ad min

Screenshot-2020-01-15-at-00.33.08.png
ad min00:35 | 15/01/2020

Ministrja e Shëndetësisë, Ogerta Manastirliu, e ftuar në “Mbrëmje në Abc” me Mirela Milorin, ka folur në lidhje me rikthimin e opozitës jashtëparlamentare në bisedimet për reformën zgjedhore.

Ajo është shprehur se vendimi i opozitës për pjesëmarrje, edhe pse i vonuar, është i mirëpritur duke thënë se opozita këtë ftesë e ka pas mbi tavoline edhe më parë.

“Eshtë një hap pozitiv krijimi i Këshillit politik me prezencën e opozitës jashtëparlamentare që vendosi të behet pjesë, edhe pse kushtet ishin edhe më parë. Në prill ka patur një vendim të Kuvendit për përfshirjen ne dialog të opozitës dhe ne si PS kemi shtrirë dorën për dialog sa i përket reformës zgjedhore. Ishte një vendim i vonuar por i mirëpritur për t’u bërë pjesë në reformën zgjedhore”, është shprehur ministrja e Shëndetësisë, Ogerta Manastirliu.

E pyetur për deklaratën e Petrit Vasilit, i cili deklaroi në studion e Abc News se opozita nuk heq dorë nga kërkesa për rrëzimin e kryeministrit dhe të qeverisë, ministrja Manastriliu ishte prerë teksa tha se “qeverinë nuk e rrëzon dot z. Vasili, por qeveria mandatohet me votë”, duke hedhur poshtë kërkesën e opozitës. /abcnews.al/

vdekje-zi.jpg
ad min08:35 | 31/12/2019

Ndahet nga jeta ish-futbollisti i Dinamos dhe Tirana, Shyqyri Rreli. Dita e sotme ka nisur me këtë lajm të keq për botën e futbollit. I lindur më 18 maj të vitit 1930, Rreli e ka kaluar pjesën më të madhe te karrierës te Dinamo, ndërkohë që është aktivizuar edhe me Tiranën dhe Erzenin.

Ai ka një karrierë të pasur edhe si trajner, duke drejtuar kombëtaren shqiptare në periudhën mes viteve 1982-1985 dhe 1988-1989. Gjithashtu ka drejtuar kombëtaret Shpresa, 17 Nëntorin (sot KF Tirana), Teutën dhe Shkumbinin.

Rreli ka regjistruar suksese të rëndësishme me moshat e Kombëtares, duke fituar dy tituj Ballkanikë për të rinj, ndërkohë që me Shqipërinë U21 shkoi nder 8 më të mirat në EURO 1984. Ai është nderuar me çmimin “Mjeshtër i Madh” nga ish-president Alfred Moisiu, kurse më pas Bamir Topi, në vitin 2017, i dha çmimin “Nderi i kombit”. /abcnews.al

 

arjola-demiri3.jpg
ad min22:21 | 30/12/2019

Arjola Demiri, aktorja dhe ish-Missi, ka qenë e ftuar në emisionin e “E Diell” në Top Channel. Ajo ka treguar shumë sekrete, edhe në lidhje me raportin e saj me ish-bashkëshortin e saj. “Kam shtatë vite e divorcuar. Nuk është se bëj namin. Jam e përkushtuar ndaj fëmijëve. Për 11 vite jam marrë me rritje e tyre. Kam qenë një shtëpiake që rrit ata”.

Demiri është ngacmuar, nëse këto 7 vite që është e divorcuar fle e vetme dhe përgjigja e saj ishte epike. “Jo, nuk fle vetëm. Kam gjithë jetën që fle dyshe, treshe, katërshe. Sigurisht që janë fëmijët e mi. Unë hyj te pjesa e atyre nënave që nuk i kanë hequr kurrë fëmijët nga shtrati. Nuk mbaj mend të ketë ndodhur”, tregon aktorja.

 

A e mendon Arjola ndërtimin e një marrëdhënie të re me dikë tjetër? Përgjigja është epike: “Duhet djali, Rubini, ta japë përgjigjen. Ai më ka thënë: ‘Mami, ty nuk të meriton asnjë, ty të duhet një mashkull multi-miliarder që të mbajë në pëllëmbë të dorës. Me këtë ma ka mbushur mendjen Rubini. Si e dua unë mashkullin? Ja ashtu si thotë Rubini (qesh)”.

Aktorja tregon më tej: “Kur isha në Kosovë, grupmoshat që më ngacmonin më shumë ishim 20-28 vjeç. Thashë me vete, çfarë po ndodh o vlla?! Nuk e po kuptoj. Çfarë t’u them atyre. Gjithmonë kam pëlqyer meshkujt më të rritur”. Arjola pyetet edhe për ngacmimet që ka pasur nga një futbollist.

“Me emër nuk di të ta them, se nuk e mbaj mend as vetë. Është i Shqipërisë së madhe. Hiç, çfarë bënte ai. I pëlqente Arjola dhe thoshte:’Hajde dalim për kafe, hajde dalim për drekë, për darkë, kur do vish… Nuk kisha kohë, pasi isha kokë e këmbë e dashuruar me profesionin tim. Nuk kisha kohë për askënd”, shton ish-missi. /abcnews.al

CUDITE-NE-KOSOVE.jpg
ad min18:33 | 30/12/2019

Ngjarje nga më të çuditshmet. Shirit kapiteni i rënë disa herë nga dorë, lojë me ndriçimin në konferencë shtypi, show i trajnerëve Tahir Batatina dhe Bernard Challandes, sigurisht nuk mund të mungojnë edhe shfaqjet e Ismet Munishit në ngjarjet më gazmore të vitit 2019 në Kosovë.

Sporti në KTV ka sjellë një video me ngjarjet më të veçanta, të cilat mund t’i ndiqni më poshtë. Ka edhe fëmijë të vegjël. Një që drejton ultrasit e Dukagjinit të Klinës, kurse një tjetër që kërcen në fushë. Një video e gjitha për t’u ndjekur. /abcnews.al

FAULLAT E VITIT 2019

Faullat e vitit 2019 me momentet interesante e qesharake nga arenat e sportit kosovar gjatë vitit

Gepostet von Sporti në KTV am Montag, 30. Dezember 2019

 

vdekje-zi.jpg
ad min20:16 | 27/12/2019

Zi për sportin e gjimnastikës. Gani Mezini, një nga sportistët më të spikatur në këtë disiplinë, ka ndërruar jetë në moshën 74-vjeçare. Ai lindi në vitin 1945 dhe pati një karrierë të pasur, duke fituar shumë aktivitete kombëtare dhe ndërkombëtare.

Në vitet ’80-90 ai dha një kontribut të vyer në rritjen e sportit të gjimnastikës në qytetin e Vlorës, ndërkohë që ka punuar edhe në fushën pedagogjike si mësues i edukimit fizik.

“Mjeshtri i Madh i Sportit”, i konsideruar një legjendë e gjallë e gjimnastikës, u përcoll sot në banesën e fundit miq dhe të afërm.

Mezini njihej si gjimnasti fluturues. Rezultatet sportive të tij bënë që presidenti Ilir Meta edhe ta dekoronte me çmimin “Mjeshtër i Madh i Sportit”. /abcnews.al

pjeshka.jpg
ad min18:33 | 27/12/2019

Pushime, larg futbollit. Koha për t’i dedikuar kohë njerëzve të dashur. Parisi është qyteti perfekt për të dashuruarit dhe Denis Pjeshka dhe Stela kanë vendosur ta zyrtarizojnë lidhjen e tyre pikërisht nga ai vend magjik.

Në sfond kulla “Eiffel”, por më së shumti shndrit unaza në dorën e djathtë të stelës. Ah po, edhe sytë e Denisit. Moment i rëndësishëm, që dy të rinjtë do e kujtojnë përjetë.

Të dashuruar, gati për të nisur një jetë të re së bashku. Mbrojtësi i Flamurtarit zakonisht mbron, por këtë herë ka shënuar. Goli i parë, të tjerë priten në fushë dhe jashtë saj. Urime Denis dhe Stela! /abcnews.al

hygor.jpg
ad min09:15 | 13/12/2019

Ditë e trishtueshme për mesfushorin e Vllazninë, brazilianin Hygor. I larguar drejt vendlindjes që në mesin e muajit nëntor, futbollistit të shkodranëve i është dashur të kalojë një dramë. Nëna e tij kishte probleme me zemrën dhe mbrëmjen e djeshme është ndarë nga jeta.

Hygor kishte shkuar në Brazil për t’i qëndruar pranë, me shpresën se ajo do t’ia dilte. Nuk ka ndodhur kështu, ndërkohë që mesfushori ka ndarë edhe një mesazh me gjithë miqtë e tij në rrjetet sociale, të cilët i falënderon për mesazhet dhe lutjet e bëra që nëna e tij të shpëtonte.

Hygor, me të afërmit e tij në spital

Fjalë zemre edhe për nënën e tij, e cila ka lënë këtë botë: “Pushofsh në paqe nënë! Do të dua gjithmonë. Ti ishe dhe do të jesh gjithmonë dashuria ime e madhe. Faleminderit për të gjitha mësimet dhe për formimin e një personi dinjitoz dhe me karakter. Faleminderit të gjithë miqve që më dërguan mesazh. Me vjen keq që nuk mund t’i përgjigjem të gjithëve tani. Faleminderit për lutjet tuaja”. /abcnews.al

kamza.jpg
ad min13:12 | 11/12/2019

Kamza u përjashtua vjet nga Kategoria Superiore, pasi në ndeshjen me Laçin u dhunua arbitri Eldorian Hamiti. Komisioni i Disiplinës vendosi ta zbriste në Kategorinë e Dytë, ku skuadra periferike e kryeqytetit garon këtë sezon futbollistik.

Presidenti Naim Qarri e ka shprehur edhe më parë se e ka të pamundur klubin, ndërkohë që Bashkia në krahun tjetër ka qenë indiferente. Ekipi u ndërtua vetëm pak ditë para nisjes së kampionatit, ndaj edhe rezultatet janë të dobëta.

Jo vetëm kaq, por edhe numri i lojtarëve të Kamzës është i vogël, çka ka bëtë që në sfidën e djeshme kundër Vorës ta nisin me 9 futbollistë. Një ngjarje e paprecedentë, që tregon edhe njëherë problematikat e shumta që kanë klubet e futbollit në vendin tonë. /abcnews.al

biletat.jpg
ad min12:26 | 11/12/2019

Partizani-Tirana, e programuar të zhvillohet të premten prej orës 19:00 në “Air Albania Stadium”, përballet me një problematikë që lidhet me ndarjen e sektorëve të stadiumit për tifozeritë e të dyja klubeve.

Klubi i Partizanit ka vendosur në dispozicion të bardhebluve tribunën “Vasillaq Zëri”, që është në krahun jugor të stadiumit, kurse tribunat e tjera janë programuar të jenë për tifozët e Partizanit. Tirana do krahun verior, tribunën “Fatmir Frashëri”.

Momentalisht nuk ka një dakordësi, por sigurisht për ndarjen e sektorëve është klubi i kuq, si organizator, ai që vendos. Policia e Shtetit gjithashtu nuk është dakord me ndarjen e menduar dhe nuk e merr përsipër garantimin e rendit. Kështu te Partizani do të duhet të mendohen mirë.

NJOFTIMI PËR BILETAT – Klubi i Partizanit ndërkohë ka dalë me një njoftim në lidhje me çmimet e biletave, që variojnë nga 500 në 5000 lekë.  “Ju njoftojmë se për këtë takim çmimet e biletave në tribunat respektive të “Air Albania Stadium” do të jenë:

Biletat në Tribunat Qendrore:
Sektori:
VIP GOLD W104 do të kushtojnë 5 000 Lek (të reja)
Sektorët: W103, W105 do të kushtojnë 4 000 Lek (të reja)
Sektorët: W101 , W102, W106 do të kushtojnë 3 000 Lek (të reja)

Biletat në Tribunën përballë:
Sektorët:
E103, E104, E105, E106, E107, E204, E205, E206, E207, E208 do të kushtojnë 1 500 Lek (të reja)
Sektorët: E201, E202, E203, E101, E102, E108 do të kushtojnë 1 000 Lek (të reja)
Sektorët: Nga N201 deri N207 dhe N101 deri N106 do të kushtojnë 500 Lek (të reja)
Sektorët:S102, S103, S104, S203, S204, S205, V101, V102, V103, V201, V202 do të kushtojnë 500 Lek (të reja)

Biletat do të mund t’i siguroni duke filluar nga dita e sotme e në vazhdim ora 10:00 deri 19:00 pranë pikës së shitjes, në stadiumin “Selman Stërmasi”. Gjithashtu Biletat mund t’i gjeni pranë dyqanit zyrtar të FSHF “Macron”, pranë Ambasadës Amerikane, si edhe pranë dyqanit “Joma” Sponsori Teknik i skuadrës, i pozicionuar pranë Godinës “ETC” te Rruga e Elbasanit. /abcnews.al

kaaaaaaaa.jpg
ad min09:08 | 08/12/2019

Një grup studentësh nga Tetova kanë organizuar një aksion për mbledhjen e ndihmave për të prekurit e tërmetit në Shqipëri.

Pasi kanë grumbulluar rroba, produkte ushqimore dhe sanitare si dhe para, ato tashmë i kanë dorëzuar këto para në Fondacionin Firdeus të Elvis Naçit, shkruan Albeu.com.

Fillimisht në ditët e para studentët kanë dërguar produktet ushqimore dhe veshmbathjet, ndërsa sot të njëjtit kanë takuar Elvis Naçin për ti dhuruar 8940 euro.

Studentët në fjalë thonë se kanë qenë të akuzuar padrejtjësisht për mostransparencë në lidhje me mjetet e mbedhura.

“Ne e bëmë një vepër të mirë, turpi i ngelet atyre që na akuzuan” ka deklaruar Abedin Kaliqi, njëri ndër organizatorët.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono