Artan Hoxha: Shkodra është futur në skemën e vrasjeve me klering

22:16 | 01/04/2019

Gazetari Artan Hoxha në emisionin “Byro Politike” ka folur për ekzekutimin e dy vëllezërve Bilali në Shkodër. Ai është shprehur se tashmë në Shkodër nuk kemi thjesht një konflikt mes dy grupeve rivale, por sipas tij situata ka hyrë në ciklin e gjakmarrjes.

“Situata për fat të keq nuk është ajo që të gjithë do të donim të ishte. Sigurisht nuk është një situatë që ka nisur dje apo pardje. Por ky seria vrasjesh në Shkodër ka një zanafillë. Ngjarjet e fundit ishin ngjarje të paralajmëruara. Unë nis nga ngjarja e 15 Korrikut për shkak të zhvillimeve që ka pasur në Shkodër. Megjithatë ngjarja që e nisi serinë e vrasjeve ishte ngjarje tek festa e Policisë së Shtetit më 13 Janar. Ndërsa drejtori i policisë së qarkut dhe kryetarja e bashkisë ishin në ceremoni për festën, një shpërthimi i fuqishëm i cili ishte një akt i mirëfilltë terrorist dhe vetëm fati bëri që të mos kishim një numër të madhe viktima njerëzore.

Patëm shumë të plagosur por për fat të mirë nuk pati të vdekur. Ajo është një ngjarje që pati një zhvillim pas për shkak të përfshirjes dhe intensitetit të hetimeve. Është një ngjarje pothuajse e zbuluar tërësisht sepse ka një numër të madh të arrestuarish, dihet kush janë ekzekutorët, dihet kush janë ndihmësit. Pak a shumë ka një orientim se kush janë porositësit. Pra është e kompletuar si ngjarje. Shkodra pati një situatë nga Prilli deri në 15 Korrikun e viti të kaluar një situatë qetësie për shkak të një marrëveshje dhe një pakti që pati mes dy grupeve kryesore. Por në mesnatën e 15 Korrikut ku u ekzekutua panë pallatit të vet ish-polici Boran Bërçana dhe bashkëjetuesja e tij Silvi Ndoci që aty e pas patëm një eskalim të menjëhershëm të situatës.  Sot ne dëgjomë kryetaren e bashkisë që thotë se jam e kërcënuar dhe po e pohon, por ajo nuk është kërcënuar sot por është kërcënuar edhe më parë por nuk ka folur. E rëndësishme është që janë ndërgjegjësuar të gjithë njerëzit atje.

Deri tani ngjarjet në Shkodër kanë një logjikë dhe prandaj po i quajmë seria dhe janë pak e shumë drejt të njëjtit skenar, prandaj i kemi këto ngjarje pa autor. Unë nuk e quaj të pamundur që të zbulohen por mendoj se duhet të ishte i njëjti angazhim sikurse ndodhi pas ngjarjes së 13 Janarit në mënyrë që efekti të ishte ai që duhej. Më 5 Shtator të vitit të kalaur dhe më 23 Shtator kemi pastur dy operacione të forcave speciale të shkuara nga Tirana atje. Për herë të parë forcat RENEA ndërhynë në të dyja lagjet Dobraç dhe Kiras, ku janë vëndqëndrimet e dy grupeve kryesore atje.

Të gjitha ngjarjet që kanë ndodhur deri më tani në Shkodër dhe prandaj është kjo atmosferë rëndë në atë qytet dhe komuniteti nuk përfshihet në atë histori dhe kemi grupe të ndara qartazi ëhstë për shkak se dihet se kush është pas këtyre ngjarjeve. Dihet kush është i interesuar që të ndodhin këto ngjarje dhe duket kush është organizator apo porositës i këtyre ngjarjeve. Dhe pastaj ngelemi të gjejmë ekzekutorët të cilët nuk janë gjetur.

Por Shkodra ka futur në skemë tjetër në krim në Shqipëri, kryesisht në skemën e vrasjeve me klering. Pra me vrasës që vijnë nga vende të tjera jo vendali, në Shkëmbim të vrasave po nga Shkodra që shkojnë që shkojnë për të bërë llogari të grupeve të tjera në zona të tjera. Krimet më të vështira për t’u zbardhur janë krimet që nuk kanë një logjikë.

Me dy vrasjet e fundit kemi edhe një problem tjetër. Tashmë kemi hyrë në ciklin e gjakmarrjes. Pra nuk kemi thjeshtë konflikte të grupeve kriminale rivale por kemi edhe gjakmarrje”./abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono