ad min

asasaaaa.jpg
ad min23:47 | 22/02/2020

Në kuadër të 10 vjetorit të Javës Botërore të Harmonisë Ndërfetare, Departamenti i Gruas dhe Departamenti i Rinisë në Këshillin Ndërfetar të Shqipërisë kanë organizuar sot, më 22 shkurt 2020, një aktivitet socio-kulturor me fëmijët jetimë të një prej zonave kryesore të prekura nga tërmeti i nëntorit 2019 në Shqipëri. Gjatë asaj periudhe mijëra njerëz u prekën ekonomikisht dhe psikologjikisht nga shkatërrimi, që solli tërmeti, ku ata më të prekurit ishin fëmijët jetimë të një prej zonave, e cila kishte nevojë jo vetëm për mbështetje ekonomike, por edhe sociale dhe psikologjike, siç është zona e rrethit të Kurbinit.

Në këtë drejtim, gratë dhe të rinjtë myslimanë dhe të krishterë morën iniciativën për të organizuar një aktivitet social dhe kulturor, ku përveç veprimtarisë festive, fëmijëve iu është shpërndarë dhe libra, dhurata, si dhe një drekë së bashku me drejtues dhe përfaqësues të komuniteteve fetare në Shqipëri.

Ky është aktiviteti i parë në llojin e tij, ku përmes Këshillit Ndërfetar të Shqipërisë, i cili bashkë-kryesohet nga pesë komunitete të ndryshme fetare, të bëhen bashkë të rinj e të reja të të gjitha besimeve, aktivistë të KNFSH-së në një bashkëpunim të tillë ndërfetar, i cili do të vazhdojë të gjejë zbatim në aktivitete të tjera sociale dhe humanitare për fëmijët jetimë.

igli-allmuca.jpg
ad min15:36 | 20/02/2020

Dinamo italiane merr fund që tani. Presidenti Besnik Sulaj ka vendosur mos t’ia besojë klubin Marco Pontrellit dhe kështu do të rikthehet në drejtimin Ismet Saliaj, i cili edhe do të jetë sërish administrator i bluve të kryeqytetit.

“Panorama Sport” shkruan se ka ndryshime edhe në stafin teknik, pasi Fabrizio Cammarata nuk do të jetë më në krye të ekipit. Vendin e tij do e rimarrë Igli Allmuça, i cili do të ketë në krahun e tij sërish ish-mbrojtësin Julian Brahja.

Këta të dy ishin në krye të ekipit edhe në fillim të sezonit, por ndryshimet në klub sollën edhe largimin e tyre. Nesër ata do të dalin në stërvitje, ndërkohë që futbollistët pritet të marrin edhe nga një pagë para ndeshjes me Besëlidhjen. /abcnews.al

Ronaldo-CR7.jpg
ad min15:39 | 19/02/2020

Persona të ndryshëm bëjnë jetë luksoze në Shqipëri, sidomos ata që kanë një prej prindërve deputet. Tom Doshi është ndër deputetët më të pasur në Shqipëri dhe djemtë e tij janë me fat. Të gjithë e reklamojnë luksin e tyre në rrjetet sociale dhe kësaj “sëmundje” nuk i kanë shpëtuar dot James dhe Marcos Doshi.

Pasioni për makinat e shtrenjta është i madh dhe dy djemtë e tregojnë në çdo postim në Instagram. Marcos ka publikuar së fundmi një makinë të tipit Mercedes G-Class 63.

Të njëjtën makinë e pamë para disa ditësh të qarkullonte në rrjet, pasi Georgina ja dhuroi Cristiano Ronaldos për ditëlindje. Kjo makinë kap shumën e 114 mijë paund dhe duket se Tom Doshi nuk kursehet fare për të lumturuar djemtë e tij. /abcnews.al

lojtar-i-shtrir-e1582119167447-1280x769.jpg
ad min14:27 | 19/02/2020

Paska dhe kështu. Në futbollin amator në Francë ka ndodhur një episod i çuditshëm. Një futbollist është pezulluar me pesë vite sepse ka kafshuar penisin e kundërshtarit të tij. Gjithçka ndodhi gjatë një grindjeje në përfundim të takimit.

Sipas mediave “Le Republicain Lorrain”, ndeshja në fjalë është luajtur në 17 nëntorin e kaluar. Terville barazoi 1-1 me Soetrich në veri lindje të Francës. Viktima pas sherrit përfundoi me 10 qepje.

Në fakt ai shkoi për të mbyllur sherrin mes lojtarëve të tjerë, që po ziheshin në parkingun e makinave. Ai hyri për të qetësuar gjakrat, por jo gjithçka shko ashtu siç mund ta kishte menduar. Pasojat i mësuat. /abcnews.al

Grezda.jpg
ad min16:54 | 13/02/2020

Nesër është “Shën Valentini” dhe shumë çifte po merren me detajet e fundit të dhuratave për partnerët. Eros Grezda dhe Oriola Marashi janë një nga çiftet e rinj të showbizit shqiptar, teksa lidhja e tyre u konfirmua nga një foto ku dy të rinjtë ishin kapur për dore.

Anësori ofensiv i kombëtares kuqezi la Rangers në merkaton e janarit dhe u rikthye te Osijek në Kroaci, aty ku zhvilloi sezonin më të mirë të karrierës (2017-2018).

Modelja bukuroshe ka treguar dhuratën e dëshiruar për Shën Valentin nëpërmjet një InstaStory dhe tani pritet nëse futbollisti gjakovar do ia plotësojë dëshirën apo do i dhurojë ndonjë surprizë edhe më të bukur. /abcnews.al

Cutra.jpg
ad min08:25 | 09/02/2020

Jemi në kohën ku futboll luhet më shumë në rrjetet sociale, që janë kthyer në një mënyrë për të shprehur gjithë mllefin. Nuk bëjnë përjashtim as futbollistët, të cilët dhurojnë më së shumti “show” aty se në fushën e blertë. Kur të lë takati, goja dhe tastiera telefonit të mbeten.

Së fundmi, nga ekipi i Erzenit është larguar trajneri Stavri Nica. Durrsaku ka dalë i mposhtur në tre ndeshjet e tij të para në krye të shijakasve dhe ditën e djeshme ka dhënë dorëheqjen. Lajmi është raportuar në media, sikurse edhe në rrjetet sociale.

LEXO EDHE: Futbollisti i Erzenit tallet keq me arbitrin Alla, ky postim është epik

Ka ndodhur kështu edhe në një faqen në “Instagram”, që ndiqet nga shumë futbollistë, të cilët nuk kanë ngurruar edhe të komentojnë. Gjithsesi skenën e ka marrë Xhynejt Çutra, lojtar i Erzenit. Mllefin e tij për aktivizimin e paktë nga Nica ai e ka shprehur hapur.

“Tani i del pensioni, mirë që ndenji 1 muaj në Shijak. Bay Bay gjyshi”, shkruan fillimisht mesfushori 31-vjeçari, ndërkohë që nuk kanë munguar edhe nga lojtarë të tjerë të Kategorisë së Parë. Çutra nuk ndalet me kaq, teksa kur e pyesin se ku ndodhet “ai azili”, përgjigjet: “Sa ta sistemojmë dhe të them, pa merak”. /abcnews.al

 

Komentet e bëra për Stavri Nicën
Hysaj-Lukaku.jpg
ad min08:46 | 06/02/2020

Mbrojtësi shqiptar që aktivizohet me skuadrën e Napolit, Elseid Hysaj, po kalon një formë të shkëlqyer, por gjithsesi e ardhmja e tij mbetet ne dyshim.

Elseid Hysaj po luan si titullar me Napolin pas mbërritjes në skuadër të trajnerit Gennaro Gattuso. Para mbërritjes së ish-lojtarit të Milanit në pankinën e “Axurrëve”, largimi i 25-vjeçarit nga “San Paolo” ishte çështje kohe, por tashme e ardhmja e Hysajt është një pikëpyetje e madhe.

Futbollisti konsiderohet pjesë fikse e formacionit të Gattuso, i cili nuk ka hezituar të thurë elozhe për mbrojtësin e kombëtares. Së fundmi në skene ka dalë edhe menaxheri i shkodranit, Mario Giuffredi, i cili zbulon se opsioni më i mirë i mundshëm mbetet largimi nga klubi Italian.

“Hysaj u kthye për të bërë atë që bëri në kohën e Sarrit, paraqitje shumë të mira. Jemi të lumtur, ai ka treguar se ka qenë gjithmonë një lojtar i shkëlqyer si në kohën e Sarriy. Me Gattusso në stol ai rifilloi paraqitjet e tij të zakonshme.

Ne po flasim për rinovimin, edhe pse nuk është e thënë se ai do të qëndrojë te Napoli në qershor. Edhe për mua, në nivel personal, të kesh dy lojtarë në të njëjtin rol nuk është një gjë e bukur. Dëshira ime është ta largojmë Elseidin nga Napoli. Rinovimi mund të jetë gjithashtu një mjet për ta shitur më mirë gjatë verës”, thekson agjenti i futbollistit shqiptar. /abcnews.al

duka-interviste2-1280x840.jpg
ad min11:58 | 05/02/2020

Presidenti i Federatës Shqiptare të Futbollit, Armand Duka, komentoi Arenën e re Kombëtare dhe suksesin e trajnerëve italianë në kombëtare, në një intervistë për revistën e njohur “Forbes”. Duka deklaroi se projekti më i rëndësishëm i Federatës sot është ndërtimi I 100 fushave të futbollit në të gjithë Shqipërinë

Nga 2012-ta deri më sot kanë kaluar 8 vjet. Stadiumi kombëtar i Shqipërisë në atë kohë quhej “Qemal Stafa”, një lavdi e vjetër, por pa standarde, ndërsa ideja ishte për të ndërtuar një tjetër. Këtë histori e kujton Armand Duka, presidenti i Federatës Shqiptare të Futbollit, në intervistën e dhënë për revistën e famshme amerikane “Forbes”, veçse për variantin e saj italian.

Përtej debatit që nuk do të shuhet kurrë, nëse duhej rikonstruktuar lavdia “Qemal Stafa” e stadiumi i ri të ndërtohej diku tjetër, apo të veprohej kështu siç u bë, realitet është varianti dytë, që vetë Duka e quan më të mirin.

“Federata sot zotëron pjesën sportive të stadiumit, me standardet më të larta të mundshme, një biletë për të vizituar Shqipërinë, – thotë Duka, – stadiumi i projektuar nga Marko Kazamonti është kthyer në një destinacion turistik”.

 

Faksimile e Forbes

“Forbes” e pyet Dukën edhe për suksesin e kombëtares shqiptare, që arriti finalet e Euro 2016-ës, dhe kuptohet që presidenti e quan si kulmin e tij dhe të ekipit përfaqësues. Nga gazetari italian Alesandro dal’Onda nuk mund të mungonte pyetja për dinastinë e trajnerëve italianë në kombëtare, sidomos për De Biazin dhe Rejën.

Duka nuk ngurroi ta cilësonte shkollën italiane të trajningut si më të mirën në botë, ndonëse në kombëtare ishin edhe Dosena e Panuçi, gjithashtu nga Italia, por që u larguan pa lënë gjurmë. Një nga pikat më të rëndësishme të intervistës për “Forbes” ishte theksimi i projektit të Federatës për të ndërtuar 100 fusha futbolli në të gjithë Shqipërinë, projekt që sipas burimeve në institucionin e futbollit është dërguar në qeveri, por nuk ka marrë përgjigje.

“Në Shqipëri ka shumë më tepër fëmijë që merren me futboll sesa fusha futbolli”, – ishin  fjalët e Dukës. Ai e cilëson si projektin më të rëndësishëm, ndonëse me gjasë i vonuar pasi kriza e infrastrukturës në Shqipëri ka dekada që ekziston, ndërsa nuk dihet nëse Federata do të ushtrojë presionin e duhur dhe qeveria do të ketë ndjeshmërinë e duhur për ta realizuar me sukses. /abcnews.al

 

copper-1280x853.jpg
ad min17:32 | 03/02/2020

Kukësi ka prezantuar ditën e sotme sulmuesin Godberg Ccoper, i cili ishte zyrtarizuar në ditën e fundit të merkatos. Afrikani me pasaportë italiane ka mbërritur në kryeqytet dhe verilindorët njoftojnë se kanë firmosur për 18 muaj me sulmuesin.

“Sulmuesi i ri i Kukësit, Godberg Cooper është prezantuar zyrtarisht ditën e sotme. 22-vjeçari që kishte firmosur kontratë pak ditë më parë, sot është prezantuar nga drejtori sportiv Nderim Nexhipi. Ai ka firmosur një kontratë 1.5 vjeçare dhe pritet të jetë një element shtesë për skuadrën tonë.

Cooper do të zhvillojë nesër stërvitjen e parë me skuadrën tonë, pas aventurës me Schafhausen në kampionatin zviceran! Suksese Cooper! Paç suksese me fanellën e Kukësit”, shkruan klubi i Kukësit në njoftimin e bërë në rrjetet sociale.


KOMENTET – Cooper nuk është se ka shkëlqyer aty ku ka qenë, por kemi të bëjmë me një lojtar të ri që tenton të gjejë veten në Superiore. Për sulmuesin u shpreh skeptik edhe trajneri Shpëtim Duro, për shkak të minutave të pakta që ka pasur dhe ndryshimit të shpeshtë të skuadrave. Komentet për të në faqen zyrtare të klubit janë të pakta, por pikante. /abcnews.al

Komentet e tifozëve në faqen e Kukesit
ballistet.jpg
ad min16:21 | 29/01/2020

Ka polemika në Maqedoninë e Veriut dhe në Serbi, pas vendimit të tifozëve të Shkëndisë së Tetovës për të përkrahur Kosovën në ndeshjen e “play off”-it në Euro 2020. Kosova luan pikërisht ndaj Maqedonisë së Veriut në 26 mars në Shkup.

Jetojnë në një shtet, por janë jo pak të ndarë. Tifozët e Shkëndisë së Tetovës, të njohur me emrin Ballistët, kanë vendosur prerë se në krah të kujt do të jenë në 26 mars, kur Maqedonia e Veriut të presë Kosovën në Shkup, në gjysmëfinalen e “play off”-it për në Euro 2020.

Tifogrupi nuk pati asnjë dyzim kur deklaroi hapur në rrjetet sociale se do të shkonte në Shkup për të përkrahur Kosovën, në vijim të misionit për të luftuar për shqiptarinë. Në deklaratë nuk mungoi theksimi racist kundër sllavëve, diçka që përfshin maqedonasit e veriut, por edhe serbë, malazezë, kroatë, bullgarë, çekë apo rusë.

Nuk mungoi reagimi, sidomos në mediat serbe, por padyshim edhe në ato maqedonase. “B92” nga Beogradi shkruan se shqiptarët do të mbështesin Kosovën në mes të Shkupit, duke theksuar se “bashkimi bën fuqinë”.

Edhe media tjetër serbe, “Lajmet 66 vjet”, thekson se lajmërimi i Ballistëve shkakton incident dhe se ata do të jenë në stadium bashkë me grupimin “Dardanët” nga Kosova, ndërsa biletat me gjasë do t’i marrin nga Federata e Futbollit e Kosovës.

Sipas medias së Maqedonisë së Veriut, “Sloboden Peçat”, tifo grupi shqiptar i Shkupit, me emrin “Shvercerat”, nuk do të përkrahin në mënyrë të organizuar Kosovën, por tifozët mund ta bëjnë këtë në mënyrë individuale ose në grupe. Kjo nuk është diçka e re dhe nuk bëhet vetëm nga shqiptarët.

Pak muaj më parë, hendbollisti i Vardarit, Stojançe Stoilov braktisi ceremoninë e sportistit më të mirë të Maqedonisë së Veriut, duke u ndjerë i turpëruar dhe i ofenduar sepse disa nga pjesëmarrësit fitues aty folën në gjuhën shqipe. Stoilov është nga ata që nuk kanë pranuar ndryshimin e emrit dhe e quan vendin e tij thjesht Maqedoni.

Kosova do të luajë ndaj Maqedonisë së Veriut në stadiumin “Toshe Proeski” të Shkupit në 26 mars, në një gjysmëfinale të vetme, dhe fituesi luan finalen ndaj fituesit të çiftit tjetër, Gjeorgji-Bjellorusi në 31 mars, për një vend në fazën finale të Euro 2020-ës. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono