Arrestohet në Pragë lideri i kurdëve , Turqia kërkon ekstradimin

16:32 | 25/02/2018

Një udhëheqës i lëvizjes kurde është arrestuar në Pragë pas një urdhër arresti të kërkuar nga Turqia.

Saleh Muslim, ish-drejtuesi i lëvizjezs siriano-kurde, Partia e Bashkimit Demokratik (PYD), u arrestua mëngjesin e së dielës.

Ministria turke e Drejtësisë tha se kanë nisur procedurat për ekstradimin e Muslim.

Turqia e sheh atë si terrorist dhe kishte ofruar 1 milion dollarë për arrestimin e tij.

Ai është akuzuar mbi një sulm me bombë në Shkurt të 2016-s në Ankara, ku mbetën të vdekur 37 persona.

“Sapo zbuluam që personi në fjalë ishte në Republikën Çeke, u kërkua menjëherë që të bëhej kapja në mënyrë që të ekstradohej”, shkruhej në një deklaratë të ministrisë.

Ankaraja e shikon PYD si një nëndegë të grupit të armatosur kurd, PKK.

Aktualisht, Turqia ka ndërmarrë një fushatë ushtarake kundër luftëtarëve siriano-kurdë në rajonin e Afrin, në veri të Sirisë./abcnews.al





Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono