Audiopërgjimi, PD publikon dëshminë e bashkëpunëtorit X

16:37 | 17/05/2018

Partia Demorkatike ka publikuar videon e plotë të dëshmitarit të inçizuar në audio-përgjimin e publikuar nga kjo forcë politike vetëm pak ditë më parë ku pretendohet regjistrimi i vëllait të ministrit të Brendshëm, Fatmir Xhafaj, në një bisedë, ku organizohej trafikimi i narkotikëve jashtë Shqipërie.

Partia Demokratike ka publikuar me zë dhe figurë dëshminë e të ashtuquajturit “Dëshmitari X” në audio-përgjimin e publikuar nga kjo forcë politike duke akuzuar vëllain e ministrit të brendshëm Fatmir Xhafaj për organizimin e trafikimit ndërkombëtar të narkotikëve, vepër për të cilën është dënuar në vitin 2002 me 7 vjet e 2 muaj burg nga gjykata italiane. 51 vjeçari Albert Veliun dëshmon për vërtetësinë e zërave të publikuar nga selia blu duke shpjeguar edhe arsyen që e shty drejt marrëveshes për trafik narkotikësh vetëm 4 muaj më parë.

“Para 6 muajsh, 5 muajsh i kërkova të më bënte një nder për të hedhur barishte për itali. Hashash”. Isha në gjendje të keqe ekonomike dhe e vura në provë. Dhe që u bë gjithçka gati kur u bë rruga nuk e çova deri në fund sepse desh kam vdekur dy herë me këtë histori, e provokova sepse më la në baltë”.

Hatërmbetjen e arsyeton me shoqërinë që thotë se ndante me Agron Xhafajn kur shpërndante drogë në itali për grupin e vëllait të ministrit të Brendshëm.

“Në 2000 punova me grupin e Agron Xhafajt , shisja kokainë në Itali. U kapa me 12 kile kokainë në Pescara, apeli ma la 8 vjet, një vit mu ul ngela7 vjet. Nga Agroni më mbeti qejfi se kur më futën në burg nuk më solli një paketë cigare. Kur dal nga burgu kthehem në Shqipëri e takoj dhe më ofron punë për djalin, kamarier”.

Sa i përket audio-përgjimit, Veliu deklaron se ai nuk është burimi e për këtë refuzon edhe mbrojtjen e krimeve të rënda.

“Brenda gjysmë orë që kishte dalë përgjimi dhe shoku i ngushtë i Agronit, pronari i djalit më tha është zëri yt. I kishte shkuar shefi i krimeve te puna, Alketi i ka bërë presion. Të më vijë shefi i krimeve i them për çfarë të më mbrojë? Nuk ka dalë emri im. Pse të më mbrojë mua ai”.

Partia Demokratike edhe gjatë seancës parlamentar denoncoi presionin e bërë nga policia dhe prokuroria sipas tyre ndaj vetë dëshmitarit veliu por edhe opozitësë, si pjesë të planit Rama-Xhafaj për të shpëtuar vëllain por edhe vetë ministrin e brendshëm përmes shkatërrimit të provave. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono