ent ela

BANESA-1280x720.jpg
ent ela16:13 | 29/11/2019

Gazetarja e ABC News Ajgena Korbi është zhvendosur në zonën e ish-Kënetës në Durrës dhe më konkretisht në rrugën “Zef Serembe”. Duket e pabesueshme, por pas krahëve të gazetares ka qenë një pallat 5 katësh, i cili është rrafshuar dhe tani shihet vetëm papafingo.

Raportimi i gazetares: “Jam në këtë zonë në rrugën “Zef Serembe” në zonën e ish -Kënetës në Durrës. Pas krahëve të mi është një ndërtesë e rrënuar. Banorët më shpjeguan që kjo ka qenë një ndërtesë 5 katëshe. Siç e shikoni nga pamjet ka mbetur vetëm kati i fundit i papafingos. Banorët më thanë që familja që ka këtë shtëpi nuk banon këtu është jashtë. Duket e pabesueshme, unë vetëm kur u përballa dyshoja që kjo ishte një ndërtesë 5 katëshe. Ajo që dukshme është vetëm një papafingo”. /abcnews.al

INTERVISTE-DRETJORI-I-INSTITUTI-BANESAT-1280x720.jpg
ent ela14:32 | 29/11/2019

Shumë banesa në zonat e prekura nga tërmeti do të prishen dhe disa të tjera do rikonstruktohen. Në një intervistë për gazetaren e ABC News, Ajgena Korbi në zonën e ish-Kënetës në Durrës, Drejtori i Institutit të Ndërimit, Agron Hysenlliu ka sqarur se në cilat banesa do të ndërhyet dhe sa mund të zgjasë ky proces.

“Inspektimi i banesave të dëmtuara nuk ka filluar sot, po që ditën e parë në terren. Jemi marrë me kopshte dhe çerdhe. Inspektimi ka filluar më herët.

Në këtë lloj ndërmarrje është që duhet të klasifikojë objektet e banueshme (jeshil), (të vërdhët) që i do t’i hyjnë një rikontrolli të dytë, dhe të rrënuarat që kalohen për demolim.

Grupin e punës e drejton Artan Shkreli.

Rivlerësimi i një banese ka 3 gjendje, kur ka pësuar dëmtime të lehta, kur ka çarje, kur ka dëmtime në strukturë dhe nuk është në kolaps dhe i nënshtrohet një kontrolli. Kurse në rastin kur objekti ka vajtur në kolaps ai do shkatërrohet”. /abcnews.al

 

09-Abc-News-HD_2019_1129_1303_52.mpg_snapshot_26.39-1280x720.jpg
ent ela13:50 | 29/11/2019

Presidenti Ilir Meta dhe Kryeministri në detyrë i Kosovës Ramush Haradinaj janë takuar në Durrës me banorët e prekur nga tërmeti. Kryeministri në detyrë i Kosovës u prit nga kreu i shtetit shqiptar dhe jo nga homologu i tij Edi Rama. Në një deklaratë për mediat Haradinaj tha së Kosova nuk do të kursejë asgjë për të qenë bashkë me shqiptarët në këtë situatë.

“Është me rëndësi që të gjithë në Kosovë janë bashkë me të prekurit nga tërmeti. Krejt mekanizmat që ka Kosova i ka në dispozicion, koordinimi është i rëndësishëm. Nga Kosova nuk do kursejmë asgjë që të jemi bashkë”.

Kryeministri në detyrë tha se Kosova është në gatishmëri për strehimin e banorëve të prekur, por menaxhimi mbetet i vështirë.

“Kemi një numër qytetarësh që janë në Kosovë, një pjesë në familje private e hoteliere dhe një pjesë kampin ushtarak gjerman, që e kemi hapur për strehim dhe do të jemi në gatishmëri për më tutje. Çdo gjë shkon mirë, por  është vështirë me i menaxhuar kur vijnë individualisht ne kemi bërë apel që ndihmat të adresohen në një adresë”.

Nga ana e tij pPresidenti Meta falënderoi Kosovën për solidaritetin dhe reagimin e menjëhershëm në përballimin e kësaj situate.

“Falënderoj shtetin, popullin dhe qeverinë e Kosovës  dhe ministrat, kruyeminstrin e Kosovës dhe Forcat e Sigurisë së Kosovës që kanë shkëlqyer me reagimin menjëhershëm në përballimin e kësaj tragjedie. Ky solidaritet e ka bërë më të lehtë përballimin e pasojave të kësaj dhimbjeje dhe Zoti Kryeministër duhet të jeni krenarë për FSK dhe policinë e Kosovës e jam i sigurt që çdo vend i NATO-s do ishte krenar për atë që ata kanë shfaqur këto ditë”. /abcnews.al

ESIONA-TEK-MIRA-MARE.mpg_snapshot_11.24-1280x720.jpg
ent ela13:13 | 29/11/2019

Forcat malazeze dhe serbe bashkë me ato shqiptare po vijonë edhe sot kërkimet nën rrënojat e Mira Mares në Durrës. Gazetarja Esiona Konomi raporton se ishin qentë ata që dhanë sinjalin në dy vende, por më pas këmbëngulën vetëm në një vend. Aktualisht nuk ka asnjë të afërm të interesuar të personit që ndodhet nën rrënoja, përveç disa kureshtarëve.

“E vetmja pikë ku kërkohet nën rrënoja, po punojnë forcat malazeze dhe serbe bashkë me ato shqiptare. Dyshohet për një person në rrënoja. Nuk ka familajrë të tij që të jenë të interesuar, ka kureshtarë po jo ndonjë të afërm që të na ndihmojë se kush është.

Qentë dhanë dy sinjale dhe jo një, çka hodhi dyshimet se mund të ishin dy persona nën rrënoja, forcat speciale kanë hapur një tunel dhe për të parë atje ku qentë dhanë sinjalin më të fortë.

Pak ditë më parë është nxjerrë një vajzë pa jetë dhe një 54 vjeçar që ishte punonjës i këtij hoteli që kishte ardhur nga Kosova”. /abcnews.al

ANDI-NE-LAGJEN-18-PALLATI-I-ZHYTUR-2-METRA-1280x720.jpg
ent ela12:57 | 29/11/2019

Ministria e Mbrojtjes u bën apel gazetarëve dhe operatorëve që janë në terren dhe raportojnë për situatën nga tërmeti që të mos futen në brendësi të godinave të dëmtuara. Ministrja vlerëson mediat për kontributin në këto ditë të ëvhstira, ndërsa apelon ëpr kujdes pasi, lëkundjet vazhdojnë ende.

“I lutem të gjithë kolegëve gazetarë, që duke qenë se lëkundjet vazhdojnë, të mos futen në brendësi të godinave të dëmtuara. Në funksion të sigurisë të secilit prej jush. Lutem të bëni lidhjet direkte jashtë godinave. Është apeli që ne po i bëjmë çdo banori e sidomos për të gjithë ju, operator e gazetar që po kaloni ditëte netë të vështirë, ju lutem të tregoni kujdes.

Në emër të Ministres së Mbrojtjes, vlerësimet maksimale për kontributin e çdo përfaqësuesi të medias në këto ditë të vështira”. /abcnews.al

META-DHE-RAMA-TE-HOMAZHET-MBULIM.mpg_snapshot_00.30-1280x720.jpg
ent ela12:43 | 29/11/2019

Presidenti Ilir Meta dhe kryeministri Edi Rama bënë bashkë homazhe tek Varrezat e Dëshmorëve, me rastin e 75-vjetorit Ditës së Çlirimit nga pushtimi nazi-fashist. Dy krerët vendosën lule tek Monumenti “Nënë Shqipëri”, duke u përkulur me respekt para kujtimit të tyre.

Ajo që ra në sy gjatë këtyre homazheve ishte sërish veshja jo ceremoniale e kryeministrit Rama, i cili qëndronte në krah të Presidentit Meta.

Në përfundim të homazheve, kreu i shtetit i dha dorën të gjithë përfaqësuesve të PS që ishin të pranishëm tek Varrezat e Dëshmorëve, mes tyre Taulant Balla dhe deputetët socialistë.

Ditën e djeshme, Rama dhe Meta patën shtrëngim duarsh në Vlorë, gjatë ceremonisë për 107-vjetorin e Pavarsisë së vendit. Gjatë këtyre ditëve të vështira për vendin, Meta dhe Rama kanë lënë mënjanë përplasjet e fundit dhe janë fokusuar tek pasojat e tërmetit. /abcnews.al

d97fe3cb-1c29-4c5e-96d7-7833286c1762-1280x720.jpg
ent ela12:38 | 29/11/2019

Një pallat në rrugën “Astrit Losha” te zona e Astirit në kryeqytet ka pësuar dëmtime pas tërmetit të 26 nëntorit. Një banore e cila telefonoi në redaksinë online të ABC News thotë se ndjehet e frikësuar dhe prej ditësh flenë nëpër makina.

Sipas asnjë banor nuk ka ngelur aty, të gjithë janë larguar pas tërmetit dhe askush nuk ka ardhur për ta verifikuar situatën. Ajo kërkon që të bëhet ekspertimi nëse ky pallat është i banueshëm apo jo.

“Një pallat 8 katësh të Astiri ka pësuar çarje . Nuk na kanë ardh fare, kemi ditë të tëra  që flemë në makina.

Kam biznes dhe jam e detyruar të qëndroj. Nuk vjen askush, është një pjesë shtesë se është një lokal pa leje është një rrugicë që ske ku dalësh është i vetmi pallat që askush nuk vjen të na thotë nëse është banueshëm. Nga të katra anët pallati ka ndarje, por a është suva a është kollon askush nuk vjen ta thotë. Vijnë policë, bëjnë foto dhe ikin”.

Banorja tregon edhe përmes fotove të dërguara se një shtesë e paligjshme ngjitur me pallatin është këputur fare, ndërsa pallati është i rrethuar nga të katër anët dhe vetëm një tunel i vogël shërben për të dalë.

“Shtesa është këputur fare,  është vërë e paligjshme, është bërë një lokal që nuk ka qenë në hipotekë”. /abcnews.al

SHTEPIA-E-SHEMBUR-LAC-1280x720.jpg
ent ela11:50 | 29/11/2019

Banesa e Familjes Kuka në periferi të Laçit është ndërtuar para viteve 90, por fenomenet natyrore njëra pas tjetrës e kanë dëmtuar totalisht. 4 vite më parë erozioni shembi një pjesë dhe tërmeti i së martës i dha goditjen e fundit.

Sipas tyre institucionet qëndrore prej vitesh janë në dijeni, por askush nuk është kujtuar. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono