Asocacioni i komunave serbe/ Lunaçek: Nuk do të ketë mandat ekzekutiv

13:24 | 16/04/2018

Sipas ish-raportueses për Kosovën në Parlamentin Europian, Ulrike Lunaçek, asocacioni i komunave serbe në veri të Mitrovicës nuk do të ketë një mandat ekzekutiv. Në një intervistë për mediat kosovare, ajo theksoi se qeveria e Kosovës duhet të prezantojë sa më shpejt propozimin e saj për këtë asosacion.

Ish-raportuesja për Kosovën në Parlamentin Evropian, Ulrike Lunaçek, në një intervistë për mediat kosovare u shpreh se qeveria e Kosovës duhet të prezantojë një propozim për Asociacionin e komunave me shumicë serbe, por Asociacioni nuk do të ketë mandat ekzekutiv.

Ajo po ashtu ka thënë se Serbia nuk do të mund të bëhet anëtare e Bashkimit Europian pa pranuar pavarësinë e Kosovës. Lunaçek, shtoi se qeverisja lokale dhe bashkëpunimi midis komunave duhet të jetë i pavarur nga përkatësia etnike e popullsisë.

Gjatë kësaj interviste ish-nënkryetarja e Parlamentit Evropian foli edhe për marrëdhëniet mes Serbisë dhe Kosovës në rrugën e integrimit evropian të të dyja vendeve.

Sipas saj, asnjë qeveri e një shteti anëtar të BE-së nuk do të jetë e gatshme për të pranuar një shtet tjetër me kufij të paqartë në Bashkimin Evropian pas pranimit të shtetit të ndarë të Qipros më 2004-n dhe për këtë arsye duhet të ketë njohje të Kosovës nga Serbia.

Ajo tha se do t’i pëlqente që gjashtë shtetet e Evropës juglindore të pranoheshin në të njëjtën kohë në BE, sepse sipas politikanes austriake kjo do të eliminonte rrezikun e bllokadave të ndërsjellta në procesin e anëtarësimit./abcnews.al




Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono