Arrestohen dy doganierë në Goricë, kaluan kontrabandë 1.3 ton fasule

10:55 | 08/07/2018

Arrestohen dy doganierë në pikën e kalimit kufitar në Goricë. Gentian Keco, 34 vjeç, nga Babani i Devollit dhe Hektor Marino, 39 vjeç nga Korça u ndaluan në flagrancë nga blutë e krimit ekonomik-financiar të Korçës, me akuzën për shpërdorim detyre.

Ata dyshohet se kanë lejuar kalimin në tokën shqiptare, të një sasie prej 1.3 ton fasule kontrabandë, pa ia nënshtruar kontrollit e procedurave doganore.

Bashkë me doganierët, në pranga ka rënë edhe Petre Mitre, 27 vjec, nga Gollomboçi i Pustecit, që kishte në automjetin e tij Wolksvagen me targa Maqedonie, 1.3 tonë fasule, të cilat u sekuestruan në cilësinë e provës materiale.

Materialet i kaluan Prokurorisë të Rrethit Gjyqësor Korçë për veprat penale “Kontrabanda me mallra të tjera” dhe “Shpërdorimi i detyrës”. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono