Arrestohet nga policia Stresi

21:31 | 17/10/2018

Reperi i njohur shqiptar, Stresi, është arrestuar nga Policia e Tiranës mbrëmjen e kësaj të mërkure.

Në një njoftim për mediat, policia ka deklaruar se Arkimed Lushaj ishte anëtar i një grupi kriminal që operonte në Tiranë në trafikun e narkotikëve dhe krimeve kundër personit. Arrestimi i 31-vjeçarit vjen pas hetimeve disa mujore pikërisht ndaj këtij grupi.

Lushaj u kap në një hotel në Linzë dhe iu sekuestruan një sasi e vogël kokaine, një pistoletë dhe 12 fishekë 7.65 mm.

Kjo nuk është hera e parë që këngëtari futet në telashe me uniformat blu. Më 13 Prill të këtij viti, ai u arrestua në një lokal në Tiranë pasi sëbashku me disa persona të tjerë u kap duke konsumuar lëndë narkotike.

Ndërkohë në vitin 2012, ai u arrestua gjatë kohës, që po dilte nga një lokal nate, pasi me vete kishte një pistoletë pa leje.

Gjithashtu në Janar të 2015-s, Stresi u arratis nga komisariati i policisë nr. 3 në Tiranë. Për këtë ngjarje u hetuan disa policë për mosveprime, ndërsa vetë këngëtari u shpalls në kërkim. Atëherë ai ishte ndaluar pasi kishte shkelur rregullat e qarkullimit rrugor duke i dhënë makinës në gjendje të dehur. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono