Policia e Vlorës ka arrestuar të plagosurin e atentatit me eksploziv, sepse i gjetën pistoletë në makinë. Kurse lidhur me hetimet,mesohet se Ines Hajrullës më parë i janë vrarë dy kushërinj, një në Lungomare dhe një tjetër në Durrës .
Inez Hajrulla po kalon orë të këqija në spitalin e Tiranës, aty ku dhe i kanë prerë të dy këmbët.
Por policia komunikoi arrestimin për të.
Në njoftimin zyrtar thuhet se në mjetin tip “Jeep” mjet të cilit ju vendos dhe shpërtheu lënda eksplozive, në sediljen e shoferit u gjet një çantë supi brenda së cilës kishte një armë zjarri pistoletë tip ”Glock”, me fishek në fole dhe 17 fishekë në krëhër.
Inez Hajrulla, shton policia është shtetas me precedentë të theksuar kriminalë si edhe i dënuar më parë për disa vepra të ndryshme penale në fushën e krimeve kundër personit, vjedhje me dhunë dhe trafikim të mjeteve motorike.
I njëjti informacion zyrtar thekson se një vit më parë ky person është arrestuar po për të njëjtën vepër penale, atë të: ”Mbajtjes pa leje të armëve luftarake dhe e municionit”.
Zyrtarisht policia ende nuk ka folur për ndonjë pistë hetimi, por burime të ABC News treguan se 25 vjeçari Hajrulla, është i afërm me Renato Imerin i vrarë në datë 31 korrik pranë një lokali në Lungomare.
Gjithashtu ai është kushëri edhe Endri Çaushit i vrarë në Durrës para dy vitesh.
Të dyja këto ngjarje i janë bashkangjitur dosjes së hetimeve, për të mësuar nëse atentati ka lidhje apo jo me këto dy vrasje.
Shpërthimi në të cilin mendohet se u përdorën 300 gramë tritol, ndodhi mëngjesin e së hënës pranë degës së Sigurimeve Shoqërore, në lagjen ”Hajro Çakërri”, tek Bishti i Kalldrëmit. Makina lëvizi 70 metra dhe më pas u godit me një tjetër automjet të parkuar në zonë. /abcnews.al
https://youtu.be/WTRtZ758Z8U
