran zaev do t’ia dalë të krijojë shumicën e dy të tretave në Parlamen në mënyrë që të miratohen ndryshimet kushtetuese për hyrjen në fuqi të Marrëveshjes me Greqinë lidhur me emrin. Në të njëjtën kohë, duke folur për mosarritjen e cenzusit në Referendumin e 30 shtatorit, Memedi shprehet se në të u ranë maskat disa forcave të cilat deri vonë flisnin se për integrimin e euroatlantik nuk ka alternativë.

Nënkryetari i Kuvendit të Maqedonisë dhe njëherësh kryetar i Rilidnjes Demokratike Kombëtare, Vesel Memedi mbronë fuqimisht se Referendumi i debatueshëm i 30 Shtatorit provoi se Marrëveshja e emrit me Greqinë gëzon mbështetjen e qytetarëve, pikërisht për shkak se, thotë ai, e bën më të kapshme perspektivën e integrimit euroatlantik të vendit.

Duke folur për Televizionin Klan Maqedoni, numri i dy i Parlamentit, ka përshëndetur pjesëmarrjen aktive të deputetëve të VMRO_DPMNE-së në mbledhjen e Komisionit Kushtetues ku ditëve të kaluara u fol për domosdonë e ndryshimit të Kushtetutës dhe shprehu shpresën se në debatin parlamentar që pason ato do të japin dritën jeshile edhe për projekt- amendamanetet me të cilat do të ndryshojë emri nga Republika e Maqedonisë në – Republika e Maqedonisë së Veriut:

Sipas dipozitave të Rregullores së Parlamentit, procedura për ndryshimin e Kushtetutës mund të konsumojë deri në 110 ditë, me mundësi të shkurtimit të afateve. Deputetët e opozitës maqedonase ende nuk kanë ndonjë qëndrim të prerë se si do të veprojnë të hënën. Nëse mazhoranca siguron të hënënshumicën e dy të tretave prej 80 deputetësh, e aktualisht llogarit në 74, atëherë ndryshimet kushtetuese do të hynin në fuqi fillim-vitin e ardhshëm. Në rast dështimi- zgjedhjet e reja, do të jenë ë paevitueshme, madje – në dhjetëdishin e parë të dhjetorit.

Gazetar: Seladin Xhezairi

Kameramanë: Festim Arifi, Vedut Osmani

PRAG-IZRAEL-SHQIPERI.mpg_snapshot_01.10-1280x720.jpg
ent ela15:41 | 14/10/2018

Kombëtarja luan sot në Izrael, një ndeshje tepër të rëndësishme për Ligën e Kombeve. Trajneri Panuçi e kapiteni Mavraj kanë besim, ndërsa skuadra është e plotë.

Kualifikimi nuk sigurohet sot, por sërish jemi në moment vendimtar.

Kombëtarja shqiptare luan në fushën e Izraelit, në 20:45, sfidën e tretë në Ligën e Kombeve, dhe një rezultat pozitiv do të ndihmonte shumë për arritjen e objektivit, kalimit për në gjysmëfinale.

Kuqezinjtë pritet të mos kenë probleme për formacionin kur të dalin në fushën e stadiumit në Haifa, ndërsa ekziston shpresa se mund të përfitohet nga lodhja e Izraelit që luajti të enjten ndaj Skocisë.

“Jam optimist jo sepse kundërshtari mund të jetë i lodhur, por sepse pashë skuadrën sesi punoi në stërvitje. Djemtë punuan me shumë profesionalizëm, ndoshta ka qenë java më e bukur që kur kam ardhur në Shqipëri. Nuk di nëse Izraeli është i lodhur. Luajti 3 ditë më parë, por varet gjithçka nga ne. E kam vendosur formacionin dhe skemën me të cilën do të luajmë, por do ta shihni në fushë se kush do të jetë njëmbëdhjetëshja”.

Trajneri ynë ka një mendim të lartë për kundërshtarin.

“Izraeli bëri një ndeshje të jashtëzakonshme ndaj Skocisë. Ishte një skuadër krejtësisht e ndryshme nga ajo që luajti ndaj nesh. I vënë presion Skocisë duke mos e lënë të dilte në sulm. Izraeli është një skuadër me cilësi të madhe, me lojtarë shumë të zotë. Për ne, do të jetë një ndeshje e vështirë”.

Nuk mund të mos bëhej krahasimi me fitoren 3-0 të arritur në Izrael nga skuadra e De Biazit.

“Çdo ndeshje ka historinë e saj. Do të doja të ishte e njëjta histori si një vit e gjysmë më parë. Shpresojmë të luajmë një ndeshje të madhe dhe të fitojmë edhe këtë herë”.

Mavraj ndihet mirë për të luajtur, ndërsa ka këtë gjykim.

Besoj se mund të fitojmë, nuk ka rëndësi skema në mbrojtje, por loja në grup

Lajmet nga kombëtarja janë që Eros Grezda është I rikuperuar dhe pritet të jetë në formacion.

Për fat të keq, Balliu nuk do të jetë për shkak dëmtimi, ndërsa pritej të zëvendësonte Veselin e dëmtuar.

Shqipëria ka 3 pikë në grup, po aq sa Izraeli dhe Skocia.

ALIZOTI-BALLAFAQIMI-1280x720.jpg
ent ela15:02 | 14/10/2018

Fredi Alizoti, i vetëdeklaruar si aktori i zërit të Agron Xhafajt në audio-përgjiminqë trazoi politikën shqiptare, është i gatshëm të përballet me “Babalen”. Avokati i Alizotit tha për “ABC News” se do të kërkojë në vijim këtë lloj veprimi hetimor.

Fredi Alizoti, i dyshuari si imituesi i zërit të vëllait të ministrit të brenshëm në audiopërgjimin  e “Babales”, është i gatshëm të përballet me Albert Veliun.

Pretendimi i 45 vjeçarit, që deklaroi para prokurorëve se iu premtuan 100 mijë euro për aktrimin e Agron Xhafajt, u konfirmua për “ABC News” nga avokati i tij, Ilir Dode.

I kontaktuar përmes telefonit, avokati Dode tha se ballafaqimi mes Alizotit dhe Veliut është një nga veprimet hetimore që do të kërkohet edhe prej tij në vijim.

“Klienti im është i gatshëm për një ballafaqim me Albert Veliun, pasi ka interes të dalë në dritë e gjithë e vërteta që pretendon. E vërteta që i mbrojturi prej meje ka pohuar edhe në deklarimet e tij para Prokurorëve për Krimet e Rënda. Në ditët në vijim, në funksion të një hetimit të plotë dhe të gjithanshëm, do të kërkojmë kryerjen e një ballafaqimi, por edhe të disa veprimeve të tjera hetimore”.

Por ky veprim duket në kufijtë e të pamundurës derisa Albert Veliu të jetë në duart e autoriteteve shqiptare. Aktualisht “Babalja” ndodhet në Kosovë në statusin e azilkërkuesit politik. Të enjten ai u arrestua nga Policia e Kosovës bazuar në një masë sigurie “arrest në burg” caktuar për të në mungesë nga Krimet e Rënda, por një ditë më vonë Gjykata Themelore e Prishtinës e liroi, duke refuzuar kërkesën e prokurorisë për izolim në paraburgim. Në mungesë të një marrëveshjeje ekstradimi me Kosovën, sjellja e tij në Shqipëri pritet të bazohet në marrëveshjet përkatëse juridike ndërshtetërore për dorëzim në pikëkalimin kufitar.

Aktualisht për çështjen “Babalja” Prokuroria për Krimet e Rënda ka regjistruar si persona nën hetim Albert Veliun, Fredi Alizoti, gazetarin Jetimir Olldashi dhe deputetin Ervin Salianji. /abcnews.al

 

 

gazetari.jpg
ent ela14:53 | 14/10/2018

SHBA dhe Britania e madhe po shqyrtojnë mundësinë e bojkotimit të samitit ekonomik të Arabisë Saudite. Vendimi mund të merret për shkak të dyshimeve se agjentë sekretë sauditë kanë vrarë gazetarin Khashoggi në Konsullatën arabe në Stamboll.

Shtetet e Bashkuara dhe Britania e Madhe po konsiderojnë bojkotimin e “Davos në shkretëtirë”, samitin e gjigantëve të financave dhe ekonomisë amerikane, të planifikuar në Rijad nga 23 deri më 25 tetor. Vendimi po merret në kosideratë pas rastit të Jamal Khashoggi, gazetari disident të zhdukur 12 ditë më parë në konsullatën saudite në Stamboll. Më herët Presidenti I Shteteve të Bashkuara, Donald Trump premtoi “dënim të ashpër”.

Burime diplomatike bëjnë me dije për BBC, se sekretari amerikan i Thesarit, Steve Mnuchin dhe sekretari për tregtinë ndërkombëtare I Mbretërisë së Bashkuar, Liam Fox, mund të mos marrin pjesë në eventin në Rijad. Kjo konferencë zhvillohet nën drejtimin e princit trashëgimtar të kurorës mbretërore arabe, Mohamed bin Salman.

Khashoggi u zhduk pasi hyri në konsullatën saudite në Stamboll. Sipas policisë turke, brenda asaj ndërtese, ai është torturuar dhe vrarë. Sipas Neë York Times, gazetari, i cili ka bashkëpunuar me Washington Post, është ekzekutuar në një mënyrë horror nga agjentë të inteligjencës së Rijadit. Trupi I tij është nxjerrë jashtë selisë diplomaatike dhe më pas është larguar me anë të një minifurgoni të zi. Ndër të tjera, qeveria turke ka informuar zyrtarët amerikanë se janë në posedim të regjistrimeve audio dhe video që vërtetojnë se Khashoggi u vra brenda konsullatës. Por Riad i mohon akuzat dhe i cilëson “gënjeshtra”. /abcnews.al

DURRES-TREGU-PLAZHI_ABC-1-1280x724.jpg
ent ela14:43 | 14/10/2018

Banorët e zonës së plazhit nuk kanë një  treg ku të blejnë produktet e tyre. Tregtarët në mungesë të kësaj shesin në rrugë në kushte aspak higjienike.

“Deri para një viti në këtë vend ndodhej tregu i fruta perimeve. Por sot vendi ku ishte ngritur i është kthyer komunitetit. Kjo ka detyruar që tregtarët të shesin në rrugë në kushte jo të përshtatshme”– raporton gazetarja e ABC News.

Këtu në plazh blihet çdo ditë mes pluhrit, baltës dhe plehrave. Komuniteti prej më shumë se 30 mijë banorësh nuk ka një treg.

Tregtarët shfrytëzojnë trotuarët apo hapësirat mes pallateve për të shitur produktet e tyre.Të bindur se kushtet e punës lënë për të dëshiruar kërkojnë për ndërtimin e një tregu të ri.

Tregtar 1:  Nuk lejohet këtu, siç është Tirana me treg të bëhet dhe Durrësi.

Tregtar 2:  Jemi pa treg fare dhe shesim në rrugë. Ç’të bëjmë këto kushte janë këtu.

Tregtar 3: Të rrezikuar nga kjo situatë mbeten edhe konsumatorët.

Konsumator: Shiko sa keq është këtu, shiko kazantë e plehrave, janë bashkë me ushqimet nuk e lejon as shëndetësia, as njerëzimi”.

Kjo gjendje pritet të mbetet e pandryshuar nga bashkia e qytetit, e cila nuk ka në plan ndërtimin e nje tregu të ri. Në këto kushte zgjidhja do ti kaloje privatit.

Do të jenë keta të fundit që pritet t’i mundësojnë komunitetit një treg të përshtatshëm ku qytetarët.mund te blejne produktet e konsumit.

Gazetare e ABC News, Durrës: Enkeleda Arapi

 

L.Boci_-1280x853.jpg
ent ela14:23 | 14/10/2018

Partia Demokratike nga foltorja e selisë ka akuzuar numrin dy të socialistëve Taulant Balla se ka udhëtuar 25 herë jashtë vendit me ish të dënuarin për narkotrafik Edmond Bego. Duke përdorur makinën e tij por edhe avion charter sipas Luçiano Boçit, Balla ka detyrimin t’i shpjegojë shqiptarëve arsyet e këtyre udhëtimeve.

Deklaratë e Deputetit, Luciano Boçi:

Dje Partia Demokratike paraqiti fakte të reja që tregojnë lidhjen e fortë të numrit dy të Partisë Socialiste dhe Kryetarit të Grupit Parlamentar të Partisë Socialiste me trafikantin e rrezikshëm të drogës Edmond Bego, të dënuar në Itali me 21 vite burg.

Taulant Balla rezulton të ketë udhëtuar jashtë vendit mbi 25 herë me trafikantin e drogës Edmond Bego, shpeshherë me të njëjtën makinë, kryesisht me automjetin e Taulant Ballës me targa AA900IN.

Taulanti nga Librazhdi, gjatë historikut të udhëtimeve, gjatë periudhës që qeverisë Edi Rama, ka përdorur dhjetra herë charter-in për udhëtime jashtë Shqipërisë, ku nuk mungojnë edhe udhëtime me charter nën shoqërinë e trafikantit të drogës Edmond Bego.

Taulanti u fsheh si gjithmonë ku kapet në flagrancë si bashkëpunëtor i eksponentëve të krimit të organizuar.

Taulanti nga Librazhdi nuk ka dhënë ende asnjë sqarime:

  • Çfarë e lidhë numrin dy të Partisë Socialiste me trafikantin e drogës Edmond Bego?
  • Pse ka udhëtuar 25 herë jashtë vendit me trafikantin e dënuar të drogës Edmond Bego?
  • Pse ka përdorur makinën e tij personale për të udhëtuar me trafikantin ndërkombëtar të drogës Edmond Begon?

Dje Taulanti konfirmoi se një nga dhjetra udhëtimet e tij me charter ia kishte financuar Edi Rama, i cili si asnjë Kryeministër tjetër më parë, përdor charter për udhëtime jashtë vendit.

Edhe pse shqiptarët nuk kanë para për të ushqyer fëmijët e tyre dhe Shqipëria është një nga vendet më të varfra në botë, sot kemi një Kryeministër të dhënë pas luksit dhe që udhëton me charter, siç ka denoncuar më parë Partia Demokratike.

Partia Demokratike ripyet sot Taulant Ballën:

  • Po udhëtimet e tjera me charter kush ia ka paguar dhe a janë financuar udhëtimet e tij nga burime të paligjshme?
  • Kush i ka paguar udhëtimet me charter gjatë udhëtimit të tij me Edmond Begon?

Këtyre pyetjeve Edi Rama dhe Taulant Balla nuk iu shpëtojnë dot.

Taulanti nga Librazhdi mund të bëhet edhe sot qesharak dhe mund të thotë që edhe Edmond Bego ishte i ftuar në një vizitë në Parlamentin Europian. Ai është faktuar si një mashtrues që nuk heziton të përdor fotomontazhin dhe kallamin e peshkut për të mbuluar lidhjet e tij me krimin e organizuar.

Ata sot mund të bërtasin “shpifje” sepse nuk ka kush i heton dhe dënon. Ata mund të ndjehen sot të sigurtë përkohësisht sepse kontrollojnë gjykatat e prokurorinë.

Qeveria në pakt me krimin, parlamenti i varur nga krimi, policia e drejtuar nga krimi dhe prokuroria nën urdhrat e krimit është realiteti që sheh sot çdo shqiptar.

Të vërtetën nuk e fshehin dot më. Lidhja e tyre me krimin e organizuar është e dokumentuar dhe fundi i tyre është i afërt. /abcnews.al

 

balla-dhe-salianji.jpg
ent ela14:08 | 14/10/2018

Kreu i grupit parlamentar sociast Taulant Balla padit për shpifje deputetin demokrat Ervin Salianji dhe paralajmëron padi edhe për ligjvënësin e djathtë Luçiano Boçi. Ndërsa kryeministri Rama bën të ditur se do të padisë po për shpifje ish-kryeministrin Sali Berisha.

Ervin Salianji: “Deputeti socialist Taulant Balla, rezulton të ketë udhëtuar jashtë vendit me trafikantin e drogës Edmond Bega shpeshherë me të njëjtën makinë, kryesisht me automjetin e Taulant Ballës me targa AA900IN.”

Kjo nuk është më vetëm një deklaratë politike. Që prej kësaj të diele, ajo është një provë. Një provë me të cilën Taulant Balla do të luftojë në gjykatë përballë deputetit demokrat.

Ashtu siç kishte paralajmëruar, kreu i grupit parlamentar socialist paditi për shpifje deputetin Ervin Salianji. Padia u formalizua të dielën dhe sipas saj, Balla kërkon një dëmshpërblim prej 1 milion lekësh të reja për dëmin moral të shkaktuar prej deklaratave të bëra publike nga foltorja e selisë blu. Padia është depozituar pranë Gjykatës së Rrethit Tiranë dhe siç bën të ditur vetë kreu i grupit parlamentar socialist, përpos Salianjit, pritet të ketë dhe një padi për deputetin tjetër të PD-së Luçiano Boçin.

 Taulant Balla: Sipas ligjit papagalli mban përgjegjësi për atë që thotë. Kështu që edhe papagalli Luçiano do të paditet nesër për shpifjen e sotme. Ndërsa pyetja që kam për ata që e publikojnë këtë shpifje: Çfarë ju kushton të vërtetoni se numrat e fluturimeve të shpifjes në fjalë, janë avionë linje, janë fluturime zyrtare? Apo ndonjë ka merak se mos i bie audienca po nuk bëri papagallin e papagajve, duke shpërndare “fake-news”?”

Pas këtij publikimi te Ballës nuk ka vonuar dhe një reagim i Ervin Salinjit, i cili ka ironizuar padinë.

Ervin Salinji:Unë që “i dhashë” Alizotit 200 mijë Euro, për Ballën 10 milionë lekë janë hiç. Të gjtha paratë që kemi të shkojnë për fondet e riedukimit, të ndihmojmë PS nga shokët e krimit! Të fala departamentit të shpifesave!”

Më herët gjatë së dielës edhe shefi politik i Taulant Ballës Ballës, kryeministri Edi Rama paralajmëroi një tjetër padi. Shënjestra e saj pritet të jetë ish-parardhësi i tij në detyrën e kreut te ekzekutivit, Sali Berisha.

Rama paralajmëroi të dielën se do të padisë Sali Berisha për shpifje, pasi ish-Kryeministri publikoi dje një status nga qytetari dixhital, sipas të cilit Rama kishte blerë këmisha në Nju Jork me vlerë 23 mijë dollarë.

Ediu Rama: “S’jam marrë kurrë me këtë qenef digjital, po në çdo vend demokratik (+në ligjin shqiptar)çdo përhapës i shpifjes dënohet njësoj si shpifësi! Kjo shpifje do shkojë në gjyq. Hugo Bossi im quhet Arjan, qepja si në Nju Jork çmimi si në Tiranë”.

Në reagimin e tij në Twitter, Rama shkruan se kjo shpifje do të shkojë në gjyq dhe lekët e gjyqit do i bëjë përparëse kopshti./abcnews.al

GJIKNURI-FERROKROM-BURREL-1280x720.jpg
ent ela14:04 | 14/10/2018

Një histori suksesi që ringjall prodhimin, eksportin, ekonominë, por edhe gjeneron punësim. E tillë është ajo e uzinës së ferrokromit në Burrel për ministrin e energjisë dhe infrastrukturës Damian Gjinknuri, deklaratë të cilën e dha gjatë inspketimit të investimit të shoqërisë koncesionare atje.

Ministri i Infrastrukturës dhe Energjisë Damian Gjiknuri pa nga afër Uzinën e Ferrokromit në Burrel ku gjatë vitit 2017 shoqëria koncesionare ka investuar 11 milion dollarë. Ky investim ka rritur kapacitetin prodhues të uzinës deri në dyfishim të tij, produkt i cili shkon i gjithi për eksport.

“Po të kujtojmë, para shumë vitesh, kjo uzinë qe totalisht e braktisur. Falë investimeve private dhe politikave nxitëse të qeverisë sot kemi një industri që po shtohet…. Vetëm kjo uzinë e ferrokromit i jep ekonomisë shqiptare 28 milion USD më shumë…. Sot që flasim, këto 28 milion USD janë përkthyer në investime, janë përkthyer në punësim, janë përkthyer në një zinxhir ekonomik që prek edhe shumë sektorë të tjerë të lidhur me industrinë e kromit”.

Gjiknuri theksoi se shpejt edhe miniera e Vllanës do të mund të kalojë këtë cikël investim – prodhim – punësim.

“Shumë shpejt edhe aty do të kemi ringjalljen e asaj miniere, shtimin e prodhimit, ngritjen e impiantit të koncentrimit të kromit dhe shtimin e prodhimit të kromit në vend… Shembulli konkret i punës dhe suksesit është ky: investim, punësim, rritje e kapaciteteve prodhuese, rritje e të ardhurave për ekonominë kombëtare. Ky është edhe synimi i kësaj qeverie përsa i përket industrisë minerare”.

Drejtuesi teknik i uzinës së ferrokromit në Burrel nënvizoi se po studiohet mundësia e hapjes së nëj fure të tretë prodhimi, investim i cili llogaritet të arrijë vlerën 10 milion dollarë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono